عالم الحياة الزوجية - منتدى

≈دمعـة مـلاگεïз · 30-10-2009, 21:28

السسلام عليكم ورحمة الله وبركاته

يسسعد مسآكـم
كيفكم ياأحلى أعضاء و كيف صحتكـم...؟؟

أول مره أحس إني أحتاج لوقفتكم معي
أمر هالأيام بحزن عمري مامريت فيـهـ

أنا نفسي مدري وش إللي غير حياتي وقلبها كذا..!!
كنت الحبيبـهـ الغاليه على قلب أمي
كنت أقرب لها من كل إخوآني و خواتي
لدرجة كانوا يغارون من معاملتهـآ لي
وكل عائلتنا ملاحظين حب الغاليـهـ لي.../
بسسس أول مره بحياتي نتهاوش أنا و أمي
وماشفتها لي أسبوعين تقريباً
تخيلوا أسبوعين ماشفت أمي و أنا و هي بنفس البيت
آآآه ياقلبي ماتبي تشوفني و لا تبي تسمعني
مع إن المشكله ماتحتاج كل هاإللي صار

تخيلوا من كثر شوقي لها أروح لصالة الدور الثاني
بس عشان أسمع صوتها وهي تسولف مع آخواني
بس من غير ماتشوفني

وربي دموعي على خدي
إشتقت لحضنها
إشتقت لسواليفها
إشتقت للقعده وياها
إشتقت لإبتسامتها بوجهي

أخاف أروح لها تتضايق
وإن قعدنا على هالحال أكثر من كذا يتهيأ لي أمـــوت
قولوا لي تكفون وش الحل
وش أسوي أحس إني ضايعـهـ
أحس بالغربه و أنا في بيتــي
آلله يسعدكم و يريح قلوبكم
ويبعد عنكم أحزان الدنيا كلها يارب

بحر وغروب · 30-10-2009, 21:44

فديت قلبك ياعمري

الله لايجيب الزعل يااارب

بدون اي تفكير روحي بوسي راسها ويدها

وصدقيني وقتها ماراح تصدك بالعكس راح تاخذك بحضنها

سبحااان اللي خلق الام بقلبها الكبير

وحنانها ,,

غير عن كل البشر ,, وتأكدي ان امك مشتاقه لك اكثر منك

يللا وش مستنيه روحي بوسيها ولاتكلمينها تعالي قولي لي ايش رده فعلها

دموع كيوبيد ! · 30-10-2009, 21:56

يسعد مساكِ ربي بكل خير ..
وإن شاءالله مايجي الزعل بينك وبين أمك .. ولا يدخل قلوبكم ..,
مع إنك ماذكرتي لنا سبب الخلاف وبغض النظر عن إنه يستاهل هذا كله ولا لا ..!

مافي شي يسوى في هالدنيا عشان يصير كل هذا ..,

* اليوم مريت بموقف والله لايحط إنسان فيه ..
قسم بالله حسيت بالموت فجأه ومالقيت أحن من يد أمي علي وهي تحط يدها ع يدي ..
ولا لقيت أدفا وأصدق من حضنها وهي تلمني .. ,
(( عسى ربي يخلي لي ويحفظ ويطول لي بعمر أبوي وأمي وكل الغاليين ع قلوبكم .. ))
صدقيني مهما صار بينكم ترى قلب الأم غير عن قلوب كل هالبشر ..
مهما بينت لك انها زعلانه منك أو متضايقه .! تراها تكابر ومن داخلها غير ..

روحي لها الحين سلمي ع راسها ويدهـا
وأحضنيهـا وقوليلها آسفه سامحيني وحقك علي يالغاليه ..,

وشوفي ردة فعلهـا .,

لاتضيعي الوقت من يدك .. ماندري وش يصير ومانضمن عمرنا بهالدنيا

روحي قومي لها الحين واستسمحي منهـا و لا عاد تزعليها منـك .,

وربي يطول بعمرها ويحفظها لكِ يـارب

أختك

crâzy яoмâитic · 30-10-2009, 22:29

وعليكم السلام ورحمة الله

اختي الكريمة ما في ازين ولا اروع من الام في

الكون كلة ربي يحفظ امي وكل ام في الدنيا كل

ولا يحرم احد طعم الوالدين في الدينا

الام شي كبيرررر مرة في الدنيا وما يتصور

الانسان عندما يجلس معها ويدخل السرور في

قلبها وتدعي لك بصلاح والرزق الحسن في

الدنيا والاخيرة ودعوتها مستجابة

نعم مستجابة بأذن الله تعالى

الواحد لو تخيل انه يعرف شخص يعرف ملك راح يعطية الملك على قد ما يطلب صاحبك منه

كيف راح تشوفي نفسك مع هذا الصاحب

راح تكوني له ظلة الظليل في كل شي في حياته

وتعالى رب الملوك سبحانة ولكن لتوضيح

فكيف الام التي غمرها قلبها بلحنان

ودخلت العاطفة في جميع الماكن

اذا مرضتي صارت اول المعينين

اذا فرحتي صارت اول المهنين

اذا زعلتي صارت اول المستائين

واذا ابتعتي عنها صارت اول المهمومين

اي نعم امك التي" تحبك" زعلانة مرررة من بعدك

عنها مو متصورة انك بعيدة عنها وانتي ذكرتي انك اقرب الناس لك
وانتي كنتي اقرب الناس لها

تفهمك وتفهمينها قبل ان تتكلم

الكل يغار من عطفها الزايد معك

كنتي في كل لليلة تتسايرين معها

كم مرة نمتي في احظانها الدافية

كم دمعه نزلت منكي وهي اول من يشاهدها

كم وكم وكم

ألم يأتي الوقت وتسترجعي الفرح ويعمر قلبكي السرور
والان اسبوعين !! من الصمت والبعد حتى داخل البيت

روحي لمها

ابكي في عضنها

قبلي رجليها

اطلبي منها السماح اين كان الخطأ منكي ولا منها

اقسمي لها ان الموقف ما يتكرر مرة اخرى

اجعلي نفسك مثل الطفل اذا فقت امه في مكان

عام وعثر عليهابعد طولت انتظار وخوف من الناس

وتصدر تعابير فرحة بشوفتها ونزلت دمعة فرحة
ولا راح تزعل منك ابد ابد ولا راح تفشلك لانها حبيبتك وانتي قطعه منها

اختي

دمعة ملاكـ

لا تجعلي الارض تضيك بك او ينتابكي الاحساس بلموت وانتي قريبة من اعز الناس وحضن امك عامر بلحنان ربي يخليها لكي يارب

غلا .. · 30-10-2009, 22:52

ياالله اسبوعين ترا قلب الام طيب اذا رحتي لها وبستي راسها..
بترضى صدقيني هي تتـمـنى ذا الشي لاتترددين ويلعب بعقلك الشيطان روحي لها وان شاء الله بتـسامحك..

swee · 30-10-2009, 22:59

اعتذري منها ومعك ورد او هديه او اي شي تحبه امك اعتذري منها وبوسي راسها ويدها وقولي لها والله ما انام ولا يرتاح قلبي الا لما ترضين علي لان انتي سر توفيقي وسعادتي وشرحي لها ان عدم شوفتك لها هل اسبوعين ضقتي السهر والمر فيها

لـــمـــى · 30-10-2009, 23:40

اقتباس:

أخاف أروح لها تتضايق

لا ياقمر
هذي ام
مابتتضايق من وجودك او شوفتك
بالعكس تلاقي قلبها محروق عليك
اروع قلب قلب الام
و صدقيني مهما تسوين و تغلطين ماافيه ارق و احن من قلبها عليك
ربي يحفظها و يخليها لك

الفتاة المسلمة · 30-10-2009, 23:49

حبيبتي روحي راضيك امك
هي تستناك تجينهاا
لاتخلين الشيطان يقول امك ماتبيك
اللحين قلبهاا متقطع اكثر منك

الوسااااام · 31-10-2009, 00:41

الحل بيدك
راجعي نفسك
مستحيل الام تزعل من بنتها عشان
شي بسيط

والحل الوحيد عشان ترضى عليك
سوي نفسك مريضة مرة
وهي بتجي لك وكملي الفلم واعتذري
لها وقولي لها سامحيني يمكن اموت
ومن هالكلام وانتي تعرفي البقية هههههههههههه
ان كيدهن عظيم

مشتاقه لأبي · 31-10-2009, 01:06

اول شي اختاري الوقت المناسب الي تكون فيه امك رايقه ومبسوطه.. وشيلي معاكي هديه لها يعني شي تحبه.. روحي وحبي على راسها واطلبي منها السماح وقوليلها كم كلمه حلوه وراح ترضى على طول.. صدقيني الدنيا ما تسوى انك تزعلي امك .. الله يحفظها لك ويطول بعمرها.

--{ ﻤـﮯـﻠـﯿـﯣڹ ٵﻟـﮱــﻢ ~ · 31-10-2009, 01:16

حيآك الله دمعه ملآك ,, وربي يحفظ لك إْمك وامهات العالم كلهم يآربّ ,
مُشكلتك حلهآ بسيط جداً ,, لاتتوقعين في يوم من الأيام ان إْمك بتّردك لو رحتِ لها ,,
وحتى لو تضايقت على كلامك انها راح تتضايق اذا رحتِ لها تأكديّ إْنهآ بترضى عنك في نفس الوقت ,,
مافي إْحن واطيب وارق من قلبّ الام على ولدّهآ ,, روحي لها وبوسي راسها ويدها ,, وصدقيني بيروح كل شي ,,
وبعدين حرام عليك اسبوعين ولاتحركتِ ولارحتِ لامك .. وانتِ معها في نفس البيت .؟
توكلي على الله روحي لامك وراح يرجع كل شي مثلَ ماكان واحسن كمان ,,
والله يوفقك ويخليها لك ولايحرمك منها ياربَ ,,

≈دمعـة مـلاگεïз · 31-10-2009, 11:17

كل الشكر لكم ياأغلى الغالين
مروركم أسعـدني حيــل
آلله يسعد قلوبكم الطيبـهـ
ولايحرمني منكــم يارب

والله قلبي بيمـوت على رضاها
تعبت
ماصار شي للحين
إذا صار شي وتعدلت الأوضاع
راح أبشركم بإذن الله

≈دمعـة مـلاگεïз · 02-11-2009, 11:01

يمــــهـ
دخيل قلبك ماأبي إلا رضــآك
بـعد ربـي ( يآخـفوقــي )
أتصبر و أبتغيـك
لملميــني في شتــاتي..!!
إحضنيــني في دفـآك
بعثريــني في حنـآنك
أنـا منـــــــك
أنـا فيــــــــك

:

أحبــك يابعد نـاسي
يآمعنـي نبـضي و إحساسي
حـقيقـه أنتي يآأمـي
عـظيمـهـ و رآفعـه رآسي
أنا ماأقـدر على فرآقـك لأني صفحـه بكتابـك
أحبـك مـــوت
أحبـك مـــوت
أحبـك مـــوت ياأمـي
أمـوت بنظـرة عيونـك و أهيـم بكلمـة شلونـك
يآكـيف أنسـى شقـا عمـرك و طولة بـالك و صبـرك
وأنـا مهمـا أعبـر لك أظـل مقصـره بحقـك

http://www.youtube.com/watch?v=HLjFR75vTqs

دموع كيوبيد ! · 02-11-2009, 13:10

طمنينا شنو صار بينكم .!!
: )

≈دمعـة مـلاگεïз · 02-11-2009, 15:59

اقتباس:

المشاركة الأصلية كتبت بواسطة دموع كيوبيد !

طمنينا شنو صار بينكم .!!
: )

آآآآآآآه ياقلبــــــي
خليها على الله ياعيوني
مشكوره كثير على مرورك
فديت قلبك
دعوآتــــــك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

{ طـآإأل آلزعـل بـيني و بيـن .. / أمـَـَـَـَـَـي !