عالم الحياة الزوجية - منتدى

عيون كحلها الحزن777 · 19-10-2009, 14:57

السلام عليكم ورحمة الله وبركاته

بصراحه ماكتبت اني مضايقه الا لأني مالقيت من أشكي له ؟؟

تعبت وربي من التطنيش اللي أشوفه من ام زوجي وتضايقني بالكلام ما ادري ليش؟؟

وتحب تعطيني كلام من تحت لي تحت؟؟ أنا مااعرف سوالف الحريم والهمز واللمز؟؟

وش أرد عليها وش أقول ؟؟ لي فهمت كلامها أقولها الله يسامحك وقلبي يتقطع من القهر

مع العلم انها قريبه مني يعني بينا صلة قرابه قبل لاتكون ام زوجي؟؟

والله اني احترمها واجيب لها الهدايا والذهب وكل شئ بس مايعجبها العجب ؟؟

زوجي طبعه شوي جاف وانا دايم اوصيه بأمه وربي شاهد وعالم انه تغير من خذاني لاني نبهته

وقلت له امك لازم تراعيها وتلبى كل طلباتها ..؟؟ وتتكلم امه وتقول لي صعد لك فوق مايمر علي

امه طيب وش دخلني والله مايرضيني هالشئ؟؟ وربي يوم قالت لي قلت لها: وانا في ذمتي ماادري

واقوله مريت عالوالده يقول ايه ؟؟؟ وش اسوي هذا ولدها وتربيتها أنا ما حملت فيه وجبته ؟؟ هي

اللي جابته ...؟؟؟ عموما ربي شاهد اني أوصيه فيها دااايم

بس انا مضايقه هي يوم خطبتني تقول انها بتصير حسبت امي بس ماشفت اللي تقوله ماتحبني مثل

بناتها ؟؟صدق مافي مثل الام (الله يرحم امي يارب) مشتاقه لها ليتها عندي والله مااعرس ولا اعرف

الزواج لو امي عايشه لاقضي العمر تحت أقداام أمي

وسلامتكم وربي مضايقه والزوج مايحس ولا يفهم ؟؟؟

وفي · 19-10-2009, 15:11

اختي
اغلب امهات الازواج هكذا
تعاملهم مع ازواج ابنائهم

بس اعتقد انها غيرة
لانها هي من تعبت عليه وربته
ثم اتت زوجة واخذته منها
واصبح ملك لزوجته
في نظرهم

اختي اصبري
واكثري من الدعاء
ومالك غير الصبر
لين الله يفرجها
وتسكنون في بيت لوحدكم
وجزاك الله خير على نصحك لزوجك بالاهتمام بها

والله يوفقكم ويسعدكم

كل الغنج · 19-10-2009, 15:16

والله مدري وش اقوولك .........كل اللي عندي الله يعينك وحاولي تتحمليهاا وفيه بعض ام الازواج اعظم من كذا

عيون كحلها الحزن777 · 19-10-2009, 15:26

الله يجزاكم خير يا اخواتي ....مشكووورين خاطري مجروح منها وربي الله يصبرني

دنياغريبه · 19-10-2009, 15:49

الله يزيل همك

روآآبي · 19-10-2009, 15:58

كل ماقابلتيها او نويتي تقابلينها قولي في نفسك ( اللهم اني اذرأ بك في نحرها واعوذ بك من شرها )

وهي سايريها بما يرضي الرحمن ... يعني لاتردين عليها بما انها ماتطاولت على اهلك او على سمعتك ... كل شي له حدود .. وهي بالاخير بمقام الوالده وحتى ان ماعاملتك مثل الوالده

وترى الكلمة الطيبه تأثيرها مثل السحر ... ومصيرها مع الأيام يظهر معروفها
وفي اوقات الشده صدقيني ماراح تذكرك غير بالطيب

واستمري على توصية زوجك بأمه .. وحتى ان ماتأثر ترى بيشيلها لك حسنه اذا حصلت ظروف او مواقف بينك وبينه وطبعا مايحتاج اذكرك بالأجر عند رب العالمين

آخر وريقات التوت · 19-10-2009, 16:00

شوفي حبيبتي بهذي الحاله لازم تواجهينها بنفسك قوليلها ولدكِ
يوم مايجيك حاسبيه هو انا مالي شغل هذا شي بينكم وما ادخل فيه
ولا توصلين لزوجك اي كلاام من اللي يدور بينك وبين امه ترى الرجاال
يطفش من كثرة هرج الحرمه
ام زوجك اذا سئلتكِ جاوبيها على قد السؤال واذا شفتيها ادقق بلكلام
قومي عنها احسن هذول الحريم ماتدريين كيف تتعاملي معهم
والأهم من ذالك ان مشكلتك مع ام زوجك ماتئثر بينك وبين زوجك
زوجك اولا من امه واصبري عليهاا والله يعينك

تحيااتي لك.

1988KARIMA · 19-10-2009, 16:05

الله يعينك يا حببتي اصبري والله مارح ينساك

غلا1234 · 19-10-2009, 16:08

يا حبيبتي الله يعينك حاسه فيك ومقدره وضعك ترا ما معنا الا السكووت انا اسمع الكلام منها وابتسم
هي طيبه بس تعرفي لازم من الهمز واللمز بس مع اكذا اضحك في وجهها وامشيها طبعا هذا
الشئ اكتسبته بعد كم سنه عرف اني ماجزاء الاحسان الا الاحسان وبكذا هي تغيرت معي
عموما عليك بالدعااااء الدعاء له مفعول سحري للغايه

الله ييسر لك امرك يارب ..

يا قلبي انتي الله يرحم امك ويغفر لها ويرفع منزلتها يااارب ......

لـــمـــى · 19-10-2009, 16:19

الله يرحم امك و يسكنها فسيح جناته
طنشي خالتك و ماعليك منها خليها تسوي اللي تسويه و تقول اللي تقوله طالما أذاها ماوصل حد تخرب بيتك و تسوي مشاكل بينك و بين زوجك او تتطاول على اهلك
ربي يسعدك

شمااا 2009 · 19-10-2009, 18:20

الله لا يحطني في هالموقف ان شاء الله

ويخليلي امي وخالتي لاني ماعندي غيرهم يااااارب

الله يفرجها عليج بس كثري من الاستغفار و الدعاااء

حياتي كلها النواعم · 19-10-2009, 18:23

انسي ...وطنشي.......والله يرحم اموات المسلمين

دوواك عندي · 19-10-2009, 18:53

ربي يفرج همك

اختي الفاضله وضعك عادي لان اغلب الزوجات مثلك وانا نفس الشي يحصل لزوجتي مع امي بس اعتقد

الوضع عادي جدااا يمكن غيره منها كل شي يجوز وعشانها تعتبر ام لك لازم تصبرين ولك الاجر على صبرك

انتي حاولي بكل الطرق تقربينها منك لعلى وعسى ان ربي يهديها لك ...

كثري استغفار وادعي الله ان يهديها ويهدي زوجك لك .....

ربي يوفقك ويسعدك مع زوجك وام زوجك ...

تحياتي لك ...

عيون كحلها الحزن777 · 19-10-2009, 19:25

أشكرك كل من طيب خاطري بكلمه الله يجزاكم خير وأم زوجي الله يسامحها من كل قلبي والدنيا

بتعلمها؟؟ وبتشوف اللي تسويه فيني في بناتها لان الدنيا سلف ودين ...

يارب تصبر قلبي الحزين

♥نــ الـهـدى ـور ♥ · 19-10-2009, 19:28

كتير من امهات الازواج بهذا الشكل

انتى ولا يهمك منها ولا تشيلى فى نفسك

عامليها بما يرضى الله

وسيبك من الغمز واللمز والكلام بتاع الحريم الكبار
والله انا اعرف واحده كانت شايله حماتها من على الارض شيل
حتى فى مرضها اقصى ما تتخيلون كانت تخدمها بيه
شالتها كتير واتحملت منها كتير
وكانت يا يعينى اذا حبت تخرج مع زوجها فسحه كانت تطردها بره البيت

لحد اخر ايامها ماتت وهى راضيه عنها
ومتنسيش كله سلف ودين
واذكرك بمثل (مسيرك يا مرات الابن هتبقى حمى)

وان شاء الله تشوفى كل خير على اد نيتك

وربنا يهديها لكى ويقربك لقلبها يارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مضاااايقه ... يارب افرج لي ..؟؟