عالم الحياة الزوجية - منتدى

HeeMoo9 · 20-08-2005, 22:49

السلام عليكم ..

كيف الحال متزوجين وعزاب ؟؟؟ خخخخخخ

ترى اول مرة اكتب موضوع من اخراج وتأليف ومراجعة وتصوير وتمثيل >>>>>>>> هيمو <<<< ماشاء الله على المواهب

يعني ماعرف ايش اكتب مقدمة ...

المهم .. علشاني ماحب اللف والدوران راح ادخل في الموضوع على طوووول >>> دغري خهخهخه

=-=-=-=-=-=

كلنا نستيقظ من النوم كل يوم (احلف) <<<< يازين اللغة العربية ..
ماعدا الخفافيش ودراكولا وهول الليل ><><><>< مين هول الليل ؟؟

لكن الشيء المختلف عن كل واحد منا
هو كيف يستيقظ ... وماهي مشاعره اثناء الاستيقاظ ... وكيف هي حالته ..

هيا وحدة من ثلاث حالات ..

ياإنه يقوم من النوم ومبسوط وفلللللة ورااااايق على الآخر ..

والا انه يقوم من النوم ومعصب وحالته حالة

(بلغة المكاوية : دين امه قافل )

او يقوم من النوم ومتكعبل ومتشقلب

ومو عارف راسه من رجله
يقوم كذا حاله من لحاله
كأنه عايش لحاله في الدنيا هذي
(بلغة المكاوية : مايدري وين الله حاطه)

في الحالة الأولى :

بالنسبة للمتزوجين
ياعيني على الفلة والرومنسية اللي هم عايشين فيها طبعا للي عايشين في شهر العسل
(لكن اللي بعد شهر العسل الله يخلف عليهم) هههه
كذا يقوم ويتصبح على وجه حرمته وحبيبته
وهي سوت الفطور وتقوله بكلمات حب وحنان ياحبيبي ياعيوني ماكفاك النوم يلا ياقلبي قوم من النوم بوريك شي خطير وراح اخليك تسوي معاي اللي تبي يلا بس قوم ( ان شاء الله تكونو فاهمين لأني مني مستعد اشرح اكثر من كذا خخخ)
والا لأصحاب الإتوكيت سوت له قهوة كوباتشينو صباحية و قود مورنينق هني (صباح الخير عزيزي)
كذا الواحد يقوم وله نفس يبدأ يوم جديد حافل بالنشاط والإزدهار والعمران ههه

والخطاطيب والخطاطيبات (جمع خطيب وخطيبة ) اقصد للخاطبين والمخطوبات
يقوم على رنة جوال (رنة خاصة .. ولو دق ابوه والا امه كان يعطيهم اشكل .. طاااط ) خطيبته وهاتك ياكلام العسل وشغل الحنحنة والتخيلات .. احم احم .. الواحد يقوم وهو ونااااااااسة على الآخر ...

وبالنسبة للعزوبية .. الصراحة اشك انه ينتمي لهذه الحالة لأنه كائن منقرض من أي بيئة صحية هههههه

لكن فيه حالات ممكن تكون منها يعني مثلا اخوك الصغير والا اختك الصغيرة الدلوعة اللي تحبها تجيك وتصحيك بكل رقة وحنية (اكيد تبيك توديها البقالة هههه )
يعني من الإستحالة يكون التمساح العزوبي من هالحالة ههههه

في الحالة الثانية : يتكاثر فيها من هو عايش مع اهله هعهعهعهعهع

بالنسبة للمتزوجين (طبعا من بعد نهاية شهر العسل إلى الأبد (الا من رحم ربي) )

تجيه زوجته بكل ماأوتيت من قوة وبكل نفس والشر يتطاير من راسها وتصارخ : يلا قوم قامت قيامة شياطينك عساك ماقمت ماهمني
بس روح الشغل والا تبي تجلس في البيت عاطل ترى انا ماتزوجت من واحد عاطل مايشتغل
وخذ معاك الدفتر فيه قائمة مقاضي لازم تجيبها وانت جاي
ولو ماجبتها ماراح تنام في البيت اليوم هههههههههه
يقولها بكل رقة وحنية : طيب لو سمحت ممكن تسوي لي شاي
ترد : شاااي ؟؟!! يلا قوم بلا شاي بلا كلام فاضي روح من اي كافتيريا في طريقك واشرب وانت في الطريق ..ناقصة هم انا والا اييييه ..
من الجد تخلي الواحد له نفس يروح يذبح روحه ههههههه

والخطيب
يقوم على رنة خطيبته ومبسوط لكن لما يرد .. الو حبيبي صباح الخير
ترد عليه : حبيبي قوم بسرعة اااه تعبانة بطني عندي صداع في بطني اااه تعال بسرعة شوف شو صاير فيا .. هو مسكين يقوم ويفز بسرعة على طووول لعندهم .
ولما يوصل تفتح له الباب ..
يشوفها يقول سلامات حبيبتي وين الألم
ترد بكل برود بس كنت اختبرك واشوف انت تحبني والا لأ .... (حالة الزوج : وده يذبحها ويفتك)
يرجع والشرر يتطاير من عينيه وده يكمل نومه لكن راح النوم من الفجعة ...

بالنسبة للي عايش مع اهله
والله حوووسة تجيه امه وتصارخ فيه قوم ياعساك ماتقوم للأبد .. قوم روح اشتري هذي المقاضي علشان اسويلكم غدا
والا روح اشتري لنا غدا يلا بسرعة مو كفاية ابوك ..................................
والا ابوه بس يقول ياواد قوم .. على طول تلقاه يفز ويقوم من الرعب ..

وبالنسبة للعزاب
اخوياه يدقو عليه جوال ستين الف مرة علشان بيروحو الجامعة او العمل ..
وكل شوي يصرفهم بهرجة .. الين يقوم وهو قااااااااااااااااااااااااااااااااااااااااااااااااا افل على الآخر ..
والا اذا لحاله كل شوي يدق الجوال والا المنبه يقفله ويرجع ينام الين يتأخر ساعة ساعتين يقوم ..
يوووووه الحين اتأخر يلا بسرعة الحين يجيني المدير ويسوي لي زحمة ومحاضرة طوووويلة الله يعين بس ..
^
هذا للي لهم مستقبل .
لكن وش حال العاطلين واللي مالهم اي داعي بالحياة ..
يدق جرس الباب ستين مليون مرة <<<< صاحب الشقة يبي الإيجار حق خمس سنين مادفعم ههههه
يقوم ونفسه ينتحر ويطلع لصاحب العمارة ويصرفه بكلمتين ويروح بينام مايقدر روح النوم من عينه

نجي للحالة الأخير وهم اللي مايدرون اهم وين .. ويصحون لحالهم من لحالهم ..
طبعا موب من كثر النشاط الا قول لأنه نايم له 25 ساعة متواصلة (تعب من كثر النوم)
وينتمي لهذه الحالة :
المتزوجين اللي عنده اجازة
والا اللي حرمته عند اهلها <<< ياإنها زعلانة منه والا من الطفش وداها ..
او العزوبي اللي عنده اجازة
والا اللي ماعنده لاشغلة ولا مشغلة

طبعا حالتهم وحدة وهي انهم يقومو على صلاة المغرب او العشاء ويروح يصلي كل الصلوات جمعاً وياكل له لقمة ..
ويروح يلفلف بالشوارع <<< شغال عسا ههههه
والا يدشر بين مقهى وملهى وكازينو ..
يعني بالعربي : لو انحذف هذا اليوم من حياته مايأثر عليه
يحس ماله اي هدف والا اي شي يسويه
طبعا بعد مايتعب من الدوران في الشوارع وبشكات البلوت يروح يرجع ينام <<< توه صاحي هههههه

وبالنسبة لـ.........

خلاص خلص الموضوع مابقي شي ههههههه

وانتم اكيد بتقولو هذا مكبر السالفة وماتستاهل صج انا كتبت الموضوع بشكل فكاهي

وقد تستغربون اني لم اكتب هذا الموضوع في قسم الفرفشة والضحك ..

حتى لو كتب هذا الموضوع بشكل فكاهي ولكني كتبت هذا الموضوع للنقاش والرأي أولا وأخيرا لحبايبي المشرفين ..

لكن هذي حقيقة اذا صحيت من النوم وانت رايق ومبسوط راح تبدع في مجال عملك او دراستك أو حتى لو كنت فاضي ماعندك شغلة ..
يومك كله راح يكون فلة ووناسة ...
والعكس صحيح

قد قلت ماقلت وذكرت ماذكرت عن ان الاهتمام بالزوج يكون في شهر العسل فقط من خلال هذه الجملة :

ياعيني على الفلة والرومنسية اللي هم عايشين فيها طبعا للي عايشين في شهر العسل
(لكن اللي بعد شهر العسل الله يخلف عليهم) هههه

فهل كنت منصفا معكن ايتها الزوجاااات ؟؟

وسواء كنت منصفا ام لا ..
اريد أن اعرف ماهي الطرق التي تتبعينها لإيقاظ زوجك من النوم ؟؟ سواء في شهر العسل ام بعده ؟؟

وبالنسبة للشباب ياليت كل واحد يقول هل هو متزوج ام لا ؟؟

ويذكر لنا اي من الحالات الثلاث تنطبق عليه ؟؟

ومعليش على الإطالة ...

تقبلو تحيات مقدم البرنامج والمؤلف والمخرج والمصور والنجم ... هيمووووووووووووووو

للإسفسار والمراجعة الإتصال بنا على هاتف : صفر والباقي خمسات
او على فاكس البرنامج : المفتاح : مفتاح 14 والرقم خمسة والباقي اصفار .. ياعيني على التميز
او بالإطلاع على موقع البرنامج : دبليو دبليو دبليو دوت هيمو 9 نص كم
وللإقتراحات الرجاء التوجه الى اقرب صندوق للتنمية العقاري
وضع شكواك فيها واطمئن فالشكوى ستكون سرية حتى نحن لن نراها ههههه

هذا وصلى الله على سيدنا محمد وعلى آله وصحبه وسلم ...

همــس الليل · 21-08-2005, 00:18

[/B] تسلمين على الموضوع بس ماتعتقدين ان فيه من المبالغة ؟؟

هذي رايي
وشكرا على موضوعج

أنا حر · 21-08-2005, 00:34

HeeMoo9
موضوع حلو كتير
وشكلك معايشة هالأوضاع من جد .

اسيره الأمل · 21-08-2005, 00:49

خخخخخخخخخخخخخ عجبتني العباره
وبالنسبة للعزوبية .. الصراحة اشك انه ينتمي لهذه الحالة لأنه كائن منقرض من أي بيئة صحية هههههه

{{الأواكس}} · 21-08-2005, 01:06

اقتباس:

المشاركة الأصلية كتبت بواسطة اسيره الأمل

خخخخخخخخخخخخخ عجبتني العباره
وبالنسبة للعزوبية .. الصراحة اشك انه ينتمي لهذه الحالة لأنه كائن منقرض من أي بيئة صحية هههههه

هههههههههههههاي

ذبحني الضحك,,,,

مشكور صاحب الموضوع على هذا الطرح,,,,

اسيرة لا تعلقين على المواضيع ترى نفقد السيطرة,,,

HeeMoo9 · 21-08-2005, 03:08

اقتباس:

المشاركة الأصلية كتبت بواسطة همــس الليل

[/B] تسلمين على الموضوع بس ماتعتقدين ان فيه من المبالغة ؟؟

هذي رايي
وشكرا على موضوعج

هلا اختي همس الليل ..

ممكن في بعض النقاط مبالغ فيها ...

ولكن أغلب الموضوع مقتبس من حياتي البائسة هههههه <<<< طبعا من ناحية العزابية ..

واخر شي .. انا ولد وهيمو اختصار لإسمي : إبراهيم .. وياويلك لو تقولي اني بنت مرة ثانية

مشكورة على تواجدك وردك ...

تحياتي اليك

HeeMoo9 · 21-08-2005, 03:36

اقتباس:

المشاركة الأصلية كتبت بواسطة أنا حر

HeeMoo9
موضوع حلو كتير
وشكلك معايشة هالأوضاع من جد .

هلا اخوي ..

الله يحييك في الموضوع .

والله انك صادق بحكم خبرتي في حياة العزوبية خخخخخخخخ

تحياتي اليك ومثل ماقلت للأخت اللي فووووق

انا Male = ولد

HeeMoo9 · 21-08-2005, 03:47

اقتباس:

المشاركة الأصلية كتبت بواسطة اسيره الأمل

خخخخخخخخخخخخخ عجبتني العباره
وبالنسبة للعزوبية .. الصراحة اشك انه ينتمي لهذه الحالة لأنه كائن منقرض من أي بيئة صحية هههههه

وش نسوي هذي الحقيقة ومكتوب علينا ..

مشكورة اختي اسيرة على ردك ..

تحياتي

HeeMoo9 · 21-08-2005, 03:51

اقتباس:

المشاركة الأصلية كتبت بواسطة {{الأواكس}}

هههههههههههههاي

ذبحني الضحك,,,,

مشكور صاحب الموضوع على هذا الطرح,,,,

اسيرة لا تعلقين على المواضيع ترى نفقد السيطرة,,,

وليه الذبج؟؟

خلاص بكرة الموضوع والضحك تلقاهم في سجن المنتدى ..

العفو صاحب الرد على هذ الرد ..

خل الناس تعلق اللي تبيه هههههههههه

تحياتي

الفارس2005 · 21-08-2005, 04:03

الله كلامك صحيح

يعطيك العافية

هههههههههه

محمد حسني احمد · 21-08-2005, 05:33

يعطيك العافية اخويا

******حلم****** · 21-08-2005, 05:49

شكرا هيمو .........اسلوبك ممتع

شحروره · 21-08-2005, 06:28

تسلم اخوي هيمو

saeed1981 · 21-08-2005, 09:59

يسلمو هيمو على الموضوووووع الجميل انا عزابي

HeeMoo9 · 21-08-2005, 16:51

اقتباس:

المشاركة الأصلية كتبت بواسطة الفارس2005

الله كلامك صحيح

يعطيك العافية

هههههههههه

الله يعافيك اخوي ..

بس وين اجابة الأسئلة ..

قلنا لكم قابل للنقاش وفيه اسئلة تحت ..

تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الفرق بين المتزوجين والعزوبية عند الإستيقاظ من النوم .. موضوع قابل للنقاش