عالم الحياة الزوجية - منتدى

ضيم السنين · 01-11-2009, 20:59

اقتباس:

المشاركة الأصلية كتبت بواسطة عطره فى كفوفى

ضيوم إيش رايك في الصورة اللي بتوقيعي ؟

ودي بواحد نشمي مثله حتى لوه حافي و منتف

>>>>> يا بنت اركدي

عندي مثله واجد

كنك تبين ارسلت لتس بس مره يشبهون له كربون

لـــمـــى · 01-11-2009, 21:02

اقتباس:

لا فض فوك أختي

ربي يسلمك حبيبتي

عطره فى كفوفى · 01-11-2009, 21:19

اقتباس:

عندي مثله واجد

كنك تبين ارسلت لتس بس مره يشبهون له كربون

وينه بس في زمن كثروا فيه الرخوم الا ما رحم ربي

الجود المشاري · 01-11-2009, 22:16

اقتباس:

المشاركة الأصلية كتبت بواسطة لـــمـــى

بهالوقت هذا ياجوود كثييير بنات يتأثرون بأفكار صاحباتهم

اللي تتشرط بوظيفته
و اللي تتشرط بدخله المادي
و اللي تتشرط بشكله
و حتى السيارات ماسلمت من التشرط
و بلاك اللي تدور واحد شبه جورج كلوني ولا شبه جوني ديب و هلم جراً
(:
و الدين و الاخلاق شرط ثانوي بعد هالامور المهمه اللي اغلب البنات ماعاد يطالعون فيها للاسف

هي كلها صارت مو كلها اغلبها شروط مو عشان ترا نفسها لاء عشان صديقتها عندها كذا هي تبي احس ولا تبي ماتكون اقل من الصديقات وربعها احياناً ووجه نظر الصديقة مهمه في كل شي وكل كلمة تقولها الصديقة أعرفي انها شي مهم بالنسبة للنت

ممم
اسمحي لي ياقلبي بس بكلمة صغيره لعضو هنا ,,
ياليت يا تراب ياللي مقطعك الشرف و الاحترام يااللي نازل بهالمواضيع و ماوراك غير سوالف الخويات و الحريه القذره و العلاقات الحقيره اللي شاغله عقلك تحترم نفسك و يوم تبي تقول سالفه من سوالفك السخيفه و من كلامك الرخيص تتجنب تجيب اي نقطه لها علاقه بالدين و تخلي اهل الدين بحالهم تراك منت قدهم و ماتجي بظفر واحد منهم
قال مدرسة تحفيظ قرآن قال
مااحد سألك عن المدرسه ولا بيفكرون يسألونك هي مدرسة شنو عشان تتفلسف و تحوس بكلامك اللي يدل على عقليتك

المهم
لا تزعلين مني يااقمر
موضوعك راائع ياقلبي و هالشي مو جديد عليك

ربي يسعدك ولا يحرمنا منك

أزعل ومن من ؟؟؟ لا والله يالمى أفااااا عليك بس خذي راحتك الموضوع موضوعك واللي تبينه أكتبيه كله

المشكلة أن الأخ لسه موجود ماجاه من هالمشاركة غير التهزيء قلنا لك خلك من قصص الف ليله وليله أبرك لك لكن سبحان الله لازم مسكات الخط اللي مالها أي داعي ..

لمو الأروع مرورك ياقمر والله يخليك ويسعدك يديم عليك الهناء والسعادة واهل بيتك الكرام يارب

الجود المشاري · 01-11-2009, 22:28

اقتباس:

المشاركة الأصلية كتبت بواسطة the sky colors

ترى مايخرب امور العرس الا الصديقات النجسات
اتذكر وحده من صديقاتي مو متزوجه كانت تقول للبنات المتزوجات انا مدري شلون تطبخون وتغلسون لرجالكم لانو مو من حقوق الزواج اي شيء من هذا
حقوق الزوج فقط في الفراش
والبنات الله يهديهن يتأثرن ولو بشيء قليل !!
وتزوجت هالسنه الله يستر ماتركع لزوجها من كثر ماهي مدلعته وتسوي كل شي له
اقول لها وين حقوق الزوج وماحقوق قالت غصبن عني اسوي له هالاشياء وهي تسذوب رجلها يهبل معها
جاب لها شغاله اول مادرست مفأجاأه وسفرتها تقول ماخذت راحتي !!!
وين اللي تقول لا تطبخون يعني كلامها طق فش !!

أما هالأشكال قسم بالله ياكثرها تقول أنا وانا ماقوله كذا ماسوي له كذا أنتم كيف تحطون وكيف ترضون ومن هالكلام وبعدين تتفاجئين بشي غريب منها أن كل اللي كانت ترفضه وتنصحك برفضه هي تسويه يعني فعلاً كثير من الصديقات الغيورات والنجسات تخرب حياة البنت اللي تسمع لها
7
7
7
بالنسبه لاسئلتك انا موضوع تأثر جدا ناجح !! هع !!

هههههههههههههههه أجل أنتبهي لنفسك ترا الواحد على جريف على قولتهم
بس الصراحه مو بكل شيء يعني لو بقعد مع الشخص ويزن شهر شهرين 3 يمكن اتأثر
واللي اشوفه اللحين من البنات مايصدقون يشمون ريحه رجل الا ويعرسن
ياكثر بنات اعرفهم معززين في بيوت اهاليهم ويوم اعرسو الله يخلف
وحده تقرب لنا جميــــــــــــــــــــــــــــله امها امريكيه جابتها وماتت تخيلي وربتها زوجه ابوها
وماقصرت معها ابدن ابدن يعني مثل امها
المهم وكانو يسمونها ملكه جمال العايله الابو قصيمي وامه سوريه وامها امريكيه الجنسيه والاصل ياسلام عز الطلب تعالي شوفي البياض والخشم والجسم والفم يالله من فضلك
المهم واللي تبيه يجي الاجازه بتشيك , بجنوب افريقيا بدول اساميها غريبه ولا احد يفكر يروح لها من كثر العز والدلال ملت من الدول الاوربيه واللي فيها سعوديين كثير
وتزوجت واحد يالله لك الحمد الى اخلاقها يشك فيها تخيلي
يقول لها انتي امك امريكيه وميته وطول عمرك هايته وش يضمني بااخلاقك
ابن الكلب طيب ليه تتزوجها ياحمار
قسم بالله لو تشوفينها اللحين يضيق صدرك قهر تأخذ واحد مثل هذا !!
سبحان الله دايم الوحده الصاحيه الحلوه تاخذ واحد شيفه ولا مهنا سناعه ولا مهنا مرجله مدري ليه ؟؟ قسم بالله شي غريب من جد
وبالنسبه لمظاهر العريس اكذب عليك اذا قلت لك مايهمني
لانو بصراحه انا بعيش معه
مااقول لك ابي شيء مبالغ فيه بس اهم شيء واحد يقدر يسعدني
مابي سفريات وفلوس وشنط الحمد لله اهلنا ماقصرو علينا بشيء بس اذا رحت عنده بكون طالعه من اهلي وماني مستعده اعيش عيشه اقل من اللي كنت عليها
يمكن اقل بدرجه درجتين 3 بس اكثر من كذا مااقدر لاني بتعب والدنيا اللحين ماديه من الدرجه الاولى !!

شوفي مستحيل الوحده مايهمها على الأقل مستوى مريح مانقول الغنى الفاحش اللي تتنازل عن كل شي عشانه لاء الحياه بأريحيه هذا هو أهم شي بالنسبة للوحده مع اخلاق الولد وتربيته اكيد بتكون الحياة كثير مريحه وجميله في نظر البنت
يسعدك ربي سكاي ويعطيك الف عافيه على مرورك الروعه مثلك وقصصك الجميله موفقه يالغالية ويخليك ربي

الجود المشاري · 01-11-2009, 22:39

اقتباس:

المشاركة الأصلية كتبت بواسطة الوسااااام

اقصد ان الاسئلة موجهه للنساء فقط

عموما
في احد المطلقات الموجودات معنا في المنتدى
تفكيرها نفس تفكير العنود
والله العظيم حاولت انزل موضوع عشانها
وترددت
لانها تحرض المطلقات انهم مايتزوجوا
برجل متزوج زوجه قبلهم
ولا ترضى بقليل من المهر

والبنت لاحظت كلامها من ردودها على المواضيع
وفهمت
ان اهلها ميسوري الحال وبيتهم كبير

والله ياخوي الوساااام امثال العنود وش كثرهم يعني هالعينات مليانه في كل مجتمع لكن وسع صدرك صدقيني هي قناعات يعني اللي له قناعه اكيده انه يبي ويبي على طول بأي مؤثر يتأثر واللي مو مقتنع مستحيل يغير قناعاته لو ماكان

ليه تنكد على البنات
وربي مقهور منها
واعتقد ان طلاقها بسبب
تكبرها على زوجها

انظروا وضع الرجل هذا
في رجل من جماعتنا مستاجر بيت ثلاث غرف
عنده خمس بنات وولد

الزوج وزجته لهم غرفة
البنات الخمس في غرفة واحده >>بناته كلهم كبار بس ماسبق لهم الزواج
الولد ينام في المجلس

الرجل موظف حكومي ولكن راتبه ربما لا يوصل 4000 ريال

تخيلو كيف حياتهم

الله يغنيه من واسع فضله لا حول ولا قوة إلا بالله والله ياخوي الوسام ياكثرهم أمثاله تعرف واحد يقول والله مايشب في بيتي نار ولا شي ولا يطبخ فيه من قل المادة اللي معه يعني عالم مستوره اجاويد مايبون من احد شي الله يغنينا ويغني المسلمين اجمعين يارب
اخوي الوسااام حياك الله ويعطيك الف عافيه على مرورك الكريم

الجود المشاري · 01-11-2009, 22:46

اقتباس:

المشاركة الأصلية كتبت بواسطة بحر التفاؤل

هل حصل لك أختي العازبه موقف مشابهه لذلك ؟؟ أو لأحدى صديقاتك ؟؟

لا لم يحصـل لي ولن يحصـل فـأنا أتمتع - ولله الحمد- بالتقه بالنفس والإقتنـاع بالرأي..
هل من الممكن أن تتأثر الفتاة بأراء الصديقات في كل شؤون حياتها ؟؟ممكن الغبيــــــات فقط...
هل آراء الصديقات ممكن تكون سبب في تأخر الزواج للعازبه ؟؟
أو ممكن تكون سبب في رفض المتقدمين للزواج منها ؟؟
نــادر في هـــذا الوقت لأن البنـات الحين أغلبهم بيتزوجون بـأي شخص...
هل أصبحت مظاهر العريس أم من أخلاقياته لدى الفتيات العازبات ؟؟
بالنسبه لي أهم شــيء الأخـــــــلاق والدين........
مشكــــــوره حبيبتـــــي جود على الموضــــوع الجميــــل

that was nice of you. Thank you

حياك الله اختي بحر وتسلمين على ردودك اللي تدل على كبر عقلك وتفكيرك ماشاء الله الله يوفقك ان شاء الله ويرزقك باللي يسعدك ويشيلك فوق راسه

لسه موجود : ) · 01-11-2009, 23:19

اقتباس:

المشاركة الأصلية كتبت بواسطة الجود المشاري

أحلى ياشهرزاد مانيب قايله شهريار خبرك شهرزاد هي اللي قبلها تبربر في قصصها على شهريار ماغير تنصب عليه وتنطل هالأرانب كود يرحمها ولا يقتلها ...ولا مايستثقل دمها لأنها برباره في قصص مملة كالعادة ...
مدري صديقك هذا تبع قصص الف ليله وليله احساس غريب ينتابني انه نصّاب وفكاش ليش أن كل البنات طايحات عليه أحلى يا آآلان ديلون من غير لون .. وبقوه ينتابني أحساس أكبر أنه أقرب للأخ الممثل القدير سعد جمعه في الشبه طبعاً ..>> الله يمسيك يالهامور بالخير يوم يرزونك في هوامير الصحراء
يعني تجتمع صفتين في خويك النصب وأنه شين مشكلة والله ..

إلا أقووول أخ لسه موجود مدري ودي نفتح موضوع نناقش فيه قناعات صديقك تقبل بهالشي ؟؟؟

عادي افتحي , بس مدري يقبلون يناقشون الف ليله وليله ؟ : )

للجميع :

عموماً , ترا الشعب السعودي 24 مليون , واحنا في هذا الموضوع عددنا مربعين مضروبين في بعض يمكن يوصل لـ 10 ! من 24 مليون انسان , فـ ياليت نقدر اننا في هذا الموضوع مانمثل ( كل الشعب ) وان موجة ( تدين مصطنع ) تغزو المنتديات فـ حتى اصدقائي انا الشباب الي يكتبون هنا , تراهم ( يربون لحيه ) قبل ما يدخلون المتندى لزوم ( نضحك على بعض ) ... واحنا عارفين كل شي زين .

ما اتهم احد , بس ترا ( احنا ) .. اصحاب القناعات المختلفه .. موجودين , والهيئه كل يوم تمسك الفين الى ثلاثة الآف محمد بن تراب : )
في يوم ما , ستجتمع ( جيوش ) من محمد بن تراب المضطهدين والمحاربين حتى في المنتديات وصدقوني بتصير مجزره كبيره وحرب اهليه , اذا استمر الوضع .

بس الحمد لله , الملك عبدالله ( الي في الصوره ) مع الكاشفات هو المستقبل , مع العلم ان في هذا المنتدي يكتبون معنا كاشفات بس , موجة التطرف المسيطره على الوضع , مستعده ( تهكر ) على المنتدى ولا تنقال فكره ماتروق لهم .. والبقية تجامل وماشيه في الخط ...

للأسف .. مستمرين , وفي ماذا ؟

احنا , المنحرفي ... المعتدلين ... الليبراليين .. المختلفين .. موجودين , وانكارهم ومحاولة قتلهم , لن يقود سوى الى حرب اهليه كما هو حاصل في العراق تماماً .. صدقوني والله : )
لا تنتظرون ان يستسلموا لـ القتل من غير مايدافعون عن انفسهم .

الحمد لله ان الملك عبدالله معنا نحن ( الأكثريه ) ... وإن كان اكثرنا ( يلبس ) قناع التدين ... وهو يعلم في صميم ذاته انه ابعد مايكون عن هذا القناع .

الجود الله يخليك لا تردين علي في هذا الرد , عشان ما يطير موضوعك ويطير الرد , خلي الرد يمشي بسلام ...

لا احد يرد علي , خلوا الرد في حاله والسلام : )

ضيم .. حصه واقفه بالنص : )

مـ ـ ـاسه · 01-11-2009, 23:22

تعرفين اني غشيت من الضحك ههههههههه
الله يوسع صدرك بالعافيه ياام مشاري
اهلي يطالعوني وانا اقرا قصتك يقولون سلامات وش هالضحك
اهتز البيت هز
كل شي كوم والزبيريه اللي رفعها ابو حصه على بنته يوم جاء الخطيب يشوفها كوووووم
حبيبتي اسلوبك رائع في طرح الموضوع بدأ بقصه في غاية الطرافه
وكانت مشوووقه
بعدها طرحتي عدة تساؤلات ..
وانا اقولك يمكن فيه بعض البنات الله يصلحهم يخربون بعض
بالكلام والنصب اللي ماله سنع
كل وحده تمدح نفسها وتمدح زوجها وهي الله اعلم ان زوجها
موريها نجوم الظهر ..
ومفروض محد يقارن نفسه بأي شخص حتى لو كانت اختك
فما بالك بصديقات الغفله !!
وموضووعك

أضوآء · 01-11-2009, 23:57

اقتباس:

المشاركة الأصلية كتبت بواسطة لسه موجود : )

عادي افتحي , بس مدري يقبلون يناقشون الف ليله وليله ؟ : )

للجميع :

عموماً , ترا الشعب السعودي 24 مليون , واحنا في هذا الموضوع عددنا مربعين مضروبين في بعض يمكن يوصل لـ 10 ! من 24 مليون انسان , فـ ياليت نقدر اننا في هذا الموضوع مانمثل ( كل الشعب ) وان موجة ( تدين مصطنع ) تغزو المنتديات فـ حتى اصدقائي انا الشباب الي يكتبون هنا , تراهم ( يربون لحيه ) قبل ما يدخلون المتندى لزوم ( نضحك على بعض ) ... واحنا عارفين كل شي زين .

ما اتهم احد , بس ترا ( احنا ) .. اصحاب القناعات المختلفه .. موجودين , والهيئه كل يوم تمسك الفين الى ثلاثة الآف محمد بن تراب : )
في يوم ما , ستجتمع ( جيوش ) من محمد بن تراب المضطهدين والمحاربين حتى في المنتديات وصدقوني بتصير مجزره كبيره وحرب اهليه , اذا استمر الوضع .

بس الحمد لله , الملك عبدالله ( الي في الصوره ) مع الكاشفات هو المستقبل , مع العلم ان في هذا المنتدي يكتبون معنا كاشفات بس , موجة التطرف المسيطره على الوضع , مستعده ( تهكر ) على المنتدى ولا تنقال فكره ماتروق لهم .. والبقية تجامل وماشيه في الخط ...

مع الكاشفات قصدك هالعجز اللي اصغر وحدة فيهم كبر أمي وفرحان فيهم حاطهم في توقيعك

عاد الصراحة أعتبرهم من القواعد من النساء

سامحيني ام مشاري ع الرد

الجود المشاري · 02-11-2009, 00:08

اقتباس:

المشاركة الأصلية كتبت بواسطة لسه موجود : )

عادي افتحي , بس مدري يقبلون يناقشون الف ليله وليله ؟ : )
لاء خلى ألف ليله وليله لك ألفها أنت على كيفك وبمزاجك أنا قلت قناعه قناعاتك أنت مالي شغل في قصص مدري وش تبي أبي قناعة الشخص وتفكيره أما انك تمشيى وتتكلم عن سواليف مادري وش تبي ؟؟؟ يعني معليش لا عقل ولا منطق يرضى بها

للجميع :

عموماً , ترا الشعب السعودي 24 مليون , واحنا في هذا الموضوع عددنا مربعين مضروبين في بعض يمكن يوصل لـ 10 ! من 24 مليون انسان , فـ ياليت نقدر اننا في هذا الموضوع مانمثل ( كل الشعب ) وان موجة ( تدين مصطنع ) تغزو المنتديات فـ حتى اصدقائي انا الشباب الي يكتبون هنا , تراهم ( يربون لحيه ) قبل ما يدخلون المتندى لزوم ( نضحك على بعض ) ... واحنا عارفين كل شي زين .
عارفين أيش بالضبط ؟؟؟ ودي أعرف ودي مره تتكلم كذا على بلاطه منتدى يعني أكيد فيه شخص دينه صح وشخص دينه نفاق وشخص متحرر وشخص حريته بلا حدود يعني ماله داعي ان اصحابك الحبايب يدخل بلحيه عشان يتقبلهم الناس والبشر هي مجموعة جمل مصفوفه تعبر عن أفكارك الحقيقه ولا أفكارك اللي تحاول أنك تتخذها ستار لك لا أقل ولا أكثر ... وغيرك أشطر دخل من باب الدين وعرف وش يبي ونافق حتى يوصل وفضحت تصرفاته يعني كل شي في الأخير يبين لا لحيه ولا سكسوكه

ما اتهم احد , بس ترا ( احنا ) .. اصحاب القناعات المختلفه .. موجودين , والهيئه كل يوم تمسك الفين الى ثلاثة الآف محمد بن تراب : )
صح كلام سليم اشكالك مليناه واشكالي مليانه واشكال فلان مليانه
لكن هي تصرفاتك انت كشخص وش دخل العالم فيها مالها شغل هي قناعتك انت قناعة التحرر لك أنت هل تمثل قناعة العالم كلها ؟؟ مشكلتك أن قناعتك حاصرها في زاويه ضيقة جداً فيه ناس تقول أنا مع حريه الرأي وناس تقول أنا مع حرية الأختيار مشكلتك أنت حريتك محصورة في جوانب ورغبات جسديه أقرب ماتكون لتصرفات بهيميه حب فلان اخر الأسبوع وأطلع مع علان أول الأسبوع وين الأختلاف هذا تخلف وليس أختلاف حتى الغرب قننو من هالحريه لأنها حريه ماشافو منها خير وهم الغرب مو عاد العرب ..
في يوم ما , ستجتمع ( جيوش ) من محمد بن تراب المضطهدين والمحاربين حتى في المنتديات وصدقوني بتصير مجزره كبيره وحرب اهليه , اذا استمر الوضع .
أي حرب وأي جيوش ؟؟؟ ياخوي تراك أعطيت نفسك قيمة كبيره انت لا تمثل الناس والعالم والمجتمع السعودي ككل أنت تمثل نفسك كقناعه لتصرفات غير مسؤولة لو أنت شخص مؤمن بأفكارك وقناعتك فعلاً مشي هالأفكار على أختك على بنتك على زوجتك خلك تمثل حريه صح مو قناعات ؟؟ وبتصير حرب لو مامشت هالقناعات ؟؟ طيب مشها على أقرب ناس لك .. مو بس كلام وكلام فاضي فكرك تحاول تبثه هنا اوكي بثه ماحد له شغل فيك لكن لا تحاول تبثه وتوجد له المبررات لأقناع العالم بصحته وتقنع العالم فيه لأن ترا أحنا مو أغبياء ولا دلوخ نفهم ونعرف ونفرق ولا بيننا طفل ولا قاصر ولا مجنون ممكن يسمع كلامك ويقتنع فيه ولا يصدقه حتى

بس الحمد لله , الملك عبدالله ( الي في الصوره ) مع الكاشفات هو المستقبل , مع العلم ان في هذا المنتدي يكتبون معنا كاشفات بس , موجة التطرف المسيطره على الوضع , مستعده ( تهكر ) على المنتدى ولا تنقال فكره ماتروق لهم .. والبقية تجامل وماشيه في الخط ...
غطاء الوجه أو كشفه صار عندنا عاده أكثر من أنه عباده هذا أول شي يعني لا تتوقع كل كاشفة سيئة ولا كل متغطيه متدينه ..
ولا عمر أن البنت الكشافه تمثل حريتك اللي أنت تدعو لها ياما بنات كاشفات قمة في أحترام انفسهم لكن أنت كفكره ومعتقد مؤمن فيه لا يمثل اي أحترام للنفس ولا أحترام للكرامه للأمانه فخلنا من شغل كشف وغطا وكلام تحاول فيه تبرر نفسك وتعطي كل الكاشفات أن لهم نفس معتقدك وفكرتك في أن لها صاحب كل يوم وآخر الأسبوع من واحد ثاني هذا أكبر غلط بتحط نفسك فيه وأطلع من هالشي لأننا وصلنا مرحله من النضج نفرق بين هالأشياء كلها مو كل كاشفه سيئة ولا كل متغطيه قمة ..
عمر الغطا ماحدد الدين الصح ولا الكشف يمثل الدين الضغيف
اخلاق الشخص كشخص واحترامه لنفسه هي اساس مهم لمعرفته لدينه بطريقة صحيحه تشمله من الداخل وتمثله من الخارج
للأسف .. مستمرين , وفي ماذا ؟

احنا , المنحرفي ... المعتدلين ... الليبراليين .. المختلفين .. موجودين , وانكارهم ومحاولة قتلهم , لن يقود سوى الى حرب اهليه كما هو حاصل في العراق تماماً .. صدقوني والله : )
لا تنتظرون ان يستسلموا لـ القتل من غير مايدافعون عن انفسهم .
اوووو صدق ؟؟؟ الله يستر ...

الحمد لله ان الملك عبدالله معنا نحن ( الأكثريه ) ... وإن كان اكثرنا ( يلبس ) قناع التدين ... وهو يعلم في صميم ذاته انه ابعد مايكون عن هذا القناع .
الملك عبدالله الله يطول في عمره مع العقل المتفتح بإحترام وبدين صح ومع التفكير السليم ليس مع حريه جنسية ورغبات تسيطر على العقل والجسد فقط .. الملك عبدالله مع الانفتاح الفكري وليس الاخلاقي مع التفتح العلمي وليس الاخلاقي الملك عبدالله بحث في رفعه بلده عن طريق العلم ولم يبحث عن طريق رفع سقف الحريه إلا اللامحدود مثل سقف حريتك يعني لا تلصق نفسك مع الملك عبدالله ولا تكثر في الكلام عنه لو تكرمت يعني ..

الجود الله يخليك لا تردين علي في هذا الرد , عشان ما يطير موضوعك ويطير الرد , خلي الرد يمشي بسلام ...
ليه يطير ؟؟ هي مناقشة عاديه
وبعدين تعال مو تقول احنا واحنا أنتم ولا أنت أعطني معتقداتك
قلي أنا يالجود أؤمن بالحرية في الصداقات بين الجنسين وهالشي أؤمن فيه ومقتنع فيه وفي قناعاتي يطبق علي ولا زوجتي ولا بنتي واختي ..
قلي أنا قناعتي أني اكون بهذا الشكل واعيش بهذا الشكل وأعيش مع عائلتي وأربيهم على هذا الشيء هنا فعلاً تكون شخص لك قناعة وفكره ومقتنع فيها صح ولا لاء ؟؟ هل تقدر تقول هالشي ؟؟ أن اللي ترضى أنك تسويه ترضى أن أختك أمك زوجتك بنتك تسويه ؟؟ إذا إجابتك بنعم فماقدر أقول غير فعلاُ الأخ محمد بن تراب شخص مؤمن بفكره وبمعتقد يطبقه حتى على أقرب الناس إليه لأن الأعتقاد بالشي والأيمان به يجعلك تعلمه لأقرب الناس لك لأنك معجب بإعتقادك وترا فيه كل الكمال ..

لا احد يرد علي , خلوا الرد في حاله والسلام : )

ضيم .. حصه واقفه بالنص : )

..

ضيم السنين · 02-11-2009, 00:23

اقتباس:

المشاركة الأصلية كتبت بواسطة لسه موجود : )

ضيم .. حصه واقفه بالنص : )

صح صح صح صح

فزت بجائزه يحبها قلبك

تتوقع وش هي ؟

نزوجك وحده من الحريم اللي حولين عبوود وتعيشون انت وياها حب مثل ماتبون

انت متحرر وهي متحرره

متحرر+ متحرره=

الجود المشاري · 02-11-2009, 00:23

اقتباس:

المشاركة الأصلية كتبت بواسطة مـ ـ ـاسه

تعرفين اني غشيت من الضحك ههههههههه
الله يوسع صدرك بالعافيه ياام مشاري
اهلي يطالعوني وانا اقرا قصتك يقولون سلامات وش هالضحك
اهتز البيت هز
كل شي كوم والزبيريه اللي رفعها ابو حصه على بنته يوم جاء الخطيب يشوفها كوووووم

ياجعله ضحك السعادة والعافية والله ياحبي لك دوم أن شاء الله مبسوطه وفرحانه نورتي ماسه الموضوع يالغاليه حياك الله وهلابك
حبيبتي اسلوبك رائع في طرح الموضوع بدأ بقصه في غاية الطرافه
وكانت مشوووقه
بعدها طرحتي عدة تساؤلات ..
وانا اقولك يمكن فيه بعض البنات الله يصلحهم يخربون بعض
بالكلام والنصب اللي ماله سنع
كل وحده تمدح نفسها وتمدح زوجها وهي الله اعلم ان زوجها
موريها نجوم الظهر ..
ومفروض محد يقارن نفسه بأي شخص حتى لو كانت اختك
فما بالك بصديقات الغفله !!
صدقيني ياماسه تصير وتصير بكثره زمان أول كانت البنت فيه صح تسمع كلام اهلها وخواتها هالحين الرأي الأول للصديقة في كل شي صديقتي قالت صديقتي حطت يعني الصديقة في هالوقت لا يتسهان بها نهائياً ممكن تبدل وتحول في البنت بدون مايشعرون أهلها
وموضووعك

والله الأروع مرروك يالماسه يسعدك ربي ويوفقك ولا يحرمنا من طلتك علينا يالغالية

لـــمـــى · 02-11-2009, 00:33

اقتباس:

ستجتمع ( جيوش ) من محمد بن تراب المضطهدين والمحاربين حتى في المنتديات وصدقوني بتصير مجزره كبيره وحرب اهليه , اذا استمر الوضع .

هههههههههه
والله انك تكسر الخاطر ياتراب
و حنا اعطيناك اكبر من حجمك
ربي يعينك على عقلك

لسه موجود : ) · 02-11-2009, 01:18

بكره دوام .. الله يقدرنا ونرجع ...

الجود , صدقيني , احد العيوب الدفينه في الإنسان انه يكذب على نفسه ويستمر في الكذب ويستمر فيه الى مالانهاية يقول لك : شنسوي .. ولدنا وهالـ طريق قدامنا ...

بالنسبة للكاشفات , في هذا المتندى , احدهم مسكينه وتكتب في منتدى المطلقات هنا معنا , مرعوبه البنت منكم ومن تطرفكم : ) , كل ما كتبت شي , قالت قبله : ايه وقبله رحت البس نقابي قبل ما اطلع الشارع , وايه رحت البس نقابي قبل ما اقابل طليقي : )

لكن انت ومن معك بـ طولة لسان تضغطون وتحاولون نشر الرعب في وجه كل من يخالفكم بالشتائم والألفاظ العجيبه والمسيئه لكم اولاً , والتنفير بدلاً من الدفاع عن الرأي الآخر , بعدين تجين تقولين : عادي كل واحد حر في رأيه ؟ : )
تستهبلين ؟ : )

حين يشتمك انسان لشخصك , هذا ليس رأياً , هذا تعدي .. والكل على فكره يالجود يعرف يرد على التعدي , محد ناقصه كيبورد او ( شجاعه من خلف الشاشه ) , وكل انسان ومبادءه .
قارني بين ردي الأول الهادئ , وبين ردك المندفع والردود "المندفعه" بعده , من الذي يأزم الموقف ؟ ومين الي ماكل في "نفسه" مقلب هنا ؟ : )
القصه تبقى قصة , لكن التعرض للشخص نفسه والإنزلاق في الشخصنه ... لا اجد لها تحت كلمة "حوار" مظله ...

عموماً لا تكملون قبل ما اجي بكره , راجع , راجع : )

للأسف التفتت لردك قبل ما اقفل , والوقت ضيق .

والنقاش والحوار المفيد له بقية بإذن الله , فعلاً ليه يحذف ؟ : )

اذا فيه وقت , راح ارجع لكل واحد جاب طاري ردي وكل حرف انكتب معي او ضدي سأرد عليه ( وبالتفصيل ) عدا ام الهنا , مع اني احترمها كثير , يمكن لأني اشفق عليها واشوف قلبها ابيض بصوره خرافيه , حتى ان والله اكثر من عضوه وعضو يغلطون عليها في كم موضوع وتسكت عليهم وترجع تعتذر منهم , واااو اهالتني طيبتها والله احسها مثل الثلج الأبيض , مدري بعد كم موقف لها , صرت اقول : ماضر ام الهنا مافعلت بعد اليوم ...
ام الهنا , ماراح ارد عليك , ليس تقليلاً من قدرك , لكن لأني احترمك بشكل ما تتصوريه ... احترام اخوه بحته , ارجوا الا يزرع بداخلك اي شك او شيء .

ياااااه , ليش تأخرت بس , تعبان وودي انام : )

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

( سلسله مطلقون وآرامل وعزاب ..)