عالم الحياة الزوجية - منتدى

الماسه فضيه · 05-11-2009, 04:52

موضوع رااائع

يعطيك العافيه

فلهــا وربك يحلهــا · 05-11-2009, 05:02

لالالالا ويييييين

وش الردود ذي الي تحبط بالواحد

وين حرااام عليك اذا ما عطيتيه كل ماتملكين هذا زوجك وشريك حياتك يعني اذا ماعطيتيه الحب والود

مين تعطيين ؟؟

وبعدين على قولت القايل << ودي ادري منهو القايل الي ذبحونا عنده خخخخخ

اصاابعك مو سوى

يعني واحد سرق مني شي يعني كل العالم حرااميه وابد اشك بكل الناس واقول لازم الواحد يحذر ويخاف من النااس .!!

لا مو صحيح انتي اخلصي نيتك والله يرزقك على قد نيتك

والله يوفقك

عطره فى كفوفى · 05-11-2009, 05:14

اقتباس:

الإسراف في اظهار المشاعر والحب والود يحول لأمور لايحمد عقباهااا ..
علمتني الحياة الإقتصاد حتى في المشاعر حتى لايأتي يوما أندم فيه على اجهاد قلبي بما لايطيق !!
مشكوره اختي عطر عالموضوع ولي عوده بإذن الله ..

حياك الرحمن اختي العزيزة ماسة

كلامك عين الصواب الاعتدال مطلوب بدون

الوحدة ما تظلم نفسها و لا تظلم زوجها

بس إذا كانت الوحدة من النوع الثاني ما يطاوعها

قلبها إن الافندي يزعل منها و تجلس تاكل بنفسها

و هو مبسوط و لا درى عنها

هذي مثلا تحتاج توعية

كيف تقوي قلبها و تنظر لنفسها و تراعيها زي

ما تراعي زوجها و ما تخلي زوجها الباشا أكبر همها ؟

أنتظر عودتك يالغالية لا تحرمينا

عطره فى كفوفى · 05-11-2009, 05:25

اقتباس:

خير الأمور الوسط

لا احبه حب يعذبني ويجيب لي الهم والحسافه

ولا اكره كره ينهي حياتي معاه

وراح يكون جزء من حياتي وليس كل حياتي عشان لو انتهى ماتنتهي حياتي!

ولا راح اعطيه أكبر من حجمه مسأله يستاهل مايستاهل هذي بعد 10 سنين تجربه طلع كفو احكم عليه

والأهم مثل مايعاملني اعامله وحده بوحده وزياده حبتين

هذا والله أعلم.

هلا غلاي ما عرف قدري و تركته اسأل الله أن يرزقنا وياك الأزواج

الأتقياء الأنقياء مخومي القلوب اللي يعرفون قدرنا زين و يحطونا على روسهم

و نحطهم تيجان على روسنا اللهم آمين

صادقة حبيبتي الاعتدال مطلوب

بس لاجاتك الوحدة مسرعة و مطفية النور بداخلها بركان من الحب

( بمعنى ما شافت خير ) و حساسة ما ودها زوجها يزعل منها بكلمة

و لا زعل قامت الدنيا ما قعدتها لا تاكل و لا تتهنى بنوم لين يرضى كامل الأوصاف

عنها لدرجة تهمل نفسيتها و لا تستمتع بمباهج الحياة

هذي كيف تروض نفسها إنها تصير معتدلة و متوازنة تحب زوجها بدون

ما تتعب نفسها و تهلك عمرها لمجرد إن سي السيد زعل منها

و ننتظر تشريفك يالغلا إذا ما عليك كلافة حبيبتي

عطره فى كفوفى · 05-11-2009, 05:37

اقتباس:

لالالالا ويييييين

وش الردود ذي الي تحبط بالواحد

وين حرااام عليك اذا ما عطيتيه كل ماتملكين هذا زوجك وشريك حياتك يعني اذا ماعطيتيه الحب والود

مين تعطيين ؟؟

وبعدين على قولت القايل << ودي ادري منهو القايل الي ذبحونا عنده خخخخخ

اصاابعك مو سوى

يعني واحد سرق مني شي يعني كل العالم حرااميه وابد اشك بكل الناس واقول لازم الواحد يحذر ويخاف من النااس .!!

لا مو صحيح انتي اخلصي نيتك والله يرزقك على قد نيتك

والله يوفقك

معليش أخواتي و أخواني اسمحوا لي أتجاوز الردود لأجاوب الأخ

اللي جاي مسرع و مطفي النور نوضح له المقصود

صادق أخوي فعلا الوحدة ترسخ مشاعرها كلها و تحصرها في

زوجها أجل في مين ؟

و احنا هنا حاشا لله ما اتهمنا الزوج إنه حرامي أو مخطئ

بالعكس يمكن الزوج ما أخطأ في حقها لكنها حساسة ما تقدر

تهنى بلقمة و لا بنومة و الباشا زعلان

يعني تدمر نفسيتها و صحتها حتى يرضى بينما هو حياته ماشية

عادي

كيف نعلم هذي الزوجة الركادة سواء يستاهل أو ما يستاهل

فيه نساء تفني عمرها عشان سي السيد يرضى و بالنهاية

لا هي اللي أرضته و لا أرضت نفسها

هذي وش تقول فيها ؟

أشكرك على تشريفك أخوي

عطره فى كفوفى · 05-11-2009, 05:57

حتى مو شرط في حالة كونه يزعل

فيه حريم كذا من ربي زوجها هو محور حياتها لدرجة أحيان

يكون أهم من عيالها

حتى هذي مصدر قلق لنفسها قبل زوجها

تضحي بنفسها و ترهق عمرها و تحس إنها ضايعة لو سافر كم

يوم عنها

تحس إن سعادتها و بهجتها مربوطة فيه بحيث لا قدر الله لو

أراد الله انفصال ممكن تعتزل الحياة كلها و لا تفكر تتزوج بعده

هذي نقولها يا بنت الأجواد ارفقي بنفسك

طيب كيف ؟

وش الخطوات اللي لابد الزوجة تتبعها من بداية حياتها الزوجية ؟

أسعد مطلقه · 05-11-2009, 06:00

يـــــــشرفني الرد على الموووضوع .........

السؤال /هنا كيف تسطيع الزوجة ضبط فيضان مشاعرها الجارف و التحكم في إظهار تلك

المشاعر التي قد تتحول في يوم ما إلى بركان من الكراهية يذيب في طريقه كل معنى

جميل ، فتصبح الحياة لا تطاق ، و حينها لا بد من الطلاق ؟

طبعـا حنا مانعمم على كل الـرجـال أصابع اليـــد مهن سواء بس راح أتكلم عن وااااقع عشته وإن شاء ماتعيشه أي عفيفه بعدي....

المهم أنا مــــــــاحبيت زوووجي بس كنت أكن له كل إحترااام وماأقووول أني ماحاولت أحب حاااولت بس ماقدرت..... طبعا بأسباب عقليته الي ماتتوافق مع عقليتي أبدا........

طبعا نصيحتي لكل أنثى أنها في البداايه ماتظهر مشاعرها الفياااااضه الين تدرس الرجال زين ........

وتــــــــــحترم الرجااال وتحطه بعيوووونه إذا كان يستاااهل.....

وأنا والله ماكرهته ومـــاأقدر أكره أحد وشلووون وااحد عشت معه أيام فيها ماهو حلو وفيها ماهو مر علقم >>>>>>>>>>>>>>>>الله لايوريكم خخخخخخخ

فلهــا وربك يحلهــا · 05-11-2009, 06:01

اقتباس:

المشاركة الأصلية كتبت بواسطة عطره فى كفوفى

فيه نساء تفني عمرها عشان سي السيد يرضى و بالنهاية

لا هي اللي أرضته و لا أرضت نفسها

هذي وش تقول فيها ؟

أشكرك على تشريفك أخوي

ارضت الله سبحانه وتعالى وارضت ضميرها انها سوت الي عليها

اما مسئلت اطنشه عشان مايهتم فيني هذي انا اختلف معها

هذا زوج مو خوي بكرا راح نفترق واحصل الف واحد بداله
والعكس صحيح الزوج يطنش مرته عشان ماتهتم فيه هذا بعد غلط

حتى الواحده بعد الطلاق تحترم نفسها من داخلها اذا تذكر انها عاشرته بالخير وقابلها زوجها بالسيئه

بعيد عن القهر والتحسف

تحس ان الي سوته صح والله راح يعوضها

تبقى وجهة نظر

سواء مطفي النور ولا كاااابس العاالي

وشكرا

عطره فى كفوفى · 05-11-2009, 06:20

اقتباس:

ارضت الله سبحانه وتعالى وارضت ضميرها انها سوت الي عليها

اقتباس:

أكيد الوحدة تبتغي مرضاة ربها بالاحتساب في

طاعة زوجها

اما مسئلت اطنشه عشان مايهتم فيني هذي انا اختلف معها

هذا زوج مو خوي بكرا راح نفترق واحصل الف واحد بداله
والعكس صحيح الزوج يطنش مرته عشان ماتهتم فيه هذا بعد غلط

لا أخوي ما قلنا تتطنيش أصلا ما أحد جاب للتطنيش طاري

أصلا هي بطبيعتها الحساسة تتطنش الدنيا و لا تطنشه ، أصلا مو

بكيفها ، هي كذا ، خلقتها كذا

لدرجة فيه وحدة قالت لي : زوجي صار يقول خلاص لا تحبيني

حبك قيدني و عذبك ( تخيل ؟ )

و وحدة تقول أوقات نكون أنا و زوجي في مطعم نتعشى و شوي

و حنا في عز الرومنسية أصيح و أملى الصحون دموع

يقوم زوجها يزعل و يقول : الحين وقت دموع ؟

ترد : آسفة حبيبي بس في لحظة تخيلت إننا تفارقنا و ما قدرت

أمسك نفسي ؟

هذا تلقاه مو بس ما يبيها تحبه ، تلقاه تحسف على اللحظة اللي

فكر فيها و وداها مطعم

الحين هذا وقت نكد ؟

هذي الحين نكدت على نفسها و زوجها

حتى الواحده بعد الطلاق تحترم نفسها من داخلها اذا تذكر انها عاشرته بالخير وقابلها زوجها بالسيئه

بعيد عن القهر والتحسف

تحس ان الي سوته صح والله راح يعوضها

ربي ما يجيب حسافة و اللي عند الله مايضيع

تبقى وجهة نظر

سواء مطفي النور ولا كاااابس العاالي

وشكرا

أتمنى وصلت الفكرة

و كل واحد يصلح سيارته

: )

عطره فى كفوفى · 05-11-2009, 06:42

اقتباس:

ياسلام ع مواضيعك عطوورتي الي تفتح النفس

راح اكون صريحه انا احب اعامل مثل ما اتعامل مثلا الاول المخلووع <<< تعجبني هذي الكلمه

كان عليه اسلووب مادري وش يبي من الحياة من كل شي انا سرت اطنشه واالا كأنه موجوود بالحياة الى ماخلعته

انا الي استفدته من تجربتي ان فيه ناس اجناس كنت احكم عليهم بنيتي وماكنت ادري ان فيه لهذي الدرجه

واذا ربي كتب واتزوجت مره ثانيه راح اكون اقوى شوي ولا اضعف تخيلي عطووره اتذكر مره اعطاني كف ع قوولته بالمزحه وربي كان وقتها مادري مو صاحي او فيه شي بعد ما استخدم هالاوراق والبخور بسم الله سار يمشي مشية العسكر تعرفينها اكيد شوي قرب مني واعطاني هذاك الكف وراح يكمل مشيته العسكريه طبعا انا ماسويت شي طالعته وابتسمت مع بكيه كيف تجي ما ادري وربي بكيت وانا ابتسم

عمرك شفتي احد يبكي وهو يضحك ابكي من تفاجئي فيه واضحك ما ابيه يشووفني ابكي لاكني مكشوووفه يوضح علي

باس تدرين الكف الي جاني انرد له باقوى من كذا يستاهل هالرخمه الي مادري وش يطلع

اسير اقووى من كذا يجيني زوجي يعطيني كف ارد الكف في وقته <<< اذا عصبت ماترحم

وبعد ما استعجل ابدا ولازم اكون انا اول شي مقتنعه فيه يعني بيكون رأي اهلي بعد رأيي ولا راح استعجل او احزن ع احد لاني في ذمتي نوونتي الي انا مسؤووله عنه

وربي يكتب لنا الخير عطووره ويرزقنا الرجال الي يستاهلوونا ونستاهلهم

تسلمين ياقلبي ترا كثرت عليك بالرد باس حبيت اطلع شوووي من قلبي

حيا الله وخيتي الغالية أتعبهم غلاي بالفعل أتعبنا

ربي يسعدك و يعوضنا جميعا بالخير

و الله مواضيعي ما تفتح النفس أكثر من طلتك يالغالية ربي ما

يحرمني منها

ربي يعوض صبرنا خير و يحفظ لك كتكوتك و تشوفينه بيوم

إمام للحرم اللهم آمين

صادقة حبيبتي عامل الناس بمثل ما تحب ان يعاملوك به

و كلنا أخذنا درس قاسي ماننساه من تجاربنا السابقة

لكن اسأل الله الكريم إنه يعوضنا بالأزواج الأتقياء الأنقياء جميعا

اللهم آمين

>>>> مو كنها مزودتها كل شوي دعوة

يابنت الركادة زينة

عطره فى كفوفى · 05-11-2009, 06:49

اقتباس:

موضوع جميل

ربي يسعدك

مرورك الأجمل أخوي طارق

ويسعدك يارب

عطره فى كفوفى · 05-11-2009, 06:52

اقتباس:

<----تنتظر عشان تتعلم : (

حياك أختي الغالية جومااانة

اسدحي ما عندك خلينا نتبادل الخبرات و كلنا نستفيد

أسعدني مرورك

عطره فى كفوفى · 05-11-2009, 06:55

اقتباس:

متابعه للفائده

يعطيك الف عافيه

حياك الغالية إنسانة

الله يعافيك يارب

كان ودنا تشاركينا يا قمر

ماعرف قدري تركته · 05-11-2009, 07:08

اقتباس:

المشاركة الأصلية كتبت بواسطة عطره فى كفوفى

هلا غلاي ما عرف قدري و تركته اسأل الله أن يرزقنا وياك الأزواج

الأتقياء الأنقياء مخومي القلوب اللي يعرفون قدرنا زين و يحطونا على روسهم

و نحطهم تيجان على روسنا اللهم آمين

صادقة حبيبتي الاعتدال مطلوب

بس لاجاتك الوحدة مسرعة و مطفية النور بداخلها بركان من الحب

( بمعنى ما شافت خير ) و حساسة ما ودها زوجها يزعل منها بكلمة

و لا زعل قامت الدنيا ما قعدتها لا تاكل و لا تتهنى بنوم لين يرضى كامل الأوصاف

عنها لدرجة تهمل نفسيتها و لا تستمتع بمباهج الحياة

هذي كيف تروض نفسها إنها تصير معتدلة و متوازنة تحب زوجها بدون

ما تتعب نفسها و تهلك عمرها لمجرد إن سي السيد زعل منها

و ننتظر تشريفك يالغلا إذا ما عليك كلافة حبيبتي

والله حسب سي السيد اللي عندك
يعني لو طبعه حقود ومايسامح الا بعد كم يوم هذا مررره ماينفع معه الاعتذار وتذلي نفسك
قولي اسفه مره وحده وطنشييييييه يرجع من حاله

ولو سي السيد قلبه طيب ويسامح مابيخليك تقطعي نفسك وتهينيها عشان رضااه
من كم كلمه وكم ساعه بتعدي بينسى اصلآ

مافي كلفه قلبووو

عطره فى كفوفى · 05-11-2009, 07:27

اقتباس:

طلبتي رأيي من واقع تجربتي
مع اني افضل تخوضي تجربتك بدون اي شوائب

انا اعطيت بحب وبدون ما افكر في المقابل
والشهاده لله كان اكثر من زوج. كان رررررررررائع
عشت 22 عام بحب اكيد في منغصات بس هذي بهارات تحلي الحياه الزوجيه
بس خلال شهر اتغير 180 درجه طبعا كان تغيره تدريجي لحد ما وصل لطلب الانفصال
وبعد الانفصال وجدت رجل اخر سبحان الله ولا كأني اعرفه
يعني مو شرط المعامله
احياناا العوامل الخارجيه لها تأثير قوي
وشياطين الانس اقوى من شياطين الجن
عزيزتي حواء
اعطي بحب
وربك يعطيكي على قد نيتك
لاتنظري لتجارب الغير
ركزي في حياتك
اتمنالك السعاده انتي وبنات المسلمين

الله يجزاك كل الخير أختنا الفاضلة لولة و ربي يعوضك خير و يقر عيونك بأولادك

أسعدتني مداخلتك و ربي يسعدك في حياتك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

سؤال لأخواتي المنطلقات ...؟