عالم الحياة الزوجية - منتدى

(بنت زايد) · 19-10-2009, 04:45

السلام عليكم ورحمة الله وبركاته

بدخل ف المشكله ع لطول..
انا عمري 23 واحين انا مالجه مشكلتي ويا خطيبي اني سويتله حركه ع الاساس انه وحده ثانيه ع المسن ورمسها ويوم واجهته نكر وقال هذا ولد خالتي طوفتله الموضوع وسويتله حركه وقدرت ادخل ع ايميله وانصدمت ولقيته مب مخلي بنيه مب ضايفنها بس البنات مايرمسونه الاجم وحده والباجيات بس جي وانا مسولي بلوك وماخليت وحده ضايفنها الا ورمستها وكلهم لما اقوللهم انا خطيبته ييلسون يمدحونه ويقولون انه محترم ومايرمسنا الا اذا رمسناه وجم وحده قالت انها بتستوي ربيعتي>قووووويه ويوم واجهته قالي الي امبينا انتهى قتله دافع عن عمرك ماقدر غير يقول ان مايستاهلني وان سالفه المسن سالفه مايقدر يقولي ياها وتم مايرد علي لين تعبت وقتله بنسى كل شي وما كنت اقدر اناقشه في الموضوع لانه ماله ويه واتعدل وبعدين جفته مب مخلي موقع زواج مسيار او سياحي ....مب مسجل فيه واجهته وقال انه فضول شباب وطنشت مع انه واااايد يحبني ويحترمني ووياي مايسوي شرات مايسوي ويا الي يرمسهم وعدى جم شهر وماقدرت ازخ عليه شي وجكيت انه سوى ايميل ثاني المهم احين انا صليت استخاره وبصراحه وايد متردده من الزواج مع ان قبل الخطبه صليت وارتحت ماعرف شو اسوي وياه ..بليييز انصحوني كيف لازم اتعامل وياه..
[font=arial black]ابي اسال سوال حق الشباب اذا كنتو جي وتغيرتو بعد الزواج؟؟؟؟ ردو علي والله ماعرف شو اسوي[/font]

وين طاقيتي · 19-10-2009, 05:27

الله يهديه المفروض انه خاطب يقطع جميع علاقته لان الخطبة مثل الزواج يعتبر مرتبط اما حكاية سؤالش عن العلاقة قبل الزواج وبعدة ما اقدر افيدك لاني الحمدلله ما سويتها اتمنى يفيدونك اصحاب التجارب وعلى فكرة الناس تختلف انا انصحكِ انك تكونين حازمة معه يا ابيض يا اسود

همي ان ارضى ربي · 19-10-2009, 06:06

هلا حبيبتي صباح الخير

شوفي ياقمر استخيري لان هاذا زواج مو يومين ولا يوم هاذي حياااااااااااه ابديه فعشان كذا استخيري وشوفي اذا انتي

مرتاحه وافقي وترى معلومه كل الشباب قبل الزواج كلهم يلعبون ويخربطون لكن بعد الزواج يعقلون

الله يوفقك ويسعدك في حياتك

تقبلي مروري ولقافتي لاني بنت وانتي طلبتي الشباب يساعدوك

فلان بن علان · 19-10-2009, 07:49

يابنت الناس والله العظيم إن كثير من الشباب إعتدلوا بعد ماعرسوا وإن شاء الله بو الشباب يعتدل من اللحين .. الله المستعان

د.رحاب · 19-10-2009, 11:02

طيب سؤال كم عمر الاخ او زوج المستقبل ؟ لان عامل السن يمكن يكون سبب مبرر لأفعاله الطائشه ..

وبصرااااااااااااااااااااااااااااااحه عدد الشباب الي عمرهم ما كلمو بنت ولا عمرهم سووا علاقات قبل الزواج قلييييييييييييل جدا وقد يكووووون ضئييييييييييل بالمره ..

فأنت عااااااااد احكمي بغيتي تترين على الولد وتعطينه فرصه او فرص يعدل نفسه.. او .. تسحبين نفسج من الموضوع .. الخيااااااااار اولا و اخيرا لكي انتي 23 مو 15 او 16 .

كله بيدج .. موفقه ان شاء الله .

عادي جدا جدا · 19-10-2009, 11:11

تعرفي اغلب ردودي علي المواضيع بحساسي مب الرد يكون ع نفس المشكله
انا احس ان خطيبك طيب كثيراً وحبوب بس بلاه يمكن الماسن تعود علي هالسوالف بس سوالف مب شي ثاني
واعتقد انه مناسب لك مع الوقت تغيريه علي كيفك بسلوبك وحنانك مو تحكمك واصراركـ.,
فهمتي علي ., وبلخدمـهـ

أتمني لـك طيب السعاده والهناء

# مشعل # · 19-10-2009, 20:34

ألف ألف مبروك ، أسأل الله أن يتمم لك على خير ، بصراحة أخطأتي عندما ( تجسستي ) عليه و دخلتي إيميله بدون إذنه ،

حتى و كان مخطئ ليس هذا أفضل أسلوب لمواجهته ، هناك أساليب أفضل لمواجهته و إخباره بخطئه ، لا يوجد إنسان

معصوم من الخطأ ، من تاب تاب الله عليه ، لو أنك أخبرتيه أنك تحبينه من أعماق قلبك و أك تريدينه لك وحدك ، ثم إعتذرتي

له عن تجسسك عليه ، و أنه إنسان معرض للخطأ ، و ليس عيب أن يخطأ لكن العيب الاستمرار في الخطأ ، أكثري من

الاستغفار أكثري من الاستغفار أكثري من الاستغفار ، قال الرسول صلى الله عليه و سلم ( فيما معناه ) : (( من أراد أن

يجعل الله له من كل هم فرجا و من كل ضيق مخرجا و يرزقه من حيث لا يحتسب فليزم الاستغفار )) ، إن أصبت فبتوفيق

الله و له الحمد ، و إن أخطأت فمن نفسي و الشيطان ، أسأل الله أن يرزقك الزوج الصالح الذي يسعدك في الدنيا و يعينك

على الآخرة .

همسة : كيف حال علاقتك مع الله سبحانه و تعالى ؟ كيف حالك مع الصلاة ؟ هل أنت بارة بوالديك ؟ ، لم أسأل هذه
الأسئلة فضولا و ليس كمال فيني بل أنا مقصر ، لكن كلما زاد الانسان قربا من الله كلما إرتاح نفسيا و تيسرت أموره ،
الثلث الأخير من الليل من الأوقات التي تستجاب فيها الدعوة ، قال الله تعالى : ((و إذا سألك عبادي عني فأني قريب
أجيب دعوة الداعي إذا دعان )) ، و قال الرسول صلى الله عليه و سلم : ((إن ربكم تبارك و تعالى حيي كريم يستحي من
عبده إذا رفع يديه إليه أن يردهما صفرا )) ، لا تنسيني من صالح دعائك .

أخوك / مشعل

تشكرات يادنيا · 19-10-2009, 20:45

دخولك على ايميلاته ومتابعته ومراقبته هي اكبر خطأ في الموضوع
ليش تتعبي راسكـ؟

ريحي بالك وعليك من معاملته لك المراقبه ما راح تريح بالك

(بنت زايد) · 19-10-2009, 20:58

انا اشكر كل من رد علي ..
وعن الاسئله الي سالتوني ياها..عمره 25
وانا ولله الحمد محافظه على صلاتي وباره في والدي
وابي اسالكم اذا هذا الشي طبيعي ولا لا...
يعني عادي الواحد يتغير في اسلوبه يعني في البدايه حب ودلع واحين ماقام يطرشلي شي واذا قتله انك مقصر يقول 24 ساعه وياج وسوالفنا استوت ملل واذا ماسالت عنه يزعل ويعاتب اما هو عادي مايسال ماعرف شو الي يرضيه يزعل ويعصب من اي شي
قولولي هذا الوضع عادي ولا انه مل مني

بنتك يالسعودية · 19-10-2009, 21:29

اخوي مشعل الحديث الذي ذكرته تصحيحه مايلي(من لزم الاستغفار جعل الله له من كل ضيق فرجا ومن كل هم مخرجا ورزقه من حيث لايحتسب )

* رونق الذوق * · 19-10-2009, 21:42

مرحــبا ياحلوة ,,

انا اشوف انك تصاريحه احلى شي لأن الصراحة جنااااااااااااان
وقولي اللي بقلبك كله انك تحبيه و...و....و....
وحاسه انه متغير عليكي مومثل اول , خذي واعطي معاه بهدووء وشوفي وش يرد عليك
لكن ايـــــــــــــــــاك تفتحين معه موضوع انه كلم فلانة واضاف فلانة
لألألأ ,,
اكبر غلط انك تفتشين وراه هذا خطر يهدد الحياة الزوجية
كلنا عارفين ان اكثر الشباب كذا ويكلمون بنات
بس كلهااااا خراااابيط وتسليه ومهما راحوا ومهما جوا فهم مؤقتين
وانتي الأساس وانتي الباقيه وانتي اللي لك كل شي بقلبه ,,

واستخيري ياقلبي مرة ثانية وثالثة ورابعه الين تحسين بشي
والله يوفقك ان شاء الله ويسعدك ,,
رونـــــــــــــق ,,

ويبقى الحب ! · 19-10-2009, 23:49

اممممم استنى معاك الردود من الشباب الله يهديهم .... بس من جد المفروض ماكان تجسستي
الله يصلح احوالكم ..

قرقوووش · 20-10-2009, 05:03

الله يهديه ويسخرهـ لك .. اصبري اختي واحتسبي الاجر .. تمنياتي لك باالتوفيق

ع ـذابي غير · 20-10-2009, 05:10

اتخيل ان اللي كاتب الموضوع ولد وخطيبته هي اللي مسويه كل هذا

تتوقعون بتكون الردود ليه تتجس عليها وترى عادي اغلب البنات لهم علاقات قبل وبعد الزواج يعقلون

مجتمع غريب

طيف عاابر · 20-10-2009, 05:29

أختي... وحبيبتي...

1-انت خطبتك بعقد اولا...

2- كل الرجال الامن رحم ربي وهم فئه قليله هاي سوالفهم...وهذي هينه..

3-اذا تبين السعاده وياه لاتسالينه عن هالسوالف...وسوي انك ماتدرين عنها...لان الرجال بحرهم عميق...يدخلك في متاهات لها اول ما لها ثاني..

4-بعدين هو 25سنه يعني لو يبي اللعب والبنات كان ما ارتبط من الان...

اتمني اني اكون افدتك...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الشباب الله يخليكم ردوا..