عالم الحياة الزوجية - منتدى

بنت الرجال · 29-09-2009, 10:34

السلام عليكم ورحمه الله وبركاته

صباحكم / ومسائكم حلو مثلي <<< اطلعي برا

وشسمه اليوم قعدت افكر كذا انوه احط موضوع بالمنتدى يصير تحدي بين الاعضاء ومنافسه وهيك

طبعا الموضوع فكرته مش جديده واكيد انطرح اكثر من مره بالمنتدى بس قلت خل نبدا مسابقه ومنافسه جديده للدوبين والدوبيات

الطريقه <<<< طبخه هع
المهم

كل واحد يبي يشارك يحط وزنه الحالي ,, ويحط له هدف اول ,, وهدف ثاني ,, وحتى ثالث مافيه مشكله على حسب الوزن اللي بيخسره
ونحط لكل هدف 20 او 25 يوم
وكل من بيشارك يحط تاريخ اليوم اللي بيبداء فيه ,, والهدف الاول يعني كم بيخسر كيلو خلال هالايام والهدف الثاني و الهدف الاجمالي كم يبي يخسر كيلو عموما

وممكن اذا اي نصائح تفيد لتنقيص الوزن مافيه مشكله كل واحد يقول اللي يبي ويتكلم على راحته <<<< اوم الديموقراطيه انا هع

المهم الفايز بعطيه شحن سوا بخمس ريال

او اشتري له شمعه من ابو ريالين

او بالاصح منيب معطيتكم شي بس نشوف من هو الفايز عشان يغارون منه الاعضاء

لاني عارفه لو بعطيكم هديه لو بريال بتبثرني فراوله وبتنشب لي وتقول عطيني وكذا وانتم اعرف بفراوله لانشبت لاحد <<< بتنجلد

وشي ثاني نبي حماس عشان ننحف كلنا ونشجع بعض يعني اللي يسوي رياضه حاليا يشترك معنا واللي بنادي كمان يشترك واللي يسوي دايت كمان كلكم تعالوا عشان نتحمس

واي فكره تفضلوا فيها علينا .. والموضوع موضوعكم

<<<<<ترا فيها نوم لا تشرهون على اسلوب الموضوع

بأنتظاركم

.

(المهاجر) · 29-09-2009, 10:47

هلا بك أختنا......

إن شاء الله بشارك....مع إنه وزني متوافق مع الطول.....
لكن جيد إنه الواحد يخفف.....
أما جوائزك ....شيء....
هههههه

تحياتي ،،،،،

--{ ﻤـﮯـﻠـﯿـﯣڹ ٵﻟـﮱــﻢ ~ · 29-09-2009, 10:56

بصراحة الفكرة خونفشارية
بس والله بالنسبة لي انا طولي ووزني مزبوط 100%
يعني العب كورة يومياً وجسمي رياضي ,, بس برضو لايمنع اني اشارك معكم
بس تراني من الحين اقول لكم اني بتسذب عليكم بقول اكلت كذا وانا ما اكلت ولاشي

هههههههههههههههههههههههه
حلوة الفكرة جيجي ,, ربي يعطيك ألف عافيه

الحورية ريم · 29-09-2009, 10:59

هلا اختي
موضوع في الصميم محتاجته مررررررررره
المهم أنا وزني 73 وطولي 168
وأنا صرااااحة ماأسوي رجيم بس أخفف في الفطور والغدا ومااتعشى في الليل
وامشي ع السير لمدة 20 دقيقة وفي طريقها للزيادة
وأتمنى أوصل ل 65 وبعدين ل 58 وزني السابق واللي خسرته بالحمل والولادة
والله كريم
" ادري اني مصختها بس متحمسة بزيادة

@@الرياض@@ · 29-09-2009, 11:09

سلام جيجي خانوم وكل سنة وانتي طيبة

اما مسألة الرشاقة هذي لعبتي لأني اصلا ارشق الرشيقين وأرشق واحد في الدلم وكل ما اروح للدلم يتجمعون علي القراوى يصورون معي ،،،، حتى مره أنه اكبر بقاله عندهم طلبو مني اسوي لهم دعايه للبن يصلحونه هم بس رفضت العرض كان سيييييييييئ مره يقولون بنعطيك سطل طماط وسطل تمر خلاص

الزبده انا رشيق وما احتاج مسابقتك خليها لك يا الدب بعدين ما خلاك شينه الا محلات ابو ريالين لعنبو شيطانك بتعجزين وانتي إلى هالحين شينه ههههههههههههههههههههههه لا عاد انتي اطخم وحده في حارتكم ..

يسلمو على الموضوع ،،، واعتذر عن المشاركه لعدم المقدرتي الإستغنى عن الزر يالله من فضلك

وبعدين الصراحه موضوع ذكر فيه اسم الخاله فراوله اغسل يدك منه

<<<< هذي فراوله شوفي بطنها وش كبره هالخاله ولا لابسه خلاقين الخوال من جد طقاقه خليها تشارك عسى تكسبين من وراها اجر وتنحف ويجي احد يخطبها عشان يرتاحون اهلها
ههههههههههههههههههههههههههههههههههههههه

أبو فيصل · 29-09-2009, 11:13

موضوع حلو لي رجعة

طـلال المطيري · 29-09-2009, 11:17

ههههههههههههههههههه لا أنا دب ومانيب مخفف

لو ابي اخفف رحت سجلت برنامج الرابح الاكبر انتي وخشتك هههههههههههه

يالبى خشمشش لاعاد اشوفك جايبه لي مواضيع بطاله مثل هاذي اقول ابي لبببببببببببببن

برناااااامج فااشل خخخخخخخخخخ
هههههههههههه سوال بالله كم وزنك يادبه خخخخخخخخ

تحياتي

الشيخ طلال المطيري

*{ تعشقـ السيلــ · 29-09-2009, 11:18

موضوعك روووعه وخاصه انه فيه تحدي ومنافسه بكذا يتشجعون

انا ودي انزل تقريبا بس 5 كيلوا بس والله اني مااعرف وزني هالحين كم !!

بس انه جسمي متناسق حتى لو مانزلت هالخمسه زين

انا امشي من عرفت روحي كل يوم ساعه واحيانا نص ساعه على حسب وقتي

بس بالاكل والشرب اخذه راحتي بالمرررررررره

نصيحه للي يبي ينزل وزنه عليه بالمشي والتمارين

والتخفيف من الاكل لاتحرموووون انفسكم من شي

جتني فتره اسوي رجيم مهابيل اموت من الجوع ومليت واذاتركته يرجع وزني يزيد اكثر من اللي قبل وغير مشاكل فقر الدم وبشرتي تتعب وشعري يتساقط

وصرت اخفف من اكلاتي اكل كل اللي ابيه بس نص الكميه الشي ذواقه ماهو شبعه

والحمد لله وصلت للوزن اللي ابيه

يعطيك العافيه جيجي

بنت الرجال · 29-09-2009, 11:21

المهاجر

الله حيوه اخوي

اوك لو كيلوين بس شارك معنا

مليون الم

ياشين النصب مسوي فيها جسم رياضي وبعدو عني اها بس قلنا الصدز كم تبي تخسر كيلو
وان دريت انك منصب بمصع اذانك
وحتى لو ماتبي تنقص وزنك وراضي انك دب تعال شجعنا

الحوريه ريم

يابعد كل المتحمسين انتٍ
شوفي نصيحه اذا بتمشين على السير امشي ساعه باليوم مش اقل ويوم ايه ويوم لا واهم شي ماتاكلين وتنامين
وكمان امشي على السير لين تحسين انوه عرقتي وكذا وان شالله توصلين الوزن اللي تبين وبوسه على جبينك حكم انك اول من حط المطلوب لا هنتٍ يا بعدهم

الرياض
اولا انا جيجي بنت الرجال موب جيجي خانوم اللحين تزعل علينا تقول اخذت اسمها

ثانيا مامنك رجا يالاشهب خل كرشتك ورزك ينفعونك لا وقف قلبك بكرا وضاقت الشرايين من كثر الشحوم
اجل رشيق ويصورون جنبك القراوى تونا طالعين من رمضان نعنبو حيك وتنصب
وبعدين وش فيه ابو ريالين مهنا ازين منه هع حتى مافيه جوائز منه وشوله الخساير وكانك كريم وكذا حط لنا هدايا ماركات يعني مثلا طقم للفائزه من جورجيو ارماني والا ديور والفائز ممكن تكشخه بعد من اكوس الماركات <<< احس الرياض شرق ويقول لا ابوك لا ابو اللي يدخل موضوعك
المهم كانك منب مشارك تعال شجعنا

شوكرن للجميع

الدبلوماسي · 29-09-2009, 11:26

الله الله

هذي بنت الرجال ومواضيعها الحلوة
لانك كنتي غايبه عنا صرتي دبه هههههههههههه
انا اسمحي لي اتابع معكم
يسعدك ربي
وكل عام وانتي بخير

بنت الرجال · 29-09-2009, 11:31

ابو فيصل

ننتظر رجعتك

طلال المطيري

<<<< وجه مكشر ,, اها بس موضوعي مش بطال موضوعي بطل وبعدين من ملحك يالدب تطنز بموضوعي
بتحفف ولا شلون <<<<< اوم الاسلوب
ترا ان ما خففت وزنك حتى شغالتكم جوماتي مدري وش اسمها ماراح ترضى فيك <<<تحس انها ضربت على الوتر الحساس هع
المهم حط لنا وزنك والوزن اللي تبي تخسره انا اعرف انك منتب مفرط بجوماتي عشان عنادك
ووزني بحطه بعد شوي وبحط هدفي الاول والثاني .
لاهنت يالشيخ

عيطموس بني تميم

ودي اسطرك ماعندك ميزان !! روحي كارفور وشوفي اي ميزان معروض واوزني وزنك وامشي هع
صح عليك سالفه الحرمان وكذا انا مش معها انا اقلل اكل وما اكل قبل النوم والرياضه الرياضه ويطلع كل شي اوك
يا حبي لك لاتبعدين روحي اوزني وارجعي قولي كم وزنك

الدبلوماسي

حيا الله جدو شفت عاد وش حلو مواضيعي << انزلعي
هاوش طلال يقول مواضيعي بطاله
والله حييك وتابعنا عشان ماتضيع الرعيه حكم انك جدنا وذا حنكه وحكمه هع
لا هنت

شوكرن جميعا

نديم الشوووق · 29-09-2009, 11:38

ياصباح الورد بجيجي الدبدووويه > > >كفشناك

أنا لي سنه أحوس على 8 كيلو مو راضيه تنزل

كنت زمان يسموني ندووم الدبي

واللحين لا خلااااص . . . صرت أكشخ واحد وأضعف واحد في عالم الدببه

والحمدللة وصلت لدرجه أنا راضي عليها

مريت بأزمه سنتين وعملت دايت معقول ورياضه لحد ماصرت قريب من الوزن المثالي

طولي 177 ووزني 92 ومو مبين لأن مع الطول وطالع أرشق واحد في الدنيا . .

الموهم من واقع تجربه خضتها وأستفدت منها :

_ أحرص على الوجبات الثلاث بأنتظام لأنه فيه توازن بين كل شي يحتاجه الجسم

طبعا" الفطور : بأكل أي شي جبن بيض فول بالزيت تونه شابوره بر. . . .(ى الخبز أسمر)

الغداء : غدانا العادي مع مراعاة :

الرز 10 الى 15 ملعقه

أو مكرونه مطبوخه كميه قليلة

ايدام أكله بس يكون بزيت خفيف

مشاوي لحم أو دجاج أو سمك

وممكن يكون مطبوخ طبخ عادي بزيت خفيف

خضروات وفواكهه هذي أدمااااااان مو طبيعي

العشاء : نفس حكاية الفطور بس أحرص يكون فيه سلطة خضار أو كم حبة فاكهه

فيه نقطه مهمه : أبدعت عن الأبيضين السكر والملح

أو اذا ولا بد يكون بكميات معقوله ومناسبه جدا"

_ كنت مخصص لي عشاء يوم الخميس يكون مفتوح . . . كبسه او بيتزا أو وهمبرقر اي حاجه

نفسي فيها > > > > واللة يجي وقتها يكون مالي نفس الا أكل بسيط .

_ وأهم شي كنت أسويه الرياضه ثم الرياضه ثم الرياضه؟؟؟

مو رياضه عنيفة أو شي لا

كنت أمشي بمعدل ساعه الا ساعه ونص يوميا" مشي سريع

وأمارس تمارين للبطن وبالعصا فقط . . . بمعدل خمس مرات أسبوعيا"

أخصص يوم أو يومين سباحه فقط

من يومها راحة بال ونفسيه حلوه ونوم هادي . . .

ملحووظه :

الحرص على أداء الوجبات الثلاث لأنه زمان ما كنت الا أفطر وأتعشى بس . . . وكنت أدسمها

بهالوجبتين . . .

مشارك معكم وباذن اللة على يدكم نخلص من 8 كيلو , , ,

بنت الرجال · 29-09-2009, 11:39

المتسابقين :

-1-
بنت الرجال :

الوزن : 66,3

الهدف الاول : 62
الهدف الثاني 58

الاجمالي 8 كيلو .

-2-
الحوريه ريم :
الوزن : 73

الهدف الاول : 65
الهدف الثاني : 58

الاجمالي : 15 كيلو

-3-
عيطموس بني تميم

الهدف الاول : 5 كيلو

الاجمالي : 5 كيلو

-4-
نديم الشوق

الوزن : 92 كيلو
الهدف الاول : 8 كيلو
الاجمالي 8 كيلو

يالله مين كمان نحطه بالقائمه

نديم الشوووق · 29-09-2009, 11:48

نسيت نقطه مهمه بالموضوع :

العزيمة والأصرار والتوكل على اللة

ووضع هدف أمامنا ولازم نحققه بكل شجاعه

//

//

احساس طفوله · 29-09-2009, 11:51

موضووووووع قمه في الرووووووووعه

بالنسبه لي انا الحمدلله وزني تمام مع طولي ولا ابغى ازيد نص كيلو ولا انقص <<<<<<<<<< طيب وش جابك

لو زدت ولا نقصت برجع بيت اهلي

بس بكون متابعه

ودي اشجعكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مالك الا جيجي ,, لدوبيات والدوبيين