عالم الحياة الزوجية - منتدى

ريم الكويت · 22-10-2009, 09:19

السلام عليكم ورحمة الله وبركاااته ،،،

صباح الخير على احلا اعضاء في اروع منتدى ،،

انا حاليا في المدرسه وقاعد افكر في موضوع شاغل بالي ،،

قلت مالي غيركم يساعدني في حل هالمشكله ،،

انا معلمه تربيه فنيه في مدرسه ابتدائيه بنين ،، ولاحظت انه احد طلبتي ناعم

ناعم في مشيته ،، ناعم في كلامه ،، ناعم في تصرفاته ،، والمصيبه انه الصبيان في مدرستي يتقربون منه بشكل غير طبيعي ،،

بالبدايه قعدت معاه وحاولت افهم وضعه طلع الولد مدلع من اهله ،،

حاولت افهمه انه رجل مثل ربعه ،، حرااام يكسر خاطري يقوول انا رجال ويبجي والله قعدت ابجي معاه

حرااام حاولت اساعده ،، وافكر بحالته حتى لما اكون بالبيت ،، اليوم شفت منظر جدام عيني واحد من الاطفال بصف خامس حاكره بزاويه وهو يبجي ،،

تصدقوون حسيت بفزعه غير طبيعي مسكت ولد خامس ومحطته
حسيت هالولد ولدي ،،

المشكله انا مو عارفه احل المشكله !! خايفه اقعد مع اهله الموضوع محرج بصراحه ،، وكلمت الاخصائيه الاجتماعيه تقووولي ما اعرف اتفاهم في هالمواضيع !!

تنصحوني اكلم اهله ،، على رغم هالموضوع مش من اعمالي ولا من مسؤولياتي ،، بس الولد طالب عندي وانا والله طلبتي احسهم عيالي قطعه مني ،،

انصحووووني ولكم الاجر ،،

ونصيحه من القلب احسنو تربية ابناءكم ،،

وانا الحين برووح عندي حصه وبعد شوي برد وابي القى ردود تفتح النفس عطوووني نصيحتكم ،، واتمنى واتشرف برايكم في هالظاهره الغريبه وهي نعومه الاولاد (تروووووفه ))

الف شكر ،،

* B * · 22-10-2009, 09:49

أفضل حل إنك تكلمين أهله
لأنك حتى لو ساعدتيه على حل مشكلته في المدرسة

راح يرجع لها في البيت وهو أساس المشكلة

كلميهم بصفتك محبة له ولهم وأنك شفتي مواقف حصلت له يمكن تزيد في المستقبل وبشكل أخطر

وبرضه انصحيه أنتي واغرسي في نفسه حب المرجلة والخشونة ونقي له صحبة طيبة في المدرسة يمشي معهم ولو وقت الدوام بس

ابولمياء · 22-10-2009, 09:49

والله ياختي اذا الولد مارس فاحشة الواط وصار من المتعودين عليها فأنصحك لاتتعبي نفسك وتبلغي اهله ويمكن اهله هما اساس ضياعه وكائنك ماشفتي شي لانو خلاص اذا الولد صار مفتوح فلا يستطيع الاستغناء عن ممارسة الواط سواء في صغره او حتي يكبر ويتوظف ويتزوج ويخلف اطفال وهو مدمن على ممارسةالوااااااااااااااااااط

اسأل الله العفووووووووووووو والعافيه

مزاجي79 · 22-10-2009, 09:55

الله يعينج انا بعد هم صار معاي نفس الموقف كان عندي طالب ناعم واضح من نبرة صوته وحركاته ومشيته كل الي يشوفه يقول انه ترررف وصدقيني لا تضنين الاهل غافلين عن هالشي يدرون بس تلاقينهم ساكتين او مو عارفين يتصرفون والدليل على كلامي ام الولد نفسها اهي الي يت وكلمتني وقالت الولد ادري فيه ناعم بس عجزة وتعبت وانا اعلمه كله قاعد بالبيت وحتى لي رحنا زواره عند عيال عماته او خالته او اين كان يناادونه بالبنيه ,,, انا الي اشوفه انتي ما راح تقدرين تسوين شي بروحج لازم الاهل بعد هم يساعدونج لازم تفتحين معاهم الموضوع او الاخصائيه الاجتماعيه تطلب استدعاء حق ام الولد وتكلمها بالموضوع وتعرف شنو السبب هل البيت كله بنات ومافي الا هو الولد الوحيد او الدلع الزايد او الولد بيتوتي مثل ما يقولون وما يحب يحتك مع الصبيان وكله مع البنات ومن هالاسئله عشان تعرفون توصولون حق حل ,,,

العمده · 22-10-2009, 10:00

كلمي اهله والله يعينك انتي واهله على هذه المشكله وان شاء الله تقدرين تسوين شي

اسm على mسmى · 22-10-2009, 10:01

الله المستعان
فهمي الولد انه رجال
وخوفيه من الامراض اللي يترتب عليها الترررررف
والله يعين

D.O.C · 22-10-2009, 10:05

اقتباس:

يقوول انا رجال ويبجي والله قعدت ابجي معاه

تـرآ مـآفهمتهـآ إلا بعد ساعه ونص

الترجمــه : يبكـي وأبكي معاه

ريـم الله يعينك .. أنا أنصحك انك تكلمين اهله لااااااااااازم ..

يمكن تـكونين عامل مساعد ونقطـه تحـول في هالآدمـــي .. ~

فررصـه يـآريـم .. الولد تـوهـ صغيـر مـآبعد كبـر .. عدليـه ...

قولي خلـي أمك تجي معـآك بكـره .. وتعـآل بكـره قـولي لامـه ولدك نـآعم ... وانا حـآولت فيـه بس قلـت مـآعندي غير أمه .. ~

صدقيـني بتشششـكرك ..

واحنـآ منتظريــن ردكـ ووش صـآر بالمـوضوع

محب الحرية · 22-10-2009, 10:11

كلمي اهلة وقولي لهم بانك تريدين الخير لاابنهم
وتوجيهك لهم توجية تربوي وانصحيهم بعرض ابنهم على طبيب نفسي

- حل اخر للعائلة في حال كون جميع ابنائها بنات بان يسكنون بجانب اقاربهم كالاعمام او الاخوال وتعويد الابن على انه يمشي مع اولادهم ويتعلم تصرفاتهم تحت انظار عائلتة .

- انا لدي ابن كان خواف من الهواشة بالمدرسة وكان دائماً يعود مضروب فماكان قدامي الا انني تركتة في اجازة الصيف بالديرة ومع ابناء الاقارب وفي الحقيقة حصل لة كم مرة ضرب ولكن الحمد لله زالت عقدة الخوف واصبح يضرب بكل قوتة في الهواشة ولايهرب .

ريم الكويت · 22-10-2009, 10:20

اقتباس:

المشاركة الأصلية كتبت بواسطة * b *

أفضل حل إنك تكلمين أهله
لأنك حتى لو ساعدتيه على حل مشكلته في المدرسة

راح يرجع لها في البيت وهو أساس المشكلة

كلميهم بصفتك محبة له ولهم وأنك شفتي مواقف حصلت له يمكن تزيد في المستقبل وبشكل أخطر

وبرضه انصحيه أنتي واغرسي في نفسه حب المرجلة والخشونة ونقي له صحبة طيبة في المدرسة يمشي معهم ولو وقت الدوام بس

اشكرك اخووي على المساعده ،،،

والله انا افكر اني اكلم اهله بس اخااف من ردة فعلهم ،، في نااس مع احترامي همج ،، مع اني ولله الحمد امتلك القدره على الكلام بمعنى متحدثه جيده ،، بس بنفس الوقت حساسه اي كلمه تأثر فيني ،،

بحاول اتجرأ واطلب اقابل ولي امره ،،

الف شكر ،،

ضيم السنين · 22-10-2009, 10:22

غصب ناعم اذا حتى اللي يدرسونهم حريم

ريم الكويت · 22-10-2009, 10:22

اقتباس:

المشاركة الأصلية كتبت بواسطة ابولمياء

والله ياختي اذا الولد مارس فاحشة الواط وصار من المتعودين عليها فأنصحك لاتتعبي نفسك وتبلغي اهله ويمكن اهله هما اساس ضياعه وكائنك ماشفتي شي لانو خلاص اذا الولد صار مفتوح فلا يستطيع الاستغناء عن ممارسة الواط سواء في صغره او حتي يكبر ويتوظف ويتزوج ويخلف اطفال وهو مدمن على ممارسةالوااااااااااااااااااط

اسأل الله العفووووووووووووو والعافيه

لا اخوووي ما وصلت لهالمرحله ،، الولد يبي يغير نفسه بس مو عارف شلون ،، الولد ناعم تروووفه بس مو عاجبه هالوضع ،،

وانشالله يتغير على ايدي بالطيب او بالقوه راح اغيره ،،

الف شكر على المرور ،،

رومنسي عسل · 22-10-2009, 10:25

بارك الله فيج أختي و جعلكي الله أمآ فاضله لهؤلاء لاطفال انا ر أيي ان تستدعي والد التلميذ وتكلمينه

ريم الكويت · 22-10-2009, 10:27

اقتباس:

المشاركة الأصلية كتبت بواسطة مزاجي79

الله يعينج انا بعد هم صار معاي نفس الموقف كان عندي طالب ناعم واضح من نبرة صوته وحركاته ومشيته كل الي يشوفه يقول انه ترررف وصدقيني لا تضنين الاهل غافلين عن هالشي يدرون بس تلاقينهم ساكتين او مو عارفين يتصرفون والدليل على كلامي ام الولد نفسها اهي الي يت وكلمتني وقالت الولد ادري فيه ناعم بس عجزة وتعبت وانا اعلمه كله قاعد بالبيت وحتى لي رحنا زواره عند عيال عماته او خالته او اين كان يناادونه بالبنيه ,,, انا الي اشوفه انتي ما راح تقدرين تسوين شي بروحج لازم الاهل بعد هم يساعدونج لازم تفتحين معاهم الموضوع او الاخصائيه الاجتماعيه تطلب استدعاء حق ام الولد وتكلمها بالموضوع وتعرف شنو السبب هل البيت كله بنات ومافي الا هو الولد الوحيد او الدلع الزايد او الولد بيتوتي مثل ما يقولون وما يحب يحتك مع الصبيان وكله مع البنات ومن هالاسئله عشان تعرفون توصولون حق حل ,,,

مزاجي اشكرك على المرور ،،

والله انا قاعد احاول واحاول وعندي امل واصرار اني اقدر اغيره وصلاحه بيكون على ايدي باذن الله ،،

تصدق كان اذا انطق يجيني يركض وينخش وراي !! انا زفيته وقلت له اللي يطقك طقه لا تخلي صبيان يضحكون عليك ،،

جد والله كاسر خاطري ،، انا كلمت الاخصائيه وللاسف ما تعاونت معاي ،، بس انشالله راح اسوي استدعاء ولي امره ،، بس انا خايفه من ردة فعلهم ،،

الله يستر تسلم على المشاركه ،،

الجود المشاري · 22-10-2009, 10:35

هلابك أختي والله يعطيك العافيه ..
أنتي اللي عليك سويه حاولي معه تكلمي مع أمه تواصلي مع أهله وضحي لهم الصورة بطريقة ماتجرحهم لأنه حرام صغير الولد ولا يفهم ولا يعرف عشان البيت يتغير في تعاملة وحتى المدرسة تساعده ..
وبعدين عسى ماشر المشرفة الإجتماعية وش عندها ؟؟ خير هالأمور ماعرف لها أصلن هالأمور هي صلب أختصاصها .. شي غريب قسم ..
المهم ربي معك لأنك حرمة تخافين الله وشلتي هم هالولد أمشي معه للآخر وربي معك وبيقويك ..حرام هذولا أمانه قسم أن بعض الأهل مايدري أنه يودي عياله في داهيه من طريقة التربية المتبعه معهم

ريم الكويت · 22-10-2009, 10:35

اقتباس:

المشاركة الأصلية كتبت بواسطة العمده

كلمي اهله والله يعينك انتي واهله على هذه المشكله وان شاء الله تقدرين تسوين شي

الاغلبيه تؤيد اني اكلم اهله ،، وباذن بحاول اكلمهم وانشالله تكون ردة فعلهم ايجابيه ،، العمده الف شكر ،،

اقتباس:

المشاركة الأصلية كتبت بواسطة اس mعلى mسmى

الله المستعان
فهمي الولد انه رجال
وخوفيه من الامراض اللي يترتب عليها الترررررف
والله يعين

اخوووي والله انا حاليا قاعده العب على هالوتر ،، واحاول ابين له انه رجال ،، مره طلبت من الطلبه يرسمون لي اشكالهم في مستقبل على شكل دعابه ،،

كل طفل قاعد يرسم لي شكله واحد يرسم انه له سكسوكه والثاني ملتحي والثالت مسوي قفل ،،

اما الحبيب راسم نفسه من غير شوارب << شر البليه ما يضحك

مسكت رسمته ورسمت عليها شوارب الابضابيات الطوال وقلت له ابي شواربك طواال انت رجال مو بينه ما عندها شوارب !!

قاعد احاول بكل طرق اني اغيره فكره قبل تصرفاته ،، وانشالله اقدر ،،

الف شكر ،،

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

لحقوووني طالب من طلبتي ناعم !! شالحل ؟؟