 |
 |
 |
||
|
|
|
||
 |
|
 |
هذا الموقع مخصص للعلاقات الزوجية المهذبة و الثقافة الجنسية و لا يتضمن أى صور أو أى مواد مثيرة و لكن به من الموضوعات مالا يناسب من هم أقل من 18 سنة.
|
|||||||
| المنتديات المتخصصة قصص واقعية ,قصص الانبياء ، قصص للعبرة ، قصص مؤلمة |
 |
|
|
LinkBack | أدوات الموضوع | انواع عرض الموضوع |
20-10-2009, 13:30
|
#61 (permalink) | ||
|
وسام العضو المثالي
 
تاريخ التسجيل: 30-07-2008
المشاركات: 2,424
|
رد: لو تحطم لك امل } اعرف ان الله يحبك وابتسم << قصه تحطم اهم امل من امالي : (
طبعا احنا وقتها تجمعنا كل العايله خلاص ببيت جدي والحاله مايعلم بها الا رب العباد لكن احس بهالموقف احنا الحريم صبرنا يمكن اكثر شوي من الرجال الرجال جاتهم نوبات بكى وصياح عمري وحياتي ماتخيلتهم بهالموقف ,, عاد الشرطه خلاص هنا قالت يمكن شبهه جنائيه ,,, وبدأوا بيسووا التحقيق لحد مايكمل شغله الطبيب الشرعـــــي ,, تخيلوا قالوا احتمال تكون اسباب الوفاة ( يا قتل ,,,, او ,,,, انتحــــــــــار ) هنا وبهالموقف بالذات دوروا لنا ماتلقووونا انواااع الصياح كلنا لابسين اسود باسود ونصيح وماسكين يداتنا ببعض وكلنا متجمعين عند الشباك وكلنا نقول يااااااااااااارب مقتول ولا منتحر مع اننا واثقين الف بالميه انه مستحيل ينتحر بس قلنا لانه مسحور ممكن صار فيه شي وصار اللي صار وهو مو داري بنفسه تخيلوا كيف كانت حالتنا ,,, وتضارب افكارنا ,,, و كل شوي وحده يغمى عليها طبعا طلعت نتيجه الطبيب الشرعــــــــــي وقال ان سبب الوفاة ( نوبه قلبيه صابته يوم طلع فوق السلم لانه ممنوع من طلوع الاماكن العاليه ) الحمد لله ماخاب ظننا ,,, بس برضوا الموت موووت مهما اختلفت الطريقه والحزن هو الحزن مهما صبرنا قلوبنا وقويناها شوي ,,, المهم بعد هالوقت ودوه المغسله ,,, وغسلوه وكفنوووه ( الله يرحمه ويسكنه فسيح جناته يارب ) وقبل الفجر جانا ابوي وسلم علينا وعزيناه طبعا وهو مانشوف وجهه مغطيه بالغتره من كثر مايشاهق << اول مره بحياتي اشوف ابوي الهيبه القوي يبكي واقصى حالات الحزن مسيطره عليه قال لاخواته ولنا يالله المغسله عشان تودعونه الوداع الاخير ,,, قالي ابوي مابتسلمين على عمك ؟ ترا ماعاد حتشوفينه مره ثانيه ,,, وتعالت اصوات ابوي وعماتي بالبكا ’’ انا هنا مدري ايش صابني ,,, يمكن انهيار ,, يمكن صدمه مدري والله كل عماتي راحوا معاه ,, وبعض بنات عماتي ,,, انا والله ماقدرت اتحرك ,, ولا اتكلم ,, قرب الفجر ,,,, واحنا بحاله من الحزن والكآبه الله لايوري مسلم جوا من المغسله ... وكان القيامه قامت من كثر الصيااااح انا هنا خلاااص ماقدرت اتحمل ,,,, ودي اصبر واصبرهم لكن وربي ماقدرت على نفسي قال ابوي بعد الفجر بندفنه تعالي معايا ياغروب اوديك البيت طبعا شايف حالتي وشكله خاف عليه ,,, خلينا امي عندهم ,,, وانا رجعت عند اخواتي وانواع الحزن ,,,, اذن الفجر ,,,, خلص اليوم ,,, لكن اااه ياقلبي خلص بنهايه حزينه جدا ما انتهى الا لمن دفعنا ثمن انسان غالي وعزيز على قلوبنا ما انتهى الا لمن صرت بايعه الدنيا ومافيها وزهدتها ولو بيدي كان حرقت نفسي باللي فيها ,, كانت احاسيسي متضاربه ,,, ومشاهد راسخه بعقلي عمري وحياتي ماشفتها منظر بكى ابوي ,,, منظر جدي ,,, منظر الشرطه والتجمهر حول بيت عمي ,,, منظر اخواني واعمامي وعيال عماتي وهو ولا واحد قار يوقف على رجله كلهم طايحين عالارض عاد كيف لو شفت منظر عمي بالمغسله !! عاذ بذيك اللحظه تكونت عندي رده فعل غريبه ,,,, يمكن استنكار !! يمكن عدم تحمل !!! يمكن عشان جو العزا شوي جديد علي او بمعنى اصح اول مره احس بالحزن من بعد ماكبرت اول مره اتخيل انه ممكن باي وقت من الايام يصير نفس هالمشهد بس لاشخاص ثانيين عزيزين على قلبي وقتها ماتشوفي الا واعلنت الاستسلام للحزن !!! تعوذت من ابليس ,,, ووضيت ,,, وصليت ,,, وطولت كثيــــــــــر عالسجاده وانا ادعي ,, شوي الا واخواتي جو عندي الغرفه وهم يبكون وخايفين >> طبعا هم اصغر مني قالوا لي غروووب ,,, دحين بيصلون على عمي احمد ,,, انتي تحبينه ؟؟؟ قلت ايوه ,,, قالوا طيب يالله نصلي صلاة غايــــــــــــب هنا ,,, حسيت كأن الدنيا لفت لفت لفت بي وحطتني بمكان ثاني مكان مظلم ,,, ومقفل من كل النواحي ,,, ومافي الا انا لحااااااااالي \ حسيت انه لمن بصلي صلاة غايب بيكون اخر لقاء لنا مع عمي >> كانت علاقتنا فيه احنا البنات جدا قويه كان حنوون بدرجه خياليه << بنات طبعا وقتها ماكنا نعرف ايش هي صلاة الغايب ,,, ولا كيفيتها ... ولا شروطها ,, وايش حكمها كل اللي نعرفه اننا نحبه ونبغى نثبت له باي طريقه ,,, ويمكن نبغى نودعه بطريقه غير مباشره فرشنا السجادات ,,, وتوجهنا للقبله ,,, وصلينا صلاة الميت !! ايوه صلاة الميت اللي عمرنا ماصليناها بحياتنا ,,, بس كنا نسمع عنها قبل يالله ماتخيلت بيوم اني بصلي صلاة الميت على انسان غالي بس سبحان الله بعدها حسيت اني تمالكت نفسي شوي ,, وتقويت ,, وحاولت اخفف عن الخوف اللي باخواتي ,,,,, دقت بنت عمتي قالت لي تقول امك امر لك تجين انتي واخواتك ؟؟ قلت لها لأ ,,, انا بجلس هنا برتب البيت لان يمكن يكون عزا الرجال ببيتنا وفعلا صار عندنا راحوا دفنــــــــــوه ,,, وماقدروا يدفنون معاه حبنا ,,, وذكرياتنا ,,, ومواقفه الطيبه معانا ... لحد الان كل الناس يتكلمون على منظر رجال عايلتنا بالمقبره يقولون ماقدرنا نقوم بواجب العزا بالمقبره لان ولا واحد فيهم واقف كلهم مو متمالكين اعصابهم ,,, رجعوا من المقبـــــره ,,,, وبدأت مراسم العزا ,, جو الناس من كل مكان يعزونا ويواسونا ,,, مرت الـ 3 الايام حقت العزا ,,, ,,, لكن الحزن ابى يمر معاها ويخف شوي ,,, انا طبعا كليتي من ذاك اليوم لبعدها باسبوع ماعرف كيف شكلها غبته كله ,,, وطبعا ماكلمت ولا وحده من صاحباتي ولا احد يدري عني شي ,, وبدأ رمضان يقرب ,,,, وهالمره رمضان جااي بدون مانستقبله احلى استقبال جا رمضان وعرفت والتمست معنى الدعاء ( اللهم بلغنا رمضان ) عرفت وفهمت ان الموت اقرب شي لنا ,,, وانه باي وقت ممكن يكون ضيف حتمي وثقيل على قلوبنا بدأ رمضان ,,, وبدأت حياتنا ترجع نوعا ما لطبيعتها ,,, من حيث الدوامات ,,, والالتزامات ,,, ووجودنا ببيتنا ,,, هنا عاد ابوي عرف مدى اهمالي بالكليه ,,, صح مقدر حالتي النفسيه بس خلاص لمتى يعني !! كلمنا كلنا وجلس يخفف عننا وانه هذا حال الدنيا وانه الدنيا ماشيه ولازم نجاريها ونكمل اشغالنا و انه لازم نداوم ونغير هالجو الكئيب ,,, وفعلا قررت اداوم اليوم الثاني طبعا مانمت ,,,, بس هالمره ما جهزت لي لبس كشخه .. ولا اسشورت شعري .. ولا اهتميت لاي شي .. اذن وصليت ... وراحوا اخواتي المدرسه ,,, وجات امي عندي الغرفه جابت لي كوب حليب فديتها ربي يسعدها وجلسنا نسولف ونضحك شوي بعدين قمت لبست وخرجت ,,, رحت الكليه ,,, واقسم بالله اني كنت اشوف كل الدنيا مظلمه ,,, لا لون ولا طعم لدرجه اني بالطريق فتحت عيوني بقوووه وقلت يؤ اشوف الدنيا مظلمه قال اخوي استهدي بالله ,,, وروحي الكليه تونسي مع صاحباتك وغيري جو ,, وصلت ,,, دخلت ,,, سلمت عالبنات ,,, محد يدري بشي ,,, بس ارتعبوا من شكلي هالات سودا واصله لخدي ,,, شحوب ,,, وجه هزيل ..... قالوا ايش فيك غايبه سلامات ,,, قلت لهم تعبانه ,,, وعدى اليوم على خير لكن انا حالتي سبحان الله كل مالها من شيء لاسوأ ,,, مدري وش صابني ,,,, من مرض لمرض ,,, يوم مسخنه ,,, يوم فيني لوز ,,, وكل يوم الحساسيه تذبحني وتخيلوا الحساسيه عندي من يوم العزا لحد يومي هذا 4 سنين الدكتور يقول صدمه عصبيه سببت حساسيه مزمنه بالجيوب الانفيه << سبحان الله اتحسنت نفسياتنا بعد ما ابوي كلمنا وخفف عننا ,,,, وبعدها قرر انه جدي وعماتي يجوا يسكنوا عندنا ,,,, هنا طرنا فرحـــــــــه ,, ابوي كلمهم ,,, وراح بيجيبهم ,,, << مع انه من ايام العزا مكلمهم بس قالوا نبغى نعيش اخر ذكرياتنا ببيتنا وبعدين نجي على رمضان عاد تحمسنا ,,, وقمنا امي سوت لجدي الاكلات الشعبيه اللي يحبها وانا رتبت غرفتي وجهزت مكانين لعماتي وامي جهزت غرفه اخواني لجدي << لحد ماتفضى الشقه المقابله لنا عشان ياخذون راحتهم فيها وجلسنا نستناهم بالصاله ,,,,, جا ابوي وهو ماسك جدي ,,, واخواني يدخلون الاغراض ودخلوا عماتي وطبعا استقبلنا بالاحضان والبكى هههههههههه مع اننا اتفقنا ننسيهم الحزن شوي ,,, لكن طلعنا ماعندنا سالفه بكينا لحد تقطعت قلوبنا ,,,, وانعاد العزا من اول وجديد ,,, وماروقنا الا اليوم الثاني ,,, طبعا امي الله يسعدها ويخليها لنا انسانه حنوووونه وطيبه بكل ماتحملها الكلمه من معنى قامت من بدري ,,,, وكل الاكل اللي يحبونه عماتي سوته على الفطور ,,, واكل جدي مخصص له كله من اللي يحبه قلبه ومراعيه فيه السكر والملح عشان حالته الصحيه طبعا ماداومت ولا التفت لها هههههه وحطينا الفطور وتونسنا واكلنا وضحكنا ولله الحمد ومرت الايام وانــــــــــا اهمالي كل ماله يزيـــــــــــــــــد ,,, بدأت الاختبارات ,,,, وانا مو يمها ,,, ولا افتح الكتب اصلا ,, ما غير اطامر من غرفه جدي ,, لغرفتي كنا مررررررررره فرحانين عشان جدي معانا مررررررره كنا نمووووت فيه كان دمه مررره خفيف بس هالفتره غير حزنه غطى كل ملامحه ,, ودهور حالته الصحيه وحرمه لذيذ النوم ,,, كنت دايم اجلس معاه قبل ماينام لانه كان مايحب يجلس لحاله ذيك الفتره وانا اكتشفت هالشي ,, صرت دايم معاه اذا اخوني مو معاه ,,, نسولف سوا ,,, ويحكي لي عن ابوي وهو صغير ومغامراته وبين كل حكايه وحكايه لازم تنهيده ودمعتين ,,, ويترحم على احمد ويقول لي ( انتي تحبين احمد ؟؟ يالله عاد دوروا لي وقتها وربي اني ما اتمالك نفسي وافرطها بكى وهو يكمل الناقص ومن كثر مايبكي انادي له ابوي وامي يسكتونه كان مرررررره يمر بازمه نفسيه صعبــــــــــه ,,, وحبيت انزله من هالازمه,,, فكرت قلت وش ممكن اقدمه له يعود على نفسيته بالنفع ؟؟ تذكرت انه كان يقول لي انه حافظ الجزء عمـــــــــى ,,, قلت فررررصه ,,, طبعا هو ياعمري عليه من الحزن صار مايقدر يمشي كثير ومايقدر ينسدح بعد وتخيلوا ينام وهو جالس ,,,, قلت له جدي انت وش حافظ من القران قام يتكلم عن القران وانه كلام الله وانه سلوى للحزينين والمكتئبين وانه ربنا يفرج هم كل واحد يقرا قران ويكون قريب منه ,,, وقبل ما اقول له اقتراحي قلي هات يابنتي القران نقرا سوا ,,,, طرت فرحه وقمت جبت القران بثوااااني فتحته وجلسنا نقرا سوا ,,, و نسمع اللي حافظينه قال لي يابنتي سمعي لي جزء عمى ما ابغى انساه قلت له من عيوني بس ايش رايك كل يوم اسمع لك سورتين اذا كانت قصار وسوره اذا كانت طويله وانا بساعدك ولا يهمك قال طيب اتفقنا المهم صرت كل يوم اسمع له ... ونقرا سوا ,,, وكان من جد فرحان حس بفرق بنفسيته ووالله حتى انا حسيت بفرق بنفسيتي ,,, وكان بين قرايه والثانيه يجلس يوصيني بامي وابوي وبدراستي وانا ماغير ادربي براسي واقول ابشر << ما ابغى اضيع وقت خخخخخخخخ مر تقريبا ثلاثه ارباع رمضان ,,, بين حزن .. و مجاهده للنفس والبحث عن اي فرصه لتغيير الجو قرب العيد ... واحنا قلوبنا بتتقطع من الحزن انا قلت ما ابغى اشتري ولا شي للعيد اصلا ماكان في ملامح للعيد بوجيهنا ,, ولا حتى ببيتنا ,,, وكل ما قرب وقت العيد لاحظت انه جدي كل مال صحته بالنازل ,,, صرت لمن اقرا معاه قران ينام بوسط القراءه ,,, صارت نفسيته اصعب من قبل ,,, لمن اعلنوا انه العيد بكره ,,,, طبعا سوينا عزا ثالث وللأسف والله اننا ماصبرنا بهالمصيبه بالذات يمكن لانها جات فجأه فصابتنا صدمه !!! اصر جدي وقتها انه يرجع بيته يبغى يعيد فيه عشان ريحه احمد وذكرياته ابوي جلس يقنع فيه مرررررررررره اصر على موقفه لموا اغراضهم وراحوا بيتهم واخواني معاهم .. ولاننا ماشاء الله عدد افراد اسرتنا كثير فما رحنا بتنا عندهم جا يوم العيد ,,,, ولا كأنه عيد ,,, غير صوت الصلاة مرت الايام ورجعــــــوا عندنا ,,,, ومن يوم مارجع جدي وهو مريض وكل مال حالته تتدهور اكثر من زود الحزن اللي بقلبه رجعت لعادتي اللي برمضان ,,, رجعت قراني ورجعنا نقرأ سوا ,,,, مر نص شهر شوال والحمد لله انا وجدي مازلنا ملازمين القران وكل مال قراءتنا بتحسن مره جدي حبني ,,, وصرت قريبه من قلبه ,,, وحتى اخواتي والله مره صار ماتحلا له الجلسه الا واحنا حوالينه ,,,, مره من المرات قلي واحنا نقرأ ,,, وين سوره تبارك ؟؟؟ قلت له هنا افتحها لك ؟؟ قال ايوه يابنتي من اليوم ابغاك تحفظيني هي عشان فضلها عظيــــم تنجي من عذاب القبر ,, وانا يا بنتي محتاجها ,,, قلت له امرك ,,, وفتحتها ,, وقلت ها تقدر تحفظ كم سطر ؟؟ عشان بقسمها كل يوم نحفظ كذا سطر قال خلاص سطرين باليوم حلو ,,, وفعلا الحمد لله كل يوم احفظه سطرين وكان مررره متجاوب معايا ماشاء الله كنت اغيب كثيـــــــــر عن الكليه واجلس مع جدي ,, كان يخاصمني اقوم اخرشها واقول عندنا اجازه بس يشوف ابوي يخاصمني على غيابي يدافع عني ويقول اعذرها عندهم اجازه هههههههههه صرت اداوم يوم واغيب يوم خخخخخخ ومازال ابوي يزعل مني وانا اراضيه باي حجه ذاك اليوم جدي مرض ,,, ووداه ابوي المستشفى ,,, نوموه يومين ومن جد انتكست حالتنا النفسيه وبوجه الخصوص انا ,,,, ياربي نفسي اقرا القران معاه ,, ونفسي بجلسته وسواليفه زرناه ,,,, والحمد لله خرجوه من المستشفى ,,, لكن على كرسي متحرك لانه خلاص مافيه شده يتحرك ..... اول ماخرج ووصل البيت قال نفسي اروح البحر ,,,قالوا اخواني ابشر بسعدك باذن الله قريب وجالس يتريق يقول لابويه قوم ياولدي دق على الاسعاف يجون يودوني البحر عشان اذا صارت مضاعفات هههههههههههههههههههههههههههه قاموا اخواني رتبوا له رحله معتبره ’’’ اشتروا خيمه كبيـــــره ونصبوها بمحل روووعه عالبحر واتفقوا مع كل شباب العايله ,,, وبعض اصحابهم المقربين ,,, وجهزوا لوازم الرحله من الى من اكل ,, شرب ,, ملابس سباحه ,, دافور ,, حطب ,, ذبيحه ,, شاي ,, قهوه ,, وطبعا عشقهم ( لوازم الصيد مستحيل ينسونها ) اتفقوا وعزموا كل من يعز عليهم ,,,, وخلوها مفاجئه لجدي وابوي جا اليوم الثاني وكلموا ابويه وجدي وقالوا لهم عن الرحله وانه لازم نكون هناك على الساعه 1 الظهر << اظن كان يوم خميس ابويا انبسط يموت بالرحلات ,,,وقاموا جهزوا اغراض ابويا وجدي واخذوهم واحد معاه جدي والكرسي حقه وواحد معاه الاغراض بسيارته ,,, وابوي راح يكمل نواقص الرحله وسابقهم بالطريق راحوا ,,, وانبســـــــــطوا ,, وابوي سوالهم احلى غدا ,, واحلى عشا ,,, واخواني دخلوا جدي بالبحر يسبح لكن بالكرسي حقه هههههههه وصوروه وانبسطوا لدرجه ماكنا نتصورها لدرجه لمن جا وقت رجوع ابوي للبيت قال لجدي يالله قال لا بجلس هههههههه والادويه حقته نصها بالبيت ,,, قال جدي خلاص نرجع ,, وجو البيت وجدي مو واسعته الدنيا من الفرحه والوناسه مسكين غير جو ,,, وجلس يحكي لنا عاد باسلوبه هو واخواني الفكاهي متنا ضحك شوي الا تغيرت الموجه حقته وصابته نوبه بكا ,,, يقول ليت احمد معانا كان انبسط وكالعاده احنا بدل مانخفف عنه نرص جنبه نبكي ,,,, نام جدي شوي وصحي وحطينا له اكل ,,, وجبت القران قلت له جدي بقي لنا شوي ونخلص حفظ سوره الملك قال اييييييييييوه الحمد لله ذكرتيني ,,, وجبت القران وشفت انه ولله الحمد حفظ قرابه 8 سطور خير ونعمه الحمد لله تعرفوا الكباربالسن يكون صعب عليهم شوي بس الحمد لله راجعت له وسمعت له وكله تمام ,,,,, >>> ومــــــــــازالت غروب تغط باهمال فظيـــــــــــــــــــــع ,,, <<<< ويتبــــــــــــــــــع !!!
__________________
 ’,’ اشترك معنا ... وتحدى الكـل’,’ في مسابقة.  ’’’’’ بيتك من تصويرك للمشاركة فضلا اضغط على الصورة  __________________ |
||
|
|
|
20-10-2009, 14:37
|
#62 (permalink) | ||
|
عضو نادي الألف
تاريخ التسجيل: 12-05-2006
المشاركات: 3,105
|
رد: لو تحطم لك امل } اعرف ان الله يحبك وابتسم << قصه تحطم اهم امل من امالي : (
>>> صاحت بشهاق ......... !!!
حراااااااااااااااااااااااام عليك غروب ؟؟؟ والله اني نسيت دراستك بقصة عمك أحمــــــــــد ( الله يرحمه يارب ) متابعــــــــــــــــــــــه .. والله امسح دمووووووووعي ياغروب ؟!!! الله المستعـــــــــــــــــان ...
__________________
 لاتتردد ؟! أنشرها واسعى في الخيــــرر .. وعليـكـ بالمعامله الرابحـــه ؟ إن أسئت فلك مثلها وإن أحسنت ؟ فلك عشر أمثالها ..
__________________ |
||
|
|
|
|
20-10-2009, 16:52
|
#63 (permalink) | ||
|
عضو نادي الألف
تاريخ التسجيل: 03-07-2009
الدولة: في عالم احلامي
المشاركات: 5,746
|
رد: لو تحطم لك امل } اعرف ان الله يحبك وابتسم << قصه تحطم اهم امل من امالي : (
تسجيل حضور ومتاااابعه ,,,, ننتظر بقيه القصه يااااااااااعسل.
__________________
  __________________ |
||
|
|
|
|
20-10-2009, 19:50
|
#65 (permalink) | ||
|
مــــبـــــدع
تاريخ التسجيل: 31-08-2009
المشاركات: 263
|
رد: لو تحطم لك امل } اعرف ان الله يحبك وابتسم << قصه تحطم اهم امل من امالي : (
وقفت عند أول فرحة
عند مجيئ جدك ليسكن معكم لي عودة لإكمال القراءة وتعليقي على هذا الجزء سيكون في الاخير ودمتي بسعادة اختي
__________________
الضربات القوية تهشم الزجاج،، و لكنها تصقل الحديد مع محبتي  رب ابن لي عندك بيتاً في الجنة __________________ |
||
|
|
|
|
20-10-2009, 23:35
|
#66 (permalink) | ||
|
عضو فعال
تاريخ التسجيل: 05-10-2009
المشاركات: 28
|
رد: لو تحطم لك امل } اعرف ان الله يحبك وابتسم << قصه تحطم اهم امل من امالي : (
بحر وغروب والله خنقتني العبرة وانا أقرأ
تخليت جدك وحالته وحالتكم سبحان الله وفرحتكم بوجود جدك وعماتك عندكم والله الجد والجده بالبيت نعمه كنت اتمنى اعيش يوم واحد مع جدتي الله يرحمها وجدي الله يرحمه لكن قدر الله وما شاء فعل حتى ما اذكرهم الحمد لله على كل حال متابعتك للنهايه بحر وغروب __________________ |
||
|
|
|
|
21-10-2009, 01:40
|
#67 (permalink) | ||
|
ِعضو محترف ومتميز
تاريخ التسجيل: 27-05-2007
المشاركات: 557
|
رد: لو تحطم لك امل } اعرف ان الله يحبك وابتسم << قصه تحطم اهم امل من امالي : (
ااخ ياغروب تخيلت اني معكم عن جد الاحداث مشوقه
اصعب شي انك تحاولين تخففين عن احد بس ماتقدرين تلاقين نفسك تزيدينه <<يالله هالايام الصعبه اصبحت من الذكريات دنيــــا استناااك ياعسل 
__________________
أؤمن كثيراً بأن المساحه الفاصلة بين الحلم والواقع مجرد دعاء...
__________________ |
||
|
|
|
|
21-10-2009, 07:00
|
#68 (permalink) | ||
|
وسام العضو الذهبي
تاريخ التسجيل: 03-07-2008
المشاركات: 4,030
|
رد: لو تحطم لك امل } اعرف ان الله يحبك وابتسم << قصه تحطم اهم امل من امالي : (
وينك غرووب ؟؟
__________________
 عفواً / اتمنى من الجميع مراعاة خصوصيتي (حتى في البرايفت مسج) و عدم احراجي بأسئله تمس حياتي الشخصيه و كوني صرحت ببعض الامور فهذا شي راجع لي و مو من حق احد يحاسبني او يطالب بأكثر مشكورين 
__________________ |
||
|
|
|
21-10-2009, 13:48
|
#70 (permalink) | ||
|
عضو نادي الألف
تاريخ التسجيل: 09-04-2008
الدولة: سوريا
المشاركات: 2,221
|
رد: لو تحطم لك امل } اعرف ان الله يحبك وابتسم << قصه تحطم اهم امل من امالي : (
الذين يشاهدون محتوى الموضوع الآن : 5 ( الأعضاء 2 والزوار 3) @. بادرة .@, بحر وغروب+
قفشناك ياحلوة في انتظار الجزء ( :
__________________
أخوتي وأخواتي أهديكم هذه النصيحة لكل من عانى ولازال يعاني من مشاكل في حياته الزوجية لكل من فقد في بيته الألفة والمحبة تقربوا إلى الله تعالى معاً بقراءة قرآن أو ذكر أو صلاة نفل اجعلوها يومية لن تأخذ من الوقت الكثير ولكن خيرها سيعم عليكم بإذن المولى عز و جل   http://arb3.maktoob.com/vb/arb301425/#post5882825  __________________ |
||
|
|
|
|
21-10-2009, 14:33
|
#71 (permalink) | ||
|
وسام العضو المثالي
تاريخ التسجيل: 30-07-2008
المشاركات: 2,424
|
رد: لو تحطم لك امل } اعرف ان الله يحبك وابتسم << قصه تحطم اهم امل من امالي : (
طبعا بذيك الفتره ابتدأت اختباراتي بالكليه ,,, وانا غيابي كل ماله بالطالع ,,, وصاحباتي يدقون علي غروب شدي حيلك ومن هالكلام وانا لا حياة لمن تنادي ,,, كنت اذا داومت ازوغ من المحاضرات كذا عباااطه واروح اجلس مع شلتي ايام الثانوي ,,, اي بنت من بنات قاعتي لمن تشوفني جالسه معاهم تقول لي يللا بدأ الاختبار فوق ,,, تخيلوا اقولها ماده ايش ؟؟؟ تضحك وتقول الماده اقولها الله يوفقكم ,,,, كنت وقتها عارفه اني راسبه راسبه ونفسيتي ما تأهلني للدراسه والاجتهاد ,,, ومن كثر غيابي صار عندي حرمــــان من الاختبار النهائي باغلب المواد ,,, بصراحــــه وقتها كنت مشتته ذهنيا ونفسيا اول مره انحط بهالكم الهائل من هالمواقف ,, ومن هالمشاهد الغريبه علي شوي بس وقتها حسيت اني كبرت ميه سنه لقدام ,,,, مدري جاني احساس ان كل الدنيا تافهه ,, وكل الناس سطحيين ,,, وانهم مايتعمقون ويعطون المواضيع حجمها الطبيعي .. كنت استتفه اي بنت اسمعها تسولف عن سوق ,,, والا طلعه ,,, بيني وبين نفسي ( اضحك واقول يامثبت العقل والدين وكان كل وقتي اتهيأ لأي مصيبه جايتنا بالطريق صار كل تفكيري اني اصبر ,, واصبر ,, واصبر ,, وقبل كل شي كنت احرص على نفسي اني وقت المصيبه اتلافى اخطاءنا قبل واقلها اقول ( اللهم اجرني في مصيبتي واخلف لي خير منها ) مدري كنت جدآ كئيبـــــه ,, وحزينه ,,, وبايعتها بقشر بصله زي مايقولون مع ان ملامح الحياة شوي بدأت ترجع لبيتنا بعد وجود جدي وعماتي ,,, من كثر اكتئابي كنت اخذ معايا عمتي اللي بسني تروح معايا الكليه عشان نغير جو شوي بس ما حسيت انه في ذاك التغير الملحوظ ,,, انا كليـــــــــآ بذيك الفتره ( تغيرت من كل النواحي ) صرت متشائمه ,,, ومالي خلق للدنيا واحداثها استغفر الله ,, وعشان كنت معتزله الجلوس مع البنات بالكليه هذي الفتره مرررررره صعبت حالتي وبالاخير قررت اني اعتذر من الكليه قبل الاختبارات النهائيه ,,,, استخرت ,,, وكلمت امي,,, بعدين كلمت ابوي طبعا ولا احد وافقني الرأي ( بس لاني شوي عنيده وراسي يابس ماشلت الفكره من راسي وجننت اهلي .. وتجننت ,, وقتها حاسه انه كل الدنيا خطأ وانا الصح يمكن لي اسبابي الخاصه ,,,, بس انا اللي وصلت نفسي لطريق مسدود المهم ابوي زعل مني وقال لي لو ماداومتي زي الخلق انتي حره لكن انا ماراح اكون معاك زي اول <<< ابوي كان يحاول يغير مودي باي طريقه ... لكن مافي فايده بعد هالكلام ضغط على نفسي اني اكمل لحد قبل الاختبارات باسبوع واقدم اعتذار واحطهم قدام الامر الواقع ,,, صح خفت من زعلهم بس مردهم يرضون مشيت الدنيا ,,, وانا مازلت بصراعي الازلي بس اللي كان مخفف علي ( جدي ) بحكم الصداقه القويه اللي نشأت بيننا التهيت شوي معاه ,,, ورجعنا لسابق عهدنا ,, والعلوم الزينه ,, قرآن ,,, تسميع ,,, حكايات ,,, ضحك ,,, ووناسه ,, واكيد حصه الادويه حقته ههههههه مر يوم ,, يومين ,, الا وجدي تعبان ,,,, زادت حالته ســـــــــوء ,,, صار مايقدر يتنفس وهو منسدح ,,, واذا جلس يالله يالله وماكان يقدر يمشي ,,, حتى مايقدر يتحمم لوحده فتحمل مسؤوليه تحميمه اخوي الله يشفيه ويرفع عنه << وهذا للحزن سبب قوي بحالته ,, صارت حالته من سيئه ,, لأسوأ ,,, كان كل يوم بالمستشفى ومره تعب من الادويه والمستشفيات لحد ما خلاااااص تعب ونوموه ,,,, حزننا لمن تنوم ,, لكن كنا دايم نزوره واخواتي الصغاراللي ماكانوا يدخلونهم للمستشفى كان ابوي لمن نوصل لجدي يتصل عليهم ويخليهم يكلمونه ,,, كان مرررررررره يفرح واختي الصغنطوطه كان عمرها 3 سنوات كانت تقطف من الحوش حقنا ورود وترسلها معانا ,, وتقول هذي لجدو ,,, ومن يوم مانخرج لحد مانوصل وهذي توصي اعطوها جدو ,, لا تنسون ,,, هههههههههه لمن نعطيه يجلس حاضن في الورده لحد ماينام لدرجه انه لقينا تحت مخدته بالمستشفى ورد اختي ههههههههه رومنسي قام يجففه طبعا ايام نااادره اتذكر انه مارحنا له ,,, بس كنا نعوضه بالتلفون انا واخواتي وقت ماهو متنوم فضيت شوي ,,,, وصرت اداوم مع ان النفسيه صارت اردأ من قبل بس على قوله امي ( روحي الكليه رفهي عن نفسك وفي ذاك اليوم رحت ارفهه عن نفسي زي ماقالت لي امي ,,,, وانواع الطفش والضيقه وانا بيني وبين نفسي اقول هذا وجهي لو عاد طبيت هالكليه من زود التعب اللي بقلبي ,,,, لسى ماخلص الدوام ,,, دقيت على اخويه قلت له تعال ابغى اروح البيت قال لي استني لحد مايخلص الدوام ,,,, ما ابغى اجي واقطع مشوار بالاخير يقولون لي الباب مقفل << على فكره كليتنا كانت زي المدارس تقفل الباب وله موعد محدد يفتح فيه \ المهم ضغطت على نفسي ,,, واستنيت ساعه ونص يمكن وكانت اثقل ساعه مرت علي مرررررررره كنت مقفله بوجهي الدنيا مع انه ولله الحمد محد مزعلني ولا في شي يستدعي الطفش جاني اخوي ,,,,, ويا سلااااام سلم على لون وجهه صار احمــــــــــــــــــر اول ماركبت السياره لاحظت وجهه وقلت له اااااسفه تأخرت عليك وشكل الشمس ضربتك <<< متأكده ماتاخرت عليه بس ترطيب للجو مشينا بالطريق ,,, سألته هااا بشر كيف جدي اليوم ؟؟ قال طيب الحمد لله ,,,, سكت شوي ,,, وقال << ابوي مسوي له صدقه ببيتنا ومجمع العايله على الغدا ,,, يعني بتلقين البيت مليــــــــــان .. انا هنا انبسطت قلت احسن ياشيخ نغير جو ,, ونفلها ترى ملينا ..... وجلست اهذري فوق راسه المسكين ياناس الاحظ ان وجهه مو زي كل مره ,,,, فيه شي غريب ؟؟ لونه غريب ,,, قلت له وش فيك ليكون عندك الضغط مره وجهك محمر ,,,, مارد عليه ,,,, بلعت خجلتي وسكتت ,,, حسيت ذاك اليوم الطريق يااااطوله ,,,, وكل شوي وحنا بنسوي حادث وندخل بتريلا ,,, كان المشوار مرعب ,,,, لكن كنت شوي متفائله من هالصدقه لعل وعسى تبعد البلى عن جدي ,,, وصلنا البيت ,,,, عند بيتنا سيارات كثيـــــــــــر ,,, رجــــــال كثيــــــــــــــــر اطفــــــــال كثيــــــــــــــــــــر ,,, خخخخخخخخ انا هنا استانست مع شويه استغراب قلت معقوله وش هالصدقه اللي راح تكفي هالعالم كلها ,,, مشيتها ومشيت لمدخل بيتنا ,,, دقيت الجرس ,,,, فتحت لي اختي المتزوجه سلمت عليها وانا فرحاااااااااانه انها عندنا ,, ماشفت منها تجاوب ... وكان شكلها غريب ,,, ولابسه عبايتها ,,, قلت يمكن دوبها داخله والناس ظهريه وطفش ,,,, شوي التفت الا كل الصاله لون اسود !!!!! حريــــــــم من كل جماعتنا ,,,, ولابسين عباياتهم !!! طيب ليش ؟؟؟؟ دخلت ,,,, وطبعا من الروعه والفجعه اللي فيني ماسلمت ولا على وحده ماغير مريت عليهم كلهم واسألهم وحده وحده ايش في ؟؟؟؟؟؟ بكل ذهول ؟؟؟؟ محد رد عليه ,,, غير انهم بدأوا يبكون ,,,, انا هنا لاااا شعوري ضحك مو من شي ,,, لكن ضحكت من الفجعه وربي ودي وقتها احد يصحيني من هالموقف اللي انا فيه بصراحه لا احســــــــــد عليه ,,,, وقفت ماقدرت اتحرك ,,,,, ولسى مدري وش حاصل جاتني وحده من عماتي ومسكتني من يدي ومشتني لغرفتي وحظنتني وقالت <<< جدك مــــــــــــــات وجلست تصيح انا هنا دفيتها وقلت لها بلا مصاخه ايش هالكلام ,,,, هذي صدقه له ,, مو عزا !!! وجلست اردد هالكلمه عليها ,,, قلت لها طيب لسى ماكملت له سوره الملك !!! لسى بقي لنا كم سطر ونختمها !!! ياناس انا وعدته احفظه هي .... وين اودي وجهي منه <<< لسى متخيله اني راح اشوفه ثاني مره قالت لأ فووووقي على عمرك خلاااااااص ابويه مات ودحين بنودعه هنا خلااااص قلبي حسيته وقف لدقايق ,,, مدري اصيح ,,, والا اشقق الدنيا كلها والا اكسر اللي حولي والا ايش اسوي ,,, سبحان الله قبل ما اسوي اي شي << قلت اللهم اجرني في مصيبتي واخلف لي خيرا منها ... وجلست ارددها ,,, واخلي عمتي ترددها معايا طبعا نرددها بصياح ومشاهق ,,,, وتجمعوا كل الحريم يهدون فينا ,,,,,, يوم 22 / 10 / 1426 هـ ,,,, جدي مـــــــــــــات ,,, ولحق حبيب قلبه ( احمــــــــــــد ) وما مر من فتره موت احمد الا شهرين بس الغالب ان جدي ما جازت له الحياة بعد فقد الغاليين ,,, وصار الحزن يسكنه ,, والامراض تنهشه ,,,, لحد ما اعلن عن الدنيا الرحيــــــــــــــل !!! عرفت وقتها ... ان الموت اكبر حق لازم نعيشـــــــــه ,, سواء جانا فجأه ,,, او بمقدمات ,,, وعرفت ان مهما الانسان كان بيوم من الايام بصحته وبكامل قوته ,,, الا انه مازال ابن آدم ضعيف عرفت اني ربي ماكتب لي انا وجدي اننا نكمل حفظ سوره الملك سوا !! لان الموت اقرب له مني ,,,, بس الحمد لله اننا سعينا لهالشي ,, عرفت وقتها ان حتى الموت صار فيه شمــــــــــاته للأسف !!! اكبر صدمه ,,, عرفت ان الناس ماكانوا يجون يعزونا ,,,, لأ كانوا يجون يتفرجون فينا فلانه بكت والا لأ !! فلانه تعودت على الحزن ,, والا لسى !! عرفت وقتها ,,,, اني بأقصــــــــى اقصــــــــــــــــى حالاتي النفسيه سوءآ عرفت وقتها اني ودعت اغلى اثنين على قلبي بغضون شهرين ,,, حسيت انه تحطم قلبي خلاص وصرت اتوقع كمان انه كل شهر راح افقد لي غالي ,,, على رغم الحزن واليأس اللي استوطنت قلوبنا ,,,, الا زادت علاقاتنا ببعض ,,,, وصرنا نخاف نفقد بعض بلحظه ونندم اننا مابينا معزتنا لبعض صارت حياتنا كئيبه ,, رتيبه ,,, ممله ,,, وكل سيرتنا فيا ( المـــــــــــــوت ) ... الحمد لله ,,, الحمد لله ,, الحمد لله ,,, بعد هالفتره طلقت الكيه والدراسه بالثلاث !!! قلتها بصريح العباره ,,,, ماراح ادرس ,,, اللي يزعل حقه علي ,,, بس خلاص تعبانه ما اقدر اعطي اكثر ,,, قلي ابوي ( بينكتب لك فشـــــــل ! ) قلت راضيه باهلفشل بس ترتاح نفسيتي ,, هو بس يبغاني اتراجع ,,, الا عارف حزني ومقدر ,, قال لي خلاص استخيري وسوي اللي يريحك ,,, قلت له ,,, اوعدك اني ارجع اوقف على رجلي من جديد ,, استخرت الله ,,,, وقدمت اعتذار للكليه ذيك السنه ,,, وللأسف اني قدمت اعتذار لكل الدنيا وقلت ( غروب اللي فيها مكفيها ,,, خلوها هالفتره فتره نقاهه ) وحطيت ببالي اني بهالفتره اللي انا فاضيه فيها بحاول ارتب حياتي من جديد واحاول اتغلب على مشاعري المحبطه اللي لها ارتباط وثيـــــــــق بالكليه ,,, <<< ويتبـــــــــــــــــــــــع
__________________
’,’ اشترك معنا ... وتحدى الكـل’,’ في مسابقة. ’’’’’ بيتك من تصويرك للمشاركة فضلا اضغط على الصورة __________________ |
||
|
|
|
|
21-10-2009, 14:38
|
#72 (permalink) | ||
|
وسام العضو المثالي
تاريخ التسجيل: 30-07-2008
المشاركات: 2,424
|
رد: لو تحطم لك امل } اعرف ان الله يحبك وابتسم << قصه تحطم اهم امل من امالي : (
الف شكر لكل من عطر صفحتي ,,, والله انكم كل يوم تحمسوني اكثر للمتابعه وباذن الله اني اكون عند حسن ظنكم ,,, انا اليوم مسافره لأهلي ,,, ووالله اني تركت شغلي وجيت اكمل هالجزء البسيط وباذن الله من بيت اهلي اكمل لكم الباقي بالله حللوني وسامحوني ,,, وباذن الله ادعي لكم بطريقي ,,, انتظروني باذن الله راح نكمل ,,, الله يوفقكم ويسعدكم ويجعلكم اخواني واخواتي في السراء والضراء << باذن الله ارجع ارد عليكم واحد واحد ربي يسعد قلوبكم
__________________
’,’ اشترك معنا ... وتحدى الكـل’,’ في مسابقة. ’’’’’ بيتك من تصويرك للمشاركة فضلا اضغط على الصورة __________________ |
||
|
|
|
|
21-10-2009, 14:47
|
#73 (permalink) | ||
|
عضو نادي الألف
تاريخ التسجيل: 09-04-2008
الدولة: سوريا
المشاركات: 2,221
|
رد: لو تحطم لك امل } اعرف ان الله يحبك وابتسم << قصه تحطم اهم امل من امالي : (
يااااه ياغروب مقطع مؤثر جدا وخاصة عندما تحدثت عن سورة الملك
آجركم الله في مصيبتكم وأبدلكم خيرا منها الموت حق ...والحمد لله على كل حال متابعة معك للنهاية ... في حفظ الله
__________________
أخوتي وأخواتي أهديكم هذه النصيحة لكل من عانى ولازال يعاني من مشاكل في حياته الزوجية لكل من فقد في بيته الألفة والمحبة تقربوا إلى الله تعالى معاً بقراءة قرآن أو ذكر أو صلاة نفل اجعلوها يومية لن تأخذ من الوقت الكثير ولكن خيرها سيعم عليكم بإذن المولى عز و جل http://arb3.maktoob.com/vb/arb301425/#post5882825 __________________ |
||
|
|
|
|
21-10-2009, 14:48
|
#74 (permalink) | ||
|
عضو نادي الألف
تاريخ التسجيل: 09-04-2008
الدولة: سوريا
المشاركات: 2,221
|
رد: لو تحطم لك امل } اعرف ان الله يحبك وابتسم << قصه تحطم اهم امل من امالي : (
تروحي وترجعيلنا بالسلامة يارب
سلمي على أهلك وسلام خاص للوالدة الله يحفظها وكل أحبابك يارب
__________________
أخوتي وأخواتي أهديكم هذه النصيحة لكل من عانى ولازال يعاني من مشاكل في حياته الزوجية لكل من فقد في بيته الألفة والمحبة تقربوا إلى الله تعالى معاً بقراءة قرآن أو ذكر أو صلاة نفل اجعلوها يومية لن تأخذ من الوقت الكثير ولكن خيرها سيعم عليكم بإذن المولى عز و جل http://arb3.maktoob.com/vb/arb301425/#post5882825 __________________ |
||
|
|
|
|
21-10-2009, 15:45
|
#75 (permalink) | ||
|
وسام العضو الذهبي
تاريخ التسجيل: 03-07-2008
المشاركات: 4,030
|
رد: لو تحطم لك امل } اعرف ان الله يحبك وابتسم << قصه تحطم اهم امل من امالي : (
يووه ياغروب بعذرك انسدت نفسك عن الدراسه الله يرحمهم و يسكنهم فسيح جنااته يااارب تروحين و ترجعين بالسلامه ياقلبو ربي يسعد قلبك
__________________
عفواً / اتمنى من الجميع مراعاة خصوصيتي (حتى في البرايفت مسج) و عدم احراجي بأسئله تمس حياتي الشخصيه و كوني صرحت ببعض الامور فهذا شي راجع لي و مو من حق احد يحاسبني او يطالب بأكثر مشكورين
__________________ |
||
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
الساعة الآن 16:53.
موقع حلوة - ابراج مكتوب - للرجال فقط - الثقافة الجنسية - الحياة الزوجية - اختبار القدرة الجنسية - للمقبلين على الزواج - الحمل و الولادة - اخبار الفنانين - كلمات الاغاني تجارة الكترونية - منتديات الامارات - اناشيد طيور الجنة - العاب - العاب بنات - صور اطفال - صوت الاسلام - الفراشة - عالم حواء - منتديات - طيران - سفر - كورة - ابراج – حظك اليوم - اخبار - كليبات - العاب فلاش - التنمية البشرية - بنت الحلال – زواج - اصحاب–تعارف - مدونات مكتوب – مدونات عربية - توبيكات - العاب بنات- العاب تلبيس-العاب ماكياج |
||||
العرض العادي
