عالم الحياة الزوجية - منتدى

وفاء حبيبي · 01-10-2009, 06:42

السلام عليكم..

عساكم بخير..

ممكن اتقولون اشفيها هذي على الموضوع الي بقوله....

بس تعبت.. و اخوي زهق..

بدخل في السالفه..

صار لي الحين فتره طويله ادور لاخوي زوجه

و للحين مو لاقيه وحده تناسبه كلهم يا اكبر منه او متزوجين الي اعرفهم..

شأسوي..
بيني و بين نفسي جربت و اتصلت على الخطابه و ايت و اخذت مني 40 دينار النصابه بس كل الي تيبهم منفصلين و اخوي ماتزوج..

ساعدوووووووووووووووني ههههههه الحين تقولون مخليه المنتدى خطابه

شأسوي.. وده يتزوج وزهق بعد عمري من هالطاري بطل يفتحه.

لو انتو مكاني شتسوون..

man77 · 01-10-2009, 06:58

فكره كويسه و يا بخت من وفق رأسين في الحلال

وفاء حبيبي · 01-10-2009, 07:05

اي و الله..

تسلم على مرورك..

قوية بس ضعيفة · 01-10-2009, 08:25

السلام عليكم....بس ياحبيبه لاتنسين الدعاء

شوكوليت · 01-10-2009, 08:42

اي والله صادقة ..... ياليت ألقى عروس لأخوي

نجدالتميميه · 01-10-2009, 22:13

البنات وش كثرهم !!!!!! واذا جاء الواحد يخطب مايلقى ليه ما أدري !!!!!!!!

وفاء حبيبي · 02-10-2009, 04:01

هلا فيكم..

وعساكم بخير..

خنساعد بعضنا..

يعني خلنكتب من وين احنا و شنو الي نبيه مو بالضبط بس يعني جم العمر و جذي..

ويمكن نقدر انوفق راسين بالحلال..

بس اهم شئ يكون الاتفاق بين الحريم الكبار..

يعني اذا ليت عروسه لاخوي بيكون الاتصالات بين والدت العروسه او احد من اهل العروسه و يدتي الله يطول بعمرها لان الوالده الله يرحمها..

شرايكم..

يعني الي عنده بنات يقول ترا عندي بنات عسى الله يحرس البنات يارب..

بس نبي الرياييل عمرهم اهم علشان انشوف البنات يناسبون الشباب..

وجذي..

يعني انا عندي بنات وايد اعرفهم بس انهم اكبر من اخوي مع انهم جميلات جدا..
الله يحفظهم..

((صرت خطابه))

شرايكم خنتعاون.. يمكن؟؟

نجد على ايدج ساعدينا..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

لا يوجد بنات للزواج ؟؟؟