عالم الحياة الزوجية - منتدى

الالم القاتل · 04-11-2009, 00:29

بسم الله الرحمن الرحيم ..
السلام عليكم ورحمة الله وبركاته ..
احبتيـ ..
تعودت ان اقرأ الكثير في هذا القسم لكن لم يصادفني بان اجد احد مثلي ..
الرجاااااء بدون زعل هيا مجرد شيء راسخ وثابت معي منذ عرفت نفسي في الحياه رغم اني الصغرى
ومتوفر لدي جميع ما اطلب دلع دلال رفاهيه إلا اني عدوانيه ع اي ولد اي ذكر بلا استثناء لا علم لماذا ..؟
وانا صغيره كنت احقد ع الرجال والاولاد ما اخلي احد بحاله حتى ااذيه كنت شيطااانه بس استانس لمى اشوفهم
يتأذو مني ..رغم انو مو باين فيني كنت بنت بمعنى الكلمه بالبس والدلع والجمال وكل شي ولا احد يتخيل اني عدوانيه
في مره من المرات كان عمري 9 سنوات كنت كاشخه وعروستي بيدي جاى عند بابا رجال ومعه اولاده طبعا بدت الشياطين براسي
لما دخلت عند بابا قال سلمي على الرجال رحت لعنده وقال هذي الشيطونه قمت وصفقته كف بعدها ضربني بابا كان موقف عالق في بالي
تتوقعو اني تادبت من ضرب بابا بالعكس زادني عناد لدرجه اني اشوف اي رجال بالتلفزيون اضربه وكنت اتضارب مع اخواني الكبار دايم
حتى ان عمي كان يجيب لي انواع الحلاوه يسولف معي يسألني ليه انا كذا ..؟ قلت لعمي حت انا اكرهك وضربته ..
بعدها قال لي روحي ما ينفع معك شي ..
وهكذا كنت ما اخلي احد بحاله إلا واسوي نقره معه ..المهم لحاله هذي مستمره لليوم
واسأل نفسي ليه تتصرفي كذا ..؟ احيانا اضل اسب واشتم الرجال بصفه عامه واتعرض لاحراج من معارفي مثلا باقي البنت معقده ؟ وانقهر من هالكلام
بس والله والله من كل قلبي اكره الرجال ..
هم اساس الهم في المجتمع .واساس القلق والتعب والهم ..الخ
مع اني في اسره مترابطه ومتحابه لكن هذي قناعات رفضت تروح
واتذكر يوم كان عمري 12 كنت اللعب مع صديقاتي وبنات الجيران وكنت لابسه ومتزينه وكان وقت عيد وفجاءه دخل اخو صديقتي وكان اكبر مني بسنه مسك لعبه من العابي
ببراءه وانا اناظر بحقد عليه وقام رماها وراح, اركض وراه واسحب شعره كان شعره طويل واضربه هو دافع عن نفسه لاني ما قصرت صار وجهه كله دم احس اني فرحت كثير يوم بكى
يوم شفت ماما وام الولد متجهين عندي قمت ابكي واقول انو ضربني هو بالفعل ضربني بس انا اعدمت وجهه وقعد يبكي لين نام
حسيت بانتصااار فضيع وفرح جنوني لعبت ورقصت واستانست اي ولد يدخل اقروب البنات كنت اوريه شغله
حتى الرجال لا احد يدلعني او يبتسم بوجهي لاني حتما راح انط بوجهه مثل القطوه
والله والله ان الشعور إلى الحين الكررررررررررره دفين وفضيع احيانا افكر كيف باتزوج
رغم اني حنونه بس ما اقدر اطلع هالحنان لان عندي كبرياء جنوني ما اظهر حبي لاحد ليه ما ادري ..؟؟
طولت عليكم بس اتمنى ما احد يزعل .
بس هذا شعور نفسي اتخلص منه بس ما اقدر ..
واتضايق كثير لما احد يقول لي إذا تزوجتي راح تتغيري اعصب وابكي
نفسي وامنيه وكنت ارددها دايم .. نفسي اجمع الرجال من ع الكره الارضيه واقتلهم ..
امنيه غريبه بس والله ما ادري ليه الحقد هذا
ارجوووكم لا احد يزعل ..هيا مجرد مشكله مو لاقيه لها حل .. احس هالشعور كل ماله ويتطور ..
اعتذر ع الاطاله .
دمتم بود
الالم القاتل

فـــارس الشرقية · 04-11-2009, 00:38

يا اختي لو تعيدين الموضوع بخط اكبر ولون ثاني عشان انا والشياب اللي مثلي نقدر نقرا

امركشي · 04-11-2009, 00:45

تصدقين خوفتيني حتى من الرد : )

الله يطمن لك قلبك وبالك قولي امين

اختي بالنسبة لمشكلتك باعتقااادي
ماهي مقتصرة على قناعات
و سلوك عدواني وبس
بل وصلت لمرحلة اضطراب شديد
وهالشي يمكن علاجه باللجوء
لاخصائية نفسية ممكن تساعدك
باالتخلص من هالشي سواء
بالعلاج المعرفي او بالادوية

وان شالله يفيدونك الاعضاء اكثر مني

تحياتي لك .. اخوك / امركشي

الالم القاتل · 04-11-2009, 00:46

اقتباس:

المشاركة الأصلية كتبت بواسطة فـــارس الشرقية

يا اختي لو تعيدين الموضوع بخط اكبر ولون ثاني عشان انا والشياب اللي مثلي نقدر نقرا

تم تعديل الخط .. تمعن النظر الان
وفقت

اوتار القلوب · 04-11-2009, 00:49

أبسألك أختي

((ماقد حبيتي ))

لأنك لو حبيتي كان عرفتي معنى الرجل في حياة المرأه ولاعمرك كرهتي شئ أسمه رجل

أنا ماأظن أنها عقده أو حالة نفسيه أنما نتيجه نظرة المجتمع للرجل (انه الكل بالكل وأنه القوي واللي لابد أن يطاع ويحترم هذا الشئ ترك بنفسك تساؤلات يمكن مالقيتي إجاباتها مما ولدت في نفسك الحنق والغيظ ليس إلا

تمنياتي لك بالزوج الصالح الللي يغير هالنظريه عندك

بالتوفيق غاليتي

هلا باالجرح · 04-11-2009, 00:50

ههههههههههههههههههههههههههههههههه اذكر حطيت موضوع نفس موضوعج اختي ..

الرجال مايحبون احد يقول اكرة الرجال .. حطيت الموضوع وهاجموني هجوم شرس ..

والله يعينج عليهم ..

روانـ · 04-11-2009, 00:57

الرجال انواع
بعضهم ياملحهم
وبعضهم لاطبعا

بس تذكري ان الرجل هم نصف الحياه
تذكري ابوك اكيد قد حن عليكي وشرالك كل شي
من وين تاكلين ومن وين تشربين
من تعب ووداك المستشفى وسهر تعبتي مو ابوك
وش هالكلام
تعوذي من ابليس ولاتكابرين

يد الرجل حنونه على المرأه عندما تبادله الحنان

موفقه

طائر الفينق · 04-11-2009, 01:06

مامحبه الا بعد عداوووه
اتوقع تنخطبين بعد خمسه اشهر بشاب سمين يحب الاكل واكبر مطنش ومش رومنسي

الرومانسي 111 · 04-11-2009, 01:08

اقتباس:

المشاركة الأصلية كتبت بواسطة : : الامبراطورهـ روانــ : :

الرجال انواع

بعضهم ياملحهم

يسلم بؤؤؤؤؤؤؤؤؤؤك اختي

وبعضهم لاطبعا

بس تذكري ان الرجل هم نصف الحياه
تذكري ابوك اكيد قد حن عليكي وشرالك كل شي
من وين تاكلين ومن وين تشربين
من تعب ووداك المستشفى وسهر تعبتي مو ابوك
وش هالكلام
تعوذي من ابليس ولاتكابرين

يد الرجل حنونه على المرأه عندما تبادله الحنان

موفقه

والله احنا طيبيييييييييييييين بس الناس شفيهم علينا مدري ؟؟؟؟؟؟؟؟

نستاهل يحبونا البنات لاننا منبع الحنااااااااااان <<<<<< ثقة مالها مدى

واكيد مالهم غنى عنـــــــــــــــــــــنا مو ؟؟؟؟

مستعجله عالعرس · 04-11-2009, 01:15

اختي الكريمه تعوذي بالله من الشيطاان ....العني ابلييس ياابنت الحلاال وش هالكلاام!!
اطررررردي وسااوس الشيطان من رااسك وابتعدي عن الاوهاام والله رااح توديك بدااهيه
حااولي تكون نضرتك للحيااه عموما ايجاابيه بعيده اشد البعد عن السلبييه
وانصحك لااتنضرين للحيااه من منظار تشااؤم وحاولي انو مااتكون عندك نضره سودااويه للاشيااء
زي ماافيه الطاالح فيه كمااان الصاالح ومثل ماافيه شر اكييد ماانعدم الخير من الحيااه
وش سبب حقدك على الرجاال حااولي تفتشيين عن الاسبااب اللي خلتك تكرهيينهم هالقد مااتوقع انو كذا تلقاائي او من الله كرهتيييهم اكيييد فيه سبب خلااك تااخذين فكره سئيه عنهم اصاابع يديينك موسواا
ياااختي هذا احسااس غلط فيييك حاولي تصلحيينه مو نحكم على الشي من دوون لاندري حتى لو انك ساامعه قصص مهي زينه عن بعض الرجال وعماايله بس مايكون هالشي سبب انك تعممين عليييهم كلهم وتكرهييينهم
يعني لمن تكرهيينم كلهم ... ماافكرتي بنفسك وشلون بعدين تعيشين او تتزوجين ولاحتى تكونين لك اسره ...ياختي الرجال هم نصف المجتمع هالحيين انقلبت الموازين بدل ماصار الرجال هو اللي يسب ويكره الحرمه صاارت البنت الحين هي اللي تسب ...صدقييين نظرتك خاااطئه ....مو دفااع عن الرجال بس هذا التفكير الصح...المفروض ماايكون تفكيرنا محدود لازم نفكر بعمق وواااقعيه وبعد نظر ...يعني تسالين نفسك ليييييييش انا اكرهم وش الدوافع والاسبااب اللي خلتني مااطييقهم
لااازم تعدليين من تفكيرك وتحااولين تصلحين وتطورين من نفسك شوي كلنا نغلط وعندنا افكاار غلط بغلط بس الانساان الواعي المثقف الصاالح هو اللي يحااول يعدل من اغلااطه وسلوكيااته الخااطئه
اسال الله لك التوفييق و السدااد

البدر الجارح · 04-11-2009, 01:28

ياحظ إللي بيتزوجك

سلايل كحيلان · 04-11-2009, 02:02

واااصلي على نفس الكره ،، لان الظاهر هم الي مايدانونك ! انا شفت كلامك انغثيت اجل اللي مقابلك وش بيسوي !

دموع كيوبيد ! · 04-11-2009, 02:04

الله يعينك ع نفسك .. : )

هلا باالجرح · 04-11-2009, 02:18

متابعهـ

شقراوي وفتخر · 04-11-2009, 03:48

الله من الشطانه بها الراس هههههههههههههههههههههههههههه

بكره يجيك الى يلين راسك خخخخخخ

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اكرررررررره الرجااال ...؟؟