عالم الحياة الزوجية - منتدى

][هناادي][ · 01-11-2009, 23:00

السلام عليكم ..

تخيل / تخيلي ..

لا احسن خلينا على تخيلي ^^

نفسج مكاني رحتى لعرس مع وحدة تصير لج ( عيوز ) مع بنتها ..

واكيد دام ان الناس عزموكم عالعرس ( يعني اكيد راح يكون فالعرس ناس يعرفونكم )

وهالمراءة انا اعرف ان فيها طبع وايد محرج تخلي الي معاها ينزل راسة بالارض ..من الشي الي لازم

تسوي بكل عرس تروح لة ...

تدرون شتسوي ..!!

( والله من الفشيلة الي صارت معاي امس احس اني لحين منزلة راسي ومب قادرة اكمل

بكل عرس تروح لة لا زم تاخذ معاها كيس بشنطتها تدرون ليش...!!

عشان تجمع فية من هالشكلاتة والحلويات الي حاطينها وياريتها تاخذ بس الموجود ع طاولتها ..

لااااااااا تروح حق الطاولات الي احذى الباب .. وجدام الناس .. وتقعد تاخذ وتحط بالكيس .. وتقول

عادي .. محد شافني!!

تخيلوا ..

مع ان الله منعم عليها .. عيالها كلهم مخلصين جامعة موظفين ومب قاصرهم شي بس انا ملاحظة عليهم وايد صفة

البخل والطمع الزايد ..

حتى بنتها الي راحت معانا للعرس موظفة معاي وراتبها فوق ال 9 الاف ..!!

وكنت اقول حق هالمراءة ارجوك لا تفشليني الي بتاخذينة من العرس انا بجيبلك مثلة و احسن منة

10 مرات.. واحلف لها ..واشوي وابوس ريولها عشان ماتسوي هالشي ..!!

والمصيبة ان رفيجاتي سلموا عليها ( خلاص عرفوا انها تصير لي )

وللاسف الشديد ان بنتها كانت تشجع امها على هالشي ..!!

ويقولون لي احنا ما علينا من الناس بالطقاااااااااااااق انتي ليش مسوية لهم اهمية

وانا اقولهم الانسان لازم يكون لة عزة نفس شوي.. ويترفع من انة يسوي هالاشياء

مب عشان الناس عشان نفسة ..!!

واقسم لكم ان السالفة هاي صج وصارت جدامي امس :،(

بس انا الي ابي اعرفة هالشي غير على انة يفشل ويقطع الوية ...

عندي سؤال هل يعتبر سرقة او لا ..؟!!

وجزاكم الله خير... والله يبعد عنكم هالاشكال ..

فلشــر · 01-11-2009, 23:07

صراحة منظر مقزز

وأما عن انه يعتبر سرقة يحتاجلك شيخ يعطيك القول الصحيح فيها

الاردن-اولا · 01-11-2009, 23:14

هههههههههههههاي
والله فشله كثثثثثثثثثثير

jojoوبس · 01-11-2009, 23:23

وانتي دامك عارفه طبعها وش لك تروحين معاها

والله لو انا كان تمنيت الارض تبلعني الله يعينك

بس لاتتعودينها وتروحين معاه

سعودية كووول · 01-11-2009, 23:25

مرده للزباله تكرمون ....

خلوا هالعجوز تشبع منه قبل لاتموت ...

وانتي لو رحتي معهم زواج هجي , روحي دوري طاوله بعععععيدة عنها ...

أنا اعرفلك وحدة كذا , إذا نعزمت عند ناس تعرفهم ولاماتعرفهم ...

أغرفوا من الاكل لزوجي مسكين ماتعشى ...
يحطون لزوجها .
حطوا لعيالي مساكين ...
يحطون لعيالها ..
سواقنا برى ماكلى .
يحطون لسواقها ...
شغالتنا تبي حلى اقطعوا لها منه .
يعطون شغالتها ...
حطولي من هذا وهذا وهذا وذاك وإلي هناك ... عجزانه اطبخ بكرة !!!
ويحطون لها ...

مااحبها ولما امي تعزمها ...
تبهذلني وانا اصب القهوة , اصبلها فنجال تزطة مرة وحدة حشى مهب بلعوم ماصورة مايتاثر بالحرارة .
مايمديني اصد إلا مدت فنجالها ..
أقوم دايم اعطيها الدله وارتاح ..
والشاهي كذلك نصلح لها زمزمية خاصة ...

شفاحة هذي تسمى شفاحة طبع متاصل مايروح ...

دوواك عندي · 01-11-2009, 23:35

يسمونه فشيله مو سرقه اختي
بس انتي حاولي تتهربين منها لو طلبت منك الذهاب معها لاي زواج عشان ما تتفشلين من احد .....

مكاويه كول · 01-11-2009, 23:43

ككككككككككككككك

ياعمري عليكي شكلك استحيتي منها

بس تعرفي

سوت في الآوادم خير في انهم ماياخدو ذنب ويرمو النعمه

بالعافيه عليها

violet flower · 01-11-2009, 23:44

والله موضوعك حلو و كلامك صحيح وحتى انا شايفة بالأعراس هيك

خلينا نروح للمثل اللي بقول : الطمع ضر ما نفع

وشكراً عالموضوع

الوسااااام · 01-11-2009, 23:51

بالنسبة للافتاء
ما اقدر افتي سرقة او خلافه

اما فشيلة
فهي فشيلة اذا كان الشخص مقتدر ماديا
واعتقد العجوز ما عليها خلاف
لكن
اعتقد صارت عادة عندها وما تقدر تتركها

اما اذا كانت من البسطاء
فخليها تاخذ
مصيرها للزبالة >>> الله يكرمكم

تحياتي

سلة اوجاعي · 02-11-2009, 00:03

والله ما ادري هو يعتبر سرقة او لا
الاهم انك حاولي ما تروحين معهم
بكذا تتجنبين الفشيلة

دموع كيوبيد ! · 02-11-2009, 00:11

الله لا يفشلنا ..
جد موقف محرج خاصة إذا كان الشخص مقتدر مادياً ..
خلاص لا عاد تروحي معاهم مكان ..

الله يعينك

ضحكتي دمعه · 02-11-2009, 00:33

يووووووه من جد ماتستحي مشفوووحه

اوتار القلوب · 02-11-2009, 00:50

الله المستعان

صدقتي اختي والله انا شفت هالظاهره بعيوني الثنتين في أحد الأعراس ولا حولك احد ..ماخذه جوها وجالسه تلقّط من الصحون وترمي بالكيس والنوس حولها حواليها

الله لايحوجنا لأحد ولايشمّت بناأحد ويغنينا بفضله عن فضل الناس ومنتهم

أنا أشوف أنك تتحاشين تروحين معها وتتحججين بأي حجه عشان سلامة سمعتك ..ترى كبيرات السن ماعليهن من كلام الناس(البعض منهم) يعني تكون على نياتها لكن مايروح فيها إلا بناتهن وموقهن قدام زميلاتهن

مالي سواك يا الله · 02-11-2009, 00:54

صراحه شي يفشل

اهي يايه توجب الدعوه ولا تاخذ الحلويات وتيمعهم

الحمدلله الذي عافانا

هذا واهم عندهم خير عيل شنقول حق الناس الفقراء

мϊŝŞ ŗĴąĦ · 02-11-2009, 01:07

بعض النااااااااس الى الحييين همج قليييلييين ذوووق والله ...

الله يلووم اللي يلووومك بعذرك لو تتتفشلييين ياااشيييخه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

عيب عليها ... والله عيب ..:(