 |
 |
 |
||
|
|
|
||
 |
|
 |
هذا الموقع مخصص للعلاقات الزوجية المهذبة و الثقافة الجنسية و لا يتضمن أى صور أو أى مواد مثيرة و لكن به من الموضوعات مالا يناسب من هم أقل من 18 سنة.
|
|||||||
| عالم الحياة الزوجيه نصائح للمقبلين على الزواج , أمور مهمة في الحياة الزوجية , أفكار رومانسية , مفاتيح نجاح الزواج |
 |
|
|
LinkBack | أدوات الموضوع | انواع عرض الموضوع |
06-10-2009, 04:09
|
#1 (permalink) | ||
|
عضو جديد
تاريخ التسجيل: 06-10-2009
المشاركات: 24
|
بنات شباب أنـتـظر أرآئكم ؟!
السلام عليكم ورحمة الله وبركاتة سـ أحكي لكم قصتي او مشكلتي مع خطيبي واتمنى كل من يمر على قصتي يعطيني رآيه طلبتكم تكفووون .. اولا خطيبي اصغر مني بـ سنتين وانا كنت معصبه على هذا الشيء ولم اريد انو انا اكبر منه لكن قدر الله وما شاء فعل .. الخطآ كان من اختي هداها الله كنت اقول لها قولي لهم عمري الحقيقي وقالت لهم اني 29 اي بعمره هو .. وانا اكبر .. عمري 31 سنة المهم نظر النظرة الشرعيه وتمت الملكة بكل يسر .. وبدآنا مكالمات كان يكلمني باليوم 3 او 4 مرآت ويطول كثير في البداية كان كلها عشق وغرام وحب وهيام وبعدين بدات اول مشكلة كان يقول لي عن التصوير بزواجنا شيء مهم ومن حقنا نتصور هذه ليلة العمر وبعدين قلب رآية وقال لا ما نبي تصوير ازعل 4 من اخواتي عشان تصوير ! قلت له طيب اخواتك ما راح يتصورو معنا انا وانت بس قال ولو ما اقدر واتنازلت وقلت اول مشكلة راح تعيقنا لا والله وش يعني تصوير خلاص ما ابغى تصوير وبس المشكلة الثانية مافي نت ومافي كمبيوتر قلت هالشيء ماراح اتنازل عنه طبعا قلت ببالي هالكلام والله اني لا اعمل الغلط وربي شاهد عليا لكن هذا حرية شخصية وانا استفيد كثير من النت وزعل عليا كم يوم بعدين رضى وقال خلاص راح اجيب لك نت ماراح احرمك منه ما دام عند اهلك فيه ماراح احرمك منه طيب بعدين صار يتصيد أخطائي واي زله او هفوة يحاسبني عليها وبالساعات وقسم بالله العظيم دمر اعصابي تخيلو قلت له لا يكون غشوك < ع العمالة اللي جو يعملون له اسلاك للمطبخ .. جلس بالساعات ليش تقولين كذا وما يحق لك تقولين كذا انا مو رجال عندك < الجملة الاخيرة يكررها كثير وفي اي مشكلة يقول هالجملة ! ولما يعصب عليا لاي مشكلة يقول بالفم المليان والله اذا دخل الكمبيوتر بيتي بكسره على رآسك ! والله اسوي نظام بالبيت تمشين عليه < ولما سآلته نظام ايش قال بعدين تعرفين ؟ واي سالفه تصير ويزعل يدخل سالفه الكمبيوتر < احسه رجل غير ناضج ... الله يعين والله الذي لا اله الا هو قال لي كل شي ء بالتفاهم وقال لي اوعديني مشاكلنا محد يعرف عنها شيء لا اهلك ولا اهلي ووعدته ووعدني هو لكن بدآ يستغل الوضع ويجرح فيني ومن كلامه الجارح .. احمدي ربك يا ...... < اسمي انتي بنعمة والانسان ما يحس بالنعمة الا لما يفقدها < شاف نفسه عليا عشان عمري كبير .. تخيلو يقول لي كذا ويكررها قسم بالله هذه الجملة اصابتني بمقتل غرزت سكين بقلبي .. سكتت وبكيت ولم استطيع الرد عليه والله العظيم احسه يتلذذ بدموعي كلما صار شيء اذا لم يحس ببكاي او يسمع صوتي بالبكاء ما يسكت وفي مرة زعل عليا بمشكلة وكان هو الغلطان واعتذرت له غلطتي ابيه يسكت خلاص دمرني بالتهزء وبعد اعتذاري وش قال تخيلووو بعد ايشششششششششش تعتذري << وكان هو الغلطان مش انا وندمت اني اعتذرت له .. وعلى فكرة هو انسان شكاك لا يصدقني حتى لو حلفت بالله العظيم وفوق هذا كله حقووود هو بلسانه قال لي والله انا انسى بس ما اسامح ! تصدقين في كلمة قالها ابوي من 8 سنوات ما نسيتها له !! انصدمت منه انا وسكت .. بالله عليكم احد يقول هالكلام لـ خطيبته ! وكثير يقول لي والله ابوي متوصي فيك داايم يمدحك ويقول حافظ عليها ولا تزعلها.. بين فترة وفترة يقول لي انو ابوه يوصيه فيني .. بخبركم بخبر ترى هو انسان يدخن وعصبي جدا وترك الدخان عشاني لفترة من شهر ونص الى شهرين وبسبب عناد رجع له وهو يكلمني يقول شووفي ولعت سجارة ! يبي يقهرني واقول له لا ياعمري انا خايفة عليك ما يصير كذا يرد بقوة وعليا وبصوت مرتفع مالك صلاح انتي صدري والا صدرك وهالحوار صار بينا ع الجوال وابوه يسمعه ويقول لي شوفي ابوي يسمعني انا ما يهمني الدخان لا عاد تكلميني فيه ! وانا من بعد هذيك المرة الي قال لي لا تكلميني في الدخان معد تكلمت ابد .. وفي مرة قال لي خلاص مالك صلاح فيني ولا عاد تجيبي سيرة الدخان ما راح اتركه يعني ما راح اتركه وقلت له طيب خلاص ماراح اقول لك ثاني وفي مرة زعل قال لي تمشين ع كيف مين انتي تمشين على كيفي قلت له مو بكل شيء .. وما تركني اكمل ورد رد قاسي وقال تمشين على كيفي ورجلك فوق رقبتك < بالله هذا اسلوب او منطق ؟! وكمان يقول والله امشيك على العجينة ما تلخبطيها !! هو الانسان الطيب كذا اذا كان طيب زيادة عن اللزوم يركبون فوقه !!!!!!!!!! آآآه صبرك يااارب .. قلت له لحظه احنا اتنفقنا كل شيء بالتفاهم وين كلامك هذا والا كلام وبس ! سكت وبعدين قال اقولك اعطيني رقم ابوك بقوله يا عم زي ما دخلنا بالمعروف نخرج بالمعروف ! < وترى هذا التهديد ثاني مره بس اول مرة ما اذكر وش السبب عشان كذا ما قلت عنه .. المهم قلت له طيب واعطيته وقفل الخط شوي كذا واتصل وقال خلاص الحين تكلمك اختي الكبيرة تفاهم معك قلت طيب استناها وقال بس شوفي لا تقولي لها شيء خلاص قلت الا بقووول لها كل شيء وقفل واتصل بعد شوي وقال مو انتي اللي تخليني ابعد عن الدخااان !!!!!!!!!!!!!!!!!!!!!!!!!! وش رايكم بس < هذا انسان ناضج او متقلب او ازدواجي الشخصية < عجزت افهمه يشهد الله علي اني احترمه واحبه وافرح اذا شفته هو اول حب لي بهذه الدنيا لكن قلبه قاسي معي اسلوبه بالكلام قاسي طبعه قاسي لكن بالمقابل مع المجتمع الخارجي اصحابة وجيرانه قمة قمة قمة في الذوق والخلق الحسن والاحترام ومعي لا ليييييييييييييييييييه طيب وربي العظيم كنت اكرر له هالجمل والله مابي من هالدنيا الا رضاك امي وابوي راضين عني باقي انت .. وابي سعادتك مابي شيء ثاني وكنت اقوله والله ما راح تنام وانت زعلان علي لازم لازم اراضيك وماراح اقصر عنك باي شيء وكان يقول لي والله عارف انك ماراح تقصري وكنت اتخيل حياتي معه واقول راح افطرك بيدي قبل الدوام << حتى لما يجي يزورني اكله الحلا بيدي ويفرح هو واوستودعك الله واسوي لك كل اللي تطلبه مهما كان انا ابغي رضاك مابي اموت وانت مو راضي عني .. لكن للاسف ما قدر ولا احترم .. دايم يهزئني بالكلام لاتفه الاسباب .. دايم يتصيد اخطائي ويحاسبني حساب عسير وكاني بمحكمة دمر اعصابي الله يهديه .. واعلمو لم اخبر احدا من اهلي لاني باقية على الوعد .. ادعي الله ان يهديه وافضفض لزميلاتي الواثقة منهن لاخرج ما بداخلي من ألم وحسرة ولـ أستقبل يوما آخر مليئا بالاسى والدموع والالم .. قبل الانتهاء بقولكم شيء كان اغلب الاوقات يناديني يمه << امه ماتت من 4 سنين وكان يقول لي لو ما حسيت هالاحساس ما قلته لك ولا ني مجبور اقوله واستناست انا بهالكلام .. هذه قصتي بأختصار في اي آشياء كثيرة لم تقال لكن رفقا لقد هلكني الالم والدمع ولم احتمل .. ابغي رايكم بكل شيء بكل صغيرة وكبيرة وفي النهاية راح تعرفون شي ء مهم عني ولكم كل الشكر والتقدير اختكم .. __________________ |
||
|
|
|
06-10-2009, 04:21
|
#2 (permalink) | ||
|
كاتب متميز
 
تاريخ التسجيل: 01-09-2009
المشاركات: 143
|
رد: بنات شباب أنـتـظر أرآئكم ؟!
الله يعينك هذا واضح طبعه عصبي بس انصحك تصبرين عليه لان عمرك كبير حافظي عليه بس خليكي قوية خليكي واثقة من نفسك بس واضح انه يبي يتحكم يبي يسيطر بعض الرجال كذا الله يهديهم هذي المرجله عندهم
__________________ |
||
|
|
|
|
06-10-2009, 04:25
|
#3 (permalink) | ||
|
مــــبـــــدع
تاريخ التسجيل: 16-05-2009
المشاركات: 282
|
رد: بنات شباب أنـتـظر أرآئكم ؟!
طيب لاتكلميه
وريحي واذا دق ارسلي مسج وقولي انا عندي احساس اذا بتراعي مشاعري كلمتك واذا كلمتيه سوي نفسك زعلانه لاتتكلمين واجد واذا قالك وش فيك ساكته قولي كلامي مايعجبك خذيه على قد عقله وعطيه الوجه الثاني هذا من البدايه مسوي قوي
__________________
 من تصميمي وعيدكم مبارك 
__________________ |
||
|
|
|
|
06-10-2009, 04:37
|
#4 (permalink) | ||
|
كاتب متميز
تاريخ التسجيل: 06-10-2009
المشاركات: 178
|
رد: بنات شباب أنـتـظر أرآئكم ؟!
أولا أسأل الله العظيم الكريم أن يجزاك الفردوس الأعلى من الجنة على صبرك عليه و تعقلك ، ثانيا أكثري من الإستغفار في كل و قت و لا تيأسي من رحمة الله ، ثالثا إكتبي له رسائل ورقية تعاتبينه فيها أو كلميه في الوقت المناسب له متى ما كان هادئ إمدحيه أولا و إذكري له مقدار حبك له ثم إذكري عتبك عليه و عيوبه ، الصبر الصبر الصبر و إحتسبي الأجر عند الكريم و تذكري أنه كلما زادت الظلمة كلما إقترب النور و كلما زادت الشدة كلما إقترب الفرج .
__________________
( الله يغضب إن تركت سؤاله * و بني آدم حين يسأل يغضب ) ( أبي الإسلام لا أب لي سواه * إذا إفتخروا بقيس أو تميم ) ( لكل داء دواء يستطب به * إلا الحماقة أعيت من يداويها ) __________________ |
||
|
|
|
|
06-10-2009, 04:46
|
#5 (permalink) | ||
|
عضو جديد
تاريخ التسجيل: 06-10-2009
المشاركات: 14
|
رد: بنات شباب أنـتـظر أرآئكم ؟!
بصراحه ماقدرت اكمل واقرا بقيه القصه
من بداايتها وقلبي تفطر عليك وش فيهم هالرجاااااااااال يحبون يمتلكون اي شي وبنفس الوقت يظهرون السلطه والتحكم وبطريقه غير انساانيه ع املاكهم مادروو انا بششششششششر ونقدر نقول لهممممممممم كلمة لااااااااااااااااا حبيبي لهنا وبس يعني مايتجاوز حدوده ويتدخل بخصوصياتي ويمنعني من الي احبه ماقول الا ربي يعيييييييييينك مع انه بالبدايه كان رومنسي معك ويسمعك كلام حلوو استغربت ساعتها وقلت الله يهنيها بس بعد ماسمعت القصه غيرت رااي هالنوعيه اتوقع والله اعلم الحل لها كالتالي شوفي انتي مدللتيه بالبدايه من يوم التصوير يعني المفروض من البدايه تعطيه رايك بكل صراحه هذا زواج عمر يعني مو يوم او يومين اذا ماينفعك فيه غيرهــ >>>تحمسسسسسسسسست وعشان كذا حاولي تحرميه من كل شي كنت تلبيه له واولهاا لا تحسسينه انك مهتمه فيه خليه يفقد هالشي لانه تعود منك السمع والطاعه في البدايه وساعتها بيجيك زاحف ع رجوله يطلب رضااك وربي يووفقك واعذريني ع تحمسي الزايد تقبلي مرووري __________________ |
||
|
|
|
|
06-10-2009, 04:58
|
#6 (permalink) | ||
|
ِعضو محترف ومتميز
تاريخ التسجيل: 01-08-2009
المشاركات: 700
|
رد: بنات شباب أنـتـظر أرآئكم ؟!
جزاكي الله خيرا كثيرا .........
كـــــثـــــــيــر من الازواج ...... اما الزوج لايستاهل الزوجه او العكس...... الله يحفظك يا اختي ويثيبك على صبرك على هذا ( المراهق المريض ) ويبدلك خيرا منه انه على ذلك قدير .....
__________________
واحد وعشرين ولي كل الفخر غيري ثلاثيني وصايع بالاسواق ياعالم الحكمه ماتنقاس بالعمر يعني مافيه اربعيني وبالوالدين عاق؟ ويالخمسيني خسارة فيك خط الحبر ارضي زوجتك واعتني باللي باق ويالستيني انا منك ميت من القهر سوقك ماشي مع اللي تحب الاوراق يارب زوجني والله لأحبها طول العمر بس تكون جميله وعفيفة من الاعماق هذي ابيات عشريني مل من الصبر رجال يخاف ربه مو للشهوات ينساق __________________ |
||
|
|
|
|
06-10-2009, 05:01
|
#7 (permalink) | ||
|
عضو نادي الألف
تاريخ التسجيل: 23-09-2009
المشاركات: 2,296
|
رد: بنات شباب أنـتـظر أرآئكم ؟!
سوري بس من جد زوجك مرررريض معليش على هالكلمة
خليه يحترمك غصب .. لازم تحطين حد لمعاملته معك لا تسكتين مثل ما تحترمينه خليه يحترمك والله منتي بايره علشان يعاملك مثل هالاسلوب ولا اهلك غاصبينك علشان تتزوجينه وعلى فكره وشله يهدد كل شوي نخرج بالمعروف ؟؟؟؟ ترى اشين شي الرجال لين يهدد الحرمه وهو عارف انها تحبه وبالذات تحترمه يحسب كن مالها احد اذا هددك مرة ثانية خليه يكلم ابوك واذا رفض انتي روحي كلمي ابوك قولي له وش يقووول علشان يعرف ان وراك احد ويركد شوي ويغير اسلوبه وربي هذا ينخاف منه هذا وانتي مملكة اجل لو تزوجتوا وش راح يسوي من جد وربي قريت كلامك وحز بقلبي تصرفه معاك ومدري وشلون مستحملة وصااابره ماشاء الله عليك استخيري ربك وسوي اللي تحسينه اريح لك ربي يعينك __________________ |
||
|
|
|
|
06-10-2009, 05:05
|
#8 (permalink) | ||
|
عضو نادي الألف
تاريخ التسجيل: 14-05-2009
الدولة: ~:؛[ بينْ الآميْ وآحزأإنييْ ]؛:~
المشاركات: 2,961
|
رد: بنات شباب أنـتـظر أرآئكم ؟!
{{{ هذا أوله ينعااااااااااااااااااااااااااااااااااااااف تاااااااااااااااااااااااليه }} {{ ألوووومه}}
__________________
// و يبقى ألألم //
وما زلت أعيش ألألم ألم وعشناه محفوره في داخلي وفي داخلي ~ ياللي رجائي فيك عطني قلب خااااالي من هموم واحزان وورني أيام كلها سعاده وهناء عساي اكووون عن قريب ف ر ح وع ش نا ه وأخيييرا وما زلت أعيش ألألم أختكم طيف // وييقى ألألم // ألم وعشناه __________________ |
||
|
|
|
|
06-10-2009, 06:58
|
#9 (permalink) | |||||||||
|
عضو جديد
تاريخ التسجيل: 06-10-2009
المشاركات: 24
|
رد: بنات شباب أنـتـظر أرآئكم ؟!
اقتباس:
آمين ياارب يختي عصبي على نفسه مو يطلع حرته فيني ولا اقدر اصبر عليه كرامتي فوق كل شيء يختي اللي جابه يجيب غيره والله لو آخر رجال ما راح اخذه < اصلا مب رجاال < هو ذكر فقط ولا فيه الرجولة .. استغفر الله .. ربي لا يبتلينا .. تابعي قصتي لم تنتهي وسترين نصر الله لي اقتباس:
جربت اني ما اكلمة عصب عليا ليش ما تردين وينك ليش ما تتصلين لما فضيتي ومن هالكلام يعني كذا او كذا الكلام واصل واصل فـ أخذها من قصرها وارد عليه وأصّبر نفسي < تعرفين مدري ليه ساكتة واصبر نفسي بس تابعي قصتي وتعرفين النهاية الرآئعه بالنسبة لي ع فكرة توقيعك مضحك وحلوو اسعد الله قلبك دووما وابدااا اقتباس:
الله يجزيك خير اخي الفااضل .. اللهم آمين لدعائك ولك بالمثل ياارب والله اني دايم استغفر وادعي له بالهداية لانو لا صلاة محافظة عليها ولا شيء ويسمع اغاني ويشاهد افلام وانا الحمدلله من فضل ربي عليا عكسه تماما واخواته كانو معتمدين عليا اني اخليه يترك هالمعاصي لكن حاولت معه في الدخان وما تركني اكمل .. الله يهديه .. تابع مع القصة وان شاء الله ترى نصر الله لي شكرا جزيلا لك اقتباس:
الله يجزيك خير حبيتي والله كلماتك منطقية ومتعقلة .. يعطيك العافيه انتظري بقية القصة لانها لم تنتهي عند هذا الحد شكرا لك عزيزتي اقتباس:
وياك اخي الفاااضل شاكرة لك بعد الصبر آتي الفرج .. تابع بقية القصة وان شاء الله تعرف نصر الله للمظلووم والحمدلله ع كل حاال .. اقتباس:
لا تعتذري غاليتي عن جد هوو مريض اختبرته عدة اختبارات نفسية وطلع مريض نفسي الله يشفية ياارب يختي جربت معه كل شيء لكن لا فائدة تصدقين عاد مرة ارسلت له رسالة لانه مايعطيني مجال بالجوال يصرخ ويعلي صوتة ويقول كلام مثل السم ويبكيني واسكت ولا اقدر ارد عليه المهم كتبت له انت انسان لا تحترمني ولا تصدقني حتى لما احلف لك بالله العظيم ليه كذا لي ظنك سيء فيني ليه تسوي كذا بصراحه انت قاسي وشوفي ردة فعله وش قال انا قاسي طيب رااح اوريك القسوة على اصولها شووفي بالبيت ان شاء الله انت بغرفة واانا بغرفة حقووقك توصلك بس انا ماابغي منك شيء !!!! وراح اسوي واسوي واسوي اشياء كثيييرة بس انا نساية مدري وش قال بعد بس كل كلامه يقهر ويعذب وارسلت له هذا ما بدال تطيب خاطري تقوول كذا ؟ اخ بس .. مقهووووووووووووووووووووووورة ماارة بس انتظري نهاية قصتي تاابعي اقتباس:
اهلين بك عسووله شكرا لك فالكم التوفيق جميعااا ملاحظة :: كل من رد عليا لن انساه بدعوة بظهر الغيب هذا آخر يوم من ست شوال وربي يتقبل بإذن الله تعالى آختكم مازالت تنزف الألم .. المجروحه كنت أحبهـ ! __________________ |
|||||||||
|
|
|
|
06-10-2009, 10:08
|
#10 (permalink) | ||
|
عضو جديد
تاريخ التسجيل: 06-10-2009
المشاركات: 24
|
رد: بنات شباب أنـتـظر أرآئكم ؟!
هدووووء احبااابي .. اشكركم على تفاعلكم ونصايحكم القيمة راح اكمل قصتي واستمتعوو بالقرآءة .. وبعد كلمته لي (( انتي في نعمة والانسان ما يحس بالنعمة الا لما يفقدها )) حز بخاطري هالكلام وتركت بقلبي جرحا كبيرا .. صليت الظهر او العصر ما اذكر المهم تذكرت كلامته وسجدت لله وانا ابكي من اعماقي قلت وانا ساجدة يارب اذا خير لي هالانسان اكمل معاه واذا شر لي ابعده عني وابعدني عنه والله الذي لا اله الا هو .. حصلت مشكلة بيني وبينه وقلت خلاص لــ هوون وبس .. احكيكم اياها .. في الصباح جاني ابوي وامي وانا واخواتي قال حضرو انفسكم يا بنات بكرة الصباح نمشي عند اختكم بجدة ونجلس كم يوم < كانت بداية الاجازة الصيفية .. المهم اتصل عليا بعد المغرب وقلت له السالفة قال ايششش بتروحين فين ليشش ما تسشريني ليه ما تقولين لي قبل تقررين قلت له انا ما قررت ولا لي كلمة بالبيت ابوي وامي قررو وقالو لي المهم سواها سالفة ومن المغرب الى الساعه 3 باليل يقفل ويتصل ليه ما تقولين لي ليه ما تستشريني ليه ما تبيني احترامك لي امام اهلك كانت قلتي لهم بروح استشير خطيبي !! وقلت له يعني لو قلت لك ورفضت اهلي بيخلووني بالبيت عشان حضرتك قلت لا ! .. المهم نفخ راسي بالكلام وتخيلو يقول لي هذه هدية مشتريها لك شوفي الحين انزلها من السيارة واحطها تحت الكفر وحطها ورجع عليها وكسرها ولا ادري وش هي الهدية ؟ بالله هذا انسان عاقل .. عاد قلت والله بكرة اقول لاهلي كل شيء وكل الكلام اللي يقوله خلاص ماراح اسكت نهائي وانتظرت لين وصلنا وكلمت اختي الكبيرة وقالت لابوي < صراحه كنت خايفة من ابوي لانه شديد شووي < بيقول ليه ما قالت لنا من يوم صار كذا المهم طوول الطريق وانا استغفار ودعاء (( اللهم اني مغلوب فانتصر )) وبعدين الشرير اتصل ع اخوي اللي بمكة وراح يشكي له وطلعني انا الغلطانه واتصل ع اخوي اللي بالرياض وبعد يشكي له ويقول كل ما صار بيننا شيء راحت تقول لابوها .. ابوي سمع الكلام وسالني وقلت له ايه الكلام كله اللي قالته اختي صح وكان يتصل عليا بس ما رديت عليه بالمره ويرسل رسايل بس مارديت بعد حقرته .. المهم اتصل عليه ابووي وهزئه تهزيء معتبر وقال له ليش انت تهدد بالطلاق ليه وش صار ؟!! الطلاق هذا ما تطريه ابدن وقال له آجل الزواج لين نشوف السالفة الحين هي تقول ما تبغاك وقال له ليش تقول لها اجرك من شعرك تبي تجر رووح تزوج بنغاليه وجرها مع شعرها لاتحسب هذه ما وراها احد هذه وراها رجال وقبايل < قسم عجبني ابوي الله يحفظه لي يااارب .. ومن كلامه لابوي يقول انا ما قلت كذا يعني طلعني كذابه < استغفر الله العظيم .. وصار يتصل ويرسل معطيته طنآش ولا رديت عليه..ارسل لي يقول هذا مو اسلوب تفاهم ردي عليا ابيك ضروري اسمعيني طيب .. اعاهدك امام الله غلطه وما تتكرر طنشته ولا كلمته .. المهم رجعنا بيتنا وجائنا اخووي اللي بمكة وكلمني وقلت له كل سواليفة وقال شوف يكلمني ويطلع نفسه بريء وانتي الغلطانه وسالني انتي تبغينه قلت له لا المهم استخرت واحسست بالراحه اني راح اتركه .. وحددو موعد لزيارتنا يبي يعتذر وجاء وهو وابوه المهم قالي ابوي انتي خلاص ما تبغيه قلت له لا واستقبلهم وقالهم يابوي مافي نصيب بيننا هي تقولك كلمتك زي ما دخلنا بالمعروف نخرج بالمعرووف وطلعوو زعلانين .. وانتهى الامر لكن في ليلة الطلاق بدا يرسل رسايل الاعتذار ويريد الرجوع والعدول عن قراري ومن الاقدار ارسلت له رساله وقلت له لا يمكنني الوثوق بك وبكلامك وعدت واخلفت كثيرا وجرحتني بقلبي احترمتك واحتويتك بكل نبض قلبي كنت امك وحبيبتك وصديقتك لكن لم تقدر ولم تحترمني تحملت كثير اهانات لكن قلبي لم يحتمل اكثر وكثر الضغط ولد الانفجار ووصلت لقناعة ذاتية لا يمكنني الاستمرار مع شخص يتصيد اخطائي ويحاسبني حساب عسير الله يوفقك بحياتك آمين ودآعه الرحمن .. وارسلت له رساله اولى بس مسحتها ولا اذكرها وبس المهم قفلت جوالي وبدا يرسل وقلت خليني افتحه بشوف رسايله وسبحان الله لم يفتح طفى مااره وقال لي ادخل البنك اي الرقم الطوويل وانا ناسيته وجلس جوالي 3 ايام مقفل ولا ادري وش رسايله لكن بعد الطلاق تم فتح جوالي بعد 3 ايام وهلت رسايله مبكية يتوسل بشكل فضيع زين ما قريتها واتاثرت ويمكن اتراجع بقرااري .. الحمدلله تقفل الجوال خيرة من رب العباد .. و كنت متاكدة من قراري لاني استخرت رب العباد وفي شيء صار بعد وحدة من صديقاتي من سلطنه عمان وانا بوسط المشكلة ارسلت لي رؤية شافتني وامي وهي ما عمرها شافتني بس اكلمها ع الجوال والمسن وتقول خايفة عليك طمنيني وارسلها لـ الشيخ ناصر السنة الله يحفظه وكان رده يدل على فرحة وسعادة ورزق يأتيك بعد تعب والله اعلم .. وانتهى الامر بالطلاق وليت الامر توقف عند هذا الحد كان يتصل ع اخوي ويقول له صورة امي عندها جيبها وانا ارسلت له كل شيء اعطاني اياه صورة وهداياه كل شيء كل شيء ما خليت شيء عندي مدري ليه يقول كذا وبالمقابل اشيائي عنده ولا جابها كان يقول لاخوي بجيب اشيائها ولا جابها انا ما يهمني خلاص انتهى من حياتي ولا حسافه عليه ابدن اصلا مافيه مؤؤهلات تخليني اتمسك فيه واقول فيه شيء طيب < الله لا يبتلينا .. الحمدلله الذي عافانا مما ابتلاهم .وبعدين اتصل على اخوي يقول له انا رحت لشيخ وحكيته وقال الحين انا ندمان مررره قال له اخووي خلاص معد يفيد الندم انتهى كل شيء .. وكذلك اتصل ع اخوي اللي بالرياض بعد 3 اسابيع ويقول له انا ملكتي الخامس من العيد حياك ؟ يعزمه اخوي رد عليه قال له انا وش لي شغل وبعدين انا بالرياض ليه انا المملك شفتووو كيف حكايتي عجيبه .. المهم رآيت رؤية فيه وفسرها الشيخ لي بعد ما حكيته ع موضوعي بااختصار قال لي تفسير رؤياك ان خطيبك بعد ما تركتيه اصبحت نفسه مكسورة منك وعزيمته لاخيك دليلا اكيدا انه لبس ثوبا الإنكسار .. سبحانك ربي ولازالت تتاولى عليا البشاير هناك نصر من الله عزيز .. خطب وقبل ملكته بيومين اتصلو عليهم اهل العروسه وقالو له مالك نصيب عندنا . والله رحمته بهذه الصدمه واحيانا اقول يستاهل . توالت عليه الخساير عربون القصر اللي حجزه على ايامي راح عليه وايجار الشقة دفع 10 الاف على ايامي معه وجهزها بالكامل والان سيخسر 10 الاف اخرى القصد الثاني للايجار للشقة وش رايكم بنصر الله لي نصر مؤزر والله لم يغيب عني الدعاء والاستغفار واللهم اني مغلوب فانتصر .. والحمدلله على كل حال انا الان في احسن حال ومرتاح بالي ومطمئنة وواثقة برب العالمين بيعوضني خير منه وكانت هذه تجربه وحكمه من رب العالمين ودرس لي حتى اعرف كيف اتعامل مع اشباه الرجال .. وشكرا لك من علق واهتم ورقت مشاعره مع حكايتي الاليمة لكن الحمدلله خرجت منها منتصرة وكلي شموخ كسبت نفسي وتركت الحب جانبا .. على فكرة كان على باله اني ما اقدر استغني عنه لاني كبيرة في السن << مو كبيرة مره .. في الجنة قمة الشباب وعنفوانه بعمر الثلاثين .. بس مين يفهم وبعدين على باله اني خلصت من اغراضي تخيلو 4 شنط مليئة من الملابس والاكسسوار واشياء اخرى على باله خلاص معد فيه فكه لكن رجعنا مهره وكل هداياه وكسبت كرامتي ونفسي .. ابي ارآئكم بعد القراءة كاملة .. لن انساكم بدعواتي بظهر الغيب .. جزاكم الله خير آختكم المحبه المجرووحه __________________ |
||
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
الساعة الآن 16:10.
موقع حلوة - ابراج مكتوب - للرجال فقط - الثقافة الجنسية - الحياة الزوجية - اختبار القدرة الجنسية - للمقبلين على الزواج - الحمل و الولادة - اخبار الفنانين - كلمات الاغاني تجارة الكترونية - منتديات الامارات - اناشيد طيور الجنة - العاب - العاب بنات - صور اطفال - صوت الاسلام - الفراشة - عالم حواء - منتديات - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - بنت الحلال – زواج - اصحاب–تعارف - مدونات مكتوب – مدونات عربية - توبيكات - العاب بنات- العاب تلبيس-العاب ماكياج |
||||
العرض العادي
