عالم الحياة الزوجية - منتدى

احاسيس سرمديه · 03-11-2009, 09:47

.....السلام عليكم والرحمه......
انا تطلقت من مده اول مااخذت صك الطلاق صح حسيت بخووووووف ودوخه وودي ابكي وقهر عادي كلكم حسيتوا هالشي بس بعدها بيومين تماام الوضع لانه مافيه شي يستاهل الزعل والحمدلله ماقفلت على نفسي ولااانغلقت عن الناس لاوالله طلعت ورحت المناسبات وقابلت الناس وراسي مرفوووووووع وماعلي من احد ...
مشكلتي الكبيره والشي اللي مضايقني ياناس من يوم تطلقت لحد اليوم ابووووووووي...
الحين هو عارف الغلط على مين وشاف بعينه كلش ومقتنع اني مالي ذنب صح كان مني اخطاء بس مو ذيك اللي تسبب الطلاق المهم الله قاااااهرني الحين اذا جلست مع ابوي انكت عليه و اضحكه واعلق علشان اقوله هه انا مبسوطه وهذا الواقع الحمدلله .. ولو اني طفشانه ذاك اليوم من اي شي ماابين لابوي علشان مايفكر انه من طلاقي بس هو الله يهديه حاس بالذنب يومني جيته بعد الملكه وقلتله يبه فلان مايصلحلي ولاحظت فيه كذا وكذا قالي لا عيييييييب عطيت الناس كلمه وراح تقدرين تغيرينه والله بيوفقك ان طعتيني ...هو شايل هالسالفه في باله امس يقول والله يابوك ظلمتك علشان ناسن ماتستاهل لو يوم جيتيني خليتك تتصرفين وانهيت الموضوع من الملكه كان ماصار اللي صار واحيانآ نظرااااااااته لي حزيييينه يحسسني اني ضعيفه وانا والله مااثر فيني شي مااضعف الا لربي ...
وانا قلتله والله والله يبه اني ماني نادمه على اي شي ومرتاااااااحه ومبسوووطه ولازقتلكم الا ان كانك ماتبغاني ذاك شي ثاني بالعكس غيرت جو ورجعتلكم بس ماعندك احد يرجع مثل ماكان وش رايكم وش الحل ابوي قطع قلبي علشاني وانا مرتاااااااااااحه وهو يحسبني امزح واني منهبله ونفسيتي دمااار ماهو راضي يقتنع حتى اني بغيت اكلم دكتور نفسي واخليه يتكلم مع ابوي بس لقيتها صعبه ومالقيت حل للي هو فيه فديته .. اخواني اخواتي الله يجزاكم خير ابغى الراي اللي يفيد ويحل مشكلتي ومشكووورين ...

أبو فيصل · 03-11-2009, 10:09

أختي إحساس بما إن أبوك على ماذكرتي كان حاس بالذنب بسبب إختياره لك لزواجك وإنتي كنتي رافضة

فالأكيد إنه شايل همك الأن ويبحث لك عن السعادة ومهتم فيك أكثر لما تتزوجين وهذا شئ طبيعي جدا

إقنعية إن الي حصل قضاء وقدر والله يعوضني خير وتفرح فيني قريب إن شاءالله

والله يوفقك ويحفظك ويخلي والدك لكِ

تقبلي مروري

قلبي كله حنان · 03-11-2009, 10:18

الله يكتب لكي الخير اينما كنتي

تقبلي مروري

اخوكي

في الله

قلبي كله حنان

احاسيس سرمديه · 03-11-2009, 10:23

اولآ اشكرك على مشورتك اخوي ابو فيصل ..

ثانيآ انا ماكنت رافضه الزواج منه ابوي ماغصبني انا من نفسي وافقت بعد الملكه اتضحتلي امور حسيت زواجي ماراح ينجح وفهمت ابوي ماعطاني وجه وانا ماالومه رجال وعطا كلمه هو عارف انه قضاء وقدر بس يحس بالذنب وهالشي متعبه واضح عليه وانا اللي مبسوطه وشلون اقنعه ماعرفت

احاسيس سرمديه · 03-11-2009, 10:24

شكرآ لك قلبي كله حنان ادع لابوي بعد ...

لـــمَـــــــاح · 03-11-2009, 10:34

احاسيس

هي أمرين أتوقع خلت الوالد الله يحفظه لك .. يكون بهذه النفسيه
أمر طلاقك واحساسه بالذنب زي ماذكرتي وتأنيب الضمير
أنه لم يأخذ كلامك على محمل الجد ولكن هذى نصيب
والثاني تفكيره في مستقبلك وحرصه عليك خصوصاً بعد الطلاق
ويريد أن يراك في بيت زوج يسعدك ويتطمن عليك ..
لإن اي اب حريص جداً على ابنائه لايريد أن تكون
ابنته مطلقه فأحساسه بهذه الشيء قد يفوق إحساس المطلقه نفسها
وأمها وبعضهم يرآها طامه كبرى وذلك لإمور قد تكون ناتجه عن بيئه معينه
او معايشة وآقع معين أن فلانه تطلقت وماعاد تزوجت وكلام الناس او الخ ...
انتي حاولي بطرق غير مباشره توضيح أن الطلاق ليست نهاية الحياه
ولكنهُ تصحيح لوضع خطاء .. وان هناك من المطلقات الكثير اللآتي تطلقن
وعوضهن الله بخيراً من أزواجهم السابقين وهم الآن في سعاده ورآحه
واسئل الله ان يسعد الجميع ويوفقهم للخير

احاسيس سرمديه · 03-11-2009, 10:49

اقتباس:

المشاركة الأصلية كتبت بواسطة لـــمَـــــــاح

احاسيس

هي أمرين أتوقع خلت الوالد الله يحفظه لك .. يكون بهذه النفسيه
أمر طلاقك واحساسه بالذنب زي ماذكرتي وتأنيب الضمير
أنه لم يأخذ كلامك على محمل الجد ولكن هذى نصيب
والثاني تفكيره في مستقبلك وحرصه عليك خصوصاً بعد الطلاق
ويريد أن يراك في بيت زوج يسعدك ويتطمن عليك ..
لإن اي اب حريص جداً على ابنائه لايريد أن تكون
ابنته مطلقه فأحساسه بهذه الشيء قد يفوق إحساس المطلقه نفسها
وأمها وبعضهم يرآها طامه كبرى وذلك لإمور قد تكون ناتجه عن بيئه معينه
او معايشو وآقع معين أن فلانه تطلقت وماعاد تزوجت او الخ ...
انتي حاولي بطرق غير مباشره توضيح أن الطلاق ليست نهاية الحياه
ولكنهُ تصحيح لوضع خطاء .. وان هناك من المطلقات الكثير اللآتي تطلقن
وعوضهن الله بخيراً من أزواجهم السابقين وهم الآن في سعاده ورآحه
واسئل الله ان يسعد الجميع ويوفقهم للخير

صح والله انك صادق احيانآ اذا قلتله يبه تذكر انا كان تفكيري غلط من ناحية كذا وكذا والله بعد تجربتي تغيرت فكرتي ينبسط يقول حلو انك استفدتي ويرتاح بس المشكله مثل ماقلت قبل هو بين فترة وفتره تطري عليه السالفه مثل امس واحنا جالسين من زمان ماطرالي السالفه ايه احسه وده يقولي شي بس ماكلمني وامس بعد ماقالي قلت يوووووووه لسى ابوي يفكر في هالموضوع ..
ايه ياخوي ادري هو يبغى سعادتي هالشي مايضايقني بس لاااا ماابغاه يحس بالذنب ..
صح اذا تكلم في السالفه بكلمه عن غيري اللي تطلقت ونجحت في حياتها بعد طلاقها واولهم جدتي بجرب مع اني عارفه انه ماراح يغير شي بس ياااااااارب
شكرآ شكرآ شكرآ لك يااخي الفاضل دائمآ ماتفيد بما تكتبه ...

هيييما · 03-11-2009, 11:01

الله يسهلك ويسطر عليكى ويعوضك بزوج صالح
ويبارك لكى فى ابيكى ويعوضة بان تتزوجى زوج على خلق ومتدين
وعيشى حياتك طبيعى ولكن لا تغالى فى الخروج والسهرات
وادعو لكى بالزوج الصالح الذى يسعدك ويشيل الحزن والهم من قلب والدك

ايماني سر ثباتي · 03-11-2009, 11:07

الله يخليلك ابوك

صحيح الاباء دائم يتاثرون بطلاق بناته بشك كبير حتي لو مابينو

فتره انشاء الله وتعدي بس حاولي تبقين على نفسيتك قدامه

والله يعوضك خير

ابوالجوهره · 03-11-2009, 11:10

اخني الفاضله

وضحيله وذكريه بمعنى الايه(لو كنت اعلم الغيب لاستكثرت من الخير ومامسني السوء)وهو بيرتاح باذن الله ,,الله يحفظه لك ,,,

الوسااااام · 03-11-2009, 11:14

فهمي ابوك ان الزواج قسمة ونصيب
وقولي له
حتى لو اخترت انا الزوج
يمكن ما اتوفق

في ناس تزوجوا وربي كانوا داشرين وصياعه
وعندما تزوجوا ربي هداهم واستقاموا

وفي ناس
كانوا محترمين وهادين اول ما تزوجوا
تعلموا الصياعه والدشرة

شباب اليوم صعب الحكم عليهم

الله يكون بعون ابوك ويكون بعونك
وربي يعوضك خيرا منه

احاسيس سرمديه · 03-11-2009, 12:50

اقتباس:

المشاركة الأصلية كتبت بواسطة هيييما

الله يسهلك ويسطر عليكى ويعوضك بزوج صالح
ويبارك لكى فى ابيكى ويعوضة بان تتزوجى زوج على خلق ومتدين
وعيشى حياتك طبيعى ولكن لا تغالى فى الخروج والسهرات
وادعو لكى بالزوج الصالح الذى يسعدك ويشيل الحزن والهم من قلب والدك

جزاك الله خير على الدعوه ... لاابد ماغاليت قصدت طلعاتي للعزايم مع اهلي ماعندنا سهرات ..

اقتباس:

المشاركة الأصلية كتبت بواسطة ايماني سر ثباتي

الله يخليلك ابوك
صحيح الاباء دائم يتاثرون بطلاق بناته بشك كبير حتي لو مابينو
فتره انشاء الله وتعدي بس حاولي تبقين على نفسيتك قدامه
والله يعوضك خير

ايه والله وانا اختك وهذا اللي يقهررررررر ابوك اللي دايم تشوفينه قوووي وعمره مااهتز يهتز ويتنكد وبسبتك ايه صادقه الاب يتأثر حتى اكثر من الام يمكن علشانه يطلع ويقابل رجال وتجيه اسأله تعرفين بعض البيئات فيهم لقاااافه ويضايقون بسألتهم ... طيب يالغااااااااااليه لايوصين حريص انا ابد ماابينله شي اذا كنت احس بشي اساسآ ... وعليك يااااااااااااااااارب ماقصرتي نصايحك في بالي ودايمن كلامك ومواضيعك تعجبني ..

اقتباس:

المشاركة الأصلية كتبت بواسطة ابوالجوهره

اخني الفاضله

وضحيله وذكريه بمعنى الايه(لو كنت اعلم الغيب لاستكثرت من الخير ومامسني السوء)وهو بيرتاح باذن الله ,,الله يحفظه لك ,,,

طيب انشالله... الله يسمع منك وتسلم شكرآ لكــــ

اقتباس:

المشاركة الأصلية كتبت بواسطة الوسااااام

فهمي ابوك ان الزواج قسمة ونصيب
وقولي له
حتى لو اخترت انا الزوج
يمكن ما اتوفق

في ناس تزوجوا وربي كانوا داشرين وصياعه
وعندما تزوجوا ربي هداهم واستقاموا

وفي ناس
كانوا محترمين وهادين اول ما تزوجوا
تعلموا الصياعه والدشرة

شباب اليوم صعب الحكم عليهم

الله يكون بعون ابوك ويكون بعونك
وربي يعوضك خيرا منه

ايه والله وانا اختك الله يكون في عونه الابو يكسره هالشي.. راح اخذ بكلامك وبفهمه بمنطقك اذا جا مجال .. الله يعوض عالجميع شكرآ لك

م-سيف · 03-11-2009, 13:02

الله يعينك

اكيد ابوك بيحس بالمسئولية ...

هناك مقوله للوالد اطال الله في عمره ... يقول البنت ابوها يشيل همها من يوم ولادتها ... إلى ان تدفنه او يدفنها !!

فهو مسئول عنك بطبيعته .. كيف عاد وهو حاس انه غلط عليك غلطة عمر ...

راعي نفسيته ... مع انك المجروحه ...

الله يكون بعونك

وفي · 03-11-2009, 13:24

اختي
لا تشيلين هم
فترة وتعدي
الحزن يولد كبير
وينتهي صغير
والله يبعد عنك وعن والدك الحزن

قولي للوالد اطال الله غي عمره
اليس الطلاق شي قد قدره الله وكتبه

وايضاً من الايمان الايمان بالقضاء والقدر خيره وشره

والله يثبت والدك
ويبعدعنه همك

والله يوفقك ويسعدك
ويعوضك بخير منه
انه سميع مجيب

sh00alh · 03-11-2009, 13:31

أختي العزيزة
الله يوفقك ويجمعك بالزوج الصالح قريبا إن شاء الله
أما بالنسبة لموضوع الوالد صدقيني هذا
إحساس كل أب تفشل بنته بالزواج
بس فيه أباء يقدر يخفي هذي المشاعر عن بنته علشان ماتضايق
ومنهم من تغلب عليه هذي الاحاسيس ويبدأبالتفكير بمستقبل ابنته كل ماكانت عنده
وأنا مع الأخ لماح أن اللي خلى ابوك بهذي النفسيه أمرين
تأنيب الضمير والإختيار الغير مناسب
والتفكير بمستقبلك
حاولي إنك تبينين للوالد أن مستقبلك ماينحصر على زواج وأنك تفكرين بأمور أخرى تضفي السعادة على حياتك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ابغى الحل اذا تسمحون