عالم الحياة الزوجية - منتدى

حياتي غريبة · 19-10-2009, 11:12

حياكم الله يا بنات

بصراحة انا مشكلتي غريبة مع الشعر الزائد انا صارلي فترة أستعمل البراون وماشي الحال لكن قبل فترة كنت تعبانة ونمت بالمستشفى فطريت أشيله بالموس للضرورة
وبسبب تعبي نسيته والحين مر اسبوعين وما أقولكم كارئة مابقدر أطالع رجولي وربي فشلة طلع غزير وكتيف كأنه شعر راس والحين ما أقدر أشيله بالبراون لانه طويل وسميك راح يقتلني وماينشال
مشكلتي الأصعب إني بدولة أروبية وهنا ماعندهم تقافة الحلاوة يعني لازم أسويها بالبيت وأنا سويت كل الطرق اللي لقيت بالأنترنيت لكن ماتضبط معي كلها تلزق ومايعة والله مادري شسوي اللي عندها حل لي تساعدني الله يخليكم حتى زوجي مو سامحة انه يقترب مني وري بتركبني حالة نفسية

حلاتي غيييير · 19-10-2009, 12:19

اممممممممممم ماادري حبيبتي جربي كريمات ازالة الشعر اتوقع هي اللي تناسبك حاليا وبالتوفيق

مشموم الفل · 19-10-2009, 13:56

حبيبتي خوذي كاس سكر واقل من نصفه ماء وحركيه وحطيه على الغازعلى نار هادئة
ولا تضلي تحركيه كثير لانو كثرة التحريك تخليه يصير مايع ولما يصير يطلع رغوة اعصري نصف لمونة وحركيه وخليه يغلي شوية وخذي صحن ونقطي فيه الحلاوة لو سالت يكون لس ما استوت واذا نقطي في الصحن وكانت جامدة يعني صارت اوكي
خليها تبرد شوية وبعد استعمليها
واذا كانت يابسة شوية زيديها شويت ليمون شوية صغيرة مو كثير لانو اللمون يحل وربي معاك وانا صراحة استعمل البراون بس حسيتها اطلع الشعر اكثف من الحلاوة
واذا ما قدرتي تسوي الحلاوة استعملي الموس ولما الشعر يطلع شوية شليه بالبراون او بالحلاوة
وانا انصحك عن تجربة الحلاوة احسن 100 مرة من البراون

لمحة حنان · 20-10-2009, 08:32

الله يعينج اختى ياليت اقدر افيدج

بس انا استخدام المكينه اريح لى

عسى البنات يساعدوج..........والحمد لله على سلامتج

سعودية كووول · 20-10-2009, 08:36

جربي الشمع أكيد متوفر عندهم ...

حياتي غريبة · 20-10-2009, 17:39

اهلين يا بنات مشكورين والله وماقصرتو

سمعت ببنت تركية تسوي شمع وقلت انحلت اليوم جبتها عندي البيت وانا أحلم وقلت خلاص انحلت مشكلتي ضنيتها مثل البنات اللي ببلدنا يسسون شمع
ما احكيلكم شنو سوت بيني ماعمري شفت كده كلشي ماتعرف أنواع الألم وطيرت شعرة وعشرة ظلو ولما خلصت أخدت 70 أورو
إيه والله بلداننا نعمة كل شي متوفر ورخيص بس الحمد لله الحين خف الشعر يعني أقدر أرجع أشيله بالبراون لكن توبة ماعمري أسوي الشفرة مرة تانية
مشكورين مرة تانية وما أنحرم منكم

~ تَـــــــــرَف ~ · 20-10-2009, 22:46

الحمد الله انحلت ..

بس حتى البروان تكثف الشعر وتطلع مسام ..

بعد ماتشيلين بفتره يكثر الشعر ويسمك ..

دريم44 · 21-10-2009, 03:21

حياتي نيرا اذ تعرفية مرررررررررررررريح مرة

لمحة حنان · 21-10-2009, 11:02

اقتباس:

المشاركة الأصلية كتبت بواسطة حياتي غريبة

اهلين يا بنات مشكورين والله وماقصرتو

سمعت ببنت تركية تسوي شمع وقلت انحلت اليوم جبتها عندي البيت وانا أحلم وقلت خلاص انحلت مشكلتي ضنيتها مثل البنات اللي ببلدنا يسسون شمع
ما احكيلكم شنو سوت بيني ماعمري شفت كده كلشي ماتعرف أنواع الألم وطيرت شعرة وعشرة ظلو ولما خلصت أخدت 70 أورو
إيه والله بلداننا نعمة كل شي متوفر ورخيص بس الحمد لله الحين خف الشعر يعني أقدر أرجع أشيله بالبراون لكن توبة ماعمري أسوي الشفرة مرة تانية
مشكورين مرة تانية وما أنحرم منكم

هههههههههه كل شى الا الموس وربى يسود وف نفس الوقت يكثر الشعر

والله ماادرى هذولا الاجانب اشلون حرريمهم فى سوالف شيل الشعر .......اتوقع الخليج نفس الشغلات

تذكرت سالفه كنت فى مصر وقلت اجرب اسوى حمام مغربى عندهم ورحت لصالون وصتنى عليه مصريه ...الله لا يوريج على المغربى .......الا اعرفه بخار وكريم مغربى ومن ذى اللون.............وبعدها فرك...........ومعاها عباره عن كريماااات ...كريم وراء كريم ومن دون مااشوف صابون مغربى......ماادرى تسميه تختلف وياهم ولا شسالفه...........سموحه طولت عليج

حنين خدا بخش · 21-10-2009, 14:48

طيب يا اختي ليه ما تستخدمي شرايح الشمع .. لانه تقريبا زي الحلاوة
ما انصحك بالكريمات لانها كيماويه وتخلي ساقك اسود مع الزمن لانه جربت الكريمات

اما علشان تخففي نمو الشعر وتخليه يطلع خفيف لحد ما يختفي استخدمي بعد نزع الشعر سواء بالحلاوة او الشمع او بالبروان خليط من زيت الزيتون وعصير الليمون صح راح تحسي بالحرق اول مرة بس بعدها راح تتعودي عليه ولا عاد تحسين انا كنت اعاني زيك ... ونصحتني صديقتي بالخلطه ..و جربته ولقيت الشعر خف كثير وغير كده لون جسمي بدأ يفتح واستخدم دا الخليط لمده اسبوع بعد النزع راح تشوفي نعومه وبياض والشعر خفيف مه الاستمرار راح تلاحظي الفرق ... هذا من تجربتي أنا

جربي وان شاء الله تنحل مشكلتك وأدعي لي

المنسية · 21-10-2009, 23:21

على قولة ترف انحلت المشكله <<<<متأخرة ):
ينقل للقسم الانسب

ميمي العسوله · 06-11-2009, 08:20

في دوله اروبيه اكيد فيه شمع جريبيه مره رهيب زي الحلاوه

استيل** · 06-11-2009, 19:44

لصقات الشمع عندهم متوفره بكل مكان
السوبر ماركت والصيدليات
موفقه يالغلا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

محتاجة فزعتكم يابنات