عالم الحياة الزوجية - منتدى

دفى همسه · 26-09-2009, 05:26

بسم الله الرحمن الرحيم

يعني ماقلت المشاكل وان كانت هي سبب للكثير من المشاكل

اقصد الحاله الي انا فيها من رمضان

حياتي ممله كثيرويمكن الي زيي من البنات واااااااااجد

14 ساعه تقريبا لوحدي اطالع التلفزيون او النت

والباقي مابين زوجي والنوم

هو مايقصر يخرجني بشكل يومي يمكن مابين المطاعم والمقاهي و الاهل وغيرها

يمكن انا بطرانه وابي حد يوعيني على النعمه بس بجد 14 ساعه مو قليله

اخترعت بالبيت اشياء وخلصت وصرت فاضيه

افكر اخذ دورة تصميم بس احس ان مالي خلق للمذاكرة

المنتديات صارت ماصخه ومابه جديد

والتلفزيون ممل اكثر
مرات احط حرتي بالاكل والشرب شويه قهوة شويه شاي لين انغثيت
وش الي يغير حياتي او يرتبها شوي

دورت وظيفه مافي وش السواة

قلبي كله حنان · 26-09-2009, 05:38

اختي الفاضله والكريمه
دفى همسه

السلام عليكم ورحمة الله وبركاته

اسعد الله اوقاتك بكل خير

مثلك مثل ماتفضلتي كثير وكثير

ولكن المثل اللي تعلمناه ونحن صغار

ان الوقت مثل السيف ان لم تقطعه قطعك

يعني انتي تقولي 14 ساعه وقت طويل وممل لو قضيتيه في شي مفيد كان ماحصلتي وقت فاضي
يعني مثلا لو صحيتي من الصبح مثل اللحين

صليتي الفجر وبعدين جلستي تقري قرأن لين طلع النهار وبعدين صليتي الضحى ونمتي وصحيتي على الظهر وسويتي الغداء لزوجك وبعدين رتبتي البيت وجاء زوجك واستقبلتيه

وبعدين تغديتوا مع بعض وبعدين خش هو ينام وانتي كملتي شغل البيت من مواعين وتكنيس او تنضيف او غسيل
وبعدين دخل عليكي العصر وبعدين صليتي وصحيتي زوجك لصلاه وبعدين جلستوا تسولفوا شوي وبعدين خرجتوا او جلستوا تتابعوا برنامج مفيد ودخل المغرب صليتي وبعدين جلستي على النت شوي دخل العشاء صليتي وبعدين لو فيه طلعه مع زوجك خرجتي لو مافي سويتي جلسه رومنسيه مع شوية حلى او عصير توت

شايفه كيف توت
خخخخخخخخ
يعني مافي غير التوت عشان تعودنا عليه في رمضان صح في رمضان الناس تعودت على الفيمتو

المهم
وبعدها جاء وقت العشاء تعشيتي انتي وزوجك او خرجتوا مطعم ورجعتوا ودخلتوا تنامو عشان عنده دوام

وكذى تقضي يومك وباقي ايامك مثل كده مع التغير عشان لاتحسي بملل

لين ربي ان شاء الله يرزقك بطفل يملى بيتك ويشغل وقتك
والله وقتها ماعندك وقت انك تهتمي في زوجك لاصاروا اثنين او ثلاث اطفال

لاتستعجلي اختي دفى همسه

تقبلي مشاركتي

اخوكي

في الله

قلبي كله حنان

فطومه دوت كوم · 26-09-2009, 05:57

الدراسه تضيع الوقت وتسلي بعد

دفى همسه · 26-09-2009, 05:58

اهلا اخوي قلبي كله حنان

ماعرف ليش احس في تشابه بينك وبين الاخ الفاضل رواف !!!

بالنسبة للعصير التوت ماحبو

وتراني كتبت رد طويل وانحذف

مساله تقسيم الوقت مثل ماتفضلت فيه انت ممكن يكون هو روتيني في ايام محددة بس ارجع امل واغير نومي وامل والخ الخ

احس بتتعبون معي

الان عرفت ليش الحريم يخربون بيوتهم

اثاريهم من الفراغ والملل

الله يحمينا

الف الف شكر لك

دفى همسه · 26-09-2009, 06:01

اقتباس:

المشاركة الأصلية كتبت بواسطة فطومه دوت كوم

الدراسه تضيع الوقت وتسلي بعد

ياهلا بك والف شكر لك

انا افكر بس مالي خلق

ان اخذت دورة كم بتكون وان ماطبقتها بمل

زوجي يبيني ادرس تمريض

بس ماني زينه بالانجلش

لو حد عنده معلومه ياريت يخبرني

بحرينيــه · 26-09-2009, 06:15

حبيبتي انتي ساعدي نفسج بنفسج
يعني حتى حلولنا هنا على قولتج بنعجز لانج بتطلعي منها
طيب شنو تحسين انه ممكن يغير من حياتج شنو تبين زوجج
يسوي لج علشان تحسين بتغيير؟
شنو المطلوب منه علشان ما تملين وتخربين بيتج

ترى فعلا الملل يذبح بس لازم تفكرين بعقل لو كل من
ملت قالت بخرب حياتي من الملل بعدين بيجتمع لج الملل
والمشاكل وبتقفلين اكثر

خذي نصيحه مني وتعوذي من ابليس وحاولي فعلا تتعلمين
شئ تحبينه ومافيه دراسه مثلا خذي دورة مكياج تتسلين
ولا فيها دراسه او روحي نادي صحي اشتركي فيه وغيري جو

روحي عند اهلج وتونسي معاهم كم يوم

الله يعينج ويفرج همج

دفى همسه · 26-09-2009, 06:28

يابعد قلبي ياهل البحرين

ان شاء الله غلاتي مابخرب بيتي والله بيعيني ويسترني

الان فعلا بطلع لاهلي وان شاء الله ربي يسهلها

الف شكر لك

ربان المشاعر · 26-09-2009, 06:54

السلام عليكم اختي الملل صدقيني لانك مو مخصصه شي من وقتك لربك يعني اقرائي فران نصف ساعه يوميا وروحي لاهلك ساعه والا كلميهم ولا تحسسين نفسك انك فعلا فاضيه وعندك فراغ بالعكس حسسي نفسك انك مستانسه وتحمدي ربك على العافيه صدقيني الزهقان اللي مايقدر يقوم من مكانه والمسجون والمعاق والعانسه وغيرهم انت الله يوفقك مو ناقصك شي بس فكري وش تحبين وسويه وصدقيني لمى تكوني قريبه اكثر من ربك بتحسين بطعم الحياه احلى والله يفرج همك وانشاء الله تلقين حل بس سوي اللي قلت وتشوفين التغير

هلا باالجرح · 26-09-2009, 07:11

حبيبتي انتي احسن من غيرج لاهم متزوجات ولا يروحون ولا يجون ومابين اربع اطوف لا حب ولا اهتمام ولا حنان حياتهم كذاااا مجرد انهم ياكلون ويشربون ونت !!!!!!!!! وش تقولين عنهم ؟!

دموع كيوبيد ! · 26-09-2009, 07:27

حاولي تسافري لأي مكان مع زوجك وتغيري روتيين
الحياه كذا روتينيه وممله
وصدقيني حتى لو توظفتي بتملي وبتقولي تعبت ومافي وقت
اطلع ولا فيه وقت اجلس مع زوجي ..

الإنسان مايعجبه اي حـال من الأحوال
بس الله لايشغلنا الا بطاعته ..

حاولي تسافري وتغيري جوو ..

والله يرزقك الذريه الصاالحه والاطفال اللي يملوا عليكِ طفشك ..

موفقه

أختك

عاشق(الN) · 26-09-2009, 08:24

صدقيني مهما اقترحو عليك الاعضاء حلول
ماراح تلقين حل يريحك لان المسألة كلها
ملل في وقته ويروح وكلها كم يوم وتنسين
يعني وانا اخوك لاتكبرين المسألة براسك
وتتعبك صدق
وبعدين ابي قولك شي ترى هذا طبع بشري
عند الكل يعني شوفي اللي دواماتهم يوميا
وبعضهم فترتين تلقين عندهم انواع الملل
والتضجر من قلة الفراغ ولو جلسو من دون
عمل برضو يتمللون يعني الآدمي مايعجبة
حال ابدا

كـلـي حـركات! · 26-09-2009, 08:41

ماجوف ان في مشكلة ..بس اشغلي باشيا تفيدج

تبغين الصراحه انا ماطلع كل يوم .. وهب متزوجه وبااااااااجر المدارس .. والاجازة طويييييييييله ..

ختمت القرآن مرتين .. وباقيلي 200 صفحه واختمه بعد ..

والعام نفس الشي ختمته مرتين ..

يعنى بختمه 5 مرات : P
كلي حركات!

!!..رعبوب..!! · 26-09-2009, 08:54

نعمتان مغبون فيهم ابن ادام (( الصحة والفراغ ))
عندك فراغ 14 لحظي معي تضيع بين النت والتلفزيون
وبشكل مستمر .. يعني شي طبيعي اللى يصير بك .!
خلي عندك هوايات .. متنوعه ماتعرفي كلنا مانعرف .!
بس وش نسوي نجرب ونروح ونجي هنا وهناك ..؟!
محصلتي وظيفة سوي بزنس ..... اي شي مو شرط ..!
تسوينه على مستوى مشروع كبير او انه على ارقى
المستويات .. شوفي البزنس النسائي وش يختص فيه
ومو شرط انك تنجحي بيوم وليلة سنه سنتين ايش وراك
تعلمي التجارة فن .. ومهارة والخ .. ؟!
تعلمي مثل اللغه (( مو بيوم وليله تتخيلي نفسك انك تاصل التوب عادي مادام عندك وقت طقطقي وش وراك . ))
الدنيا مو طايرة ...
سوي النوافل ... ؟!
عادي لو تسوين رياضه اي شي .. ؟!

(( وهذا كله يحتاج ادارة الوقت والتنظيم والتريب ))
وبس يالله ماطول عليك
مع السلامة .؟!

منسدح بحوض نخله · 26-09-2009, 13:46

14 ساعة
ليش وين يكون زوجك وقتها؟
بعدين كل شي متوفر عندك لكن الراحه والطمأنينة باقيه وهي بذكر الله
والله يعينك
وعليك بالتسدح تحت النخل يوسع الصدر

وفي · 26-09-2009, 14:24

اشغلي وقتك بمساعدة الفقراء
والمحتاجين
وقضاء حواجهم
راح تشعري بسعادة ماتوصف
والله يديم عليك الصحة والعافية
وجميع المسلمين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

بجد ذبحني الملل