عالم الحياة الزوجية - منتدى

الجود المشاري · 01-11-2009, 15:49

حصة فتاة جميله تركض وتمرح في المروج الخضراء اللي تابعه لحوش بيتهم كانت حصه فتاه طويله نحيله تتميز بعينين جميلتين وانف جميل ومستقيم وضروس متباعده لكن امرها سهل ليش أن أهلها قالو لها متى ماوصلك المهر بنسوي لك تقويم ...
مرت السنوات وحصة الجميله كانت تنتظر عريس الغفله اللي يجي ياخذها من حياة الشقا ويحطها في حياة سعة الصدر...
حصه ماكانت بنت عايشه عيشه هم لا بالعكس كانو اهلها معطينها وجه وملبين طلباتها كلها ..
لكن كان اكبر همها في الحياة هو انها تجلس قدام في السيارة ..وتروح وتزور صاحبات الهناء والوناسه وتحط مكياج هذا هو كل همها في الحياة ...
ويوم عن يوم تكبر أحلام حصه وتخيلاتها ..
عن ذاك الأطخم السنع الطويل اللي ثوبه يلق وغترته كلها نشا .. والسكسوكه تبعه كأنها مرسومه بقلم اسود خط عربي 3 ملم ...
وطاق ذاك الرنج اللي ياله من فضلك تحلم تسافر اليونان وتسدح وتبطح في جزر المالديف وتقش قش من محلات ديور وشانيل وتشتري مثل صديقتها العنود شنط من كفالي وغوتشي وفساتين أرماني وبلايز بيربري وكانت تقول في نفسها وش زادت العنود عني به ياله لك الحمد لا شكل ولا سنع كلها على بعضها برطم .. ومع ذلك هاذي هي خاطبها ذاك الصاحي اللي مافيه أحلى منه ...
طبعا حصة ماكانت لهدرجه محرومه لكنها الله يهديها تتميز بالشفاحه هذا اول شي ثاني شي قالو لها البنات اللي معها في الجامعه حصه ترا الرجل لي حبك حط الماستر كارد في يدك والبوك في يدك الثانية واشتري وتمني وانتبهي عوديه من البدايه انك تصرفين وتاخذين ترا أن تعود ياخذ منك ترا مشكله خبرك شباب هاليومين ماعد فيه وجيهم حيا ممكن بكل بجاحه يجي يطلب منك ..
وقولي له انا ترا مالبس غير من شانيل وبجامتي اللي أنام فيها من الحرير الأصلي وشرباتي من الصوف الكشميري وهي كل بجايمها من الهرم وطقته .. وكل سنه اصيف في لندن .. وهي مابعد شمت هوا الطايف عشان تشم هوا لندن ..
جت حصة ذاك اليوم من الجامعه وتجيها امها تهابد وتراكض حصيصه يامي تعاااااااااااااااااالي ابيك في كلمة راس
جتك حصيصه مرتاعه كلمة راس عسى بس الوالده ماتبي تلهف المكافأه ؟؟ توني مستلمتها لاحوووووول
قالت لها أمها حصيصه يامي جاك عريس مايتفوت مدرس على بند ميه وخمسه .. هنا حصيصه تفققت خشتها ايه ؟؟ سيارته رنج ؟؟
الام سوت نفسها ماتسمع لأنها عارفه بفصلات بنتها المهم انه معلم في مدرسة جنب بيت اهله والولد له سنيتين مترسم في وظيفته بيجي يشوفك اليوم بعد صلاة المغرب ..

قالت يمه وش البس >> اول شي تفكر فيه البنت
قالت لها امها البسي شي ستير وزين واللي يرحم امك ياحصه لا تضحكين خلينا ناخذ المهر اول ونسوي لك ضروسك
قالت يمه طيب لو قال نكته ؟؟ >> حصة على بالها جلسة وناسه بتصير ..
راحت حصه وقامت تتدهر في عمرها حطت ذاك القناع اللي يقولون يخليك مثل أليسا في النهار وهيفاء وهبي في الليل وحطت كريمات الدنيا ..
وقامت تدهر في شعرها هل تسويه كيرلي ولا تخليه مرفوع المهم حصه ذاك اليوم حالتها حاله
في الأخير لبست وتكشخت ولبست تنورة طويله عشان مايجي في باله الخاطب شي وبلوزه لونها موف فاتح حلوه وشيك وخلت شعرها كيرلي..
وحطت مكياج يخفي العيوب ولا هو باين كثير وانتظرت عريس الهنا اللي تحلم فيه الليل والنهار
كان المجلس مفتوح ابوابه وكله ريحه بخور والقهوه والحلويات والشكولاته كلها مرتبه للضيف القادم ..
جى أبو حصه قال لها شوفي تبين تشيلين العصير ولا تدخلين بالمدخنه ؟؟؟
قالت بابا لا وش بيقول علي شغااااااله ولين ابو حصه حايمه كبده من حصه من بعد ماكبرت وتفرقت ضروسها
قال اقول احتسي زين لا الخك هالحين بهالسبحه وش بتدخلين به هاه ؟؟ قالت مابي أدخل بش وانت الله يخليك اطلع برا
هنا الأبو فصخ الزبيريه بيكمخ بنته جتك الأم تركض تعوذ من ابليس بس لين يطلع العريس >>> حتى الأم حايمه كبدها من بنتها
الاب يقول وش تقولين انتي مهبوله ؟؟ تبين تدخلين عليه لحالك ؟؟ هنا حصه تذكر سواليف رنا يوم تقول بابا يطلع اذا جى عريس يشوفني عشان كلنا ناخذ راحتنا ونشوف بعض !!! وليان يوم انها تقول ان بابتها قال ادخلي يابنتي وأسالي اللي تبغين وأذا خلصتي دقي علي جوال ارجع اتفاهم مع العريس..
وتصير في نفس حصه عبرتن تنزل وتطلع في حلقها وش معنى أنا ؟؟ خيرررر ليه أنا كذا مندقمه من أهلي ؟؟؟
المهم حصة تعوذت من ابليس وقالت ياله مشي يابنت الحلال اهم شي أركب قدام ...
بعد ربع ساعه نادها أبوها حصه وأنا أبوك تعالي .. ردت حصة علينا يابو الشباب ابوك يالأخلاق هالحين ولا توك بتصقني بنعلتك
.. وأبوها يناظر فيها
مو مصدق بنته انهبلت ..
دخلت حصة وسلمت وهي تناظر في الأرض طبعا مكان جلوسها محدد سلفاً حسب سيناريو مرسوم من قبل الاب والأم لأختيار أفضل الزوايا حتى تظهر حصة بأجمل شكل وتكون الإضاءه مسلطه عليها بشكل يظهر ضروسها أقل بشاعه فيما لو ضحكت ونست الاتفاقيه ..
سمعت صوت يقول مساء الخير
رفعت عيونها لتصدم بخشم فلم يكن هناك اي ملامح من الملامح اللي رسمتها في مخيلتها فلا كشخه ولا ثوب ولا حتى جزمه إلا نعال لونه بيج
وثوب أبيض وغترة حمرا وين السكسوكه ؟؟؟ بلعت حصه ريقها وقالت مساء النور
وسكتو والأب بعد عشر دقايق أطلق العلامه المتفق عليها عشان تطلع تنحنح وقال اصب لك شاي ؟؟ هنا طلعت حصة لأمها ..
قالت أمها هاه بشري ؟؟ قالت يمه سيارته رنج ؟؟ قالت امها اقول حصيصه وش جاك ؟؟ قالت أقل شي ابي اعرف هل فيه آخر صفة يمه وش اقول لرنا والعنود وليان يمه لا وسامه لا ذرابه وش اقولهم اهيءء اهيءءء اهيءءء
قالت اقول بس اهجدي واذكري الله وروحي صلي واستخيري ..
راحت حصة تراكض تدق على العنود
العنود ألوووو
حصه هلا العنود اخبارك ؟؟
هلابك قلبو كييييفك ؟؟؟؟
حصه : العنود عندك إزعاج
العنود : أيوووه انا في ساكس قلبو أيووا بغيتي شي ؟؟
حصة : ايه والله كنت بسولف معك عن خطيبي اليوم الشوفه
العنود : جد وااااو ألف مبرورك ياعسل كيف وش وضعه ؟؟
حصة : ماعليه مدرس يشتغل و ماعد عرفت وش تكمل
العنود : اييييش مدرس ؟؟ ايييش مدرس يعني معلم في مدرسة ؟؟
حصة : لا معلم شاورما ايه معلم مدرسة وش فيك
العنود : وانتي كيف ترضين تاخذين معلم ياحسه ؟؟ مايسير ياقلبي
ليه ؟؟
كذا معلم وين تاكلين وين تشربين لا لا حسه مايصير بس خلاس ارفضي قولي ماابغى لانو مايصلح لي
حصة بس يالعنود اهلي سألو عنه الولد تمام اخلاقه كويسه
العنود أخلاقه .؟؟ ليه وش بتسوين فيها اخلاقه ؟؟ ماادري بس بكيفك ههههههه بليز حسه لا تمشين معي مااقدر هههههههه يختي مالقتي غير معلم ؟؟
حصه هنا غصت مايكفي ان سيارته كورلا وتجي بعد العنود تكمل الناقص وتقول لا تمشين معي ..
بعد اسبوع متواصل من المكالمات مع الصديقات واللي يضحك واللي ينكت على المدرس وحطي لك دفتر توقيع صباحي ووين دفتر التحضير ومن هالكلام .. وفي نفس الوقت اتصال العريس مع الوالد متواصل عشان يعرف رأي حصه النهائي لانه شاري البنت ...
قررت حصة انها تكنسل الخطوبه وترفضه لانها ماقدرت تكون أقل من صديقتها العنود اللي خطيبها مهندس ومتخرج من برا
ولا من صديقتها ليان اللي زوجها صاحب شركه ولا صديقتها الجازي اللي خطيبها دكتور ... وقعدت حصة تنتظر فارس الأحلام اللي ممكن تباهي به عند العنود وليان والجازي ..

**
هل حصل لك أختي العازبه موقف مشابهه لذلك ؟؟ أو لأحدى صديقاتك ؟؟
هل من الممكن أن تتأثر الفتاة بأراء الصديقات في كل شؤون حياتها ؟؟
هل آراء الصديقات ممكن تكون سبب في تأخر الزواج للعازبه ؟؟ أو ممكن تكون سبب في رفض المتقدمين للزواج منها ؟؟
هل أصبحت مظاهر العريس أم من أخلاقياته لدى الفتيات العازبات ؟؟

احاسيس سرمديه · 01-11-2009, 16:07

هههههههههههههههههههههههههههههههههههههههههه وش قردها حصه يومها تصادق العنود وطقتها هههههههههههههههه رهيييييييييبه القصه واسلوبك بسيييييييط ويدخل القلب مافيه تكلف باختصااار الموضووع يهبببببببببببببببببببببببببببببل تصدقين عاد حصه دخلت قلبي ياحلوها بريييييئه وعلى طبيعتها خااااصه الضروس ههههههههههههههه..ماصارلي موقف مثله ولا لاحد اعرفه ...ايه فيه بنات ماعندك احد مالها راي وتتاثر بسررررعه خاصه لو كانت صغيره... مره ثانيه اقولك يسلم راااااااااسك على هالقصه الحلووووووووه والموضوع الخفيف اللي يدخل القلب ..

كــ السجايا ــريم · 01-11-2009, 16:17

الجود قصة رائعة واسلوبك فيه يشد القاري الى نهايتها مع احتوائها على الطرفة
عموماً

اللي تسلم عقلها لغيرها يفكر به تستاهل ما جاءها

ضيم السنين · 01-11-2009, 16:34

<- حصه

والله انها قصتن ممتعه ظريفه خفيفه واسلوب رهيب وخطير ويروق لي واجد واجد واجد واجد

ياحبي لتس يا ام ميشو

والله انه واجد من هالنمونه

اول حال وفال

اسلوب المقارنه هذا يتعب بالحيل

يعني شيء طبيعي ان الناس مستويات وطبقات كلن له مجتمعه وبيئته كلن له طريقة تفكيره

العنود من مجتمع يختلف كلياً عن حصه ولكن الشيء اللي جمعهم الصداقه

ونفس الوضع مع باقي الشله

تشوف خوياتها نصيبهم غير عنها وانهم افضل وصارو شيء

وهي تحس ان نصيبها ماش

مع ان في البدايه رغم احلامها الا انها كانت مقتنعه فيه

لكن كلام الخويات خلاها تجلس تفكر وتشيل وتحط وتوسوس لين ماعاشت عذاب نفسي وفكت عمرها ورفضته

يعني جد خوياتها عايشات الحياة وربي موفقهن تجين انتي بكل دلاخه تقيسين حياتس ياحصه بغيرتس وتفارنين وشوله؟

اكيد ان النصيب يختلف من بنت والثانيه

اللي ربي يعطيها نصيباً طيب
واللي ربي يعطيها واحدن يطيح في تسبدها
اللي تأخذ ولد شيخ
واللي تاخذ ولد مستخدم

ومير ياحصه المعلم اهون من العسكري

: )

فـ الشاهد من الموضوع
ان هالشيء حاصل و بقوه
البنات يلعبون بعقل بعضهن خصوصاً اللي مالهن راي وتتأثر بغيرها هنا المشكله
وفي بنات مهو من باب الحب او النصح بالعكس من باب الخراب والدمار بتخرب عليها لشيء في نفسها
لان لو كانت تحبها وعادتها صديقتن لها ماكانت نصحتها هالنصيحه بالعكس

اما المظاهر اهم من الاخلاقيات

صدقيني مافي وحده ماتبي الزين لها بكل شيء
يعني واحد اخلاق بدون الاشياء الثانيه ماينفع الحياة مارح تستمر
اكيد كلن يبي حياة زينه

@قصيده شجن @ · 01-11-2009, 16:58

والله يالجود ياكثرهم هالبنات الي مع الخيل ياشقراء ,,يعني ماتدري وين الله حاطها وشورها بيد صديقاتها .
تدرين وين المشكله ان كل وحده جالسه تهايط على الثانيه ,,,يعني كل وحده تشوف القشره الخاارجيه ولاتدري عن حقيقه الامور.
في قصه قالها الشيخ نبيل العوضي مشابه للهي القصه يقول ان احد الاخوات كانت في ثالث ثانوي وتقدم لها امام مسجد وبنفس الوقت معلم واخلاقه عاليه وكلن يشهد له بهي الشئ وتقول انا تحمست اني بتزوج خاصه ان الكل يمدح باخلاقه لكن ثاني يوم بس رحت المدرسه وقلت لصديقاتي قالوا انتي هبله بتتزوجين مطوع يعوفك عمرك انتي توك صغيره عيشي حياتك ولاتدفنين نفسك مع هالمطوع وتقول فعلا عييت ولا تزوجته ودخلت الجامعه ولما تخرجت تزوجت شخص في وظيفه مرموقه وبعد فتره اكتشتف انه مدمن وعشت حياه كلها ضرب واهاانه وسبحان الله الصدفه ان هالمطوع يصلي التراويح في المسجد القريب من بيتنا تقول كل يوم اصلي التراويح وراه وماقدر امسك نفسي من البكي اسمع صوته في الصلاه وابكي لان الجميع يتكلم عن حب هالمطوع للزوجته ومعاملته لها .
هي مثال حقيقي للبنات الي مع الخيل ياشقراء,,, لكن ارجع اقول صحيح اهم شئ الاخلاق لكن خلينا نكون واقعين شوي الاخلاق مهمه لكن الحياه محتاجه مقومات اخرى.
موضوع اكثر من راااائع ^_^

الجود المشاري · 01-11-2009, 17:18

اقتباس:

المشاركة الأصلية كتبت بواسطة احاسيس سرمديه

هههههههههههههههههههههههههههههههههههههههههه وش قردها حصه يومها تصادق العنود وطقتها هههههههههههههههه رهيييييييييبه القصه واسلوبك بسيييييييط ويدخل القلب مافيه تكلف باختصااار الموضووع يهبببببببببببببببببببببببببببببل تصدقين عاد حصه دخلت قلبي ياحلوها بريييييئه وعلى طبيعتها خااااصه الضروس ههههههههههههههه..ماصارلي موقف مثله ولا لاحد اعرفه ...ايه فيه بنات ماعندك احد مالها راي وتتاثر بسررررعه خاصه لو كانت صغيره... مره ثانيه اقولك يسلم راااااااااسك على هالقصه الحلووووووووه والموضوع الخفيف اللي يدخل القلب ..

هلا وغلابك يااحاسيس ياهلابك يالغاليه
تسلمين ومشكوره ويسلم لي مرورك ياقمر ربي يخليك إن شاء الله
والله اللي يتأثرون بالرأي ترا مو شرط صغار والله فيه حريم كبار وبنات كبار ممكن تمشى على هوى وراي هالصديقات وماتدري وش الطبخه ..
مشكوره على مرورك الحلو وتعليقك الأحلى ويسعدك ربي إن شاء الله ياقمر

الجود المشاري · 01-11-2009, 17:20

اقتباس:

المشاركة الأصلية كتبت بواسطة شغموم الشغاميم

الجود قصة رائعة واسلوبك فيه يشد القاري الى نهايتها مع احتوائها على الطرفة
عموماً

اللي تسلم عقلها لغيرها يفكر به تستاهل ما جاءها

هلابك أخوي شغموم حياك الله نورتنا
والله على قولتك اللي تسلم تفكيرها ورأيها للصديقات وللغير تستاهل وبقوه اللي يصير لها في حياتها
مشكور أخوي على مرورك الكريم ويعطيك ربي ألف عافية

لسه موجود : ) · 01-11-2009, 17:25

فيه بنات ( كثير ) مثل حصه : )
بس الأكثر فيه بنات ( يفكرون ) مثل حصه بدون مايقولون لأحد , بس بينها وبين نفسها تسألك : وش راح يقولون عني لو قبلت فيه ...
ومن غير ما تسأل ( خوياتها ) راح ترفضه لأجلهم وإن ما اعترفت لهم او لأحد بذلك ...

فيه قصه من الف ليله وليله تقول عن واحد من الشباب , استغفر الله العظيم تعرف على وحده وبدأ معها علاقه محرمه , المهم ان البنت كيف ضعفت , وهو كيف ضعف , محد يدري المهم انهم ضعفوا مع بعض ...
يوم الولد ضعف مره , وحس انه وده فيها , وتعب كل اسبوع ينزلمن الرياض للشرقيه عشان يقابلها , وساعه ياخذ اجازه عشانها وينزل لها , وهي تاخذ اجازه برضوا ...

طلب منها الزواج لأنه يبيها هي , صحيح يقدر يتعرف على ستين بنت وهي تقدر تتعرف على ستين واحد , بس خلاص الإثنين ودهم ببعض ...

هنا بدأت خويته تسأله , بس كيف تتزوج واحد يدخن ومايصلي وساكن بالرياض وهي رفضت شباب من قبل تقدموا لها لأنهم مايصلون او مقصرين في صلاتهم وهي ( مدرسة تحفيظ قرآن ) ... وتترك وظيفتها وتروح معاه الرياض , طيب حتى لو بتتزوجه وتبقى في الشرقيه , ايش تقول لأهلها ؟ ووين تودي وجهها من جماعتها لما يسألونها كيف قبلتي فيه ؟ وايشن تقول لأمها وابوها واخوانها ؟ وزميلاتها في العمل ؟
المهم انها بعد تساؤلات عديده في راسها , مرضت وتعبت , وقررت انها تتركه , وشهرين وهو يحاول معها ويراضيها , ورجعت له بس نسيوا فكرة الزواج للأبد ...
وهذاهم مستمرين مع بعض ...

عموماً هذا الشاب مش انا والله واحد ثاني , والقصه من الف ليله وليله ...

الجود المشاري · 01-11-2009, 17:29

والله انه واجد من هالنمونه

اول حال وفال

اسلوب المقارنه هذا يتعب بالحيل

يعني شيء طبيعي ان الناس مستويات وطبقات كلن له مجتمعه وبيئته كلن له طريقة تفكيره

العنود من مجتمع يختلف كلياً عن حصه ولكن الشيء اللي جمعهم الصداقه

ونفس الوضع مع باقي الشله

تشوف خوياتها نصيبهم غير عنها وانهم افضل وصارو شيء

وهي تحس ان نصيبها ماش

مع ان في البدايه رغم احلامها الا انها كانت مقتنعه فيه

لكن كلام الخويات خلاها تجلس تفكر وتشيل وتحط وتوسوس لين ماعاشت عذاب نفسي وفكت عمرها ورفضته

يعني جد خوياتها عايشات الحياة وربي موفقهن تجين انتي بكل دلاخه تقيسين حياتس ياحصه بغيرتس وتفارنين وشوله؟

اكيد ان النصيب يختلف من بنت والثانيه

اللي ربي يعطيها نصيباً طيب
واللي ربي يعطيها واحدن يطيح في تسبدها
اللي تأخذ ولد شيخ
واللي تاخذ ولد مستخدم

ومير ياحصه المعلم اهون من العسكري

: )

فـ الشاهد من الموضوع
ان هالشيء حاصل و بقوه
البنات يلعبون بعقل بعضهن خصوصاً اللي مالهن راي وتتأثر بغيرها هنا المشكله
وفي بنات مهو من باب الحب او النصح بالعكس من باب الخراب والدمار بتخرب عليها لشيء في نفسها
لان لو كانت تحبها وعادتها صديقتن لها ماكانت نصحتها هالنصيحه بالعكس

اما المظاهر اهم من الاخلاقيات

صدقيني مافي وحده ماتبي الزين لها بكل شيء
يعني واحد اخلاق بدون الاشياء الثانيه ماينفع الحياة مارح تستمر
اكيد كلن يبي حياة زينه

[/quote]

هلابك هلا وغلا ضيم حياك الله يالغالية
والله صادقه في كل كلمة ان بعض البنات تخرب مخ صديقتها مو كله حب وإخلاص ونصيحه لاء ممكن غيره وقهر منها في اشياء ثانية تصير تبي لها الشين والمقارنات عموماُ هي اللي تتعب بعض البنات تحط في بالها تاخذ واحد احسن من فلانه صديقتها لو يكون فيه الف عيب اهم شي يكون اوسم منه اغنى منه اشياء ظاهريه
تسلمين ضيومه على ردك ويسعدك ربي يالغاليه وألف شكر لك

عطره فى كفوفى · 01-11-2009, 17:29

هلا و الله بحبيبة قلبي أم مشاري ،

تو ما نور القسم و لا يهونون الباقيين

تصدقين كنت منسجمة و تخيلت حصة سندريلا و فجأة و بدون سابق انذار

ضروس متباعدة ههههههههه

يالله خلقة الله و ما نقول فيها شي

الله يونس قلبك بالعافية يارب

فعلا كل شي نصيب

الله يعطينا الصالح هذا أهم شي

شوكوليت · 01-11-2009, 17:45

ههههههههههه يا حليلك يا حصة والله توسع الصدر هي وضروسها ...

والله أكيد فيه بنات يتأثرون بصديقاتهم وبالحكي الفاضي ..

بس وين أهلهم عنهم ,,, المفروض الأم تفهمها وتعقلها

وأشوف وظيفة المعلم ما هي سيئة بالعكس دوامه قصير الساعة 12 أو 1 بالكثير طالع + اجازته مع الطلاب يا سلام أحلى شي

أحسن من وظايف شفتات او دوامات الى العصر

بالنسبة لي ما علمت صديقاتي الا لما تملكت ...

موضوعك حلو يا جود ,,, تسلمين يا قلبي ...

المستغنية بالله · 01-11-2009, 17:45

السلام عليكم ورحمة الله وبركاته

المبدعة الجود المشاري

جزيت خيرا على رااااااااااااااااااااااااااااااااائع السرد... حقا، كان للابداع حظوظا منك، وللسرد وللحبكة نصيبا منك.... ابدعت واجدت

شبيهات حصة كثر... ولكن العبرة فيمن اخذت عبرة مما تشاهده... فبعض الفتيات سامحهن الله من باب الغيرة تبدأ بذم كل خاطب لصديقتها وهذا يصلح وذاك لا, لكن اخيتي كلن منا ادري بمواصفاتها وبما هو مناسب لها... فالاخلاق الاخلاق هي الميزان للموافقة على الخاطب، فكلمتي الدائمة امام صديقاتي... كل شي بيجي بعدين المهم يكون بخاف الله... الشهادة العليا... السيارة... البيت... كله ممكن ييجي بعدين... طبعا هذا لا يمنع انه كل وحدة بتحب انه يكون زوجها ما عليه كلمة... كل اموره تمام بس كله بالاول والآخر نصيب، الله يهدي البال....

اختك: المستغنية بالله

الجود المشاري · 01-11-2009, 17:57

اقتباس:

المشاركة الأصلية كتبت بواسطة @قصيده شجن @

والله يالجود ياكثرهم هالبنات الي مع الخيل ياشقراء ,,يعني ماتدري وين الله حاطها وشورها بيد صديقاتها .
تدرين وين المشكله ان كل وحده جالسه تهايط على الثانيه ,,,يعني كل وحده تشوف القشره الخاارجيه ولاتدري عن حقيقه الامور.
وأغلبه كذب والضعيفه هي اللي تصدق تقول لها صديقتها شرى لي جاب لي سمع كلامي يدلعني يحطني يوديني يعني كلام مايعرف حقيقته والبنت وخاصة اللي تسمع لصديقاتها ماتدري تمشى على هواهم وتمسع كلامهم وتبي تعيش عيشتهم
في قصه قالها الشيخ نبيل العوضي مشابه للهي القصه يقول ان احد الاخوات كانت في ثالث ثانوي وتقدم لها امام مسجد وبنفس الوقت معلم واخلاقه عاليه وكلن يشهد له بهي الشئ وتقول انا تحمست اني بتزوج خاصه ان الكل يمدح باخلاقه لكن ثاني يوم بس رحت المدرسه وقلت لصديقاتي قالوا انتي هبله بتتزوجين مطوع يعوفك عمرك انتي توك صغيره عيشي حياتك ولاتدفنين نفسك مع هالمطوع وتقول فعلا عييت ولا تزوجته ودخلت الجامعه ولما تخرجت تزوجت شخص في وظيفه مرموقه وبعد فتره اكتشتف انه مدمن وعشت حياه كلها ضرب واهاانه وسبحان الله الصدفه ان هالمطوع يصلي التراويح في المسجد القريب من بيتنا تقول كل يوم اصلي التراويح وراه وماقدر امسك نفسي من البكي اسمع صوته في الصلاه وابكي لان الجميع يتكلم عن حب هالمطوع للزوجته ومعاملته لها .
هي مثال حقيقي للبنات الي مع الخيل ياشقراء,,
لكن ارجع اقول صحيح اهم شئ الاخلاق لكن خلينا نكون واقعين شوي الاخلاق مهمه لكن الحياه محتاجه مقومات اخرى.
لا أنا أقولك وأؤكد أن الحياة فيها اشياء مهمه مع الأخلاق ولا يمكن تمشي الحياة بدونها صح لكن أني أكون ورى كلام صديقاتي وقصصهم وأفلامهم الهنديه اللي يلعبون فيها علي هنا في مشكله وهنا في خلل يعني يجي شاب كويس تقريباُ ويرفض عشان تعليق لصديقتها ولا قالت عنه كذا وكذا هنا اكيد في خلل في الموضوع .
موضوع اكثر من راااائع ^_^

يسلم لي مرورك والأروع اكيد تواجدك معنا ياقصيدة ربي يخليك ويسعدك يالغالية

عطره فى كفوفى · 01-11-2009, 18:09

عدت كي أجيب عن الأسئلة إحم إحم

>>>>> تخيلت نفسها في قاعة اختبار

هل حصل لك أختي العازبه موقف مشابهه لذلك ؟؟ أو لأحدى

صديقاتك ؟؟

مع إني مو عازبة لكن بتواضع و أجاوب

تقريبا حصل بس مو لدرجة لا تصاحبيني و هيك

و الله حرام استوثموا في البنت و المستشار مؤتمن

هل من الممكن أن تتأثر الفتاة بأراء الصديقات في كل شؤون

حياتها ؟؟

على حسب بس لازم الوحدة تصير فطين و تفرق بين الناصح و

الجاهل

و هي خبلة اللي قاطة إذن الله يصلحها بس

أخاف تزعل علينا السندريلا

هل آراء الصديقات ممكن تكون سبب في تأخر الزواج للعازبه ؟؟

أو ممكن تكون سبب في رفض المتقدمين للزواج منها ؟؟

ممكن إذا الله يهديهن بالغن في الوصف و كانت البنت سهلة الانقياد

هل أصبحت مظاهر العريس أم من أخلاقياته لدى الفتيات

العازبات ؟؟

أهم شي حب الوطن و الأخلاق

الجود المشاري · 01-11-2009, 18:12

اقتباس:

المشاركة الأصلية كتبت بواسطة لسه موجود : )

فيه بنات ( كثير ) مثل حصه : )
بس الأكثر فيه بنات ( يفكرون ) مثل حصه بدون مايقولون لأحد , بس بينها وبين نفسها تسألك : وش راح يقولون عني لو قبلت فيه ...
ومن غير ما تسأل ( خوياتها ) راح ترفضه لأجلهم وإن ما اعترفت لهم او لأحد بذلك ...
صح كلام سليم ميه ميه فعلاً تصير وبدون ماحد يعرف مو شرط تصرح البنت بهالشي هي قناعة في داخلها ماتكون مصرحه بها لأحد قبل ..

فيه قصه من الف ليله وليله تقول عن واحد من الشباب , استغفر الله العظيم تعرف على وحده وبدأ معها علاقه محرمه , المهم ان البنت كيف ضعفت , وهو كيف ضعف , محد يدري المهم انهم ضعفوا مع بعض ...>> سبحان الله العظيم سر ضعفهم ترا قد جابوه التوجيه في اسئلة ثالث ثانوي.. أعرف لماذا ضعفوا مع بعض ؟ وكل الطلبه ماعرفو يحلونه
يوم الولد ضعف مره , وحس انه وده فيها , وتعب كل اسبوع ينزلمن الرياض للشرقيه عشان يقابلها , وساعه ياخذ اجازه عشانها وينزل لها , وهي تاخذ اجازه برضوا ...
أبوك يالضعف اللي حاس حياتهم حوس ماغير مخاسير على قل سنع أجل إجازات ومشاوير .. من قلب ماجاب لهم هالضغف غير الهبال ..

طلب منها الزواج لأنه يبيها هي , صحيح يقدر يتعرف على ستين بنت وهي تقدر تتعرف على ستين واحد , بس خلاص الإثنين ودهم ببعض ...لييييش ؟؟ لأنهم ضعفوا مع بعض .. طيب ليه ضعفوا مع بعض ؟؟ الجواب في الصفحة العشرون من كتاب نصبات حياتي ...

هنا بدأت خويته تسأله , بس كيف تتزوج واحد يدخن ومايصلي وساكن بالرياض وهي رفضت شباب من قبل تقدموا لها لأنهم مايصلون او مقصرين في صلاتهم وهي ( مدرسة تحفيظ قرآن ) ...لاااااااااااااااإله إلا الله تحفيظ مره وحده !! أجل لو مدرسة إنجليزي وش بتسوي ؟؟؟
وتترك وظيفتها وتروح معاه الرياض , طيب حتى لو بتتزوجه وتبقى في الشرقيه , ايش تقول لأهلها ؟ ووين تودي وجهها من جماعتها لما يسألونها كيف قبلتي فيه ؟ وايشن تقول لأمها وابوها واخوانها ؟ وزميلاتها في العمل ؟ لييييش وش يعيبه أنه نصّاب ؟؟؟
المهم انها بعد تساؤلات عديده في راسها , مرضت وتعبت , وقررت انها تتركه وش عندها سندريلا ؟؟, وشهرين وهو يحاول معها ويراضيها , ورجعت له بس نسيوا فكرة الزواج للأبد ...
وهذاهم مستمرين مع بعض ...

عموماً هذا الشاب مش انا والله واحد ثاني , والقصه من الف ليله وليله ...

أحلى ياشهرزاد مانيب قايله شهريار خبرك شهرزاد هي اللي قبلها تبربر في قصصها على شهريار ماغير تنصب عليه وتنطل هالأرانب كود يرحمها ولا يقتلها ...ولا مايستثقل دمها لأنها برباره في قصص مملة كالعادة ...
مدري صديقك هذا تبع قصص الف ليله وليله احساس غريب ينتابني انه نصّاب وفكاش ليش أن كل البنات طايحات عليه أحلى يا آآلان ديلون من غير لون .. وبقوه ينتابني أحساس أكبر أنه أقرب للأخ الممثل القدير سعد جمعه في الشبه طبعاً ..>> الله يمسيك يالهامور بالخير يوم يرزونك في هوامير الصحراء
يعني تجتمع صفتين في خويك النصب وأنه شين مشكلة والله ..

إلا أقووول أخ لسه موجود مدري ودي نفتح موضوع نناقش فيه قناعات صديقك تقبل بهالشي ؟؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 5 ( الأعضاء 3 والزوار 2)
‏جومانه1111, ‏سعودية شامبين, ‏ضيم السنين

عالم الحياة الزوجية - منتدى

( سلسله مطلقون وآرامل وعزاب ..)