عالم الحياة الزوجية - منتدى

][هناادي][ · 25-10-2009, 00:13

السلام عليكم ورحمة الله وبركاتة ..

انا عندي صديقة فالجامعة صار لي معاها يمكن ثلاث سنين او اكثر ..

ارتح لها كثير لانها بنت هادية وطيبة جدااا جدااا ومتواضعة كثير .. بس في شي كان محيرني فيها كثير ..

عندها اخوات ثنتين بالجامعة معانا .. بس ما كلمتني عنهم او حتى ما قالت لي ان عندها خوات الابعد

سنة .. ولما سالتها عن السبب تحرجت كثير وقالت لي ماجات المناسبة ...!!!

ونادر جدا جدا اشوفها تتكلم معاهم بذات الاخت الكبيرة عمري ماشفتها تتكلم معاها.. مع انهم خوات من ام واب .. ويطلعون مع بعض بنفس السيارة ..

حتى لما اتصل عليها ما اسمع حولها صوت كلة جالسة بغرفتها ..!!

ولما اسالها انا ما اشوفك تتكلمين مع خواتك ..؟ او كيف علاقتك مع خواتك ..؟ او احس

انك كله جالسة بغرفتك..؟

تتهرب من السؤال او تقول ( علاقتي معاهم زينة ) وتسكت او تفتح موضوع ثاني ..

ولا مرة تكلمت عنهم او تكلمت عن موقف حصل لها مع احد من اهلها الي بالبيت ....

(( يعني بالعربي (( احس ان علاقتها مع اهلها مقطوعة تمااااااما ))....

مع اني اشوف البنت تحب الناس و مب راعية مشاكل بس عيبها انها جدا كتومة ومب واثقة من نفسها ..

عالعوم انا ما حبيت اتكلم معاها عن اهلها كثير دام الموضوع هذا يسبب لها احراج ..

بس كنت احاول بطريقة غير مباشرة على انها تفض فضلي عن ايش الي بداخلها لاني ساعات احس

انها حزينة وداخلها كلام تحاول تعبر عنة بس مب عارفة كيف .. وكنت احاول اني اخليها ترتاح لي لانها

من النوع الي ما يرتاح حق اي شخص بسرعة..

لين جا اليوم واعترفت لي فية انها ما تتكلم مع خواتها واخوانها الي فالبنت الا ناااااااادر جدا جدااا

وللعلم البنت( يتيمة) ابوها متوفي .. بس امها موجودة ..

وقالت لي ان اهلها ما يحبونها .. :،(

وهي اصغر وحدة فيهم ..

وامها على اتفة الاشياء تهاوش وتصارخ ...وقالت لي كلام كثييييييييير وكثييييير بس الي فهمتة منها ان

خواتها عدوانيات ويكرهونها بدون سبب ( يمكن فيهم حالة نفسية ) لانهم عاشوا طفولة صعبة

وضروف مادية اصعب.. بعد وفاة ابوهم ... وصار الكل يعاملهم معاملة قاسية ومحد يسال عنهم او

يهتم فيهم من اقاربهم ... حتى فالعيد ما يسالون عنهم

ولا حد يعيد عليهم او يفتكرهم بشي

وانا ما اضن انها تبالغ لاني ملاحضة هالشي عليها من قبل ما تتكلم ...

وانا هنا حبيت افض فض لكم لان مشكلتها حزت بخاطري كثير واي شخص يحكي لي عن مشكلة وربي

احسن انها مشكلتي انا خصوصا لما يكون هالشخص يعز علي كثير ..والله ما انام اليل ..واجلس ادعي

ان ربي يفرج لة همة..

من جنبها · 25-10-2009, 00:30

لله يكون بعونهاا والله انها تحزن

بس ان شالله تكون موفقة بدراستها وشاطره وربي يعوضها عاجلاا

خلك معاها وحاولى انك تساعدينها اذا احتاجت شى

يلااا

الى اللقااااء

هلا باالجرح · 25-10-2009, 00:38

الله يعينهااا ..

ولكن هنا الدور يكون عند الام ؟!

يعني وين الامومة وين الحنان ؟!

يعني معقولة ماتسألها شلون امتحانج يابنتي ؟!

ولا تغديتي ولا تعشيتي ؟!

ولا ناقصج شي فلووس ولا حتى احتياجات خاصة ؟!

والله هاالدنيا مشاكل مانقدر نحكم عليهم ..

بس الام تضل ام وترحم لو كانت حجر قلبها زي الورق على بنتها ..

ربي يكون بعونهااا ..

عبرة قهر · 25-10-2009, 01:30

لاحول ولا قوة الا بالله

الوسااااام · 25-10-2009, 01:42

سوال يطرح نفسه
لماذا هي تعيسة وكتومة واخواتها الكبار مستانسين
وماعندهم مشكلة

كلهم ايتام

مالسبب؟؟
الموضوع غير عن كذا

تحياتي

الفراشة الزرقاء · 25-10-2009, 01:48

الله يفرجها عليهم
والله يجزاك خير على اهتمامك فيها
خليك معها وعوضيها عن كل شي والله يرزقك الاجر

نورين زين · 25-10-2009, 01:49

لا حول ولا قوة الا بالله
خليكي معاها حبيبتي واتكلمي معاها كتير وحاولي تساعديها انها تكلم امها واخوتها وتبدأ هيا وتحاول تاني وعاشر ومش تيأس ابدا مش ينفع الانسان يعيش لوحده وهو معاه اهله
ربنا يفرج همها

غنوجه ابوهااا · 25-10-2009, 01:50

الله يفرج عنها

حياتي كلها النواعم · 25-10-2009, 14:56

لا حول ولا قوة الا بالله

مكاويه كول · 25-10-2009, 15:45

لاحول ولا قوه الا بالله

semsemahmed · 25-10-2009, 16:01

ربنا يهديهم لبعض

ابو زعبل · 25-10-2009, 16:20

لله يكون بعونهاا والله انها تحزن

Ms.DUNHILL · 25-10-2009, 19:05

حراااام ولله احسهااا مسكيينه ماعندهاا حد حواليهاا ..
مع انها اصغر وحده ..
منو يسال عنها لاتضايجت ..؟
منو يسالها اذا بخاطرها شي ..؟
منو ياخذ بخاطرهاا و يخفف عليها همومها ..؟
من يداريهاا ..؟
من يواسيها ..؟
من يدللها ..؟
من يكلمها ..؟
من يسمعهاا ..؟
من ومن ومن ومن ...

حرام ولله كسرت بخااطري .. صح ان حالي احسن من حالهاا بدرجات
بس الحمدلله محد مايعاملني بهالطريقه ...

الله يخلييج لهاا و خلييج دايم وياها ولا تخلينها بروحهاا
خذي بخاطرهاا ساليها عن اللي فبالها لبيلها طلباتها
ولا تردينا قد ماتقدريين حرام هذي يتييمه راح تكسبيين فيها
اجر انشالله ..
و مثل مايقولون الصديق بوقت الضييق و اذا انتي ربيعتهاا صديقتهاا
ماوقفتي وياها في محنتها من راح يوفق ويااهاا ..
و اعرفي انج اذا وقفتي وياهاا الحيين ولله بييج يوم راح تسند ظهرج
و تمسك يديينج و ماراح تقصر ويااج باي حااجه ..

و الله يخلييكم لبعض ..
سووري اذا طوولت عليييكم واييييـــــــــــــــــــد ..

ارجوااان · 25-10-2009, 19:25

الله يفرج عنها وييسرلها احوالها

قست دنياه · 25-10-2009, 19:25

الله يعينها
.. انت سووين فيها خير , يعني كووني لها الاخت الحنوونه . واعطيها من شاكلك عشااان تثق فيكـ .
والله يخليكم لبعضـ.
تحيااتيــ

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

صار لها سنين ماتتكلم مع اهلها ...