للمتزوجين




ما يفيد العتاب و لا يفيد الملام ما بقى غير صمتي يمكن إنه يفيد

كل مره نقول اليوم ما به خصام و بآخر اليوم تلقى كل منـّـا وحيد

صار يومي ويومك من صدام إلـ صدام ونار صدري وصدرك من وقيد إلـ وقيد

نصبح الصبح وألقى كل حاجه تـمام و يمشي الوقت رايق و أطلب الله مزيد

ثم فجأه تصير الدار ساحة سهام و كل واحد يصوّب صاحبه من بعيد

نوب أحس السهام إتصيبني بالعظام و نوب أحس السهام إتصيبني بالوريد

ترفع الصوت وأطلب منـْـك بعض إحترام و الغريبة تعود و ترفعه من جديد

دوم نضحك و نختم ضحكنا بالشتام و دوم نحكي ونختم حكينا بالوعيد

و دوم تحطيم قلبي قبل وقت المنام و ما تهنـّـى بنومك غير لمـّـا تكيد

و دوم أنا من يراضي لجـْـل يبقى غرام ولو يضيع الوداد إبرايك إش نستفيد

حتى لا جيت أسلـّـم ما ترد السلام الله أكبر عليك إشلون راسك عنيد

يشهد الله تعبت أمشي بدرب الظلام درب موحش وأشوف الموت به شيّ أكيد

كل كلمة براسي قلتها بالملام و ما بقى غير صمت الظاهر إنه يفيد

خلني ساكت أزين وش يفيد الكلام دام لا قلت كلمة هالمشاكل تزيد