عالم الحياة الزوجية - منتدى

فراشة تائهه · 09-10-2009, 14:25

السلام عليكم

مراحب شباب صبايا ابي الفزعه منكم
جو لي البيت حريم من كم اسبوع وطلبو يشوفوني ولما شافوني عجبتهم حيييييل

وبعد اسبوع اتصلو ع تلفون البيت وقالو نبي صورة بنتكم عشان يشفوها ولدنا

والولد مب من نفس منطقتنا منعرف عنه شي طيب قالو اهم بجيبو صورت ولدهم وانا اعطيهم صورتي عااد انا مارقت لي الفكره كيييف اعطيهم صورتي بدون مايتقدمو رسمي لازم يتقدمو يمكن انا مايعجبني ولدهم <<<اشد كانوو ثقه

يمكن ولدهم مو اوكيه له سوابق

المهم انا الحين قلت لهم اتقدمو رسمي واذا جيتو لي وانا وافقة بعدين اعطيكم الصورة واذا ماعجبه شكلي خلاص يتوكل على ربناوشوف له غيري

اهله عجبتهم موووووت

بس اهو عاد ماادري يغير رايه ويسمع كلام اهله ويطلب الصورة بعد الموافقه والا خير شر مايتقدمو لي وسكروو الموضوع <<<الله لا يقولها يااربي

ويالله عااد عطوني حل شاسوي اذا رجعو طلبوها مني من جديد ؟؟؟

وانتو شرايكم في الحركه وهل احد فيكم جربها ؟؟؟

ولا تنسوني من دعواتكم الطييبه

حنـgggن لحدالجنـgggن · 09-10-2009, 14:52

السلام عليكم
اول شي بسألك.. اهلك وافقوا ع الصوره؟؟
حبيبي اشوف ان الصوره ما تنفع وماراح تفيد كثييييير
لانه ممكن يكون فيه عيب ومغطيه عنك << يوسوس لها
بس بجد انتي تبغي تشوفيه يوقف ويجلس ويمشي وتشوفي اهتمامه بنفسه وكمان هو يبغى يشوفك ترا كلام العيون لحاله ..
تعرف انه موافق ولا لا من عيونه.
يعني مره مايمديه يجي ويشوفك مافيه اجازه كلها يوم واحد
استخيري ربك وشوفي ارآء الاخرين وقرري
هذا رأيي وعاد الله يكتبلك مافيه الخير ويوفقك.

المغذي · 09-10-2009, 15:11

ما شاء الله تبارك الله والله يزيدك جمااال يا رب

أنا رأيي انك ما تعطينهم لا صورة ولا كلام ولا وجه بعد خصوصا انك ما تعرفينهم ، ليه ما يجي يشوفك شرعي بعد ما يتقدم لك ، أما انه يطلب صورتك ليه على رأسه ريشه اللي مثلك وبجمالك يتسابقون عليها الرجال وش حضرته.

أنتي قولي لهم كلمه وحده اللي يبغاني يتقدم لوالدي أو ولي أمري مباشرة وإذا أبوك شافه واقتنع فيه وشاف انه رجااال ويستاهل بعدها يصير بينكم النظرة الشرعية لان بعض الشباب في هالوقت عايش على الاستهبال.

معليش يا فراشه رفع ضغطي قال ايش قال عطوني صورتها (انتبهي تعطينه حتى لو ضغطوا عليك أهله)

والله يوفقك وحياة سعيدة يا فراشه ولا تزعلين من أسلوبي لأني أغار على البنات المحترمات واخاف عليك من النهايات؟؟؟؟؟؟

rawan. · 09-10-2009, 15:16

msh lazem ta3teehum sortek w iza kan bedhum inno ibenhum yeshfek fa ma

ghair elnazra elshar3ia okkk

عشيقه زوجها.. · 09-10-2009, 18:39

لو كنت انا مكانك
ما رح اوافق ,,
اول شي انا ما اعرف عن ولدهم شي وما ادري هو اوكي او لا
ثاني شي يبي نظرة شرعيه يجي لبيت اهلي ويشوفني وبحضور ابوي وبعلم آهلي ,, بلا صورة بلا هم فرضا عطيتهم صورتي وما عجبته وش بيكون موقفي ..!!
والمعروف والسآئد انه الولد يتقدم رسمي وبعدين السؤآل عنه وبعدين النظرة الشرعيه ::
مجرد رآي وانتي لك الخيآر
موفقه حبيبتي

بنتك يالسعودية · 09-10-2009, 19:05

والله مااعطيهم صورتي....خير ان شاء الله
وش يضمنك لو يستغلها او يستغلونها كلهم
عيال الحرام كثير
بعدين ممكن سؤال(اختياري)...كيف عرفوك وخطبوك؟
قوليلها فيه شئ اسمه شوفه شرعية وماحد بيجبر احد على الزواج عجبته عجبته ماعجبته بكيفه وانا بعد لازم اشوفه يمكن انه عاهه

* رونق الذوق * · 09-10-2009, 19:14

مرحبا يالغلا ..
انتبهييي وانا اختك تعطينه صورتك انتبهييي !!
اول شي وش ضمنا انك لاعطيته الصورة انه ماياخذ منها نسخة ويستغلها ابشع استغلال !
حنا مانبي نظلم ولد الناس وان شاء الله مافيه الا الخير
لكن الإحتياط واجــــــــــــــب ,,
اذا هو رايدك واعجب من سمعتك خلاص يتقدملك وتصير بينكم نظرة شرعيه
وبذي الساعة محد متضرر فيكم ابد
شافك شوفة شرعيه حللها الشرع
سواء اعجبتيه اولا فإنتي مانقص منك شي ابد وكل شي قسمة ونصيب
اما الصورة ابدن لاتفرطين فيها لأنها بتروح بيد واحد لايعرفك ولاتعرفينه
ونخاف يصير بعدها مالايحمد عقباه ..

الله يوفقك ان شاء الله ويسخرلك ابن الحلال اللي يسعدك ويصونك
واذا كان الرجل ذا خيرا لك الله يجمع بينكم بخير ..

اختك رونـــــــــــق ,,

* رونق الذوق * · 09-10-2009, 19:18

اقتباس:

المشاركة الأصلية كتبت بواسطة بنتك يالسعودية

والله مااعطيهم صورتي....خير ان شاء الله
وش يضمنك لو يستغلها او يستغلونها كلهم
عيال الحرام كثير
بعدين ممكن سؤال(اختياري)...كيف عرفوك وخطبوك؟
قوليلها فيه شئ اسمه شوفه شرعية وماحد بيجبر احد على الزواج عجبته عجبته ماعجبته بكيفه وانا بعد لازم اشوفه يمكن انه عاهه

هلا بنتك يالسعوديه
تصدقين توي اعتمد ردي والاقي ردك
ماشاء الله تبارك الله احس ارائنا تتوافق اغلب الأوقات
واحس كلامك تبارك الرحمن عقلاني ,,

بالتوفيق حبيبتي ..

بنتك يالسعودية · 09-10-2009, 19:23

اقتباس:

المشاركة الأصلية كتبت بواسطة * رونق الذوق *

هلا بنتك يالسعوديه
تصدقين توي اعتمد ردي والاقي ردك
ماشاء الله تبارك الله احس ارائنا تتوافق اغلب الأوقات
واحس كلامك تبارك الرحمن عقلاني ,,
بالتوفيق حبيبتي ..

من ذوقك حبيبتي..الله يسعدك
وانتي ماشاء الله ردودك افضل مني بكثير..واصلي واحتسبي
بس ودي صاحبة الموضوع تقول لنا كيف خطبوها لأن احساسي يقول الموضوع فيه لفات..نبي نستفيد هههه

لوله العسوله · 09-10-2009, 19:39

خلي اهلك يسألوا عنه سؤال مبدئي عن عيلته ويجي ويشوفك زي الشرع ما قال اذا عجبك وعجبتيه
كملوا السؤال واستخيري وربي يوفقك

عبادي السعدي · 09-10-2009, 19:42

لا تعطينهم اي صورة
الي متعارف عليه
انه يجي يخطبك رسمي هو واهله
وبعدين يطلب الشوفه الشرعية سواءا في نفس اليوم او يحددون يوم ثاني
ويجي يشوفك وتشوفينه ع الطبيعة لان ابدا ما كانت الصورة تحل محل الشوفه الشرعية
هذا رأي
غير انه ممكن يستخدم الصورة لو ما حصل نصيب في امور اخرى لا تحمد عقباها زي ما ذكروا الاعضاء الكرام
وغير كذا انتو ماتعرفونهم .... يعني معليش اي حرمه تجي وتطق الباب وتقول نبي نخطبك وتطلب صورتك تعطينها ؟ ما اتوقع انه كلام منطقي.
ع العموم انتبهي وانا خوك والله يوفقك ويكفينا واياكم شر بنات وعيال الحرام

حبيبة حاتم · 09-10-2009, 20:01

حبيبتي هذولا ناس فاضيه انتبهي تعطي صورتك لاحد اذا انهم جادين يخطبونك رسمي وبعدين خليه يشوفك نظره شرعيه بوجود ولي الامر احسن لك ولسمعتك اما حركة الصور مو مزبوطه بالاخص انكم ماتعرفونه والله يوفقك للخير

أمواج الرحيل · 09-10-2009, 21:42

متابع

شفتك عشقتك · 09-10-2009, 23:58

اقول اختي ترا الشوفه الشرعيه مو على الشكل ترا فيه شي اسمه راحه نفسيه ...‘‘

وبعدين خير !!!!!!!!! اول مره اسمع ان فيه احد بيشوف بنت بيتزوجها عن طريق صورهـ اقول اختي لاتعطنهم صورتك للاسباب التاليه ..
1_ لو سمح الله الولد مو مظبوط وقعد يلف ويدور بالصورهـ

2_ فرضا تزوجتو وقعد يعلث بالصوره يقول بالصوره احلى وخربطه زياده > هذي حركات بعض الشباب ..

3_ ديننا يحث على الشوفه الشرعيه ..

4_ لو شافك ولا اعجبتيه راح تقلقين على الصورهـ وتحملين نفسك هم وانتي مو ملزومه ..

تمنياتي لك باالتوفيق ‘‘‘

فراشة تائهه · 10-10-2009, 15:33

اهلييين
مشكوري ع الرد الي يثلج القلب
والله انو كل الي ردو ع موضوعي كانو يفكرو مثلي انا قلت مين هو عشان اعطيه صورتي هع
المهم بنتك يالسعودية <<<الجواب ع السؤال

بس ودي صاحبة الموضوع تقول لنا كيف خطبوها لأن احساسي يقول الموضوع فيه لفات..نبي نستفيد هههه

عمة الولد اتصير جيران بيت اخووي
ومره من المرات كنت رايحه بيت اخووي وصدفه هناك عمة الولد شافتني وعجبها شكلي وحطتني في راسها

ويوم فكر ولد اخوها يتزوج قالت ليها حمات جيرانا جميله روحو شوفو شكلها <<<تقصدني انا حمات جارتهم
وجات مرت اخووي البيت معاها جارتهم جارتهم صاحبت امي لانو اذا راحت امي بيت اخووي اتكون عمة الولد في بيت اخووي واتعرفو ع بعض المهم وياها حرمه <<<الحرمه ام الولد مع العالم ان الجاره هي عمة العريس
ويوم عجبهم شكلي قالو نبي ولدنا يشوف شكلها يؤ فاكرين الدنيا سايبه هع هع هع وبنتهم طلعت معااي تدرس في نفس الجامعه <<اخت الولد
عرفتي يااخطيييييييير والله تفكيرك خطييير ع طول غرد هع <<<بنتك يالسعوديه
يالله لا تسوني من دعواتكم واذا صار شي اخبركم ان شاء الله

^_^

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الفزعه طلب النظرة الشرعيه قبل لا يتقدم رسمي