عالم الحياة الزوجية - منتدى

سالفة بدويه · 20-10-2009, 10:30

مشاء الله و تبارك الله وصلى الله على نبينا محمد افضل الصلاة والتسليم ؟؟؟؟؟اول شي هذي دعوه للبدويات عامه ولبنات الرجال خاصه مع احترامي للجميع وياليت تدعون لي موب تعلقون تعليقات مااااااااسخه المهم اذا جاب زوجك الذبيحه مفطحه اخذي قدر كبير حق طبخ الذبائح طبعا يوجد احجام منها الي تطبخ فيه ذبيحه وحده ومنها الي يطبخ فيه ثنتين وانت وحسب الي تبين الحين اعرفو لطبخ الوحده بعدين الثنتين اكتشفو بانفسكم ؟؟؟؟اخذي القدر وضعيه على المركب وهو الغاز الارضي الذي يوضع عليه قدر الذبيحه ثم امليه بالماء الين يغطي ثلاث ارباع القدر ثم اغلي الماء واذا غلى الماء وفاح اغسلي المفطح وباقي الحم المراد طبخه بالماء حتى ينظف ويمكن تحتاجين مساعده في هذي العمليه لثقل المفطح ثم ضعي الحم في الماء الحار وخذي 3 بصلات و3 فلفل اخضر رومي و3 ثوم وقطعيها دوائر اي شرائح وانثريها فوق الحم ثم رشي ملح فقط بدون بهارات حتى يكون الحم ابيض موب اسود الله يديم النعمه واذا الذبيحه هرفي تاخذ من ساعه الى ساعه ونصف فقط واذا الذبيحه او الخروف كبير في السن من ساعتين الى ساعتين وربع طبعا الغاز يكون قوي يعني محطوط على الساعه الزرقاء موب الساعه الذهبيه المعتاده في الاسطونات لانه اقوي في ضغط الغاز ويجب اثناء فترة الطبخ تقلبين الحم بالكلوب او المنزاع وهو اداءه نجدها في محلات الاواني خاصه بتقليب الذبيحه والمفطحات والتقليب يكون مره على ظهر الذبيحه ومره على بطنها ثم بعد انتهاء الوقت تاخذين سكين وتغرسينها في فخذ الذبيحه من داخل فاذا طلع دم معنات لم تستوي بعد واذا ماطلع معنات نضج واذا انتي تبين الحم محمر ادخليه الفرن بعد دعكه بالحمسه وهي عباره عن حمسه عاديه كامله بالملح والبهارات بس الصلصه كثيره شوي عساس التحمير واذا تبينه عادي بدون تحمير طلعيه من القدر وحطيه في صحن كبير وذلك عشان مايتملهس اي ماينهرت و يغطي؟؟؟ وتكبسين الرز على المرق بعد ماتقومين بشخل المرق من شرائح البصل والفلفل وتخلين المرق فوق الرز بنسبة واحد سانتي فقط يعني موب تكثرين المرق عساس ماينخبص واذا استوى وقبل ماتفرغين حطي الحم فوق الرز لتسخين ثم افرغيه في صحن التقديم الكبير الخاص بالمفاطيح وحاولي تزينينه حسب ذوقك اما بحمسة المكرونه والزبيب والكبده المشرحه والبصل واليمون وبالعافيه ؟؟؟؟؟؟؟؟؟؟؟

نـــغـــــ حياتي ــــم · 20-10-2009, 20:15

تسلم الايادى حبيبتى

أنااا أنااا · 21-10-2009, 04:15

ما أتخيل نفسي بطبخ ذبايح، لكن والله العالم أني بطبخها و من ورا خشمي، لأن زوجي راعي عزايم و ذبايح..
الله يعييييييييييييييييييين

سيده من نجد · 25-10-2009, 01:32

ماشاء الله عليك

يعطيك العافيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مقادير طبخ المفطح ؟