عالم الحياة الزوجية - منتدى

عيون كحلها الحزن777 · 29-09-2009, 05:53

بسم الله الرحمن الرحيم

السلام عليكم ورحمة الله وبركاته

هذه حادثه غريبه من نوعها حدثت اتمنى اسمع أرائكم؟؟

هل انعدمت الثقه في برامج دولة الكويت

وهل باتت معلوماتنا الشخصيه وارقامنا عمله سهله بيد موظيفين الكنترول؟؟؟؟

صدق المثل اللي يقول: من أمن العقوبه ساءالأدب

يمكن تستغربون من كلامي بس هذا اللي صار معاي واقولكم سالفتي وابي رأيكم وشنو اسوي ؟؟

بالأمس جاني اتصال من رقم خارج دولة الكويت وتفاجأة بأن المتصل رجل غريب

ورديت عليه ثم ناداني بأسمي وقال انتي فلانه ؟؟؟

شنو تتوقعون لو وحده فيكم صار لها هالشئ ؟؟

لفت الدنيا فيني وماعرفت وش اقول ومنو هالشخص اللي يعرف اسمي وليش متصل فيني؟؟

وشنو أقول حق زوجي لو شاف هالرقم الغريب ؟؟؟

وماذا يكون ردت فعل زوجي لو كلمه هالشخص وسأل عني ؟؟

والله اني ماعرفت اتصرف عموما دار حوار بيني وبينه الاتي:

قال: انتي فلانه من الكويت
قلت:اول شئ انددهشت وماتكلمت ..وقلت انت منو؟ ومن وين جبت رقمي؟؟
قال: انتي فلانه الفلاني اسمي بالكامل؟؟
قلت:ايه شنو تبي وش عرفك باسمي
قال:انا فلان من دولة شقيقه
قلت:خير شنو تبي (بصراحه انا توقعت برنامج مسابقات او فزت بشئ لاني بشهر رمضان شاركت بكل برامج قنوات الكويت والخليج )
قال:ابي اكون صديق لك ومو مهم من وين عرفت اسمك او رقمك ابي اكون صديقك؟؟
قلت:قلت له من الاخر يابن الناس بتقول من وين جبت رقمي او في ناس اخليهم يتفاهمون معاك
طبعا باللحظه هذي هو خاف وقال بقولك بس امانه ماتقولين اني علمتك؟؟
قلت:لك الامان بس علمني وش جاب رقمي عندك؟
قال:بانه من زمان يتمنى يتعرف على بنت كويتيه وان ابن عمه يشتغل في كنترول احد القنوات الكويتيه المشهوووره جدا وهي تهم الراي العام بشكل كلي ,وان ابن عمه وجد اسمي من بين المشاركات في احد البرامج (ليتني ماشاركت ولا أمنت لهذه القناة اللي مافيها ذمه)
وعطاه معلوماتي وهذي السالفه بكل مافيها
قلت:بما انك قلت الحقيقه انا احذرك من الاتصال وابتعد عن حياتي واذا اتصلت بخلي غيري يتفاهم معاك
قال:خلاص انا اسف
قلت:ابن عمك هذا لي تفاهم معاه باي حق يجيب معلوماتي اللي انا دزيتها للقناة وشاركت باسمي الكامل ورقم تلفوني أمنت بقناة ديرتي اللي لها اسم عريق بين القنوات بس للأسف انهم ما عرفوا يوظفون ناس قد هالثقه ؟؟

بصراحه انتهت المكالمه بعد ما تأسف وخاف هالشخص من ردة فعلي لاني عصبت بقوة
المهم اللحين انا ابي اتصل على هالقناه واجعل حد لهالموضوع ؟؟
بصراحه انا مو بس خايفه على نفسي خفت على بنات الناس اللي مأمنين لهالقناه اللي مع الأسف ما اختارت ناس قد الثقه؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)