عالم الحياة الزوجية - منتدى

بنتك يالسعودية · 07-10-2009, 01:35

السلام عليكم
اول شئ احب اقول لاخواتي المطلقات الله يعوضكم خير مما فقدتم انه سميع مجيب ,وثانيا انا تعمدت اضع استشارتي هنا لأني اؤمن ان المطلقة لديها الكثير من الخبرة والنصيحة التي لاتوجد لدى غيرها., ولا يعيب الطلاق في شئ.. علمتني الحياة ان المطلق او المطلقة لا يختلفان عن غيرهما من الناس ولكنهما أكثر خبرة.. فهما مرا بتجربة او مشروع تكوين اسرة سعيدة.. وعندما علما انهما لن يستطيعا اكمال المشروع توقفا . وانا عانيت من الطلاق سواء في اسرتي او من خلال مطالعتي لهذا القسم والاقسام الاخرى في المنتديات المختلفة مما كون لدي رهبة من الطلاق ...سؤالي هو انه تقدم لخطبتي شخص ولكني اكرهه ولااطيقه ابدا والسبب البعد الفكري بيني وبينه والشخص هذا قريب لي يعني اعرف عنه كل شئ وانا مااناسبه ولايناسبني والمشكلة اهلي مبلشيني عليه ......انا بديت اتهور وسجلت في موقع زواج وكلمت خطابة ودي احط اهلي بموقف واخاف اطيح في مشكلة لاني بصراحة اهم شئ عندي التوافق الفكري والعقلي والتكافؤ وهذا انسان غبي همجي ماحبه وش السوات ياجماعة الخير اخاف بكرة اصير طليقة طيطا مثل طليقة تيفا
طيطا= طلال خخخخخخخخخ
يالله بالله ساعدوني تراي بهم ماينلم

أتعبهم غلاي · 07-10-2009, 01:47

شووفي غلاتي

انتي تعرفينه واذا انسان يصلي ويعرف ربي صدقيني الاشياء الثانيه بسيطه تقدرين تغيرييينه انتي

خصوصا اذا هو يبييييك

اهم شي الصلاة واحترامه لك والباقي مااتهم تتغير في الانسااان

واهم شي الاستخااارهـ استخيري ربي وشووفي ربي وش يكتب لك

المهم لاتستعجلين بالرفض او تهربين لناس ثانين يمكن يكونون اسوأ من الي متقدم لك

وربي يكتب لك الخير ان شااء الله

tarek_sa · 07-10-2009, 01:47

السوات بسيطة
لا ترتبطي فيه من رأيي البسيط
وكلاً ينام على الجنب اللي يريحه
ولا تسجلي بمواقع زواج لأنها غير مستساغة
يعني اشجع الزواج التقليدي لأن نتائجة مضمونة

وهذا الرجل تستطيعي إقناع أهلكِ أنه غير مناسب
وبس

ابوالجوهره · 07-10-2009, 01:50

الموضوع بسيط لاتوافقين ,

حلاتي بسكوتي · 07-10-2009, 01:51

حياك يالغاليه مادري وش ارد عليك بس من كلامك انك تعرفينه طيب يمكن بعد الزواج يكون انسان ثاني بيديك تغيرينه بس النصيحه استخيري ربك وشوفي راحتك وين تقبلي مروري اختك حلاتي

بنتك يالسعودية · 07-10-2009, 01:53

مادري كيف ابعده عنا كل عصر يجي يتقهوى واخواني مبسوطين معه مع انه همجي مدري وش محببهم فيه بس يمكن المرأة لها نظرة خاصة واخوي مبلشني عليه وانا من كثر مايتكلم معي اخوي صرت استحي وبديت بس اكتم في نفسي وقلت له هذا مايناسبني قال انتي ماتعرفين شئ وهذا طيب مره ومدري ايش انا والله احساسي يقول اني ماراح التقي انا وياه في نقطة مركزية خصوصا انه من القرايب واعرفه واسمع اخباره ومواقفه وتقريبا اعرف شخصيته والله اني طفشت من اخواني او للامانة واحد منهم هو اللي ينق علي وانا صرت اسكت وشفته يزيد يحسب اني موافقة وبعدين دخلت موقع زواج وسجلت عشان افتك من الهمجي وكلمت مؤذون وكلمت خطابة وش اسوي بالله .؟اقسم بالله هالشخص غثني واخواني بعد زيه الله يسامحهم وامي من النوع اللي تغتر بكلام اخواني الله يطولي بعمرها

..هــــــــــــدب.. · 07-10-2009, 01:53

لاتستعجلي حبيبتي وادعي ربك يرزقك الصالح
انتبهي ولا تتهوري
والا بتصيري طليقة طيطات مو طيطا
هههههههههههههههههههههههه
يسعدك ربي ضحكتيني

افراح الغد · 07-10-2009, 01:54

اهم شي بعد الشوفة الشرعية
شوفي انت مرتاحة او لا
وهو اكيد له راي في نفس الشوفة
حاولي طوووووووووووووووولي الخطبة
كلميه وانت وشطارتك فصفصي خخخخخخ
اخاف افبرك عليك
بس اقولك هذا اللي في بالي
اللي بختصره
لاتردين نصيبك ولاتردين واحد اختاره اهلك
يمكن البركة في اختيارهم
استخيري وتوكلي على الله
وربي يوفقك
ملاحظة :ـ مجرد رأي فقط .. يحتمل الخطأ والصواب

بنتك يالسعودية · 07-10-2009, 01:56

احيانا لولا خوفي من الله افكر الفقله تهمة ,لانه بصراحة دايم يجي ومآخذ الوضع على انه خطيبي واكثر خوفي انه احنا من النوع اللي 24 ساعة عندنا رجال وهو يكون موجود واخاف انه يتكلم ويقول اني خطبت فلانة وينصرفون الخطاب مني ,حسبي الله عليه

بنتك يالسعودية · 07-10-2009, 02:01

اشكركم على الردود لكن مافي امل اوافق عليه ولاواحد بالمئه لاني اعرررررررررفه مايناسبني اللي غاثني انه الموضوع هذا له سنتين والانسان يبسط عندنا بالمجلس واخواني مؤيدينه وينتظروني اوافق وهو مبسوط على اخواني ,

tarek_sa · 07-10-2009, 02:07

أنا حاس من كلامكِ إن فيه شخص في بالكِ

الشخص اللي في بالكِ حاولي توصلي له خبر يتقدم من بعيد لبعيد
أنتِ وشطارتكِ

وبالتوفيق يارب

мϊŝŞ ŗĴąĦ · 07-10-2009, 02:10

ههههههههههههههههههههههه يحوول الاخ يتمييلح كل عصر يتقهوى عندكم لعلى وعسى يكسب اعجاابك فيييه

..
شوووفي واناا اختك انتي ناااظري ايجااابيااااته بغض النظر عن سلبيااااته شوووفي الاحسن ..الرجااال يعييبه اخلااااااااقه وسمعته بييين الرجااال ..بأمكاااانك تغيريييييينه من الى.. باسلوووبك وبشطاااارتك يابعدي ..وتفاااائلي اهم شي ..الرجااال يصبح ضعييف قدااام زووجته ..وشلوون تبيين تكسبيينه,,؟؟ من ايااااااام الملكه من الحرف الالف ..تقدريين تعلميينه اطبااعك ومدى تفكيييرك..
وطبعا قبل كل شي استخيييييييري ربك وادعيييه اخر الييييل..والله يكتب لك اللي فييه الخير يااربي ..

تحياااتي لك يالغلا..

بنتك يالسعودية · 07-10-2009, 02:16

اقتباس:

المشاركة الأصلية كتبت بواسطة tarek_sa

أنا حاس من كلامكِ إن فيه شخص في بالكِ
الشخص اللي في بالكِ حاولي توصلي له خبر يتقدم من بعيد لبعيد
أنتِ وشطارتكِ
وبالتوفيق يارب

مافي بالي شخص معين,صحيح ان فيه رجال كثير من اقاربي القريبين لهم منصب واخلاق واتمنى اي شخص منهم لكن الهمجي هذا ماابغاه

بنتك يالسعودية · 07-10-2009, 02:21

اقتباس:

المشاركة الأصلية كتبت بواسطة мϊŝŞ ŗĴąĦ

ههههههههههههههههههههههه يحوول الاخ يتمييلح كل عصر يتقهوى عندكم لعلى وعسى يكسب اعجاابك فيييه

..
شوووفي واناا اختك انتي ناااظري ايجااابيااااته بغض النظر عن سلبيااااته شوووفي الاحسن ..الرجااال يعييبه اخلااااااااقه وسمعته بييين الرجااال ..بأمكاااانك تغيريييييينه من الى.. باسلوووبك وبشطاااارتك يابعدي ..وتفاااائلي اهم شي ..الرجااال يصبح ضعييف قدااام زووجته ..وشلوون تبيين تكسبيينه,,؟؟ من ايااااااام الملكه من الحرف الالف ..تقدريين تعلميينه اطبااعك ومدى تفكيييرك..
وطبعا قبل كل شي استخيييييييري ربك وادعيييه اخر الييييل..والله يكتب لك اللي فييه الخير يااربي ..

تحياااتي لك يالغلا..

ياشيخــــــــــة

بلاك ماتعرفينه اقسم لو اجلس واعنس لاقدر الله ماتزوجته
بس هو صار يتميلح عند اخواني ودايم يسير ويخدم اخواني وهذا اللي قاهرني ومحبب اخواني فيه
امس راح جاب ولد اختي من المطااار

والمشكلة صاير يقول لأمي ياخالة؟انا ماادري وش قصده تقدير يعني او شئ ثاني؟ علما انه سابقا يقول لها ام فلان
سبحان الله هذا الشخص بالذات اذا تذكرته اكره الزواجات

آخر وريقات التوت · 07-10-2009, 02:26

والله ياحبيبتي اذا انتي مقتنعا انك ماتبغينه

اوقفي قدام اهلك كلهم وقوليلهم ما ابغاه

هذا زواج حياة اخرى ارتباط بين امراءة ورجل

واذا كان احدى الطرفين غير مرتاح حرام يظلم الطرف الأخر

الحياة الزوجيه تبنا على التوافق والرحمه والحب

ياقلبي انتي ادرى بنفسك قولي لأخوك انا ماابغاة وقفلي على الموضوع

ولا تقعدين اتعبين نفسك واقنعي امك ترى الأم
هي الي تحس بهذا الشي ودخلي اخواتك
او احدى قريباتك

الله يوفقك ويكتبلك اللي فيه الخير ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

خطبني بس ماطيقه..؟ابغى شور المجربات