عالم الحياة الزوجية - منتدى

صاحب الحظ التعيس · 27-09-2009, 10:16

السلام عليكم ورحمة الله وبركاته

اخواني واخواتي اعضاء هذا المنتدى الغالي على قلوبنا

اشتكى لي صاحبي من مشكله يعاني منها من فتره

وانا لم استطيع حتى الان من ايجاد حل مناسب لمشكلته

اعطيته عدة حلول ولكن لم يقتنع بها واتمنى ان تساعدوني انتم على ايجاد حل لمشكلته

مشكلته متعلقه باهله واسرته وتحديداُ والده

صاحبي شاب يبلغ من العمر 24 سنه موظف بوظيفه محترمه وحالته الماديه ممتازه جدا

على دين وخلق وانسان يتصف باخلاق عاليه

قرر بيوم من الايام ان يتزوج ويكون اسره ويستقر .. ولكن تفاجاء للاسف الشديد برفض والده

عندما فاتح والده بالموضوع وطلب منه ان يخطب له من احد اقاربه رفض والده ولم يذكر اي سبب مقنع بالرفض

وذكر صاحبي وقال بانه طلب منه ان يخطب له من عائله اخرى ووجد الرفض من والده

وبعد محاولات عده وتدخل اقاربه بالموضوع رد والده وقال ( انت رجل واخطب لنفسك ) .

بصراحه هذا الشخص يمر بمشاكل نفسيه بخصوص هذا الموضوع

والله لن ازيد ولكن الولد تعب نفسياً ويمر بظروف صعبه .. انا اعطيته حلول كثير بعض الحلول نفذها ولكن لم يجد اي نتيجه ايجابيه .

وبعضها لم يقتنع فيها .

انا الان اطلب منكم ان تعطوني حل بخصوص هذا الموضوع

لاحد يقولي خلاص هو يتزوج من نفسه لان انا قلت له هذا الشي وبصراحه اقنعني

وقال انت ترضى تزوج اختك ولا بنتك لواحد ابوه رافض يجي معه

الناس مالها الا الظاهر بيقولون دام ابوك رفض يجي معك اكيد فيك عيب ومايبي يورط بنت الناس فيك

وانا بصراحه اعرف الولد من سنين واقسم بالله قمه قمه بالاخلاق والادب ومحافظ على صلواته وانسان بصراحه الكل يشهد له بالصلاح .. لكن بصراحه انا مستغرب من تصرف ابوه .

بقولكم شي جاء ببالي وانا اكتب الموضوع ويمكن لهذا السبب رفض ابوه

صاحبي هذا انفصلت والدته عن ابوه من سنين قريبه والسبب زوجة ابوه الي تزوجها على امه

وزوجة ابوه على حسب كلامه انها تكرهه وتكره اخوانه وخواته ومايسلم عليها ولا شافها من بداية مشاكلهم تقريبا من ثلاث سنوات

ممكن ابوه رافض انه يمشي معه عشان مايبي يزعل زوجته ..!

انا اقول كذا لان مافيه سبب واضح ولكن قد يكون هذا سبب وابي اكلم صاحبي واقوله هذا الشي يمكن يفيده ويوصله لحل ..

لو طلع فعلا هذي المشكله يحتال ويكسب رضاها فتره بسيطه لين يتزوج وبعد كذا يتركها ويرجع مثل ماكان ..

ولا وش رايكم انتم ؟

بانتظار الحلول منكم وان شاء الله تفيدوني

اتركم بحفظ الرحمن

ناعسه الهدب · 27-09-2009, 11:08

هلا بك اخوي صاحب الحظ التعيس
الله يكون بعونه يارب ويسهل عليه يارب
والله يصلح ويهدي سر ابوه ويسخره له يارب العالمين
طيب انا بسال وين امه (والدته ) الله يحفظها له ليش ماتخطب له ............
وبعدين يروح معه احد خواله او اعمامه اعتقد هذا افضل حل.................ومااعتقد روحه الاب او خطبته بتكون عائق ان شاء الله خاصه لاسالوا عنه الاهل ولقوه دين واخلاق
طمن قلب صديقك وانا اختك وان شاء الله ربي بيحلها وربي يجزاك عنه الف خير
الله يزوجه يارب ويغنيه بحلاله عن حرامه...............

صاحب الحظ التعيس · 27-09-2009, 11:18

هلا اختي ناعسه

مشكوره على تواصلك وردك

قلت له هالشي واعطيته هذا الحل

وقلت شوف امك وخلها تدور لك ووقت ماتلاقي الي تكون مناسبه لك

كلم احد اقاربك ويمشي معك ويتم الزواج

قال مستحيل يصير زواج وابوي رافض اكيد الاهل بيقولون وين ابوك واذا عرفوا بيرفضون

بحاول اقنعه بهذا الحل لعل انه يقتنع

ناعسه الهدب · 27-09-2009, 11:37

ليش يرفضون طيب..............
يجرب وان شاء الله مايصير الاكل خير ولا يصير خاطره الا طيب و مبسوط
او يكلم كبير العائله ويجي يقنع الابو اكيد ماراح يرده ان شاء الله طبعا هذا بعد مايلقى بنت الحلال <<< شالت همه وبدت تفكر باخلاص
بالتوفيق ياخوي صاحب الحظ التعيس
والله يزوجه يارب ويسهل امره

صاحب الحظ التعيس · 27-09-2009, 11:55

امين يارب الله يسهل امره ويوفقه

ومشكوره ياختي على اهتمامك

دمتي بصحه وعافيه

!!..رعبوب..!! · 27-09-2009, 12:12

شوف والله انا من قريت اول ثلاث سطور بخصوص رد ابو الولد على ابو الولد عرفت النتجيه والسبب اللى خلى ابو الوالد يرفض من غير ماتكمل باقي القصة .. ؟!

1- ابو الولد بخيل واذا انك تقول ابوه يسمع كلام مرته الثانيه على احساب ابناءه اذا ابوه مو رجل صراحه . ؟!

شف انا بعطيك حل ..: -

الحل الاول انكم تدورون له بنت الحلال او يدور له بنت الحلال .... وبعدهاااا يكلم ابوه ترى انا مستعد ابي اتزوج .. وابي اخطب بنت فلان واملك عليها .. .؟!

بالفتره هذي اجمع له انت او تسلف له او اذا عندك عشر الف ريال او خمس طعش الف ريال اعطه هالمبلغ (( وعساس انه يرده لك اذا هو يتعفف )) مافيه شي .. هذا المبلغ بس عشان يساعده انه يملك .. ؟!

اذا ملك يقدم على بنك التسليف وياخذ مبلغ (( 45000 )) الف اضن هذي تكفيه مهر .. ؟!

واذا انه تقول انه موضف ياخذ له قرض بقسط (( يساعده على انه ياثث له شقه ويستاجر شقه )) يعني خمسين الف .. ؟!

وبعدين يسدد من وظيفته .. ؟!

والله الغني ويغنيه ان شاء الله .؟!

واذا ابوه رفض يمشي معه يروح هو وعمامه وخواله .. ؟!

الشهــري · 27-09-2009, 12:33

يتزوج حتى وأن كان والده غير راضي لآن هذا ماهي معصيه .

الاردن-اولا · 27-09-2009, 13:03

اخوي انا ابوي مثله بالزبط بس كان رده الوحيد انو لسه صغير وانه اخوي الكبير ما تزوج لسه

لكن رحت عند كبيره العيله يعني الشيخ
وقلتله الموضوع اجى معي عند والدي وكلمه بالموضوع ومن لقي والدي حجته اني صغير وانو اخوي الكبير ما تزوج مو لسبب الحمد لله الوضع المالي ممتاز بعيلتنا لكن اخوي ما يبي يتزوج

قام الشيخ قالي قدام ابوي نادي امك وقلها يوم الخميس حددي مع اهل البنت موعد بنروح نخطبها له
وقال لبوي ان سالو عنك نقلهم مسافر او متزوج ثانيه وتاركهم
ههههههههههههه
هنا ابوي انحط بالامر الواقع وجه وتزوجنا البنت
يعني روح لكبير العيله وكلمه وخلاص هو يلاقي حل يا اما يكلم ابوك ويجبره مثل ابوي او انه يروح معه يخطب البنت

وربي يوفقك انت وصاحبك
تقبلي مروري
كل الود لك

THE SKY COLORS · 27-09-2009, 13:10

يعني لو انا مااخاف من ربي كان حلفت ان زوجه ابوه لها يد في الموضوع

وش السوات ابوه مايبي يزوجه
خلاص بتتوقف الدنيا يااخي !!!
انا من رايي يشوف وحده بنت حلال من اقاربه ويعرفها يعني وتعرف ظروفه وصدقني راح يقدرون هالشيء اذا كان ولد حلال على قولتك !!

يعني مثلا بنت خاله
بنت خالته
بنت عمه
او بنت عمته
يعني ناس يعرفون ظروفه
ومايروح لحاله ؟؟
يأخذ واحد من خواله او عمانه او حتى يأخذ ابوك انت بما انه صديقك

مافيها شيء ومابعد الضيق الا السعه
والناس يتسر وتسهل امورها وتمشي لو بنوقف على كل عتبه بتجينا مامشينا ابد

دعواتي لك وله بالتوفيق ..

كحلها سايل · 27-09-2009, 14:15

ما اشوف فيها شيء بالعكس ..
انا كـ بنت لو تقدم لي شخص ما ينعاب و ذو خلق و دين ؟ و ابوه مو موافق لسبب مبهم و غير واضح
رح اوفق .. و اهلي برضو ..لو الولد فهمهم الوضع اللي عايشه و الظروف الخاصه اللي يمر فيها
.. ما اظن ان يحصل رفض ..
و بأمكان الأهل ان يسألون عنه جيداا ..
ان شاء الله تنفك عقدة صديقك ... و يلقى من يتفهمه و يزوجه ..
موفقين ..

AHM22 · 27-09-2009, 14:17

يتزوج من الخارج هذه هو الحل يرفع خطاب للامارة ويشرح حالته ويتزوج من الخارج اتمنى اني افدتك ويارب يفتحها بوجه خوييييييك

سلة اوجاعي · 27-09-2009, 14:20

خله يدخل احد من اعمامه بالموضوع ويكلم والده
يمكن يرضا ويزوجه

لسعة شقآوه بدلع · 27-09-2009, 20:14

رأيي من رأي اللي قبلي
أو ممكن يكلم شخص عزيز وغالي على أبوه..ويخلي هالشخص يقنع أبوه بفكرة الزواج
بالتوووفييييييييييييق

@عشوق@ · 27-09-2009, 20:40

الشخص هذا الي هوا صديقك احتمال انه يكون ابوه مو راضي عليه

الافضل ان الابن يحسن من معاملة ابيه ويقدم له التقدير والاحترام

او انه مقل بصلة الرحم وبالاخص عمان وعمات او اجداد

لو سالته بصدق لا وجدت ما ذكر

صاحب الحظ التعيس · 28-09-2009, 12:39

اعجبتني اراءكم والف شكر لكم

ياحبايبي البارح جلست معه بالساعات وتكلمنا بالموضوع هذا

الشخص اعرفه تماما بار بوالديه وبكبار السن بشكل عام

وفيه عضو رد وقال ابوه بخيل

حبيت اقولك الولد رصيده ماشاء الله تبارك عنده خير ومو محتاج لي ولا للتسليف ولا القروض

لو يبي يتزوج 4 قدر على الزواج وماشاء الله تبارك الله

وابوه عارف هالشي ان رصيده بالميئات الالوف

الولد مو محتاج ماده او فلوس او احد يدعمه

الولد محتاج ان ابوه يمشي معه ومثله مثل اي شاب غيره

هو لو راح لااي واحد من كبار السن المقربين له مشى معه وماقصر معاه

بس هو يحس بالنقص على حد قوله انه يستعين بناس وابوه فوق راسه وعلى قيد الحياه

صدقوني انا كنت اقول مثلكم بس الولد بعد ماتكلم لي وحسيت فيه وضح لي الامر

وقدرت وضعه من ضمن كلامه قالي ياخووي انا ابي افتخر بابوي ويفتخر فيني

انا بحياتي ماسويت شي غلط يخلي ابوي يرفض يمشي معي

عارفين انتم الولد مايحتاج ابوه اكثر من انه يحتاجه بوقت زواج

الوظيفه اي شخص يقدر يتوسط له ويوظفه ويضبط اموره

وسخ الدنياء الفلوس يقدر يجيبها بطريقته وبدون مساعده لا ابوه ولا غيره

بس الزواج هذا نسب لاهله ولأهل البنت

وش ذنبه اذا انحرم من وقوف ابوه بجانبه بهذا اليوم يوم الخطوبه والزواج

ماقول الا الله يكون بعونه ويسهل امره

صدقوني الولد الظاهر باخذه لشيخ يقنعه ويهديه شوي

وتبون الصدق بعد جلستي معه البارح

خلاص الولد كره الزواج ويبي يشيله من راسه وماعاد بيتزوج

بس شايل هم رفض ابوه ومسبب له مشاكل نفسيه

والله يستر لايسلك طريق خطاء ويضيع حرص واجتهاد سنين مضت وهو ماسك نفسه عن مشي طريق الحرام

وانتم عارفين كل شي بهذا الزمن متوفر وميسر خراب وزناء وطلعات وكل الي انتم عارفين

واحاول قدر ما استطيع اني اخليه مايغير فكرة الزواج من راسه ويعصم نفسه

واذا ماتزوج يمكن يخربها الولد ويسوي شي مو زين وبالنهايه الذنب على ابوه

مشكورين مره ثانيه على تواصلكم ولاحرمت منكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

انقل لكم مشكلة صاحبي .. اتمنى تساعدوني بالحل