عالم الحياة الزوجية - منتدى

استيل** · 16-10-2009, 02:50

اشكر لكم اهتمامكم بسؤالي
عندنا انا وزوجي مبلغ من المال مدخرينه طبعا انا معلمه وزوجي ظابط
المبلغ حلو ويجيب لنا فيلا فخمه في اجمل احياء الرياض
المشكله زوجي افكاره تغيرت ويقنعني بشراء عماره تجاريه تحتوي على دور ارضي + 6 فتحات معرض
واربع شقق في الدور الثاني مع شقتين صغار في الدور الثالث
ويقول نسكن الدور الارضي والباقي ناجره ونستفيد من مبالغ الايجار وكلها كم سنه وناسس لنا فله
على ذوقنا وتبقى لنا العماره
طبعا انا كنت مامله بالسكن الجديد لاني مره طفشت من الايجار وكل اخواته واخوانه نازلين فلل تجنن
عشر سنين وانا انتظر والحين ابرد انتظر ؟
طبعا المبلغ كله بيروح للعماره ويمكن يكمل زوجي عليه قروض ؟
يعني بيصير تسديد ديون ؟؟؟ يعني انتظار اكثر
طبعا زوجي يفكر تفكير تجاري وانا طفشت خلاص ابي اعيش حياتي
هو ماغصبني ومعطيني حرية القرار
انا اقول الحين نشتري الفله وننزل ونرجع ندخر حق العماره
وهو يقول العكس
ارجو من اصحاب الخبره يرشدوني للقرار السليم اللي مايضر مصلحة اسرتي
شكرا لكم

تـركي · 16-10-2009, 03:22

والله يا اختي تفكير زوجك ممتاز

الفلا تروح الفلوس كلها عليها وعلى التاثيث ... وتصفي يدينكم

العمارة مردودها المادي احسن من الادخار مثل ما تقولي فيها محلات وشقق

وبعدين هذا اصل باقي لك طول الزمن يدر عليكم المال حتى لو كانت عليكم قروض

مردود العمارة يوفيها وتبقى رواتبكم حره ..

الله يوفقكم

الاحسان · 16-10-2009, 04:00

الفيلا بتصرفي عليها من رواتبكم ودخلكم
اما العماره افيد تصرف على نفسها على طول من الدخل وراتبكم اتهنو فيه

الخيار الافضل العماره نصيحه لوجه الله وبعدها خططو على فيلا

خلود التركي · 16-10-2009, 11:38

ممكن تشترين فيلا مفصولة ويكون فيها حوش كبير

لاني انا شريت فيلا مفصولة واستفدت من الدورين وأجرتهم

اما فكرة زوجك حلوة

واذا كان نفسك ب الفيلا فلاتحرمين نفسك

اشتروها مفصولة واسكني انتي الدور الارضي

الشقق مملة وتجيب المرض

حتى لما تجيني عزايم وناسها ساكنين شقق وطبعا شوفي الزحمة والقلق

وانتي بكرة راح تجيبين عياااااااااااااااااال ويكبرون يصيرون شباب

ويكثرون

استيل** · 16-10-2009, 14:05

اقتباس:

المشاركة الأصلية كتبت بواسطة تـركي

والله يا اختي تفكير زوجك ممتاز

الفلا تروح الفلوس كلها عليها وعلى التاثيث ... وتصفي يدينكم

العمارة مردودها المادي احسن من الادخار مثل ما تقولي فيها محلات وشقق

وبعدين هذا اصل باقي لك طول الزمن يدر عليكم المال حتى لو كانت عليكم قروض

مردود العمارة يوفيها وتبقى رواتبكم حره ..

الله يوفقكم

الف شكر لك اخوي
مشكلتي اني اقول وش بقى في العمر والواحد ينتظر؟
حتى لو شرينا الفله رواتبنا راح تظل حره عادي بنشتري كاش مو اقساط
الله يكتب لنا الصالح امين

استيل** · 16-10-2009, 14:09

اقتباس:

المشاركة الأصلية كتبت بواسطة الاحسان

الفيلا بتصرفي عليها من رواتبكم ودخلكم
اما العماره افيد تصرف على نفسها على طول من الدخل وراتبكم اتهنو فيه

الخيار الافضل العماره نصيحه لوجه الله وبعدها خططو على فيلا

مشكور على الرد
هههههههه كل الرجال نفس التفكير تجاري بحت
طيب وين الراحه والوناسه والاستقرار في بيت زين الدور الارض مايكفيني
الله يعين امين
الله يفرج همي والله اني مررررررره مهتمه

استيل** · 16-10-2009, 14:17

اقتباس:

المشاركة الأصلية كتبت بواسطة خلود التركي

ممكن تشترين فيلا مفصولة ويكون فيها حوش كبير
لاني انا شريت فيلا مفصولة واستفدت من الدورين وأجرتهم
اما فكرة زوجك حلوة
واذا كان نفسك ب الفيلا فلاتحرمين نفسك
اشتروها مفصولة واسكني انتي الدور الارضي
الشقق مملة وتجيب المرض
حتى لما تجيني عزايم وناسها ساكنين شقق وطبعا شوفي الزحمة والقلق
وانتي بكرة راح تجيبين عياااااااااااااااااال ويكبرون يصيرون شباب
ويكثرون

ايه والله اختي خلود نفسي في الفله من زماااااان
والحين اشوف الحلم بدا يخرب
انا مدري الواحد ليه يجمع هالفلوس؟ مو عشان يرتاح بحياته ويتهنى؟؟؟
وش لنا بهم الايجارات وغيرها مع ان زوجي يقول كلها 5 او 6 سنين نتعبر
راحت حياتي وانا اتعبر مره طفشت
اخاف امشي علمي ويندمني بعدين؟؟؟
اخاف علمه يتم واجلس انا مقهوره؟؟
زوجي مو مقتنع بالفلل اللي دورين ويقول مردودها مايسوى ومصر على العماره
الله يعين بس على هالدنيا محد فيها مرتاح شكلنا اذا عجزنا تونا بننزل بيت

الصمت كبرياء · 16-10-2009, 17:48

أختي استيل ....

في مثل هالمواقف ... فعلا الشخص والله يحتار ....

وابي اقولك شغلة... الحلو في العمارة التجارية... ان فلوسك تكون موجودة لا سمح الله صار شي تكون موجودة .... يعني تقدرون تتصرفون بالعمارة ..

ولكن في مشكلة بالعمارة.... احاول اتجراء واردها لك ...

وكمان في بجدة.. عندنا عماير الحين نظامة يا اختي .. عمارة ومن فوق فله....

وبخصوص الفله ... تدرين يا خواتي .. الواحد ليش يجمع الفلوس وبكرة بيموت... احسن يعيش بحياتة.. ويفلها بعد ما يأمن العيشة له ولا اطفالة ...

تقبلي مروري السريع ...

والله يكتب لكم اللي فيه خير ...

اخوك

الصمت كبرياء

@..فراوله..@ · 16-10-2009, 22:01

قليبي ،، انا حاسه فيك ،، ودَك تكشخين وتتهنين وبيت ملك وراحه نفسيه خلاص لك تسوين فيه الي تبين..

بس أنتي فكري بالمستقبل وخلَي نظرتك بعيدهـ ، مو مؤقته ..!!

أيَ أفضل ،، الراحه المؤقته ،، والا الامان المستقبلي الدائم؟؟

وظيفتك ماراح تدوم ،، ولا وظيفة زوجك ومصيركم تتقاعدون وانشاءالله بمشيئة ربي يمتلي البيت عليك أطفال ،، وكل واحد منهم بيصير له احتياجات وطلبات كبيرهـ ومع مرور الزمن ماراح تقدرين تلحقين عليهاآ
بس لو كان لك دخل خارجي غير الراتب راح تعيشين انتي ويَاهم عيشه حلوهـ توفَر لك كل متطلباتك وتعيَشك أحسن من باقي خواتك وخواته.!!

طيب ليه ياقمر ،، مبدئيا ماتشترون العمارهـ ،، وأول مايبدأ التأجير فيها ،، تشترون فيلا أقساط وتسددون أقساطها من الراتب + دخل العمارهـ وبكذا تخلصون بأسرع وقت
ويصير الي في بالك وفي باله ،، وبكذا بعد كم سنه تصيرين ربحتي الاثنين فيلا + دخل مادي.!!!

<<وهذاا رأي نسائي بحت ههههههههههه

الله يكتبلك الي فيه راحتك وسعادتك ياقمر

يسعدك ربي

//

حبيب وماهو طبيب · 16-10-2009, 23:02

أزين لك عمارة تجارية تدخل لكم مدخول طول عمركم باذن الله
ومن اجاراتها تشترون ارض وتبون على راحتكم

صاروخ الشعب · 16-10-2009, 23:20

الله يوفقكم ويوفقني نصيحه اسمعي كلام زوجك

حمدى مؤمن · 19-10-2009, 22:10

اقتباس:

المشاركة الأصلية كتبت بواسطة استيل**

اشكر لكم اهتمامكم بسؤالي
عندنا انا وزوجي مبلغ من المال مدخرينه طبعا انا معلمه وزوجي ظابط
المبلغ حلو ويجيب لنا فيلا فخمه في اجمل احياء الرياض
المشكله زوجي افكاره تغيرت ويقنعني بشراء عماره تجاريه تحتوي على دور ارضي + 6 فتحات معرض
واربع شقق في الدور الثاني مع شقتين صغار في الدور الثالث
ويقول نسكن الدور الارضي والباقي ناجره ونستفيد من مبالغ الايجار وكلها كم سنه وناسس لنا فله
على ذوقنا وتبقى لنا العماره
طبعا انا كنت مامله بالسكن الجديد لاني مره طفشت من الايجار وكل اخواته واخوانه نازلين فلل تجنن
عشر سنين وانا انتظر والحين ابرد انتظر ؟
طبعا المبلغ كله بيروح للعماره ويمكن يكمل زوجي عليه قروض ؟
يعني بيصير تسديد ديون ؟؟؟ يعني انتظار اكثر
طبعا زوجي يفكر تفكير تجاري وانا طفشت خلاص ابي اعيش حياتي
هو ماغصبني ومعطيني حرية القرار
انا اقول الحين نشتري الفله وننزل ونرجع ندخر حق العماره
وهو يقول العكس
ارجو من اصحاب الخبره يرشدوني للقرار السليم اللي مايضر مصلحة اسرتي
شكرا لكم

تفكير زوجك صحيح 100 %
انتى تفكرى بالفلة حاليا بسبب أقرابك
وهو لايهمه الا مصلحته ومصلحتك والاولاد والاسرة كلها
ممكن تسون بالسكن بالعمارة الجديدة مايشبه الفيلا يعنى بالتصميم الهندسى او المعمارى
كأن يكون الطابق حقكم مرتفع نسبيا وله مدخل خاص بكم فقط وتسون به استقبال زى الموجود بالفلل وسلم داخلى وبعض الحجرات العلوية من الداخل وحمامات ومطابخ اضافيه وهكذا بذات الطابق - وستشعرين انكم بالفعل فى فيلتكم الخاصه وتضعون فيها ديكور ممتاز وهكذا
لكن تفكير زوجك رائع وممتاز حتى لو لم يسوى لكم فيلا داخليه بالعمارة ايضا ممتاز

استيل** · 24-10-2009, 16:26

اقتباس:

المشاركة الأصلية كتبت بواسطة @..فراوله..@

قليبي ،، انا حاسه فيك ،، ودَك تكشخين وتتهنين وبيت ملك وراحه نفسيه خلاص لك تسوين فيه الي تبين..

بس أنتي فكري بالمستقبل وخلَي نظرتك بعيدهـ ، مو مؤقته ..!!

أيَ أفضل ،، الراحه المؤقته ،، والا الامان المستقبلي الدائم؟؟

وظيفتك ماراح تدوم ،، ولا وظيفة زوجك ومصيركم تتقاعدون وانشاءالله بمشيئة ربي يمتلي البيت عليك أطفال ،، وكل واحد منهم بيصير له احتياجات وطلبات كبيرهـ ومع مرور الزمن ماراح تقدرين تلحقين عليهاآ
بس لو كان لك دخل خارجي غير الراتب راح تعيشين انتي ويَاهم عيشه حلوهـ توفَر لك كل متطلباتك وتعيَشك أحسن من باقي خواتك وخواته.!!

طيب ليه ياقمر ،، مبدئيا ماتشترون العمارهـ ،، وأول مايبدأ التأجير فيها ،، تشترون فيلا أقساط وتسددون أقساطها من الراتب + دخل العمارهـ وبكذا تخلصون بأسرع وقت
ويصير الي في بالك وفي باله ،، وبكذا بعد كم سنه تصيرين ربحتي الاثنين فيلا + دخل مادي.!!!

<<وهذاا رأي نسائي بحت ههههههههههه

الله يكتبلك الي فيه راحتك وسعادتك ياقمر

يسعدك ربي

//

مرحبا مراقبتنا الغاليه فراوله
وربي انك فاهمتني مشكوره يالغلا على نصيحتك
فعلا انا معك بكل كلمه قلتيها بــــــــــــــــــــــــــس الله يعين على هالدنيا
يظل الانسان طماع يبي كل شي وكل ماكبر شوي قال هل من مزيد
وتنتهي القناعه
اول مانشتري راح اعطيكم خبر باذنه تعالى

انت هواي · 08-11-2009, 02:13

انا من راي الاخت اللي قبلي

ومن مردود العماره بتاثثين الاثاث اللي على كيف كيفك بعد

وعاد هالله الله لاسكنتي الفله اعزمينا

هههههههههههه

صادقة الأحساس · 08-11-2009, 04:10

أنا من رأيي تشترون الفله والعماره لاحقين عليها والتأثيث مقدور عليه شوي شوي عادي على الأقل الواحد يضمن سكن ملك وحلو وعلى كلامك المبلغ اللي عندكم بيجيبلكم فله فخمه الحمدالله قبل لاتولع الدنيا الحين غلا وأرتفاع الأسعاروالإيجارات وبعدين تقولين عشر سنين وأنتو في إيجار بعدين بتجمعون من مدخول العماره وتبنون بيت متى تتمتعون وتشوفين نفسك لأن أكيد في هالفتره بتقصرين على نفسك شوي عشان تجمعين ولك حريه الرأي ،، الله يسهل أمرك . تقبلي مروري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

وش رايكم فله او عماره تجاريه؟