عالم الحياة الزوجية - منتدى

وفاء حبيبي · 01-10-2009, 03:40

السلام عليكم..

خواتي و اخواني الاعزاء..

عساكم بخير انشالله و صحه..

بسألكم سؤال.. شنو سبب نفوور او كره ام الزوج لزوجة و لدها حتى لو كانت الزوجه محترمتها لاخر لحظه..
يعني من غير سبب..

يعني بس تبي تسبب مشاكل.. و اتطلعها مشكلجيه بكل شكل..

و شنو الحل غير التطنيش..

هل المواجهه شئ تأيدونه؟؟!!!

و ليش يا ربي؟؟؟؟

وبس عساكم بخير..

شرهات الغلا · 01-10-2009, 03:46

انا مثلك مالقيت جواب بس انا عن نفسي والله مطنشه عمرها ماسمعت مني كلام يزعل
احترامآ لكبر سنها واحترام لزوجي

وفاء حبيبي · 01-10-2009, 03:49

هلا فيج..

الله يعين..

بس خاطري اعرف ليش..

افكر اروح و اكلمها و اقول لها شنو السبب لكل هذا..
لان كل شئ قاعد يزيد عن حده..

و الله ما ادري شأقول..

شئ غريب..

المشكله انها هي الي اختارتني لولدها و تمنوني حيل؟؟ بس غريبه..

متعقده من هالسالفه مو لاقيه لها حل يعني كره من غير سبب صرت احس نفسي مو مرتاحه في البيت..

الله كريم..

ياريت لو الاقي سبب..

ابي ارائكم ..

وفاء حبيبي · 01-10-2009, 03:50

و نسيت عسى الله يرزقج بالذريه الصالحه يارب ياكريم..
و يرزق كل وحده بخاطرها..

شرهات الغلا · 01-10-2009, 03:52

تسلمين ياقلبي على الدعوه بس ابي اعرف انتي ساكنه مع اهل زوجك

وفاء حبيبي · 01-10-2009, 04:14

اي.. و المشكله بعد ان احنا المفروض اهل..

انا بنت عمه..

و الله ما ادري شأقول..

الله كريم..

و عسى الله يسر امرج..

هدوء الكون · 01-10-2009, 04:32

يمكن تغار لانك اخذتي ولدهاا منهاا يعني شاؤكتيها بولدهااا

عموما انتي اكسبيها بالهداياا والمعامله الزينه يمكن تتغيرررر

وفاء حبيبي · 01-10-2009, 04:43

هلا فيج يا هدوء..

المشكله حاولت معاها بكل شئ.. تصوري ان حتى الهديه تاخذها سحب جني غالطه عليها.. و من غير شكرا..

حتى في العيد ماعايدت علي.. و لا سلمت على نفس الناس يعني من غير خاطر بس ودي اعرف السبب بتعقد مرات اعصب و اقول بصير نحيسه بس اقول لا ماله داعي علشان الله و عشان زوجي بس خلص صبري..

الله كريم..

وفاء حبيبي · 01-10-2009, 04:44

وبعدين شلون ماخذته منها هالسالفه مو داخله في بالي..

انا الي اقول له اذا بقت تطلع روح معاها و بس تصير مناسبه نشتري لها هديه و اهوه ماكان يذكر شئ..
حتى في العيد نشتري لها هديه وورد و جذي..

و الله ان هالسالفه تعقد..

لـــمـــى · 01-10-2009, 10:04

المواجهه الايجابيه افضل حل
<< مجربه
اقصد تواجهينها لكن لوحدك انتي و ياها و بهدوء و بدون مشاكل و تحاولين توصلين لها فكرة ان رضاها هو مبتغاك و انك معتبرتها حسبة امك
حاولي تقوين شخصيتك اكثر و تثقين بنفسك بوجودها اكثر
و حاولي تمزحين معها بحدود و تسولفين معها و تجلسون مع بعض العصريه مثلاً سوالف و ضحك و تحكين لها مواقف و تطيحين الحواجز اللي بينك و بينها
تقربي منها بالبساطه
مهما تكون هذي أم زوجك انسانه لها عواطف و اكيد بتتأثر لان الكلمه احياناً لها تأثير اكثر من الفعل
بالتوفيق

نـــغـــــ حياتي ــــم · 01-10-2009, 16:09

ماتعامليه باسلوبها
وافتكرى ديما انها كبيرة فى السن
واكيد مع الوقت لو لقت حب ومودة منك حتعاملك معاملة طيبة

انسانة صادقة · 01-10-2009, 18:57

اختي الكريمة
بعض الامهات يشعرون بالغيرة علي اولادهم من زوجاتهم
عامليها كوالدتك وجزائكي عند الله
وربنا يهدي لكم الحال

(( طيف الحب )) · 01-10-2009, 20:08

تعالي أنا وانت نسوي بروحنا

كذا ونستريح.
عن تجربه أقول لك....المواجهه تنفع لو أنتي عارفه نفسية ام زوجك صح
يعني هل رايحه تتقبل ؟؟
ما تهذر عليك جنب النسوان ؟؟زوجك؟؟بناتها؟؟

ما تقلب الموضوع عليك ؟؟
لو انتي عارفتها وكل اللي قلته مو فيها توكلي على الله واجلسي معها زي أمك بالضبط وطيبي خاطرها وارتاحي ..لكن لو العكس ...انتبهي تتكلمين ..لأنك بكذا تزيدين العلاقه حساسيه .وكانك تطبخين نفسك

ففي هالحاله نصيحتي لك ..تقبليها كما هي ,,وعامليها بالحسنى انتي الرابحه ,,عارفه انه تعب نفسي وقهر

لكن لأجل عين تكرم مدينه.وربي يعيننا وياك.

الالماسه الحساسه · 01-10-2009, 20:23

اخيتي اعتبريها زي امك واصبري ادا تحبين ربك اولا وادا تحبين زوجك ثانيا 000

تقربي لها قد متستطيعي واكيد راح تحبك مع الايام ولو متحبك من اول مكان اخترتك من بين ملايين كل البنات لااغلى

ماعندها وهو ظناها 000

نجدالتميميه · 01-10-2009, 22:09

الله يكون بعونك بس ما أنصح انك تواجهيها راح تنقلب ضدك >>>>>>>>>>>>>>>>>>الحمدالله ام زوجي تحبني مثل بناتها

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

زهقت.. وابي رايكم لو سمحتوا..