عالم الحياة الزوجية - منتدى

very love · 20-10-2009, 23:10

هل تشعر بأنك محبط من أول ما تصبح ؟ وهل تشعر بأنه لا رغبة لك في اللباس الجميل ولا أن تكلف نفسك عليه فلمادا الخسارة ولمن تتزين ؟ وادا كنت موظفا لا تشعر بالحماس ولا تبدع في عملك والمشكلة انك يوم السبت تداوم معبس والناس مستانسة في الويكند ؟ هل تمر عليك يوم أو يومين لا ترغب فيها بالكلام مع البشر ؟ أخي العزابي أكتب يومياتك ؟ وشاركني همومك فالحال من بعضه ..

بنتك يالسعودية · 20-10-2009, 23:42

نعم اشعر بذلك على مدار الساعة
لكن انت يااخي رجال اذا بغيت تتزوج تروح تخطب...وين المعاناة؟
المعاناة الحقيقية تجدونها في صدور البنات
بالتوفيق

مهاوي الشوق222 · 21-10-2009, 00:24

انامع كلام بنت يالسعوديه

اعزمها وتوكل واخطب والباقي على ربك

عاشقة نانو · 21-10-2009, 00:27

فعلا اكثر من يعاني البنات معاكي حق يا بنتك يالسعوديه
الحياه بتصير احلى مع شريك
شريك يستاهل ويملي حياتنا

мϊŝŞ ŗĴąĦ · 21-10-2009, 00:28

الله يكوووون بالعوووون يااااااربي ....

البندوره الحمراء · 21-10-2009, 00:32

اللة يعينك يااخوي بصراحة مافية اروع من الاستقرار انت بس اعزم وتزوج وبالتوفيق

صاحب السمو · 21-10-2009, 00:40

يالله عووووووووووووووونك بس
عزووووووبي وعلى عاااائله

ياليتني طفله99 · 21-10-2009, 00:55

والله بوجهة نضري ان الرجال جنة الدنيا مبسووووووووووووووووووووووووووووووووووووووووط لاهم ولاغم ولانكد
من وين يجيكم الغم وانتم اذا ضاقت صدوركم طلعتو ونفستو ونسيتو همومكم بعكس البنت الله يرحم الحال دايم محجوره بالبيت وشغل وكرف الامن رحم ربي
من ناحية العزوبيه ماشاء الله انت اللي تقدر تتحكم بعزوبيتك يعني متى ماشتهيت رحت تخطب وتزوجت بعكس البنت تنتضر خطيبه من اول ماتطلع من بطن امه هههههههه الله يعين الشباب والبنات ويفرج لهم همومهم يارررررب

ولد الخوالد · 21-10-2009, 01:18

والله نفس الحال ولي سنة وانا اخطب لكن الله ما أراد والخيرة فيما اختارها الله

ما تعرف حجم الوحدة اللي احسها ، خصوصا ان اغلب زملاي تزوجوا يعني ، والباقي للآسف يغازل الله يهديهم ، وانا الحمدلله ما حاولت حتى أغازل لأني ابي العوض من رب البشر الكريم الغني

لكن ولو تجي أيام أكون متحمس فيها وأطلع من بدري
عمومًا يا صديقي ما ذكرته يسمى بالاكتئاب ، وفيه أدوية له ابتداء وأعظمها القرآن ، وأيضًا الطب الحديث وضع له أدوية بامكانك شرائها ( إسأل مجرب ولا تسأل طبيب )

king fu · 21-10-2009, 01:37

اكيد خاصة على السرير لا جيت انام انواع الاحباط والضيقة ..

ويبقى الحب ! · 21-10-2009, 01:45

الله يرزقك
الزوجه الصالحه
الجميله
الخلوقه
اللي ترضي قلبك وتملى حياتك
والله يسهل امرك
ويااارب يوفق كل واحد يبغى يعف نفسه بالحلال
ويرزقه مايتمنى
--------

ولد الخوالد · 21-10-2009, 01:48

اقتباس:

المشاركة الأصلية كتبت بواسطة ياليتني طفله99

والله بوجهة نضري ان الرجال جنة الدنيا مبسووووووووووووووووووووووووووووووووووووووووط لاهم ولاغم ولانكد
من وين يجيكم الغم وانتم اذا ضاقت صدوركم طلعتو ونفستو ونسيتو همومكم بعكس البنت الله يرحم الحال دايم محجوره بالبيت وشغل وكرف الامن رحم ربي
من ناحية العزوبيه ماشاء الله انت اللي تقدر تتحكم بعزوبيتك يعني متى ماشتهيت رحت تخطب وتزوجت بعكس البنت تنتضر خطيبه من اول ماتطلع من بطن امه هههههههه الله يعين الشباب والبنات ويفرج لهم همومهم يارررررب

1- العزوبي يطلع ويفلها مثل ما تقولين لكن مصيره بيرجع لبيت أهله ويشوف اخوياه يروحون لحريمهم هذي ما هي بسيطة
2- انتم تتكلمون عن سهولة الزواج كما لو كان الزواج موجود في سوبرماركت ، إذا تعرفين تكفين دليني أنا زهقت من العزوبية وما فيه من يبي يحاول يتفهم وضعي
3- إذا تقولين البنت ما تتحكم بعزوبيتها ، إلا تتحكم ، لا تكون العائلة معقدة ، لو جاكم ولد الحلال لا تردونه لأسباب ركيكة ، يا يقولون والله البنت تبي تدرس ، خل الدراسة تستر عليها لو في هالدراسة بركة ما جبتلها إلا العنوسة ، ولا يقولون والله معليش اختها اللي اكبر منها بمدري كم سنة ما تزوجت وما نبي نضيق صديرها !!!!!

a7laa nas · 21-10-2009, 02:38

صدقت والله اخوي بس انا باطلقها قريب ان شاء الله وعقبال كل عزوبي ...

اما من ناحية اللبس والله انك صادق في الفترة الاخيرة اقول لمن البس ادري في ناس تقول لنفسك معكم حق انا في نظافتي وفي الوك حقي الحمد لله بس مااحاول اشتري جديد باستمرار مثل جوال جديد اوساعه جديدة اقول اشتريه وبعدين البسه لمن الي عندي تسد والله من الاحباط الي جاني مع ان كان قبل كم سنه كان الواحد يمر في مرحلة مراهقة ماكانت تفرق معه العزوبية كان متعتي اني ادخل اسواق واشتري اي شي المهم اشتري وكل يوم شكل لكن بعد مابد العمر في زيادة بدا التفكير كرهت كل شي زين وجديد ...

آآآآآآآآآآآآه بس الله يكون في عونك وعون الجميع والزواج والله مو سهل ونحن في بداياته والله يستر لا نهون من كثر الشروط الي طلعت من تاااااااااالي ...

مهاوي الشوق222 · 21-10-2009, 03:32

الله يرزقنا من حيث لانحتسب

هذا زماني · 21-10-2009, 03:38

من وجهة نظري إنه (( مابه شجر إلا وقد هزه الريح ))...
يعني كل الناس عندها هموم...العزوبي همه الزواج و الاستقرار و المتزوج همه تأمين مستقبله و مستقبل أسرته..
و بالنسبة للإحباط و الهم كل الناس يمر عليهم الشعور هذا..
بس المفروض الشخص ما يكون مقصر بأي شي من ناحية اللبس و المظهر الحسن يعني أنت تلبس عشان تكون مرتاح..
و تهتم بنفسك لأنك تقدر ذاتك و تبي تطلع بأحلى صورة عند الناس..
و من ناحية الخطوبة و الزواج بيد الرجال زي ما قلتوا.. الرجال إذا تقدم لوحدة و تم رفضه لأي سبب من الأسباب أتوقع هذا يسبب له إحباط... زي ما قال أخونا ولد الخوالد بس المفروض إنه ما يحس بالشي هذا إذا كان عارف قيمة نفسه..
و البنت بالعكس أنا أشوف إنها مقدرة و مكانتها بالمجتمع محفوظة و مسؤولياتها يشيلها أبوها و بعد أبوها زوجها..
وجهة نظري..
و تحياتي لكم..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الى كل عزابي هل تشعر بهدا الشعور ؟