عالم الحياة الزوجية - منتدى

ابونواف · 04-10-2009, 14:29

اقتباس:

المشاركة الأصلية كتبت بواسطة السمو 555

ماشاء الله عليكم ابو نواف اجل متولع بالرحلات

موفقين إن شاء الله تعالى

وصراحه طبخه رووووعه

يوفق الجميع اخوي يا هلا ومرحبا فيك

ابونواف · 04-10-2009, 14:32

اقتباس:

المشاركة الأصلية كتبت بواسطة الدبلوماسي

ياخوك تشرح الخاطر ويفز القلب من شوقه للبر

ام قرين + ام قليب + دغيم ، هذي وين يابو نواف ؟
بهذلتنا يابو نواف ، انت واخوياك كل شوي تطيرو الشراب ، ياخوك ردوها ( بستره ) دامكم تنحصرون هههههههههههههههههه
يسعدك ربي

ويجعل كل ايامك افراح وليالي ملاح

هاذي بالصمان

وش نسوي يخوك ما سمحت لهم يوقفون الين قالو خلاص مافينا ما تشوف اوراشد نسى البريق

ابونواف · 04-10-2009, 14:35

اقتباس:

المشاركة الأصلية كتبت بواسطة الرومانسيه العربيه

**مرحبا أخوي .
يعطيك العافيه على هذه الرحله الرائعه ..
وإنشاءالله الرحله الجايه أنا وشمس نروح
معاكم هههههه
بس بدون القطه (طفيليين) هههههه

لكن الأخيره كلماتها مؤثره !
لك كل الشكر ...؟

وش نبي فيكم ما نبيكم طلباتكم يا الحريم ما تنتهي

كل شوي تطلبون كيك ولا مكسرات ولا يوسف افندي ولا كل وحده منكم كل شوي متلقفه وتقول ابي اخذ السياره

•:*ღ*:• كلاسيك © •:*ღ*:• · 04-10-2009, 14:48

هلا هلا

اثر فية مغامرات وانا مدري

منت سهل يالذيب

ذكرتني والله بطلعات العام هههههههه

شكلي بنزل الصور

بس الله يعين من مسح الوجية عزاالله بيتركون المنتدى هههههههههههه

ابونواف ماعزمتنا كنا على دربك

تدري عاد ياحلالاه براد الشاهي ههههههههههههه
مع هالخضرة
واحد من العيال عزالله لو يشوف الصور بينهبل هههههههههه

الجود المشاري · 04-10-2009, 14:51

رجعت ابقق في الصور مره ثانيه قسم اناظر واقول ايييييييييييييه يالدنيا وشذا الخضار وسعة الصدر والفله وينا ويين الهايد بارك >>> ياشيخه تكفين

المهم وانا ابقق مره ثانيه تخبر لقافه الحريم ماعلينا واناظر واناظر وابقق واقول والله ان ابونواف رجال صنايدي وسنع وشكله هب ريح بسم الله عليه كل شي مضبط ومأنتك المهم وانا ابحلق إلا ويلفت نظري شي مهم

ياخي وش الشيف رمزي وش منال العالم وش يجون عنكم ؟؟ وينهم وينك قسم يوم شفت انصاف الليمون متبطح في الكبسه قلت هالولد ولد نعمه صح اجل مزين الكبسه هالتزييين كله خخخخخخخخخخخخ

منتب سهل يابونواف وش هالسنع بس مدري انت اللي تتطبخ ولا ابو مشاري ؟؟؟؟؟؟؟؟

ابونواف · 04-10-2009, 14:52

اقتباس:

المشاركة الأصلية كتبت بواسطة الرومانسيه العربيه

ماشاء الله عليك طباخ ماهر
قلت ماشاءالله؟ عشان ماتقول حسدتك ..
( فنان بالكتابه والطبخ )
تقبل مروري .

جزاك الله خير اختي والله لا يهينك

ابونواف · 04-10-2009, 14:55

اقتباس:

المشاركة الأصلية كتبت بواسطة المرفهة

ماشــاءالله تبــارك الله

باين عليها رحله حلوه شكل الكبسه رووووعه
وكمان الصور طالعه روووعه

رحله سعيده إن شاء الله

يعني انتو يا الحريم خليتو كل شي ورحتو تشوفون الكبسه هههههههههههههه

حياك الله اختي يا هلا ومرحبا فيك

سويت ماما · 04-10-2009, 14:56

ما شاء الله عليك يا بو نواف
وهاي الصورة الصراحة شي

ابونواف · 04-10-2009, 14:57

اقتباس:

المشاركة الأصلية كتبت بواسطة شمس التفاؤل

ماشاء الله رحله رووووعه وصور تشرح الصدر
والا الطبخ ياويلي على الطبخ شي خطييير ماشاء الله تبارك الله
عيني عليك مثلجه لايجيك حارش مارش وتقول نضلتوني
وعسى الله يهنيكم دوووم ويوسع صدوركم بالعافيه
يعطيك العافيه على هيك موضوع
لك هاي المواضيع اللي بتشرح الصدر

يعافيك اختي شمس يا هلا ومرحبا فيك

سويت ماما · 04-10-2009, 15:00

حرام عليك يا بو نواف أنا ميته من اليــووع و حاطلي صورة مجبوس و أنا الين الحين صارت الساعة أربع عندنا لا تغديت ولا تريقت

ابونواف · 04-10-2009, 15:00

اقتباس:

المشاركة الأصلية كتبت بواسطة الجود المشاري

هلا هلا ابو نواااااااااااااف
ماشاء الله تبارك الله وشذا الزين كله لا لا هالرحلة أطلق ميه مرة من الرحلة اللي فاتت ايه هنا شغل الربيع والمخيمات صح ..
بس ياخوك ورا خيمتك صغيره ؟؟؟؟؟ خخخخخخ
لكن رووووووووووووعه الرياض والربيع شي شي شي ماشاء الله الله يهنيك يارب

قسم عاد ان الطبخه تتعب من قلب اخبر ترا الرجاجيل إذا طبخوا يحكرون الطبخه وهالشي أنا اشهد عليه بس بسم الله عليك الكبسه ماهيب صاحيه من قلب خخخخخخ بالعافيه على قلوبكم ...

8

8

8

آآآآآآآآآآآآآآآىىىيه ليه ليه تقليب الممواجع ياخي حرام عليك يازين السمر يازين القهوه على الضويه قسم كل شي له طعم ثاااااااااااااني من قلب

اخوي ابونواف الله يعطيك العافيه قسم ماقصرت تصوير ولا آرووووووووووع روعه قليل عليه ورحله كثير حلوه وربي يديم عليك العافيه تسوي كل شوي رحله وتصورها لنا نتفرج
لكن شي ماشاء الله تبارك الله

والله كسرتي خاطري اخيتي

تدرين المره الثانيه ابمرك اخذك معي وباخذ نواف ولدي معي يصير لك محرم تهقين يصير ؟

ابونواف · 04-10-2009, 15:03

اقتباس:

المشاركة الأصلية كتبت بواسطة شمس التفاؤل

ياحبني لك يالرومانسيه مانسيتني في الرحله من جد ماانلام اذا حبيتك
بس تصدقين حلووووه منك بدون قطه ههههههههههههه
ترى هذا اهم شي خلي وزير الماليه يتكفل بمصاريفنا هههههههههههههه

والله هالحريم صارو يتعازمون على الروحه هههههههههههههههههههههههههههههههههههههههههه

ابونواف · 04-10-2009, 15:06

اقتباس:

المشاركة الأصلية كتبت بواسطة لوله العسوله

صراحه من ابدع الصور اللي شفتها في حياتي اول صوره وبما اني اعشق الطبيعه والبحر

فرحلتك حسستني اني معاكم بس اكيد في خيمه الحريم
للاسف انا من الناس اللي ما يروحو رحلات البر ليه
لان عندنا البحر وكل رحلاتنا فيه (جده غير)
اذكر زماااان قبل اكثر من 30 عام كانت اقصى رحلاتنا لابها والباحه والطائف اما الان مختصره على عروس البحر جده
اتمنى في يوم اجرب رحله من رحلاتك صراحه شدني المكان جدا ولاول مره اعرف ان في مملكتنا اماكن رائعه خلابه اشكرك لاستظافتي في موضوعك وانتظر جديدك

تحيااااااااااااتي ام ريان

اختي ام ريان ابمرك وناخذ البزوره على قولتكم ريان ونواف ومشعل ونروح للبر بس خيمتكم تصير بعيده بس هالله الله بالكيك والفصفص

هههههههههههههههههههه

حياك اختي ام ريان

ابونواف · 04-10-2009, 15:08

اقتباس:

المشاركة الأصلية كتبت بواسطة قائد الاسود

ايه بو نواف

ذكرتنا بالربيع والوناسه

حمستني يالغالي

هلا باخوي الغالي يا هلا ومرحبا فيك

ابونواف · 04-10-2009, 15:13

اقتباس:

المشاركة الأصلية كتبت بواسطة the sky colors

فتحت العزبه لقيت الكاميرا طبعا الكاميرا انا حاطها بشنطه صغيره والاخ يحسبها كرتون شاهي ،،،، المهم بوريكم بعض صور لروضة دغيم >>> خويك ذا سلمني عليه اجل الكاميرا كرتون شاهي
الصافق ينسى بس المصفوق ماينسى وانت المصفوق لانك انت اللي دافعن سعرها

مو معقوله الخضره هذي تجنن قسم بالله بالرياض مااشوف حولي الا غبار خصوصا اليوم السماء منقسمه نصفين نصفها سماوي اشهب والنصف الثاني غبار !! الله بس يرحمنا برجمته

كنت اتخيل ان هالمنظر مايوجد الا بافلام كرتون هايدي
صار عندنا مثله
مره ثانيه اذا جيتو تروحون ازهم علي بروح معكم >>> بس ماراح اطبخ

اشوف كثرو الحريم اللي يبون يروحون

شكلي بستاجر اتوبيس خط البلده يا الله يشيلكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مغامراتي رقم ( 2 ) رحلتي للصمان