عالم الحياة الزوجية - منتدى

جروح الايام27 · 04-11-2009, 15:56

انا بالنسبه لي مامريت بالحاله هذي
من اولها كان الذئب مكشر عن انيابه ومخالبه
ولكن كان في اعتقادي ان كل شي يمكن ان يتعدل

تحياتي

لـــمـــى · 04-11-2009, 16:15

اقتباس:

حياك أختي الكريمة لمى كان ودي طرحتي رائيك إنتي صاحبة قلم مميز ماشاءالله
أسعدني تواجدك ومتابعتك

ربي يسلمك ابو فيصل
كان نفسي اتفلسف بس مدري وش اقول
للأسف وضعي مختلف تماماً
كان فيه ملكه
بس ماعرفنا من خلالها اي شي مهم عن بعض
اقصد بحيث نقول كنتـ/ـي قبل الزواج كذا و طلعتـ/ـي بعد الزواج كذا
.
.
بالنسبه لغيري كثير يقولون قبل الزواج غير عن بعد الزواج و كل شي يتغير و ينكشف و تطلع العيوب و ممكن مصايب
و انا مقتنعه اقتناع تااام بهالشي لاني اشوف بنات تكون معنا بشكل و نعرف عنها علوم و صفات و ممكن مصايب تخفيها عن خطيبها مهما كانت بساطتها او سوءها
و تكون مع خطيبها بشكل ثاني مخالف تماماً لواقعها
و تعكس للمسكين صورة غير صورتها تماااماً

بس بعد الزواج و مع مرور الايام لابد كل شي ينكشف و تبدأ الشكاوي و المشاكل و كل واحد يرمي اللوم على حظه العاثر و اختياره الغلط و .. و ..
طيب ليش ماكشفتوا اوراقكم من البدايه و تجنبتوا هالحظ العاثر !!
(:
ماعلينا
نفس هالكلام ينطبق على معظم الرجال

احاسيس سرمديه · 04-11-2009, 16:26

مدري والله انا ماصارلي هالموقف ...

بس اكيييد يصير مثل مافيه خير فيه شر ..

طرح موفق ... تحياتي ..

ايماني سر ثباتي · 04-11-2009, 16:59

شف فيه

مقوله عندنا مشهوره

الرجال مايطلعه الا الصياح او النكاح

يعني مايبين الا وقت الشدايد او بعد مايتزوج

وكثير الى يتغيرون بعد الزواج ياالى الاحسن يا الى الاسوا

فيزيائية · 04-11-2009, 17:16

هو ما يتغير هو اصلا يكون سيء ويصنع لنفسه قناع ومع الايام يهترأ القناع ويتلاشى ويظهر على حقيقته ايش الحل ان البنات ما يتزوجو ابدا وحده معقده .........زيتزوجو طبعا يستخيرو الله سبحاننه ويآخدون بالاسباب من سؤال عنه ومحاولة معرفته واختباره وكل شيء قسمة ونصيب

حنين الفؤاد · 04-11-2009, 17:22

مساء الخيرررررر

فعلاً هذا الموضوع حاصل وووارد كثيرا من الرجال ومن النساء على حد سوا

يعني من الممكن ان يصدر من واحد منهما او كلاهما

ولكن لان يستمر هذا طويلاً ... لان حبل الكذب قصير وقصير جداً

وانا عندي 3 مشاهد حدثت معي شخصياً

اولها : انه عندما خطبني من الوالد حلفه اذا كنت اصلي ومحافظه على الصلاه ولا لا لان اهم شي لديه هي الصلاه ... كبر في عين والدي لان الوالد الي مايصلي سبحان الله يكرهه ولا يرد عليه حتى السلام جداً حريص على صلاته وعلى ان كل البيت يصلي
وانا والله مامدحه رايا امام الناس ولكن هذه شهادة حق لوالدي الله يجزاه كل خير يمر على كل الغرف ويصحي الكل وخاصه صلاة الفجر
الواقع بعد الزواج/ انه هو تارك للصلاه مايصلي ابد ابد ابد
ويوم سالت عن صلاته قالو هو على هذا الحال من ثمان سنوات ولا ادري لما 8سنوات ولكن هذا الي وصلني
وعندما سالته اعترف وقال نعم انا لا اصلي
ولكن ايماني افضل من ايمانك والله راضي عني وشوفي الخير الي انا فيه من رضاه علي .... عجبي!
****

ثانيها/ انه جنني بسالفه السفر وانا كنت رافضه له لاني خوافه ومالي خلق انحط في مواقف انا في غنى عنها من خلال كلامه حسيت انه متفتح بزياده يعني ممكن يروح مسارح وغيره وغيره وانا ولا عمري في حياتي طلعت برا السعوديه وعندي قناعه ان ديرتي اولى فيني
لكنه اصر على السفر
واثاريه له مأرب اخرا بعد ماوافقت واخذ التذاكر على حسب كلامه وقالي شوفي كم للحين صرفت عشان السفر وشهر العسل خلاص خلينا نسوي العرس مختصر بس اهليه وانا بعوضك بالسفر واحسن نوفر المصاريف احنى اولى فيها
وكان حاجز قاعه كبيره وبعدين لغى الحجز واخذ قاعه صغيره
وانا بالطبع وافقته عشان امشي الموضوع وابين له اني انسانه متعاونه وماني متشرطه وهو طاح فيني مدح وصلني السماء هذي الزوجه النشميه الكفو الي تراعي زوجها ومن هالخرابيط وانا طرت من الفرح انه راضي عني ومبسوط مني
والواقع بعد الزواج / لليلة السفر كان باقي له يوم ويجي موعد سفرنا جاني وهو مكشر وقالب بوزه شبرين اقولك قلت نعم قال مافي سفر
ناظرته وكل علامة الدهشه في وجهي
محنى مسافرين قال ايوه فيه شي ؟؟<<<يدور هواش!!
قلت له اممممممممممممممم طيب خلاص على راحتك انا من الاساس ماكنت موافقه بس انت الي اصريت ورحت وتركته
بغى ينجلط بغى يموت من القهررررررر
كان يبيني اتهاوش معه واقوله ليه تكذب علي وليه تخدعني وتخليني ارضى بزواج مختصر عشان خاطر هالسفر ومن هالكلام كله
عرفت انه عارف كل الي كنت ابي اقوله
فاليش اتعب نفسي ونفسيتي عشان خاطره وانوله ماراده
فاقطعت عليه باب كبير كان يبي يفتحه علي
شفتو الكذب والخداع
****

ثالثها: الموقف الرهيب جد جد رهيب
يرسل لي رساله وانا جالسه لحالي بين اربع جدران
ويكتب لي فيها كلام كله حب ورمانسيه
سامحيني انا غلطت عليك
انا اسف تعبتك معي من يوم ماخذتك
انا لازم اعوضك
ولازم انسيك كل الي شفيته معي الايام الي راحت
بكره جهزي نفسك راح اوديك وامشيك وانسيك كل الي صاااااااااااااااار

والواقع الي صار / انا طرت من الفرح وقلت ربي استجاب لدعائي ربي هداها يارب لك الحمد
صحيت من بدري رتب بيتي وكان عندي غسيل وغسلته وخلصته وكان له 3 ثياب غسلتها ونشفتها وكويتها جلست ساعتين اكوي فيها ظهري انكسر وانا اكوي وفرحانه طايره من الفرح
رحت اخذت دوش وجهزت شنطتي واراقب الساعه متى ياذن العصر واول ماذن العصر
جاء ودق الجرس وفتحت له الباب واخذ اغراضي وكانت شنطه صغيره وشنطة مكياجي وقالي بس هذي
قلت له بس هذي مو تقول بنتمشى يومين قال ايه قلت طيب خلاص
يوم نزلت السياره لقيت اهله معه اخته وعيالها بغييييييييييييييت انجن انقهرررررررررررت اشلون بنتمشى وهذي معي ؟؟
وليه جات معنا من الاساس ركبت طبعا ورا في المقعد الخلفي وراه وصرت اناظره بالمرايه وهو عيني في عينه وفي عيوني الف سؤال وسؤال وقلت الله يستررررر
طول الطريق وهو ساكت وانا ابكي بدون صوت وهو حاس بي اني ابكي بس وش اقوله قدام هالادميه الي معه ولا اعرف هي وش سالفتها وليه معنا
وقف عند المحطه وقام يسال الكل وش تبي وش تبي
الا انا ماسالني ولا قالي وش تبيني انقهرررررررت مره
لدرجه ان اخته قالت جيب لحنين بعد وش تبين ياحنين قلت مشكوره مابي شي؟؟
ويوم رجع وزع عليهم الخرابيط الي جابها وانا جاب لي سيزر تفاح لانه عارف اني احب السيزر موت واكره التفاح بالذات يبي يرفع ضغطي زياده
وهو شايفني متوتره وزادني على مابي
وصلنا ديرة اهلي واهله لانه قالي بنتمشى فيها وهو يمشي صرت اشوف شوارع اعرفها زين ودايم وباستمرار امر منها وقف قلبي بغيت خلاص اموت صرت ارتجف واقول الله يستر الله يستر خلاص انهرت معد اعرف اتصرف جيت عند اذنه وقلت له وين رايح؟؟
قال لييييييييييييييييييييييييييش بصوت عالي دورو حنين خلاص فترت اطرافي وصرت معرقه
قلت له وانا خايفه خايفه بس ابي اعرف وين رايح
قال بيت اهلك وقلت التمشيه وين؟؟
قال نسيت اقولك انا طلعت معزوم على العشاء وقلت اوديك لاهلك تتسلي معهم لين اتعشى واجي اخذك
جلست ابكي ابكي وقلت في نفسي الله لايسامحك الله يحرق اعصابك زي ماحرقت اعصابي ياويلي وش اقول لاهلي وصرت افكر في ابوي وامي ومعد ادري وين انا رايحه ووين انا جايه
وقف السياره وطلع منها وطلع شنطي قلت ليه تطلع شنطي مو تقول بتتعشى وتجي
قال ايوه بس يمكن تحتاجيها قلت لا ماحتاجها بس لاتتاخر انا انتظرك حاول فيني اخذها وحلفت اني ماخذها وقام رجع ركب سيارته ومشى
وانا لسى بالشارع واقفه حتى ماتطمن علي لين ادخل راح ولا فكر فيني ولا ذكرني والي قهرني انه وداني قدام هالافنديه الي معه اااااااااااااه يالقهر
انتظرته يجي انتظرت طول الليل وجواله مغلق
وقالت لي امي روحي غيري ملابسك موهو جاي
واليوم الثاني جتني رساله منه
((اني انساه واسامحه وان هذي اخر مره اشوفه فيها ))
وفعلا معد شفت ابد ابد كانت اخر مره الله لايسامحه الله لايسامحه حرق قلبي واعصابي ولعب فيني لعب
لييييييييييييش يسوي معي كذا وش سويت له عشان ينتقم كل هالانتقام
ياناااااااااااااااس والله لوني ذابحه ابوه
عاملني ولا معاملة اليهود يالله يالله بسسسس
الحمدلله اني مانهبلت ولا جاني انهيار عصبي

شفتوووووووووو المسكنه شفتووووو الحقاره
شفتو دانة النفس
شفتو التخطيط
حسبي الله ونعم الوكيييييييييييييييييل بسسسسسس

ولا شافو حنين معصبه في ردودها في المواضيع هنا بالقسم
قالو وش فيك انتي ليش علينا كذا من الي شفته
شفت في ايام الي ماشفته طوووووووول عمري
ااااااااااااااه بس

حمدى مؤمن · 04-11-2009, 17:36

اقتباس:

المشاركة الأصلية كتبت بواسطة أبو فيصل

السلام عليكم

أنا متأكد إن اغلب المطلقات مرت عليهم تلك الحالة الي يمكن تكون

بالرجال عموما وهي تمسكن الزوج قبل الزواج والتودد

الى ان يتم الزواج وتتغير النظرة بالزوجة لزوجها

لأنه سابقا واعدها بسفر الى كوالامبور أو لندن أو باريس

أو أو وعبى رأس المسكينة

وبألأخير أنصدمت مو بس بالأماني

أيضا بالصفات كان شخص طيب وأنقلب ذئب

كان رجل محترم وعاقل إنقلب الى إنسان سئ يشرب المسكر

ويستعمل المخدرات وفوق هذا يهين ويضرب الزوجة إلى إن تنتهي

القضية بالإنفصال وبالأخير الضحايا الأطفال طبعا

الله يرحم الحال هل تأيدوني بعض الرجال يتغير بعد الزواج أم لا

وتنصدم فيه الزوجة المسكينة

لذلك على الفتاة المقبلة على الزواج ان تتوقع كل الإحتمالات

ولاتحط إن زوجها ملاك وأن تكون بسيطة بالتخيلات وبحدود

المعقول حتى لاتنصدم بالواقع المر إذا حدث

أسمحو لي كتبتة من واقع ونعيشة

أخوكم أبو فيصل

لاأتفق معك أخى الحبيب فى تمسكن الزوج ولا حتى الزوجة قبل الزواج
ولكن تستطيع ان تصحح المفهوم بمعنى أخر وهو بمعنى التضليل والغش
لآن عدم تكافؤ أحد الطرفين قبل الزواج قد يجعله مضلل للطرف ألاخر بغية اتمام الزواج
وهذا يندرج تحت التضليل الغش
وسيكون الزواج صحيح على الورق بتاع الملكة
لكنه سيكون باطلا عن الله
أقول لحضرتك ليه ؟
- شاب او فتاة أحدهما شكله او جسمه لايتناسب مع الطرف ألاخر !!
- أحدهما لايملك شيئا من حطام الدنيا !!
- احدهما لايتناسب علميا من ألاخر !!
- احدهما ظروفة الاجتماعية هى التى تدفعه للزواج وليس قلبه وعقله !!
- أحدهما يسيطر على فكرة وشخصيته أخرين أقرباء أو أصدقاء !!
- أحدهما يعانى من مرض ولايظهره قبل الزواج !!
- فارق السن كبير جدا بين أحدهما وألآخر !!
أحدهما يطمع فى مال ألآخر !! ويعتبر نفسه مستثمرا ينتظر عروض تجارية مثلا وليس زواج وألفة وحب حقيقى للطرف ألآخر !!
من هنا ستجد حضرتك بعد الزواج أحدهما يبدأ فى أظهار وجهه الحقيقى للآخر - ولا يشترط أن يكون الرجل بل قد تكون المرأة أيضا
ولا أعتبرها مسكنة بل تضليل وغش أعاذنا الله والمسلمين
فكرة الموضوع جميلة جدا - كل الشكر

قحطاااني ماااركه · 04-11-2009, 17:41

حنين
انا مدري اشلون باقي تحبينه عقب هالسوايا

سبحان الله ..!!

المستغنية بالله · 04-11-2009, 20:25

السلام عليكم ورحمة الله وبركاته

الاخ الفاضل ابو فيصل

جزيت خيرا على الطرح... الواقعي...

نعم، اخي اصبت كبد الحقيقة فيما اوردت، قد نجد هذا الخداع من احد الزوجين او من كلاهما... وتتساقط الاقنعة حين لا ينفع الندم... هذا ما يصيب المعظم... قد تخوننا الفراسة.. او قد نلتمس الاعذار حتى لا نكون ممن قد نال منهم الشيطان نصيبا فأوغر صدر احدهما على الآخر.... وتنتهي فصول الحكاية بالانفصال...

اعتقد ان المعرفة الحقيقية للزوجين لا تتأتى الا بعد الزواج.. لا خطبة ولا شي بتبين الشخصية الحقيقية.. لكن لنا اسوة بسلفنا.. بالدعاء لله سبحانه بالرزق بالزوج/ة الصالح/ة واتخاذ الاسباب لذلك بارتضاء صاحب/ة الخلق والدين ومن ثم الاستعانة بالاستشارة والاستخارة وما قدره سبحانه فهو عين الخير.. بزواج سعيد او انهاء زواج تعيس بطلاق يريح النفس

اختك: المستغنية بالله

بنتك يالسعودية · 04-11-2009, 20:52

حنين اقسم بالله كرهتيني بالرجال زود على كرهي لهم
ياناس ارحموني انا معقدة اكرررررررررررررررررررررررررررره الرجال
والموضوع هذا طلع براسي وساوس وشلون يعني قبل الزواج بوجه وبعده بوجه
يانااااااااااس يعني وشلون نعرف الرجال الحقير من الصاحي
اعوذ بالله من شر من به شر
يارب تدبرني وتبعدني عن كل شرير وتقربني من كل طيب ياربي ياحبيبي

محرر · 04-11-2009, 21:27

يا جماعة الخير
و الله الرجل اذا حاول يحسن صورته قبل الزواج فهذا لسبب
انه فعلاً يبي يكون زي ما يقول
يبي يطبق كلامه و يعيش حسب الصورة اللي رسمها للبنت قبل الزواج
و لكن
الدنيا تجيبه لطريق ثاني

طبعاً كلامي هذا اقصد فيه كثير من الرجال
مو كلهم

لوله العسوله · 04-11-2009, 21:55

احنا نقول اتمسكن اللين اتمكن
لو كل وحده وواحد كانوا صريحين من البدايه عبهم الوضع يتمموا ما عجبهم مع السلامه
ولا يخدعوا بعض وبعد الزواج يبان المستخبي

سلة اوجاعي · 04-11-2009, 23:32

وربي خفت من كلامكم ....
حسيت بيطلع فيني الشيب من اللي قراته
انا ويش عرفني انه يضحك علي اذا كان اسلوبه من هالنوعية
وويش دراني بنفس الوقت انه ما يخرط علي وانه صادق بكل شي
من جد وربي تشتت
معقولة الغالبية يلعبون على بعض
وربي على طووول جاني البيت اللي يقول احسب الناس مثلي بطيبي وعلى نفسي ابديهم ....
وبالنهاية طلع مجرد كلام
واتفاجأ بالعكس والله
ياربي رحمتك .....

حنين الفؤاد · 04-11-2009, 23:44

محرر واحد يجي يخطب ويبي زوجته تصلي ويحلف ابوها بعد
وهو تارك للصلاه!!
يعني عارف ان الصلاه مهمه وان الانسان الي مايخاف الله ينخاف منه صح ولا لا
اشلون تنحل هالمعادله يبي زوجته تصلي وهو تارك للصلاه ومعترف بعد
اشلون كان يعني يبي يصلي وبعد الزواج انصدم وجته حاله واصر على تركهااااااااااا

ولا كان يبي يسفرني وشافني ماستاهل وبطل !!!

سبحان الله ,,, كيف تدافعون عن بعض حتى لو تشفون الغلط قدام عينكم بعد تعاندون وماتبون الرجال يطلع غلطان ابد ابد

يوم اهلي زاروني في البيت جاء وقت الصلاه وصلى مع ابوي حتى بدون وضوء

يالله يوم شفته يصلي عاد توهق بيقول مابصلي مستحيل الا صلي وبخشوع بعد وشافني اناظره وعلامات التعجب في وجهي!!
استغفر الله بسسسسسسسسسس

ماعرف قدري تركته · 05-11-2009, 00:39

أوووووووووووف ياحنين إنتي مظلومه بقوووووووووووه حسبك الله ونعم الوكيل الله ياخذ حقك آآآمين

فترة الملكه كلها حلوه ووعود وأحلام ورديه وحوووووووووووب

<<الله لاعاد يبلانا بالحب

بس تزوجت أقوله فاكر ايش كنت تقول بالملكه يقول اييييييييييه كنت أكذب عليك

بالفعل يتمسكنوا لحد مايتمكنووووا والله

والله اعلم ^^

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تمسَكن الزوج قبل الزواج هل هذا صحيح بالفعل وواقع !!