عالم الحياة الزوجية - منتدى

ســآره · 24-09-2009, 21:21

السلام عليكم ورحمة الله وبركاته

ترددت كثير قبل ما اطرح موضوعي هني وتمنيت لو انه فيه معرف عام يقدر يستخدمه جميع الرواد هني عشان يطرحون مشاكلهم بدون حرج

امم انا بنت جامعيه
تعرفت على بنت معايه فمحاضره من محاضرتي
وصرت زميله لها
بعد فتره مب طويله لاحظت عليها تصرفات ما حبيتها
بدت الفاظها تصير **** يعني الفاظ مب حلوه .. خايسه
وبدت تتكلم فمواضيع استحي اسمعها
وانا من النوع اللي على طول ويهي يحمرر اذا انحرجت واذا تكلمت فهالمواضيع اسكت وما اعلق عليها
فهي لاحظت هالشي واصطلبت شوي

بس عقب صار الوضع اسوء
بدت تعلق عليه تعليقات مادري كيف
حسيتها واحد من الشباب
تتغزل فعيوني ولاتتغزل فجسمي ماخلت شي !!
او مثلن تراويني صور لها وهي لابسه فستان عاري وتقولي شو رايج اغريتج !!
صارت تقترب مني بطريقه مقززه !!
ع الرغم انه انا بنت محجبه وما اروح الكليه وانا متكشخه
يعني حاشمه نفسي
" ع فكره هي خطبتني لاخوها بس رفضنا وانا وقتها قلت يمكن ظلمت البنت مستحيل تخطبني لاخوها لو كان فنفسها شي لي بس حركاتها تقول العكس !! "

بصراحه قبل صار لي مثل هالموقف
بنت كانت ادور حولي وتسال عني كل حد واطرش لي هدايا واهداءات وخرابيط
بس انا حقرتها والحمد لله الله ابعدها عني

لا تقولون انا بنت مب متستره او اعرض نفسي
انا الحمد لله خايفه ربي

وشكلي والله طفولي حتى ربيعاتي يقولون اذكرهم برسوم الإنمي

انا الحين صرت اخاف واتهرب منها
بس رقم موبايلي عندها واصلن هي معايه فنفس الكلاس
ماصرت اعرف شسوي

انتو ماشاء الله كبـآر وفاهمين يا ليت تقولون لي شسوي مع هالبنت .. ترى هي لصقه الله يهداها

غالي ومكانه عالي · 24-09-2009, 21:29

السلام عليكم
ابعدي عنها وخلاص خلصت القصة ولا شافت منك الصد
ماراح تقرب ناحيتك وبس
وبعدين امر منتشر بين البنات ظاهرة العصر
ولو ماشافت منك تجاوب راح تبعد
وبعدين اكسبي فيها أجر وعطيها قصص عن الاعجاب بين البنات
وبعدين لاتظني فيها ظن سؤ يمكن مايطلع صح وحركاتها عفويه
الله يعينك . بالتوفيق .

!!..رعبوب..!! · 24-09-2009, 21:31

والله شوفي بصراحه .. يعتمد على جراءتك انتِ

اقولك مثلااا غيري مكانك بالاكلاس اذا قدام صيري في الاخير وخليها مكنهااا
لاا تتكلمي معها بشكل منفرد يعني لاتعطيها فرصه انها تجلس معك لوحدك
عادي اجلسي معها لكن بوجود ربيعتاكم .. اذا جت جلست معك وانت واحدك
استاذني وقولي بروح اجلس هناك في مكان ثاني هي تفهمها او قولي بروح
اخلص شغل واجلسي مع ربيعه تعرفين انها كويسه ..؟!

واذا مسختهاااا معك سوي مثل الطريقة حقتي (( اقول للشخص نفسه اذا يتكلم معي بعد رد السلام الرجاء خلاص .. لاتتكلم معي ولا بتكلم معك ... سالني شو فيه ... مافيه شي بس كذا .. ياخي مابي اتكلم معك مو فرض المساله وخلاص خلنا محترمين مع بعض وانتبه لحالك ))

والله اذكر سويتها مع واحد مثل كذا اذكر الحمدلله مشت الامور والى يومك هذا مرتاح منه ... بعد مدري هو من الناس اللى عايشين ولا لا .. ؟!

قحطاااني ماااركه · 24-09-2009, 21:32

الله وعلم عن حركاتها وش تقصد؟

لازم تتاكدي وياليت تجارينها شوي عشان تبين لك نيتها اكثر

بعد كذا انتي تحددي الاستمرار معها او تركها

تحيااااتي

!!..رعبوب..!! · 24-09-2009, 21:43

اي صح نسيت اقولك في بعض البنات عربيجات لا اسلوب ولا هذي ولا هذيك هي بطبيعتها تحس انها ولد وتصرفتها ولد مو مشكله ممكن .... تكون نيتها مو كويسه .. .؟!
لكن مهما كان نيتها انتبهي انك تجلسين بمكان خلوه معها او اللى مثلها .. ؟!

white heart88 · 24-09-2009, 21:44

المفروض من الاول من لما شفتي كلامها هيك ما تخجلي وتسكتي
المفروض لو مرة حكيتي معها بشكل حاسم انه عيب وهالحكي مو انتي اللي بتسمعيه وانك ما بتقبلي هيك
ساعتها بتبين لو نيتها عاطلة حتعرف انه ما في امل منك وتبعد
اما لو البنت مو قصدها النية العاطلة رح تتأسف و تبينلك انه مو قصدها
حاولي انتي
لو اجت بيوم و حكت شي من هالنوع معك عصبي كتير و فهميها انه خلص ما رح تتحملي هيك حكي مرة تانية

woman · 24-09-2009, 21:52

هذه الامور تخوف كثير
لكن انت لا تعطينها وجه ولا تكونو مع بعض لوحدكم
واذا مسجت لك لاتردين , صرفيها
اجلسي بالمكتبة , المصلى , شاركي بالانشطة اللي تقوم بها الكلية
الله يعينك

إحســــــاس · 24-09-2009, 21:52

حطي لنفسك خطوط عريضه وحمراء محد يقدر يتجاوزها,,

خليكي دايما في وسط صديقاتك اللي انتي مرتاحه معاهم,,لاتبعدين عنهم الا وقت رجعتك للبيت,

حاولي انك تكوني معاهم وسط التجمعات ,, يعني بالكافتريا مثلا

@قصيده شجن @ · 24-09-2009, 21:59

حبيتي انا اشووف ان الحل الامثل انك تتجنبين هالبنت ,,سواء كانت نيتها حلوه ولا مو حلووه.
هي مجرد زميله ما رتحتي لها مو مجبوره تمين معها.

العمده · 24-09-2009, 22:05

الحل الوحيد العبد عنها

ســآره · 24-09-2009, 22:39

اقتباس:

المشاركة الأصلية كتبت بواسطة غالي ومكانه عالي

السلام عليكم
ابعدي عنها وخلاص خلصت القصة ولا شافت منك الصد
ماراح تقرب ناحيتك وبس
وبعدين امر منتشر بين البنات ظاهرة العصر
ولو ماشافت منك تجاوب راح تبعد
وبعدين اكسبي فيها أجر وعطيها قصص عن الاعجاب بين البنات
وبعدين لاتظني فيها ظن سؤ يمكن مايطلع صح وحركاتها عفويه
الله يعينك . بالتوفيق .

احاول ابعد عنها بس اقولج هي معايه فالكلاس كل ما شافتني نادتني
وتتصل عليه واطرش لي مسجات
وانا الحمد لله دايم اقدم ظن الخير فالناس
انا اعرف هالبنت من الكورس اللي طاف
يعني صار لي معاها 4 اشهر !!
وكنت دايم اقول يمكن حركاتها عفويه
بس السـآلفه مصخت !!

يعطيج العآفيه ع ردج
والله يعين الجميع

ســآره · 24-09-2009, 22:48

اقتباس:

المشاركة الأصلية كتبت بواسطة *{غَيثْ}*

والله شوفي بصراحه .. يعتمد على جراءتك انتِ

اقولك مثلااا غيري مكانك بالاكلاس اذا قدام صيري في الاخير وخليها مكنهااا
لاا تتكلمي معها بشكل منفرد يعني لاتعطيها فرصه انها تجلس معك لوحدك
عادي اجلسي معها لكن بوجود ربيعتاكم .. اذا جت جلست معك وانت واحدك
استاذني وقولي بروح اجلس هناك في مكان ثاني هي تفهمها او قولي بروح
اخلص شغل واجلسي مع ربيعه تعرفين انها كويسه ..؟!

واذا مسختهاااا معك سوي مثل الطريقة حقتي (( اقول للشخص نفسه اذا يتكلم معي بعد رد السلام الرجاء خلاص .. لاتتكلم معي ولا بتكلم معك ... سالني شو فيه ... مافيه شي بس كذا .. ياخي مابي اتكلم معك مو فرض المساله وخلاص خلنا محترمين مع بعض وانتبه لحالك ))

والله اذكر سويتها مع واحد مثل كذا اذكر الحمدلله مشت الامور والى يومك هذا مرتاح منه ... بعد مدري هو من الناس اللى عايشين ولا لا .. ؟!

اقتباس:

المشاركة الأصلية كتبت بواسطة *{غَيثْ}*

اي صح نسيت اقولك في بعض البنات عربيجات لا اسلوب ولا هذي ولا هذيك هي بطبيعتها تحس انها ولد وتصرفتها ولد مو مشكله ممكن .... تكون نيتها مو كويسه .. .؟!
لكن مهما كان نيتها انتبهي انك تجلسين بمكان خلوه معها او اللى مثلها .. ؟!

اذا بتعتمد على جرآءتي عيل خربت السـآلفه هههـ
ياغيث منو قال انا يوم ادخل الكلاس اقعد حذالها !!
بس شو الفايده
هي ساعتها بتاخذ كتبها وبتغير مكانها حذالي ولا بتناديني بصوت عالي فالكلاس ساااره تعالي هني معايه
وطريقتك مع ربيعك للأسف ما اقدر اسويهـآ

تسلم ع نصآيحك وان شاء الله بحاول اقوي ويهي شوي وعل وعسى

ســآره · 24-09-2009, 22:50

اقتباس:

المشاركة الأصلية كتبت بواسطة قحطاااني ماااركه

الله وعلم عن حركاتها وش تقصد؟

لازم تتاكدي وياليت تجارينها شوي عشان تبين لك نيتها اكثر

بعد كذا انتي تحددي الاستمرار معها او تركها

تحيااااتي

ما اقدر اجاريها اكثر عن جيه اخويه
اخاف ع نفسي انا !!

ســآره · 24-09-2009, 22:56

اقتباس:

المشاركة الأصلية كتبت بواسطة white heart88

المفروض من الاول من لما شفتي كلامها هيك ما تخجلي وتسكتي
المفروض لو مرة حكيتي معها بشكل حاسم انه عيب وهالحكي مو انتي اللي بتسمعيه وانك ما بتقبلي هيك
ساعتها بتبين لو نيتها عاطلة حتعرف انه ما في امل منك وتبعد
اما لو البنت مو قصدها النية العاطلة رح تتأسف و تبينلك انه مو قصدها
حاولي انتي
لو اجت بيوم و حكت شي من هالنوع معك عصبي كتير و فهميها انه خلص ما رح تتحملي هيك حكي مرة تانية

لو كنت اقدر اعصب عليها واصارحها جان انحلت من زمان وما اطريت اتهرب منها واطرح مشكلتي هني
ما اقدر اواجهها
شخصيتي مب قويه جيه للأسف =(

وتسلمين فديتج

ســآره · 24-09-2009, 23:01

اقتباس:

المشاركة الأصلية كتبت بواسطة *layla*

هذه الامور تخوف كثير
لكن انت لا تعطينها وجه ولا تكونو مع بعض لوحدكم
واذا مسجت لك لاتردين , صرفيها
اجلسي بالمكتبة , المصلى , شاركي بالانشطة اللي تقوم بها الكلية
الله يعينك

هيه والله تخوفـ
شو هالزمن بنات صاروا يتصيدون بنات =(
انا صرت ما ارد عليها اذا مسجت
بس تعالي سمعي العتاب اللي يصير يوم اشوفها
وحاليا انا احاول اروح او انشغل عنها باي شي
والله يعين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

يآليت تنصحونـي .. شسوي مع هالبنيه !