عالم الحياة الزوجية - منتدى

أسعد مطلقه · 05-11-2009, 07:43

السلام عليكم ورحمة الله وبركــاته /
طبعا انا مادخلت المنتدى الا عشان افيدكم من خبرتي برجل من فئة(غريبو الأطوااار)
تزوجت العام الماضي من رجل في أول الثلاين شهد له قريبنا بالخير والصلاة وحسن الخلق.....
طبعاا ماراح أمدح نفسي بس ولله الحمد الكل يشهد لي بالكمال (والكامل وجه رب العالميين)
تــــم الزوااج ولم أضع بالحسباان لاوضعه المادي ولاالتعليمي الذي كان (متوسط بالدف على قولته) مع أني ولله الحمد جامعيه.....
أهم صفه لاحظتها بالبدااايه أن زوووجي (عـــــليــمي) أي جاهل بأتفه أموووور الحيــــــاة .....
بعدهـــا طلع المستووور طبعا أكتشفت أنه على علاقه مع وحده وحنا ماكملنا 10 أيام كااان يكلمها.....
طبعااا بكيت وزعلت وبعد ماحلف لي انه ماراح يكلمه وانها متبليته رضيت ونسيت.......
نرجع لصفاااته الي هن السبب الرئيسي لطلبي الطلاق منه/
الجهل....... وربي أنه بلوى تخيلووو مااقدر اتواااصل معه لازم انزل من مستوى عقلي عشااان يفهمني المصطلحات اي مصطلح حديث مايعرفه كلمة مصطلح مايعرفها مره قلت له سؤااال غبي شوووي بس ميخالف أبعطي أمثله عشاااان تفهمووون وش قصدي... سألته: وش أكثر شي يغريك بالمرأه قال/يعني وشووو يغريني؟؟؟ مره سألته كم عمرك: قال 28 وهو عمره 32 قالي آخر شي ماأعرف أحسب عمري؟؟
أرقاام أنجليزيه مايعرف أسمه مكتوووب بالانجليزي مايعرف يقرااااااااه
قلت له مرره :قلي ترتيب أخوااانك قال: والله ماأدري أمي ماقالت لي؟؟

تعب×تعب بالتوااااصل معه مايعرف وش يرضيني ووش يزعلني مايعرف يتكلم زي الرجااال مايغااار يقول لي عااادي طلعي عيووونك ؟؟ والبسي عباة ضيقه ياناس أنا متعوووده على الستر وأخواااني ناااس يغارون علينا ويحترمون المراءه هو وحنا بوسط الشاااارع يدعيني بأطووول صوته ؟؟؟ عيااال اخواااني الصغار اعمارهم على 14سنه يقولون وش فيه كذاا ؟؟

كم مره يناديني بأسم البنت الي يكلمه وبوووضع حساس بعد يوم قااال أسمه أول مره زعلت وقعدت شهر عند أهلي وآخر شي رجعوووني أخوواني مني أنا أستخرت وقلت أبرجع والا أخواااني يقووولون أقعدي وربي مايستاهلك.....

أنا ماأقووول حسربي أو أهانن بس أنا تعبت مافيه توااافق أبد بيننا داااايم يقولي كلام حلو على قووولته بس ما أحس بطعمه لأنه مو من قلبه طااالع مثلا يقولي باليوووم عشر مرااات أحبك ووجهه مافيه مشاااعر حب أو غزل أو رغبه عااادي كأنه حافظ كلام وجاي يقوووله يرسل لي رسااايل اذا أبعدت بس مستحيل تآآخذيين منه المضمووون يعني مثلا (أحبك ياحياااتي وعمري وقلبي وعيوني والدنيا كله والعمر والحب والحياة ...و....و......و...أنتي لي وأنا لك أنا لك وأنتي لي) توصل 6 رسايل بتكرار نفس الكلمات ويوميا نفس الأسلوب فهمتوا علي هذااا أسلوووبه

وربي ماأضحك عليه بس أستغرب أخبر الي يحب يقول الكلمه بوقته ويعطيه تعبير......
مافي رجوله لا جسديه ولا معنويه ......نعوووم بزياااده وانا اكره هالنوعيه من الرجااال تصدقووون مره لمسته بدلع قال لي آآآآآآآي يوجع ؟؟>>>>>>>>>>والله اني نعووومه لاحد يفهم اني عربجيه
وضعيف جنسيا.....يتركني بأول شهر وأناعروووس 20 يوم بدوون مايلمسني
وغير توجيه أهله له ونومه الي يقعد يومين مايقوووم تعبت ياناس وربي يعوضني

كل هذا وبلعته ووالله اني عاملته احسن معامله وأكرمته وسترت عليه وحبيييت أهله وأكرمتهم بكل شي والله يشهد علي أني ماقصرت معهم ولا معه بشي....
ولو تصيير بيننا مشكله صغييره كلن درى وأنفضحنا عند الله وخلقه منه طبعا يكبره لمن تآآصل لأهله وأخوااانه ويتدخلووون وهذي حياااتي....
آخر شهرين قبل طلاقي بدأ مشوااار مع السفراات بحجة الدوااام وأنتداااب وطلع كله كذب وين يروووح الله أعلم؟؟
ولو أروووح لأهلي شوووي قال ليش ماتنااامين عندهم يبي الفكه مني بأي طريقه؟؟
ودايـــــــــم يخليني عند أهلي وإذا قلت تعال يقول خلي أخواانك يجيبونك أنا ماأبي أجيبك وأدخل أخوه بالموضوع ويقتنع ويجي يآخذني...

لمن جاء اليوووم الأسود كان هو مسافر وجاء من سفرته (طبعا طول ماهو مسااافر مايدق ولا أدري عنه أنا احيانا أدق)ولاقاالي وكنا بنفس اليوووم معزومين على زواااج وانا كاااشخه ع الآخر ولقيت أهله بالزواج قالو لي أنه وصل وأنصدمت لأنه ماقال لي المهم رجعت مع أهلي للبيت ودقييت عليه قااال ماأبي أجي بدووون أي سبب يذكر وتركن وبعد يومين طلبت الطلاااق الي كنت أتمناااه من زمان وقال ترجع لنا فلوسنا ورجعنا لهم والحمد لله وهذااا أنا اليوووم أسعد مطلقه وأتمنى أن كل المطلقااات يسعدن بحياااتهن ........وربي يعوضنااا

عطره فى كفوفى · 05-11-2009, 07:52

يا اختي وش حكاية الرخوم ؟

الظاهر إن هذا زمنهم إلا ما رحم ربي

و الله ما أنلام يوم صارت عندي ردة فعل عكسية و صرت أتمنى

زي اللي بتوقيعي واحد نشمي

يمكن حتى أروح أصيد معه

وما عجبي ان النساء ترجَلت ----- ولكن تأنيث الرجال عجيبُ

و الله مرات أحس إننا أرجل من بعضهم

عموما الحمد الله يا قلبي على كل حال

و ربي يعوضنا جميعا من خير الدنيا و الآخرة

طارق55 · 05-11-2009, 07:53

ربي يعوضك ياااختي

ويفرج همك

جومانه1111 · 05-11-2009, 07:56

الله يعوضك بخير..ويارب تكوني اسعد منطلقه..بس تدرين اول ماسجلت بالمنتدى كنت حاطة نفس الصورة الرمزيه....ياااارب علم قلبي الصبر : )

سكون القلب · 05-11-2009, 08:02

ربـي يعـوضك خير......التـوافق والأنسجام أمر مهم جدا في الحياة الزوجيه........
وتقارب المستوى التعلمي مطلب ضروري...لكـن ليس أساسي....أنظري لأجدادنا أمين لكن عقولهم توزن بـلد..
لكــــن في هذا الزمن لابد للفتاة أن لا ترضى الا بالمتعلم المثقف.......
وأكبر الغبن أن تكون هي على مستوى تعلمي عالي وهو حتى أسمه بالعافيه يكتبه....
دمتٍ بخير..
أختك::سكووووون

دلع شايب · 05-11-2009, 08:04

أختي الفاضلة
أسال الله لكي أن يرزقك الزوج الصالح
الذي تقر به عينك

آهات السنين · 05-11-2009, 08:05

انا بفهم ليش الواحد يتزوج طالما مو قد المسؤليه وحب بحياته سابقا
اجل ليش تزوج بنت ناااااااااس اذ مو تارك خرابيطه ؟!!

حسبي الله ونعم الووووووكيل
الله يعوضك عزيزتي يارب

أسعد مطلقه · 05-11-2009, 08:14

اقتباس:

المشاركة الأصلية كتبت بواسطة عطره فى كفوفى

يا اختي وش حكاية الرخوم ؟

الظاهر إن هذا زمنهم إلا ما رحم ربي

و الله ما أنلام يوم صارت عندي ردة فعل عكسية و صرت أتمنى

زي اللي بتوقيعي واحد نشمي

يمكن حتى أروح أصيد معه

وما عجبي ان النساء ترجَلت ----- ولكن تأنيث الرجال عجيبُ

و الله مرات أحس إننا أرجل من بعضهم

عموما الحمد الله يا قلبي على كل حال

و ربي يعوضنا جميعا من خير الدنيا و الآخرة

تسلمين أختي وربي لايبلانا برخوووم ثانيه >>>هذا الي خايفه منه

وشكلي أبي أدووور نفس توقيعك>>>ههههه

أسعد مطلقه · 05-11-2009, 08:15

اقتباس:

المشاركة الأصلية كتبت بواسطة طارق55

ربي يعوضك ياااختي

ويفرج همك

آآآمين أخوووي وياااك شرفني مرورك

أسعد مطلقه · 05-11-2009, 08:17

اقتباس:

المشاركة الأصلية كتبت بواسطة جومانه1111

الله يعوضك بخير..ويارب تكوني اسعد منطلقه..بس تدرين اول ماسجلت بالمنتدى كنت حاطة نفس الصورة الرمزيه....ياااارب علم قلبي الصبر : )

آمين وياك يالغاليه وربي يعلم قلوبنا الصبر

أسعد مطلقه · 05-11-2009, 08:18

اقتباس:

المشاركة الأصلية كتبت بواسطة سكون القلب

ربـي يعـوضك خير......التـوافق والأنسجام أمر مهم جدا في الحياة الزوجيه........
وتقارب المستوى التعلمي مطلب ضروري...لكـن ليس أساسي....أنظري لأجدادنا أمين لكن عقولهم توزن بـلد..
لكــــن في هذا الزمن لابد للفتاة أن لا ترضى الا بالمتعلم المثقف.......
وأكبر الغبن أن تكون هي على مستوى تعلمي عالي وهو حتى أسمه بالعافيه يكتبه....
دمتٍ بخير..
أختك::سكووووون

وربي درر تسلميين ع مرورك الروعه وكلامك الرائع

أسعد مطلقه · 05-11-2009, 08:20

اقتباس:

المشاركة الأصلية كتبت بواسطة دلع شايب

أختي الفاضلة
أسال الله لكي أن يرزقك الزوج الصالح
الذي تقر به عينك

تسلم أخوووي وآمين ربي يعوضني ويقر عيني ...

جزاك الله ألف خييير وحلو (النك نيم تبعك)

أسعد مطلقه · 05-11-2009, 08:22

اقتباس:

المشاركة الأصلية كتبت بواسطة آهات السنين

انا بفهم ليش الواحد يتزوج طالما مو قد المسؤليه وحب بحياته سابقا
اجل ليش تزوج بنت ناااااااااس اذ مو تارك خرابيطه ؟!!

حسبي الله ونعم الووووووكيل
الله يعوضك عزيزتي يارب

حسبي الله على كل من يحسب بناات النااس لعبه بيدينه ربي يعوضنا

وشرفني مرورك وردك يالغاااليه

فاتومي · 05-11-2009, 08:22

انا مو رايي تسويلا بلوك ودليت

والله يعوضج خير

7kem · 05-11-2009, 08:23

وربي اني ميت ضحك ... هههههههههههههههههههههه

لكن فيه كلمة بقولها

(((مبروك عليك الطلاق))))

الله يعوضك بزوج على مزااااجك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

معاناتي مع زوجي سابقا....