عالم الحياة الزوجية - منتدى

طعس متطور · 25-09-2009, 09:09

السلام عليكم ورحمة الله وبركاتــه
اخواني واخواتي انا عندي استفسار بسيط

انا ملكت قبل فترره
وانا ودي اسوي شبكــه لكن المشكله ان عندنا عادات من عصـر الجاهليه

عيب عليك تكلم البنت او تشوفها او تسوي هالاشياء < تخلف ياناس وياعالم بس وش نسوي

المهم ياشباب انا بسوي شبكه وراح اقنع الوالد والوالده بهالشي والامر بسيط

لكن انا حاب اسال وش الطريقه في تقديم الشبكه
وعادت الشبكه وش اللي اجيبه لهاا
ابي اي شي يخص الشبكه من حرف الـ أ الي حرف الـ ي

وسمعت ان فيه جهاز يقدم بس مادري وش طريقته ولا اعرف عنه اي شي
لان انا ماعندي خوات انا عندي بس 4 اعيال اخواني اللي يخليهم لي ويحفظهم ويوفقهم

ابي مساعدتكم فديتكم والله يااحلي منتدي واحلي عالم

وفاء حبيبي · 25-09-2009, 09:17

السلام عليكم..

عساك بخير..

اخوي انا بقول لك شئ كوول حيل واستانست فيه لمن تزوجت ويابو لي الشبكه..

شرو لي ورد احمر جوري و ساعه و دبله..

و كانو محطوطين في علبه حلوة اصغر من الشبكه الي هي عباره عن طقم كامل..

و طقم عطر ماركه شانيل وحيل حلوة ريحته..
اسمه كوكو شانيل..
وشانيل شانس يهبل..
وعطر بيور بويزن احلا بعد..

انت عاد شم و اختار على راحتك بس عطيتك العطور الحلوة الفرنسيه..

و يابو لي دهن عود اسمه جذاب من اجمل و ريحته حيل حيل مركزة..
وحلوة..

و كرت فيه الف مبروك..
بخط ايدينه وكلمه حلوة.. انت عاد اكتب على ذوقك..

اذا تبي اساعدك اهوه كاتب لي انت هدية عمري عسى الله لا يفرقنا.. الف مبروك و التاريخ والساعه الي كتبها فيها..

وحسيته حيل رومانسي.. ومسوي حركات راش عطره على الكراتين لدرجه اني لمن مسكت كل شئ لاصقه ريحته في ايدي..

وبس..

عسى الله يوفقكك..
ويسعدك..

soso wow · 25-09-2009, 09:19

سوري مافهمت اش تقصد بالشبكة انا الي اعرفوا الشبكة هيا الي تلبسوا خطيبتك وقت الشوفة يعني لما تعجبك تشبكها..
امالو كان قصدك الشبكة الي هوا اش تجيب وقت حفلة الملكة مدري فهمني عشان افهم ..

طعس متطور · 25-09-2009, 09:20

الاخت الغاليه : وفاء حبيبي
الله يعطيتس العافيه ويوفقك في حياتك الزوجيه
ويسخر لك زوجك

لكن هالعلبه : كيف تكون نوعها وهل يقدم فيها مبلغ مثلاً ؟
ولا بس عطر ودبله وورد ؟؟؟؟؟؟؟؟

وكيف طريقة تقديمه للزوجه
واذ لك موضوع اتمني تحطين لي الرابط عشان نستفيد
ويكتب لك الاجر يالاخت الغاليه

طعس متطور · 25-09-2009, 09:22

اقتباس:

المشاركة الأصلية كتبت بواسطة soso wow

سوري مافهمت اش تقصد بالشبكة انا الي اعرفوا الشبكة هيا الي تلبسوا خطيبتك وقت الشوفة يعني لما تعجبك تشبكها..
امالو كان قصدك الشبكة الي هوا اش تجيب وقت حفلة الملكة مدري فهمني عشان افهم ..

وين عايشه احنا ماعندنا شوفه !!!!!!!
الشوفه لامك وخواتك مع العلم ان ماعندي خوات

لكن امي اللي شافتها وامي تعرفها زين يعني مايحتاج تشوفها اساساً

انا اقصد بعد الملكـه انا ملكت عليها وخلصنا ولله الحمد قبل شهر تقريباً

لكن انا ودي اني اشوفها وتشوفني ونقعد وقت لو قيصر نسولف لبعض
ونشوف نفسيات بعض اكثر واكثر

طعس متطور · 25-09-2009, 09:47

up
up
up

soso wow · 25-09-2009, 10:03

ههههههههههههههه عجبتني وين عايشة ..عايشة في جدة بس الصراحة عندكم عادات تفجع..
يعني الحلال والحرام يصير على حسب العادات ..المهم ماعلينا
انا رائي تجيب لها سلسال وتعليقة تكون صغنطوطة بس الماس لاتتوقع انها مرا غالية تلقى تعليقات صغار بس الماس ومرررررررررررررررا حلوين تقدر تكون لابستها طوول الوقت .. ولو ماجبتلها دبلة جيب دبلة واكتب من ورى الدبلة اول حرف من اسمك واسمها طبعن في محل الذهب يسويها لك.. موضروري تتعب نفسك وتغلفها انت روح محل تغليف هدايا واشتري الي تبغاه وهوا يغلفها لك ..وجيب خشبة تكون حجمها وسط واكتب فيها عبارة تكون منك بس احفر عليها من عند المحل عشان تقدر تعلقها وتحطها في غرفتها وبسسس.. واللي قبلي ماقصرت ..

طعس متطور · 25-09-2009, 10:14

^^^^^^^^^^

الله يرجتس . اجل عايشه بجده
احنا عايشين بالرياض بس حجم التخلف واصل ميزانيته فوق المتوقع بنسبة 100 بالميه

تقبلٍ تحياتي

كحيلة العاديات · 25-09-2009, 10:33

يعني الحين شلون بتشوفها دام عندكم عيب
وبعدين متى الزواج؟

طعس متطور · 25-09-2009, 16:54

^^^^^^^^^6
عيب لان ربعنا متخلفين شوي
لكن راح اقنع امي تقنع اهلها عادي هي زوجتي
ومن حقي اشوفها وتشوفني ونقعد مع بعض

صاحب السمو · 25-09-2009, 19:57

هلابك اخوي
شف عاداتنا زي عاداتكم واكثر شدة بعد=من القصيم

المهم انت خذ رقم البنت من اخوها واذا رفض اصطرة وخله يدور الف دورة بمحله
ولاعيلك من العيب لانك اذا كنت مملك فانت زوجها ..
ولا بالمناسبات لاعياد الافراح ابد قابلها وبعلم من ابوها بعد لانها مو عيب والعيب اللي صاير هو تخلفهم
تحياتي يالغالي

ياليتني اخطب ويرفضون اهلها اشوفها قسم اسوي لهم سالفه ؟؟

كحلها سايل · 25-09-2009, 19:58

الله يسهل ..
بس لا تجهز الدوا قبل الفلعه ع قولتهم ..
اول شيء اسعى ع موافقة اهل البنت و اهلك .. و تاليها جهز اللي تبي تهديه لها ..
موفقين ..

مووووج 2 · 25-09-2009, 20:08

الله يوفقك ويسهل امورك وشبكتك

فيه محلات تعمل لك كل شي من الى يادوب بس تجيب الهدايا وهما يغلفونها ويحطونها لك في عربية

كاتمة اللوعه · 25-09-2009, 22:10

أخوي طعس

مبروووك بألاول

وشوف أنا اكثر وحده فاهمتك لأن

عاداتنا نفس عاداتكم

بس ابوي غير عن جماعتنا كلهم

اخواتي كلهم شافو بلملكه

ولبسوهم بس انا لآ

الحظ قصر معي ...

بس خيره يآرب^^^.

مع انه قال لأبوي انه بيقعد معي

بس ماصار لأنه ماطلب وصعبه
ابوي يسحبني لعنده يقول هذي مرتك.....^_^

أخواني مآكان عندهم أي اشكآل

بس مادري وش قصته ماطلب يشوفني...
؛_؛

تخيل بكيت وانقهرت بجد متجهزه وآخرتهامايطلب؛_؛

طلعنا عن موضوعك نرجع هههه

اسمع صح اني ماشفته ولاشآفني

بس جآب لي الشبكه وفرحت بها

جآب لي:
طقم ذهب كامل ونآعم يعني سنسآل+خاتم+اسواره+حلق
وعطر معآه وورد ومعطره بريحت عطره
وكان مغرق الهديه بريحت عطره هو
وحآط كرت كآتب بخط ايده مبروك يالغآليه

ياكبرفرحتي بهلهدية موت استآنست

صج اني بكيت لأني ماشفته بس طرت فرحه

وكل يوم افتح الهدية واقول
وآآآآآآآآآآآآآآآآآآآآآآآآو رومآآآآآآآآآآآآآنسي

واشم ريحته وربي بآقي ريحت عطره بلهديه

وبس اناظر بخطه مع انه خربوشي بس يازين هلشخموطه هههههههههههه

ادري بتقول وش دخل الرومنسية اقول يكفي يشممني ريحته حتى لو مآآآآآآآشفته

تعرف حنا يالبنآت نفرح بلهدية لوكآنت ايش يكفي انهامن طرفه++
نموت على الهدايآ^_^

صح نسيت اقولك شي مع الهدية تخيــــــل وش حآط مع الهديــــــه
مخده حمرا قلب وبهاريش
تجنن
مدري شلون جات باله هلهدية
مخده
تأكدت انه ++رومآنـــسـي++

نصيحتــــــــــــــــــي
دام انا نفس الحآله
حتى لوحآولت وماشفتهآ
فرح قلبــــــــهــــــا بهديــــــه
لازم تهدي عليــــــــــــها
اذاما اهديت عليها هلفتره متى بتهدي+++؟؟

وانا اختك توكل على الله وضبط لها

هديــــــــــــــــــــه...

وربي بتطير من الفرحه+++

وانت رآد علي بموضوعي حق المكآلمات والرسآيل والثقل
والله مدري شقصته++
بس بطنشه ^_*

***ودعوآتك لي تكفى***

Anneau de mariage · 25-09-2009, 22:19

متابعه
لاني ما اعرف فعاداتكم
عندي فضول اعرف...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ممكن مساعدة وخاصة البنات