عالم الحياة الزوجية - منتدى

خـــالـــد · 28-10-2009, 23:54

انا اعمل معلم وسمعتي عند جماعتي من افضل ما يكون واموري المادية جيدة ولله الحمد

واموري كلها طيبة وعلاقاتي مع جماعتي وربعي طيبة ولله الحمد .

بس السؤال هو اني الان وصلت سن الثلاثين وباقي ما تزوجت .

والسبب اني مرتاح في حياتي بشكل كبير وانا ادرّس في منطقة بعيدة جدا عن ديرتي وعن جماعتي

ومبسوط واحس اني ما احتاج للزواج واذا فيه شي يشدني للزواج فهو عدم اشباع الغريزة فقط

حتى من الناحية العاطفية انا لا اشعر بفراغ عاطفي احب كل المحيطين بي من اهل واصدقاء وطلاب

ارجو من الجميع يفيدني بانطباعه الشخصي عن رأيه في الشاب المقتدر على الزواج وفي سن زواج

ولم يتزوج هل المجتمع ينظر له نظره سلبية والاهم من ذلك هل فيها حرج لو تقدم لاي بنت وهو

في سن الثلاثين او اكثر ولم يسبق له الزواج رغم وجود المادة والوظيفة والقدرة من جميع الجوانب ؟

حاير الفكر · 28-10-2009, 23:58

اخوي ماشوف في موضوعك مشكله
مادامك تحس انك مكتفي فاظن مافي البال زواج
وضعك طبيعي جدا
وسن ال30 يعتبر توك صغير والدنيا قدامك
لو عزمت على الزواج احسن واحسن
تقبل مروري اخي الكريم

أتعبهم غلاي · 29-10-2009, 00:14

توك ياخوي بداية عمرك عندنا يوصلون 34 ماتزوجو

بتتزوج ان شاء الله وتنسعد بحياتك وربي يرزقك بالي

تتمنى ياااربي

خـــالـــد · 29-10-2009, 00:15

مشكور اخوي الغالي على مرورك الكريم

وانا بصراحة سألت هالسؤال لاني تعرضت لاكثر من موقف تردني اخبار

بأن فيه ناس من جماعتنا دايما يسألون خالد خطب خالد تزوج وليش ما يتزوج للحين

فيه شي ؟ ؟ وحسسوني انها كارثة ان الواحد ما يتزوج ! وحبيت استفيد من خبراتكم واسمع آرائكم .

ام التوام · 29-10-2009, 00:15

اقتباس:

المشاركة الأصلية كتبت بواسطة حاير الفكر

اخوي ماشوف في موضوعك مشكله

مادامك تحس انك مكتفي فاظن مافي البال زواج
وضعك طبيعي جدا
وسن ال30 يعتبر توك صغير والدنيا قدامك
لو عزمت على الزواج احسن واحسن

تقبل مروري اخي الكريم

انا اختلف معاك براي
من قال مافي مشكله
الحين عمره في 30 متى بيجيب عيال ومتى بيربيهم
وبعدين انا اخوي وصل 31 ولسه ماتزوج بحجت انه مستمتع بحياته
بس كلنا من حوله حزينين عليه وعلى عمره الي يمر بدون ذريه
المال والبنون زينة الحياة الدنيا
والوالد والوالده شايلين همه
اسال الله العظيم انه يحنن قلبك لزواج ويرزك بنت الحلال الصالحه
ونصيحتي لك عجل بطلب الزواج يكفي تاجيل

أبو فيصل · 29-10-2009, 00:39

السلام عليكم

أخوي خالد بالله عليك وش تنتظر والله الزواج زين وإستقرار وراحة

نفسية بس أحسن الإختيار ولاتستعجل

الله يوفقك بحياتك وبالعكس عمرك مناسب للزواج وهذا وقتة

بالتوفيق مرة أحرى

لوله العسوله · 29-10-2009, 01:07

طبعا في الاول والاخير هذي حياتك
بس لو نظرت للمستقبل لاوظيفه بتدوم ولا ربع ولا اصدقاء راح تحتاج لونيس
لطفل يشيل كبرتك وهمك
احسبها صح وراجع حساباتك
سنك الان سن النضج والعقلانيه
الله يوفقك ويسرامرك

م-سيف · 29-10-2009, 01:18

تدري متى بتحس .....؟

اذا شفت ألي أصغر منك ... عيالهم في المدرسه ... ويصبون لك القهوة

وقتها ....

ماراح اوصف ....

مغتربة عن اهلها · 29-10-2009, 01:22

بلا زواج بلا هم انصحك خد وقت فكر بنفسك وحياتك لا تتسرع وتتزوج متلي وتنفصل نصيحة اخت

شوكوليت · 29-10-2009, 01:24

وش تنتظر ...؟؟

الحمد لله كل شي عندك الصحة - المال - الوظيفة ,, ولسه ما تزوجت ؟؟

يا أخوي لا يضيع عمرك وانت تأجل في هالموضوع

وبصراحة نظرتنا لما واحد يكون في الثلاثين ولسه ما تزوج انه خطب بس ما أحد وافق عليه

وأكيد فيه شي يخلي الناس ترفضه ,,,

أنت أهم شي اختاااار صح وبعدها والله بتندم على أيامك اللي راحت بدون زواج

الله يوفقك ويسعدك ,,,

آهات السنين · 29-10-2009, 01:25

شوف اخوي مهما تحس انك كونت نفسك الا انا الانسان بحاجه
لزواج لااستقرار لنصفه الاخر سنك مناسب الحمدلله توكل على الله
ولاتناظر ايش يقلون النااااس انتبه

وموفق خير

آهات السنين · 29-10-2009, 01:32

اقتباس:

بلا زواج بلا هم انصحك خد وقت فكر بنفسك وحياتك لا تتسرع وتتزوج متلي وتنفصل نصيحة اخت

خوش نصيحه ؟؟ يفكر بنفسه يدور زوجه الصالحه يدعي ربه باللي تسعده وتهنيه يعف نفسه لمرضاه الله

مو كل الازواج واحد ولا الحريم اصابعك واحد ؟؟

فيه طيب والخبيث

جومانه1111 · 29-10-2009, 03:10

الله يرزقك الزوجة الصالحة والذريه الصالحه اللى يخلونك تندم على هالسنين اللى جالس تضيعها بالعزوبيه ..مع الطلاب والاصدقاء
ترا احلى كلمة بالكون...بابا...يبه
الله يرزق كل محروم
والله يحفظ لى ولدى يارب من كل شر...

مـ ـ ـاسه · 29-10-2009, 04:02

يمكن انت مالك رغبه بالزواج ..
بس معقوله مالك رغبه ان يكون عندك عيال يشيلون اسمك !!
اترك لك الإجابه ..

دريم44 · 29-10-2009, 10:38

اقتباس:

المشاركة الأصلية كتبت بواسطة خـــالـــد

انا اعمل معلم وسمعتي عند جماعتي من افضل ما يكون واموري المادية جيدة ولله الحمد

واموري كلها طيبة وعلاقاتي مع جماعتي وربعي طيبة ولله الحمد .

بس السؤال هو اني الان وصلت سن الثلاثين وباقي ما تزوجت .

والسبب اني مرتاح في حياتي بشكل كبير وانا ادرّس في منطقة بعيدة جدا عن ديرتي وعن جماعتي

ومبسوط واحس اني ما احتاج للزواج واذا فيه شي يشدني للزواج فهو عدم اشباع الغريزة فقط

حتى من الناحية العاطفية انا لا اشعر بفراغ عاطفي احب كل المحيطين بي من اهل واصدقاء وطلاب

ارجو من الجميع يفيدني بانطباعه الشخصي عن رأيه في الشاب المقتدر على الزواج وفي سن زواج

ولم يتزوج هل المجتمع ينظر له نظره سلبية والاهم من ذلك هل فيها حرج لو تقدم لاي بنت وهو

في سن الثلاثين او اكثر ولم يسبق له الزواج رغم وجود المادة والوظيفة والقدرة من جميع الجوانب ؟

بالنسبة لسنك الحين 30 كويس عادي

لكن بالنسبة اذ تاخرات اكيد انا عندي عمي مافكر يتزوج الاوعمرة 45والما راح صار يخطب ماراح يخطب الا بنات كبار اعمارهم 30 وفوق ومحد عطاة رغم ان راتبة 18 الف دخلة مرررررررررررررة كويس ممتاز يعني الكل يقولة وش جالس تسوي كل هالسنين كيف كنت عايش بدون حرمة اكيد وووووو ومن ذالحكي يالله يالله لقاء بنت الله يوفقة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

سؤال للجميع ارجو الاجابة فضلا لا امراً .