عالم الحياة الزوجية - منتدى

نفحة ورد · 01-11-2009, 21:21

السلام عليكم ورحمة الله وبركاته

اولا
انا تقدم لي رجل متزوج ولديه 7 ما شاء الله وانا رفضته هو من قرايبنا وزوجته بعد
انا رفضته علشان زوجته احس ظلم لهاوالحين قال بياخذ سوريه لكن ابوي يقول
اعطيه نفحه ولا ياخذ سوريه وانا خايف صليت الاستخاره لكن ما حسيت بشي اتجاهه

ثانيا
طليقي تكلمت في موضوع سلبق انه كان يقول لولدي ابغى اتزوج امك وولدي رافض
لانه ما عمره شافني معه والحين هو عقد قرانه عالبنت اللي كان يحبها قبل لياخذني
والى الان وهو يقول لولده انا ابغى اتزوج امك له من ملك 8 شهور قبل اول امس يقول
لولده اسأل امك تبغى تتزوجني بس انا ما رديت على ولدي وقلت له اذا سألك ابوك لا تقول شي
لان اخاف يكون كذاب وبيلعب على اعصابي
وش رايك ابغى نصيحتكم

شموووخ انثى · 01-11-2009, 21:29

السلام عليكم

عزيزتي اذا فعلا نويتي تتزوجي فابو ابنك اولى بك من الغريب

الله يوفقك

نفحة ورد · 01-11-2009, 21:40

الله يجزاك خير اختي شموخ
ابو ولدي اذا كان يبغى يرجعني ما سأل ولدي
جاء من الباب وكلم ابوي او اخواني

ام الجودوالعود · 01-11-2009, 21:49

وشلون أبو ولدك يبي يرحعك وهو متملك على وحده ثانيه من 8شهور ؟؟
شكل طليقك مو جاد في موضوع الزواج ,خلي ولدك يسأله عن زوجته الثانيه؟؟ وشوفي وش يقول!!

نفحة ورد · 01-11-2009, 21:55

قلت له وزوجته الثانيه قال ايه ابغاهم ثنتينهم
انا اقول لو انه جاد بيرجعني كان جاء وكلم اهلي
بس اللي ابغى اعرف ليه كل مااخذ ولده قال انا بتزوج امك
قلت لولدي قول له انا ماما خلاص بتتزوج قال امك ما راح تتزوج غيري

ام الجودوالعود · 01-11-2009, 22:08

يمكن طليقك أذا أخذ ولده يحس أن ماينقصهم ألا أنتي ,,فعشان كذا يقول لولدك أبي أتزوج أمك,,

أما قوله أنك ماراح تتزوجين ألا هو فأتوقع أن هذاشعور طبيعي عند الرجال وهو الغرور وأنك ماراح تلاقين غيره خاصة أذا كنت أنتي ألا طلبتي الطلاق .

نفحة ورد · 01-11-2009, 22:13

انا ما طلبت الطلاق هو طلقني لانه كان يسمع لخواته
تذكرت يقول لولده انا طلقت امك لانها زعلتني وبعدين
قالت بروح بيت اهلي وقلت لها ارجعي ولا رجعت كل هذا كذب
اناكنت جايه لاهلي اسلم عليهم لانهم توهم جايين من العمره
وهو اللي وداني عند اهلي ولا كان بينا كلام او خناق كنا عاديين
ولا جاء اخذني وكنت حامل بولدي الشهر الثامن ولا سأل حتى بعد ما ولدت

قلبي كله حنان · 01-11-2009, 22:16

اختي اعتقد ان الوحده لو تطلقت وفي طفل بينهم اعتقد تقدر تكلم ابو الطفل يعني طليقها عشان يشوفوا الانفع للولد

حسب علمي بس مو تجلس معه او تخرج معه لا هنا لايجوز

الحل السليم تكلمي مع طليقك وقولي له يابوفلان لو حاب ترجعيني فأنا اولى من غيري وباب بيتنا مفتوح لك ولغيرك
((بالجوال طبعا))

الله يحيك بس انك تلعب بأعصابي او حاب تحرق دمي فبدري عليك خلاص ماعاد فيه دم بقى من بعد الطلاق او اعصاب تتلف بعد الصدمه بس انا اقولك لو حاب يعني في نيه انك ترجع
بشروووووووووووووووووطي

وقتها الجوله لصالحك

بس انا سؤالي لكي يااختي الفاضله ؟؟
هل انتي حابه ترجعي
او
لا
النفس عافته

لان القرار بيدك انتي ولا احد يقدر يجبرك على شي ماتبغيه

وابو 7 اطفال مافيها شي لاظلم لزوجته ولا شي هذا شرع الله عزوجل
بس انا اشوف انه مو مناسبه من رائي الشخصي

والله يكتب لكي الخير اينما كنتي

تقبلي مروري

اخوكي

في الله

قلبي كله حنان

المشتاق لنساء · 01-11-2009, 22:21

هذا الامر متوقف علي تفهم زوجك السابق

ان كان كما تحبين ارجعي لزوجك ابو عيالك افضل بكثير

وان كان المتقدم لك تشوفينه مناسب مايمنع ان تتزوجيه

بس الخيار الاول افضل

نفحة ورد · 01-11-2009, 22:35

اقتباس:

المشاركة الأصلية كتبت بواسطة قلبي كله حنان

اختي اعتقد ان الوحده لو تطلقت وفي طفل بينهم اعتقد تقدر تكلم ابو الطفل يعني طليقها عشان يشوفوا الانفع للولد

حسب علمي بس مو تجلس معه او تخرج معه لا هنا لايجوز

الحل السليم تكلمي مع طليقك وقولي له يابوفلان لو حاب ترجعيني فأنا اولى من غيري وباب بيتنا مفتوح لك ولغيرك
((بالجوال طبعا))

الله يحيك بس انك تلعب بأعصابي او حاب تحرق دمي فبدري عليك خلاص ماعاد فيه دم بقى من بعد الطلاق او اعصاب تتلف بعد الصدمه بس انا اقولك لو حاب يعني في نيه انك ترجع

بشروووووووووووووووووطي

وقتها الجوله لصالحك

بس انا سؤالي لكي يااختي الفاضله ؟؟
هل انتي حابه ترجعي
او
لا
النفس عافته

لان القرار بيدك انتي ولا احد يقدر يجبرك على شي ماتبغيه

وابو 7 اطفال مافيها شي لاظلم لزوجته ولا شي هذا شرع الله عزوجل
بس انا اشوف انه مو مناسبه من رائي الشخصي

والله يكتب لكي الخير اينما كنتي

تقبلي مروري

اخوكي

في الله

قلبي كله حنان

تطلقت خلاص ما فيه كلام حتى بالجوال ومستحيل
صار اجنبي عني واهلي ما راح يرضون حتى لو بخصوص ولدي
اذا تعبان او احتجت لشي له اخواني يكلمون ولد اخته او انا اكلم بنت اخته
واخاف اكلمه من ورا اهلي يشوف نفسه علي ويقول انا اللي كلمته

النفس عافته بس علشان ولدي كل شي يهون اهم شي انه يعيش
بينا يكفي بس خايفه من الرجوع مع انه بس كلام ما صار رسمي عند اهلي

بس انا اشوف انه مو مناسبه من رائي الشخصي
حتى انا اشوف مو مناسب الله يكتب اللي فيه الخير والصالح

الله يجزاك خير

نفحة ورد · 01-11-2009, 22:37

الله يجزاك خير اخوي مشتاق عالرد

مـ ـ ـاسه · 01-11-2009, 22:49

احس يانفحه طليقك يستهبل !!
وش يحس فيه يوم يقول اني بتزوج أمك !!
يعني مايعرف يدل باب بيتكم ويرجعك !!
خصوصا مو انتي اللي طالبه الطلاق
الله يسهل لك امورك ويفرج همك يارب ..

دوواك عندي · 01-11-2009, 22:54

اختي الكريمه
لن اضيف اي تعليق لان الاخوان اوفووو وكفووووو
انتي مالك الا الدعاء لله ان يهديك للصالح لك
كثري استغفار وذكر الله
ربي يسعدك ويوفقك ويرزقك بالزوج الصالح يارب ..

نفحة ورد · 01-11-2009, 23:13

اقتباس:

المشاركة الأصلية كتبت بواسطة مـ ـ ـاسه

احس يانفحه طليقك يستهبل !!
وش يحس فيه يوم يقول اني بتزوج أمك !!
يعني مايعرف يدل باب بيتكم ويرجعك !!
خصوصا مو انتي اللي طالبه الطلاق
الله يسهل لك امورك ويفرج همك يارب ..

اي والله يا ماسه حتى انا احس انه يستهبل
تدرين كل اسبوع كذا يقول لولده ويقول ولدي يوم
يقوله اسأل امك بتتزوجني يقول كنت العب بجواله
وسجلته يوم سمع التسجيل هاوشني طبعا ولدي ما كان يعرف كيف يسجل
بس كذا وهو يلعب جا عالتسجيل
اللهم ااامين واياك
جزاك الله خير حبيبتي الله يعوضك ويعوضني خير ان شاء الله

نفحة ورد · 01-11-2009, 23:15

اقتباس:

المشاركة الأصلية كتبت بواسطة دوواك عندي

اختي الكريمه

لن اضيف اي تعليق لان الاخوان اوفووو وكفووووو
انتي مالك الا الدعاء لله ان يهديك للصالح لك
كثري استغفار وذكر الله

ربي يسعدك ويوفقك ويرزقك بالزوج الصالح يارب ..

الحمد لله مداومه عالدعاء والاستغفار الله يثبتني
ااامين واياك
جزيت خير الجزاء

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

انا في حيرة من امري