عالم الحياة الزوجية - منتدى

رقة أنثى · 26-10-2009, 21:19

( راح اكتب قضة ولادتي بالتفصييييييل الممل وهذا بناء على طلب خواتي اللي معي بالتجمع )

طبعا الكل عارف اني حملت قبل كذا وماتت بنتي في يوم ولادتي لها وخااااصه خواتي اللي معي بالتجمع

والحمد لله على كل حال ربي عوضني خير بفضل صبري واحتسابي لقضاء الله وقدره وبهالمناسبه حبيت

اسرد لكم قصة ولادتي بشهوده الله يحفظها ويخليها لي ان شاء الله في نهاية شهور حملي قالي الدكتور

بما ان سبق وحملتي قبل كذا وجبتي بنت متوفاه لازم نولدك الان بطلق صناعي بنفس اليوم اللي راح

تكملي فيه شهرك لان علميا خطر عليك وعلى البيبي تظلي اكثر من كذا حتى لو دقيقه وحده وفعلا جى

اليوم المرتقب اللي هو 16 _ 10 _ 2009 ورحت قالوا على طول تنوييييم فسويت اوراقي كلها من تسجيل

الدخول للتنويم ووقعت انا وزوجي على عمليه قيصريه لان هذي كانت تعليمات الدكتور اننا نوقع على اساس

لو صار أي شي لا سمح االله خطر على البيبي الا كل شي جاهز رحت لغرفة التويم الا واللاتصالات تجي من

ام زوجي وحماتي وزوجة حماي يسئلون ان كانوا اليوم راح يشوفوني او لا لان متعوده كل خميس انزل

لعندهم طبعا بما ان ام زوجي كبيره بالسن ماحبيت اقول لها اني بالمستشفى لا خبيت عليها وقلت لها

اني تعبانه شوي وراح انزل لهم بيوم ثاني اما حماتي وزوجة حماي ماقدرت اخبي عنهم وقلت لهم وقمت

ابكي وانا اكلمهم واقول لهم ادعوووولي انا مره خايفه لان كنت خايفه اني افقد بنتي لا سمح الله زي المره

اللي فاتت وحررصت عليهم ان يكون الشي بيني وبينهم ومايعلموا احد وجلست من الساعه 8 بالليل الى

الساعه 11 وانا على المغذي والتخطيط في هذي الفتره كانت الممرضه تحاول تلاقي النبض بس كان مره

خفيف وكل شوي تجي وحده تحاول تشوف ونفس الشي خفيف سئلتني متى اخر مره اكلت قلت لها اخر

شي الظهر قالت عشان كذا النبض مو باين لان مااكلتي مدااام انتي مافي اكل بيبي يكون تعبان

فخفت كثير عليه على طول قلت لها طيب جيبيلي شي اكله عشان يكون البيبي كويس وفعلا جابوا لي

عشا واكلت ولما جات ترجع التخطيط مره ثانيه الا الحمد لله تلاقي النبض واضح مره والحمد لله تطمنت طبعا

اهلي الى الان مايعرفوا عني اني بالمستشفى كل اللي يعرفوه انهم بيسووا لي طلق صناعي بس

مايعرفوا بأي يوم قررت اني ادق عليهم واقول لهم مو عن شي اني كنت ابي اخوفهم علي لا كنت ابي اقول

لهم عشان اكسب دعواتهم وخاصه امي الله يحفظها حبيت تدعي لي عشان تتسهل ولادتي دقيت وقلت

لهم انا بالمستشفى وراح يسووا لي طلق صناعي وابي دعواتكم لي بالبدايه ماكانوا مصدقين ابدا

سمعتهم التخطيط وسمعوا نبض البيبي فقاموا من دون شعور يصارخوا طبعا انا كنت على المكبر فكان الكل

سامع انا وش اقول امي واخواتي وعيالهم والحمد لله قاموا يدعوا لي ويحرصوا علي اني اطمنهم اول بأول

باللي راح يصير معي بعدها جلست مع نفسي اقراء المعوذات وادعي واستغفر الى ماجات الساعه 11

وجات الدكتوره قالت راح نحط لك الحين الطلق الصناعي فقلت لها اوكي وانا ميته خووووف لان كنت من اول

اسمع عن الطلق الصناعي سواء كانت تحميله او ابره وان في ناس ماتنفع معهم التحاميل ويستخدموا

معهم الابر طبعا حطت لي تحميله وراحت بالبدايه ماجاني الم ابدا بعد ساعتين ابتدى الالم يروح ويجي على

خفيييييف مثل الم الدوره استمريت على هذا الحال الى الساعه 4 ونص الفجر بعدها جات الممرضه وقالت

مداااااام يالله غرفة ولاده على طول لبست العبايه وودتني اول ماجيت ادخل للغرفه الا كانت وحده بالغرفه

اللي بجنبي تو والد وطفلها يصيح والدكتور جالس يفحصه وهي من جهه ثانيه تتألم تشجعت شوي لما

سمعت صوت طفلها يصيح وقلت عقبال مااسمع صوت بنتي بعد ساعات قليله والحمد لله الممرضه بعد

شجعتني وقامت تقولي ان انتي بتصيرين زيها عندك طفل بعدها ركبت لي المغذي وانا مبسووووطه مافيني

الم الا خفييييف والممرضات كانوا يفرفشوني شوي ويغيروا لي جو الى ماجات ممرضه للمغذي ومعها ابره

صغيره تبي تفرغها بالمغذي على طوووول خفت وجلست اقول لها شنوووو هذا وانا ميته خوف قامت قالت

لي مدام هذا مغذي وهو اصلا مو مغذي هذا كان الطلق الصناعي بالابر على طول ابتدى معي الالم اكثر من

اول فجلست اقراء المعوذات والادعيه بعد فتره جات تحط الابره الثانيه فجلست اهاوشها اقول لها خلاااااص

هذي تكفي ونفس الشي جلس الالم يزداد فبدئت احط الاكسجين على وجهي عشان الالم يروح وفعلا

الحمد لله الالم كللله يروح بس بالمقابل كان يغمى علي شي بسيييط واحس تنميل بجسمي لان عندي

انيميا حاده ومااقوى اني اتنفس الاكسجين بصوره كبيره وسبحان الله من افيق من الاغماء يرجع الالم مره

ثانيه وارجع اتنفس الاكسجين ونفس الشي يغمى علي وظليت على هذا الحال الى ماولدت طبعا قبل لا

اولد كانت تجي الدكتوره وتشيك على الرحم كم مفتوح سم وكل شوي تقولي كم الى ماصار الالم مررره

غير محتمل يوم جات تقيس الا 9 سم هذي اللحظه اللي ماانساها ابدا لانها لحظة النهايه جلست الدكتوره

والممرضه يلبسوا اللبس الاخظر والقفازات عشان يولدوني وانا من جهه ثانيه ادفع والحمد لله مع التنسيم

طلعت شهوده وسمعت صياحها وانا بوقتها صايره كني سكرااانه خخخ اول ماشفتها وهي تصيح قلت بصوت

ممتلئ تعبببب ياحياااااااتي خخخ الله لا يحرمكم من هاللحظه الحلوه ان شاء الله وفي النهايه استلم

شهوده طبيب الاطفال عشا ن يفحصها وانا استلمتني الدكتوره من تنظيف وخياطه بعدها جابوا لي شهوده

بعد مانظفوها ولبسوها حطوها على صدري وربي حسيت ان ودي اخذها واضمها ضمه قويه لاحظاني بس

من التعب مو قادره حتى ارفع يدي بس استلمتها بالعصر خخخخ لما جابوها لي طبعا مانسيتكم بالدعاء وانا

اطلق دعيت للكل عامه ولخواتي اللي بالتجمع خاصه بعدهاعلى طول من ولدت طمنت زوجي واهلي علي

عقبالكم حبايبي الكروشات واللي ماحملت الله يرزقها الذريه الصالحه قرييييب عليكم بالدعاء والصبر وربي

ماينسى عبده انه سميع مجيب واعتذر جدا جدا على الاطاله

ام زهور22 · 26-10-2009, 21:39

حمدلله على سلامتك حبيبتي رقة انثى وربي عوضك والحمدلله المهم كيفك وشمسويه معاها
قصتك مئثره حسيت بغصه ونا اقراها
والله يارقة كنا احلى صحبة حوامل والحين احس المنتدى ماله معنى مثل اول

رقة أنثى · 26-10-2009, 22:09

ياقلبي عليك ياام زهور 22

انبسطت يوم شفتك رديتي اول وحده

تسلمييين ياقلبي ماقصرتي والحمد لله

على نعمه وفعلا ياقلبي كلامك صحيح كنا احلى صحبه

وماراح انساكم ابدا لانكم انستوني في فترة حملي

صارت الايام تعدي بسرعه من دون لا نحس فيها

الى ماصارت اطفالنا باحظانا الحمد لله لك ياااارب

سـدنـے · 26-10-2009, 22:28

مبرووووووووك الف مبرووووووووك

وحمدلله ع سلامتك وسسسلامت البيبي

تتربي بعزكم ويحفظها من كل سوء ويجعلها من الصاااااالحين

وتشوفيهااااااااا احلي عروووووووووس يااارب

مبروك مبرووك , وحمدلله ع سلامه

رقة أنثى · 26-10-2009, 22:30

الله يبارك بحياتك ياااارب

حبيبتي سدني الف شكر لك ماقصرتي والله

وتسلميييين على الدعوه الحلوه

لولي الصغيرة · 26-10-2009, 22:43

الف الف مبروك
والحمدلله على سلامتك والحمدلله ربي عوضك خير
وتتربى في عزكم وتشوفيها عروسة ان شاء الله
وربي يحفظها من الحسد

بليز ادعولي ربي يقومني بالسلامة والله مرره خايفة من الولادة

رقة أنثى · 26-10-2009, 22:47

الله يبارك فيك ياقلبي لولي الصغيره

الف شكر لك ماقصرتي حبيبتي

والله يقومك بالسلامه وان شاء الله تكون

ولادتك سهله وميسره ياااارب

@فنن@ · 26-10-2009, 23:43

الله الحمدلله على السلامه والله يخليلك بنوتتك وتكبــــــر وتشوفيها عروسه:11_3_2[1]

r7eeel · 27-10-2009, 00:41

الحمدالله على سلامتك والله فرحت لك كثييييررر..

ويااارب يحفظلك شهوووده فديتهاااا...

وتشوفينها عروووس وتفرحين فيهااا امين يارب العالمين..

ام زهور22 · 27-10-2009, 01:18

تسلمين حبيبتي رقة كان ودي اردعليك احسن من كذ بس والله تعبانه ماقدر اجلس على الجهاز كثير تدرين خبرك العمليه جايده اليوم لي 13 من والدت بس الى الان الام العمليه القيصريه وبعده جاتني بواسير الي هلكتني امس رحت الاسعاف ودخلوهم ليه وقالو لي جلسي في البانيو تنقعي بماي وملح والحمدلله صرت احسن
والله يارقة انا مو تعسرت بولادتي بزهور من الطلق الصناعي اثره ارحم من الولاده القيصريه الام القيصريه اضعاف اضعاف طلق الصناعي والله في اليوم اكل اربع اوخمس من المسكنات القويه ولا في فايده
على كل حل انشالله مازعجتك حبيبتي

رقة أنثى · 27-10-2009, 03:39

فنن يسلمو ياقلبي على الدعوه الحلوه منك

الف شكر لك ماقصرتي والله يوفقك

رقة أنثى · 27-10-2009, 03:42

تسلميييين حبيبتي r7eeel ماقصرتي والله

وهذا من ذوقك ياقلبي وعقبالك يااااارب

تشوفي النونو بين احضانك

رقة أنثى · 27-10-2009, 03:49

ياقلبي ياام زهور 22 لا مافي ازعاج ولا شي

تنورين صفحتي بأي وقت حبي

وفعلا والله الله يكووون بعونك على العمليه القيصريه

من جد تعب انا كنت ادعي ربي انهم مايولدوني قيصري

لاني كنت اشوف زوجة اخوي كيف تتعذب الحمد لله على كل حاااال

ويالله عدت على خير وان شاء الله مع الايام تصيري احسن

والحمد لله هلى سلامتك مره ثانيه ياقلبي

ميمي الامورة · 27-10-2009, 04:07

كلللللللللللللللللللللللللوللللللللللللللللللللللل لللللللللللللللللللللللللووووووووووووووووووووووووو ووووووووش الف الف الف الف الف الف مليووووووووووووووووووووووووووون مبروووووووووووووووووووووك على احلى شهوده والله فرحتلك كثير وعقبال ماتشوفيها عروسه في الكوشه وتفرحين بعيالها وعيال عيالها وحمدلله على سلامتك اصلا لي فتره ماشفتك قلت اكيد ولدت والحمدلله جيتي لنا بااحلى خبر عقبالي يارب احمل واجيب اخو لبنتي وعقبال باقي المنتظرات للحمل ربي ا يرزقهم الذريه الصالحه

رقة أنثى · 27-10-2009, 04:16

يسلمووووووووووو حبيبتي ميمي الاموره ماقصرتي والله

والف شكر لك لانك فقدتي تواجدي عساك ماتفقدي غاااالي ياااارب

ويالله شدي حيلك وجيبي اخو لبنوتك ان شاء الله قرييييب نفرح فيك حبيبتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 2 ( الأعضاء 1 والزوار 1)
‏مستحيل أنساك

عالم الحياة الزوجية - منتدى

(((قصة ولادتي بشهوده العسل)))