عالم الحياة الزوجية - منتدى

اسيره الأمل · 23-08-2005, 15:03

اولا شخباركم

وثانيا عندي صديقة راح تتزوج قريب جدا بس مشكلتها مشكلة المسكينه ........ مشكلتها تكمن في انها مشعره اي الشعر وايد بجسمها سوت تحاليل هرمونات بس طلع مافيها شي سليمة والي فيها وراثي ... والمشكلة في انها تتعالج بالليزر بس مكلف جدا وفيها اماكن ما تنشال بليزر ولا تقدر انها شيلها بشيره لانه كثيف ......تعاني ودايما تبكي من هل الموضوع وانا احبها وايد بس ماقدر اساعدها اكثر من اني نصحتها تروح لليزر بس اهي من ترجع من جلسة الليزر نفسيتها تتعب صارت تكره الجلسات وما تروح لانها تألم وااااااااجد وتقول انه التخدير الموضعي ما يفيد بعد تحس بالألم وان الجلسات تاخذ وقت طويل ومن كثر ما تتالم تتمنى الموت ومناطق الي تحتاج ليزر واجد فرجلها وبطنها وفصدرها وففخدها ومناطق الباقية حساسة ماتقدر تشيلها مثل المؤخره وو ؟؟؟؟؟؟؟

شلون اساعدها اهي بتزوج قريب وفهمت الي تحبه انها كثيفة الشعر بس هو قال يحبها وعادي بس تقول شلون راح تقعد وياه لو بدى الشعر ينمو او بدى ينبت بنوتات فاهمين قصدي وهي نفسيتي واااااااايد تعبان من هل موضوع لدرجة ما تصورونها ولا تقولون اي شي لانه هذا ابتلاء من رب العالمين وهي نظيفة وتحاول انها تشيل الاماكن الظاهره وعلى فكره لو تشوفونها وجهها مافي يعني الي يشوفها ما يعرف ان جسمها في شعر وجميلة بعد يعني هي خايفة واجد لانه ما بيعرف عيبها الا زوجها فشسوي ؟؟؟؟؟؟؟؟ الي تقرة الموضوع تقول الحمد لله على نعم الي فيها شوفو الابتلاء

وهل من نصيحة انا ماقدر اشوفها تعبانة وتصيح

الدبلوماسي · 24-08-2005, 01:58

ما عندي حل لكيفية ازالة الشعر
ولكن مادام زوجها يحبها ورضي بحالتها ،، ما اشوف ان فيه مشكله بالموضوع
فعليه ان يتحمل ،، او لا يقدم على خطوه ما يقدر يكملها .
واتمنى لها التوفيق
والله يحفظكم جميع

بنت الرجال · 24-08-2005, 02:28

ربي يعينها

مدام زوجها متفهم ويحبها وعادي ليه الحزن هذا كله

وبعدين اذا هي تسوي الليزر عليها تحمل وبعدين راح ترتاح

واذا هي ماراح تسوي الليزر عادي كل ماطلع تشيله راح تتالم اول شي وبعدين خلاص تتعود

دعواتي لها بالتوفيق

دمتم بخير

رمش الغلا1 · 24-08-2005, 02:59

الله يعينها بس فهميها لازم تتحمل وتشيل باليزر

قموره 11 · 24-08-2005, 03:08

عزيزتي قولي لها تشتري بنج الاسنان موجود بكل صيدليه وتبخ به على المكان اللي بتشيله وبعدها تشيل شعرها بحلاوه

وماراح تحس باي الم من تأثير البنج

هذي طريقتي االي استخدمها دايما وحتى الشعر بدا يخف كثير عن اول لان الحلاوه تقتلع الشعر من جذوره

يوم آخر · 24-08-2005, 05:24

عزيزتي ..صدقيني مشكلة الشعر الكثيف يعاني منها الجميع ..
قبل فترة بسيطة عقد قران إحدى صديقاتي ..
بصراحة هي مشعرة جدا ..
طوال أيام الملكة والتجهيز ..وهي شايلة هم ..كيف راح يكون ردت فعل زوجها ..
أراد الله أن أقراء عن خلطة ..أحد الفتيات أخذت محاضرة في الطب البديل ..
والمحاضر أعطاهم وصفة كريم تعمل في المنزل وتوضع بعد إزالة الشعر ..
وهي عبارة عن ..نبات السعد..شكله يشبه نوه الزيتون وبأحجام مختلفه ..
يؤخذ مقدار ملعقة طعام من نبات السعد المطحون +كأس ماء كبير ويوضع على النار حتى تجف الماء ..
ثم يؤخذ المتبقي في القدر من نبات السعد بعد أن تبخر الماء ..ويوضع على كريم ..جوليسوليد ((لوشن))
حجم كبير ..ويخلط جيدا ..ويوضع بعد إزالة الشعر لمدة أسبوع مرتين في اليوم ..
والموضوع يتكرر كل شهر ..وستلاحظ الفرق بإذن الله ..
فصديقتي تشكرني الان جداااااااااااااااااااا ..
علما أنها قامت بعمل ليزر 4 جلسات وماشعرت بتحسن كهذا ..

أختك..شمعة الجلااااس

HaVeN · 24-08-2005, 05:53

عزيزتي...أقدر فيك شعور الأهتمام بصديقتك وقلقك عليها, ثم محاولة إيجاد حل لمشكلتها. لن اقلل من حجم المشكلة.. ولككنها ليست بمعضلة ان شاء الله ولها حل.

بعض الشعوب والأعراق تتمتع بكثافة شعر على جميع اجزاء الجسم حتى الفتيات منهن. هذا طبيعي..وهي فتاة طبيعية ...خاصة انها راجعت طبيبا .

استغرب من كون الليزر مؤلم لدرجة عالية..فهو مع بعض البنج الموضعي تقريبا لا يحس الا بلسع بسيط. مشاكله نعم هي الكلفة وغير ذلك تعدد الجلسات وتكرارها. انصحها أن ترجع الى الليزر ولكن تلجأ الى مركز متخصص على يد طبيبة امراض جلدية مشهود لها بالخبرة.

أما عن المناطق الحساسة فلا حل لديها الا أن تستعين بالله وتزيل الشعر بنفسها.ولنا في رسول الله صلى الله عليه وسلم اسوة حسنة اذ أمرنا بنتف اللأبط وحلق العانة.

باقي الجسم عليها بالحلاوة والله المستعان.تتعود ان تستقطع وقت معين لأزالة الشعر بعد زواجها يكون فيها الزوج غائبا. مع تكرار العملية بعد فترة من الزمن يقل الشعر وتخف سماكته.

زوجها راضي بها ويحبها كما هي..لتحمد الله أنه رزقها زوجا محبا حنونا مثله.

اسأل الله لها ولك التوفيق

أختك في الله

yanas · 24-08-2005, 06:11

أحسن حل لها هو الحلاوة

عاشق الجنان · 24-08-2005, 08:31

ادعوا لها بتوفيق
والحمد للة ان زوجها متفهم موضوعها

اسيره الأمل · 24-08-2005, 11:17

هلا بالدبلوماسي وبنت الرجال والأموره
وشكرا على اهتمامكم بالمشكله بس هي فعلا ماتقدر تتحمل اكثر لا الم ليزر ولا الم الحلاوه الله بالنها من كل صوب جسمها حساس نسيت اقول لكم اقل شي لما تشيل يطلع دم ويصير احمر ........بس باقي الاعضاء عطوني حلول باقولها لها وشكرا على ردودكم مره ثانية

اسيره الأمل · 24-08-2005, 11:20

هلا يا قمورررره والله خوش طريقة انتي عبقرية يا اموره بس بسألج الصيدليات عادي تبيع بنج الاسنان واي صيديلية تبيعها لو ممنوع الا بترخيص دكتوووووووووور؟ ؟؟؟؟؟؟؟؟؟؟ظ

وشكرا على ردج

اسيره الأمل · 24-08-2005, 11:26

هلاااااااااااااا يا شمعة الجلاس والله لو صج هذا الحل راح تكسبين فيها ثواب حبيبتي
بس نبات السعد اقدر احصله في الحواج لو لا؟؟؟؟؟؟؟؟
ومعلومة ترى جلسة الليزر ما بتحس بتحسن الا بعد 6 جلسات الدكتور قال لصديقتي

ومشكووووووووره انشاء الله تجيب النتيجة

اسيره الأمل · 24-08-2005, 11:29

ستارت اي اذا شعر خشن يصير الم بالليزر الم وايد كبير بس اذا شعر خفيف وناعم الالم نعز

وشكرا على ردك وانشاء الله اتمنى انه ربي يوفقها ويسعدها

ياناس وياعاشق الجنااااان يسلمو على وجودكم في موضوع وعلى تفاعلكم

الدبلوماسي · 24-08-2005, 12:04

اسيرة الامل
ارجو ارسال رساله خاصه للمشرفة شمعة الجلاااس لتساعدك في المعلومات المطلوبه
والله يحفظك ويعين صديقتك

اسيره الأمل · 24-08-2005, 12:30

هلا بالدبلوماسي من زمان قبل لا تقول طرشت خخخخخخخخ مانحد وشكرا على مرووووورك يا اخوي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ساعدوني بمشكلة اعز صديقة لي(للبنوتات مو للتماسيح)