عالم الحياة الزوجية - منتدى

ثلاثيــــــني رومنس · 31-10-2009, 08:51

احبائي انتم عارفين اني سبق وطلقت زوجتي ولي منها ولد طبعا ً الولد عايش مع امه وأنا محروووم من شوووفته من طلقتها لي الآن أربع سنوات علما ً أنني تزوجت بعد طلاقي بسنه والحمدلله رزقت بولد أيضا ً والآن طليقتي ملكت وراح تتزوج قريب كيف الحل وكيف الطريقة آآخذ ولدي وهو مايعرفني أبددددددددد ولا هو متعود يطلع من بيتهم انا الى الآن ماكلمتهم في الموضوع ولا أدري عن نيتهم أيش مع العلم اني أنا اللي أصرف عليه كل السنوات اللي راحت ولله الحمد ماخليت ينقصه شي من ملابس من أكل من ألعاب ولا خليت أحد منهم يجي له فضل على ولدي لو بخيط ابره .

انتظر نصائحكم

قرموشه · 31-10-2009, 08:58

هذي يبالها تروح المحكمه تسأل عنها لان كل دوله يختلف قانونها في وصايت الاطفال يعني احنا في بلادنا اذا الطليقه ازوجت الاطفال يروحون عند الابو ,,,,انت اسأل القاضي وشوف وخلال هذي الفتره تواصل مع ولد طليقتك على اساس يعرف انك ابوه وماتكون اي مشاكل

قحطاااني ماااركه · 31-10-2009, 09:02

الله يسامحك يا خوي كيف اربع سنوات ما تشوف ولدك الحين كيف ياخذ عليك؟

على ما اظن ان حضانة الود للأم لحد سبع سنوات بعد كذا يخير بينهم ..

ولكن بما انها تزوجت اصبحت الحضانه من حقك والله اعلم ..

بس ارسل لهم وسطاء لتسوية الخلاف وإذا ما نفع شوف لك محامي شاطر
وخله يتولى القضية

تحااتي

جومانه1111 · 31-10-2009, 09:02

يعنى فى مشكله لو خليته يعيش مع امه وزوجها.....ماظن بكل هالكوووووون فى قلب بيحن عليه قدها يعنى ياتظل طول عمرها عازبه او تاخذ الولد منها...........وانت متزوج وعندك ولد وبديت حياة جديدة.......بصراحة سامحني قمه الاناااااااااااااااااااااانيه انك تاخذه وولو بتاخذه عشان صرفت عليه احسب كم صرفت وطالبها فيه ولا انك تاخذه لزوجة اب وامه حيه ترزق لانها تزوجت

آهات السنين · 31-10-2009, 09:04

طيب بسألك ليش كل هالسنوات ماحاوولت تشوف ولدك

عن طريق اهلك المهم يكون بينكم توواصل ليش اللحين لما تزوجت تحركت

ع كلامك ماقصرت عليه بمصرف كيف تتوصل لهم وانت ماتشوفه !!!

خل الولد مع امه واشرط انك تشوفه بيام الاسبوع لازم ولدك يحس بوجودك

والله يعينك

أتعبهم غلاي · 31-10-2009, 09:06

والله ما ادري وش اقوول لك

خصوصا ان لك 4 سنوات ماشفتهـ

بقول لك قصه سارت عندنا

طلق امه وماشاف ولده لاكنه يصرف عليه تزوجت امه راح المحكمه طالب في ولده حظرت الام والولد خيروووه اختار امه

والقاضي حكم ان الحضانه للام حتى لو تزوجت لانها هي من تكفل بتربيته وتدريسه

والله اعلم

انت شووفه واخذ ارائهم ولاتووصل محاكم كذا ولدك بيكرهك

ربي يوفقك الى مايحبه ويرضاه

م-سيف · 31-10-2009, 09:14

4 سنوات مو سهله

كيف جاك قلب ... وان كانوا حارمينك منه ... فيه شرع وقاضي ...

انت جعلت من نفسك انسان غريب بالنسبة له ....

لابد من وساطات وتدخلات على الاقل الولد يستوعب انك ابوه

ولابد من مشاورات على الاقل تعرف ولد وين بيعيش .... الحين بيجيه واحد بيصير له زوج أم ...

الله يكون بعونك

تفائلوا · 31-10-2009, 09:40

أصبحك الله بالخير

خي الكريم المسألة المهمة ليست أستعادة الطفل

بل كيف تنشئ علاقة معه لأنه لن يدرك و لن يعلم من سيصرف عليه

أما أنتزاعه من حضن أمه فجأة سيكون له أثر مدمر على نفسيته

وحتى لو كانت الأم راضية

والنصيحة قبل أن تطرق أبواب القضاء وأنشاء الله لاتكون بحاجة لذلك

أستشر أخصائي أو أخصائية نفسية أجتماعية متخصص أو متخصصة

بالأطفال لتساعدك في وضع منهج وأسلوب للتعامل مع الطفل

بطريقة أيجابية تجعله يحبك ويتقبل الوضع الجديد

وتقبل مروري

لوله العسوله · 31-10-2009, 09:41

اللي حصل حصل ما راح اقول مين الغلطان
بس اهم شي تستعيد علاقتك بولدك
هل هو في عمر يفهم عشان يتقبلك او لسه مازال صغير
بلاشي المحاكم عشان نفسيته
ومرات ابوه اكيد مش احن من امه بس لازم تشوفه نهايه الاسبوع
عشان يندمج معاكم ومع اخوه ويحس ان له اب
هذا رأيي
الله يعينك

ثلاثيــــــني رومنس · 31-10-2009, 09:42

قرموشه

شاكر لك تواجدك وانشاءالله ماتوصل القانون

ثلاثيــــــني رومنس · 31-10-2009, 09:45

قحطاني ماركة

انا تركته غصب علي والحمدلله مافيه خلاف بيني وبين أهلها أقابلهم واسلم عليهم لكن مايبون أقرب من الولد وهم قرايب لي

وانشاءالله يكون فيه حل اسهل من القضايا والمحاماة

ثلاثيــــــني رومنس · 31-10-2009, 09:49

اقتباس:

المشاركة الأصلية كتبت بواسطة جومانه1111

يعنى فى مشكله لو خليته يعيش مع امه وزوجها.....ماظن بكل هالكوووووون فى قلب بيحن عليه قدها يعنى ياتظل طول عمرها عازبه او تاخذ الولد منها...........وانت متزوج وعندك ولد وبديت حياة جديدة.......بصراحة سامحني قمه الاناااااااااااااااااااااانيه انك تاخذه وولو بتاخذه عشان صرفت عليه احسب كم صرفت وطالبها فيه ولا انك تاخذه لزوجة اب وامه حيه ترزق لانها تزوجت

انتي فهمتي الموضوع غير انا مافكرت في المصروووف وادري مافيه أحن من الأم على ولدها لكن من ناحية ثانية ماأرضى ولدي يعيش مع رجل غيري أو غير أهل أمه ابدا ً لأنه معرض للضرب والشتم في حال عبثه في اي شي خصوصا انه مو صغير الحين عمره خمس سنوات وكم شهر والشي الثاني لو أنا أناني كان أخذته من زماااااااااااااااااااااااااااااااااااااان لكن تركته وحرمت نفسي منه عشان امه

نجدالتميميه · 31-10-2009, 09:53

لاتا خذه حراااااااااااااااااااااام خله مع امه

ثلاثيــــــني رومنس · 31-10-2009, 09:54

اقتباس:

المشاركة الأصلية كتبت بواسطة آهات السنين

طيب بسألك ليش كل هالسنوات ماحاوولت تشوف ولدك

عن طريق اهلك المهم يكون بينكم توواصل ليش اللحين لما تزوجت تحركت

ع كلامك ماقصرت عليه بمصرف كيف تتوصل لهم وانت ماتشوفه !!!

خل الولد مع امه واشرط انك تشوفه بيام الاسبوع لازم ولدك يحس بوجودك

والله يعينك

انا اقولك ليه ماحاولت انا حاولت في بداية الطلاق وشفته مره او مرتين ثم قال ابوووها ( اختار اما تاخذه ولا عااااااااد تجيبه هنا ابداً أو تتركه ولا عاد تجي تشوووووفه ابددد ) وقلت راح اصبر نفسي واتحمل واتركه عشان امه المسكينه وفعلا ً تركته غصب علي طبعا ً اسال عنه وتوصلني أخباره لأنه قرايب لي وساكنين قرررررررررررررررررررريب من بيتنا والمصرووف احطه عند بابهم وضريب الجرس واقول فيه اغراض للولد وامشي وهم ياخذووها بدون ماادخل

لكن مااعتقد اخليييييييييييييييييييييييه ابد

فرزآتشي · 31-10-2009, 09:57

اقتباس:

المشاركة الأصلية كتبت بواسطة ثلاثيــــــني رومنس

مع العلم اني أنا اللي أصرف عليه كل السنوات اللي راحت ولله الحمد ماخليت ينقصه شي من ملابس من أكل من ألعاب ولا خليت أحد منهم يجي له فضل على ولدي لو بخيط ابره .
انتظر نصائحكم

هذآ واجب عسى الله يطول بعمرك له ويرزقك بره يارب

والله يآخوي لو كانت بنت يمكن اقول خذها
ولكن دامه ولد خله على راحته ويعتمد على زوج طليقتك اذا هو رجل بمعنى الكلمه فيقبل بالولد كأنه ابنه
ولاينحرم من حنان امه وانت تبقى قريب منه

والله يوفقكم ويلم شملكم يارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

كيف الطريقة الآآآآآآآآآن ؟؟