عالم الحياة الزوجية - منتدى

أرجوانة الشوق · 05-11-2009, 12:29

السلام عليكم

يسعد صباحكم ///ومسائكم بالخيرات

هذا أول طرح لي فأتمنى أكون ممن يفيد اخوته بالخير

انقل لكم تجربتي ....للاستفاده واتمنى تنقلونها لمن تتمنون الخير لهم

بدايه:

انا فتاة عشت في بيت متواضع ولله الحمد وعادته مثل زمان اول

احنا يالبنات مانتجرى نتحاور مع امي وابوي لاي شي حتى لو شي يخص الزواج

كلمتهم تمشي علينا المهم جاء وقت وانخطبت بعد تخرجي من الثانويه وسأل الوالد الله يحفظه

على زوجي ولقاه كويس واهم شي يكون محافظ على دينه ومايدخن تم الزواج وكان بسيط

يعني عشاء عائلي لان هذا شرط الوالده انه يكون مختصر

لاحد يسألني وش كان شعوري ذاك اليوم دخت اكثر من مره من الربكه ولادري وشلون بتعامل

معاه وكنت استحي اسئل خواتي الكبار او حتى امي

انا مثل اي بنت بهالكون ماني عارفه وش الزواج الي اعرفه اني مسؤاله عن بيت وزوج
المهم سويت مثل ماكنت امي تقول والتنبيهات الي تحرص عليها انتبهي لراحته لاتقلقين نومته
لاتطلبين منه وهو مرهق حافظي على نظافة بيتك ونظافتك خلي بيتك جزء ثاني بعالمه

كنت ارددها وانفذها لدرجه صرت اعامله كنه طفل صغير ادلعه والبسه واكله كل الي يخطر بالكم سويته
بدايه كان فرحان بس بعد زواجي منه بست شهور تغير صار يسهر كثير ويتاخر عن البيت وانا لما اراجع حسباتي اقول والله ماسويت شي الحمد الله قايمه فيه وبيتي ومشاكلنا صارت على سهراته مع ربعه

والله اروح للكليه وارد بدون هدف شاغل بالي ليه ياربي يسوي كذا ولاسألته يقول انتي حساسه ومن هالكلام ولدرجه نحفت من هالمشاكل وكان يغلط ويزعل وانا اعتذر ولايرتاح الين ماقول حقك علي وانا اسفه واي كلمه يقولها لازم اقول سمع وطاعه يعني يكابر حتى وهو غلاطان.. الين ماعرفت سر مشاكلنا بعد سنه يوم قريت برساله من جواله( هاي حبيبي اكلمك الليله لاني ولهانه عليك) اكتشفت انه له علاقه طبعا انا ماوجهته بس قريت الرساله الي منها وانهرت وحتى كنه حس بهالشي وكل مره يطول برا انا اشوف جواله والمكالمات الي معها اكثر من جلسته معاي المهم مره خطر بالي اكلم اختي لاني مت خلاص وقلت لها السالفه

انا تعبت من اشكي لامي عارفه بتحطني الغلاطانه ولابيه يطيح من عين اهلي او اهله
من سهراته الي حتى ماكملنا الا سنه ومكالمته مع هذيك البنت وكنت وانا جالسه جنبها من شدة البكاء طحت بحضنها ابكي مثل الطفله وكانت تمسح على راسي وتهديني قالت انتي اقوى من كذا قلت كيف اقوى من كذا كل كلمه يقولها لي يقولها ويسهر معاه بالساعات وانا باخل علي الدقيقه وقمت ادعي عليها لان شكلها كانت تحرضه علي ودايم شارد ذهنه
قالت انتي بحرب ياتكسبين زوجك او تخسرينه للابد
قلت طيب شسوي قالت بيدك الحل ...........

صارت في راسي مليون تعجب قالت اجلسي مع نفسك وراح تعرفين...! قلت كيف ؟\

اقولك انتي صرتي ام ثانيه له نسيتي ان هو يبيك زوجه مو ام انا هنا قلت كيف يعني شسوي

قالت لاتسألينه عن طلعته ودخلته كنك محقق ولاتجلسين تقلقينه بتصالك وهو مع ربعه الا لضروره

مو كل ماتشوفينه تطاردينه خليه هو يدورك ليش انتي تدورين عليه خليه يفقدك خليه هو يناديك بجلساته ولاتكثرين عليه السؤال عشان مايميلك خليه هو يجي ويقولك لاتطمسين شخصيتك عشان

ترضينه وتسقطين حقوقك ولاتجلسين تدورين وراه لان حس فيك يمكن ينتظرك تقولينها عشان يهد الجبل عليك ولاشفتيه يكلمه صدي اشغلي عمرك تغيبي عليه خلك غبي بهالامور عشان تقدرين تدخلين ادق التفاصيل بحايته من طلعت من بيت اختي حطيت بالي اني بسوي كل كلمه قالتها

فعلا يوم رد لقاني جالسه بصاله اذاكر هو مستغرب العاده اقوله اخيرا جيت لا كان كملت سهرتك هالمره ساكته وجالسه اذاكر بالاصح اشغل عمري بالمذاكره جلس جنبي قال عساك عالقوه والله يوفقك

ناظرته ومدري كيف ناظرته نعست بعيوني عليه وانا اتفحص بعيونه قلت الله يعافيك قلت تبي احطلك عشاء
صد عني شوي قال لا مابي اتعبك واصلا مو مشتهي

بروح ارتاح ناظرته وصديت وانا عيوني معلقه على الكتاب نوم العوافي

انا على طول حسيته انجن مو عادتي العاده اتجادل معاه الحقه للغرفه ابدا مالحقته خلصت مذاكره

وتسحبت بغرفتي وكنت متاكده ماحس بي ونمت جنبه حسيت انه مانام بس انا نمت او بالاصح نومت عمري غصب

انا متاكده يدور باله وش غيرها وحسيت انه تسحب من فراشه وطلع برا الغرفه وانا متاكد طلع يكلمه لان ينتظر هالفرصه اني انام وسمعته وهو يكلمها ويغني لها ولا يحرصها على مقابلة بكره وعرفت متى بيقابلهاويشاورها وش الهديه الي تبينها انا خلاص شوي وانفجر رجعت لفراشي وانا المخده تبللت من دموعي وشوي ولا حسيت بدخلته بالغرفه ورجع ينام هو ينام وانا عيني تنحرم من النوم

طلع الصباح صحيته وتلبست للكليه وسويت الفطور وانا بطريق بس عيونه علي انا شوي وانهار احبه ماتحمل اشوف عيونه علي وعلى طول يخطر بالي خيانته شلت عيني منه وحطيت عيني بكتابي كنت اشغل عمري بكتابي كنت اقول لاتضعفين احس بفمه كلام وده يقوله لي بس ماعطيته فرصه رحت الكليه وانا بالكليه اختبرت وكان اول اختبار لي وبداية معركه مع شريكه اقتحمت حياتي مدري كيف حليت يمكن لان جتني عزيمه ماهدم مستقبلي واخسره مثل ماني خسرته اتصلت على اختي وانا كنت بالكليه وعلمتها وش صار قالت اليوم بتسوين شي ثاني قلت كيف قالت اتصلي فيه خلي يرجعك للبيت لاتروحين مع السواق قلت لاصعبه هو مشغول قالت قلتلك اتصلي عليه لان هالوقت اكيد بيطلع يقابلها قلت خلاص سكرت من اختي
وطبعا اتصلت عليه

واول مادقيت مارد بعدين ثاني دقه رد وكان مرتبك شوي

//

يتبع

بكمل بعد ماشوف الردود

realylive · 05-11-2009, 12:50

اختي اشكرك على كتابة قصتك
وإن شاء الله لي كلمة في نهاية إكتمالها

تقديري

esrath · 05-11-2009, 13:00

الله يعينك يااختي الخيانة مرارة وجرح لايلتئم ابدا
الله يرده لصوابه ويجمع بينكم بالخير

أرجوانة الشوق · 05-11-2009, 13:30

اقتباس:

المشاركة الأصلية كتبت بواسطة realylive

اختي اشكرك على كتابة قصتك

وإن شاء الله لي كلمة في نهاية إكتمالها

تقديري

مشكور على مرورك

أرجوانة الشوق · 05-11-2009, 13:35

اقتباس:

المشاركة الأصلية كتبت بواسطة esrath

الله يعينك يااختي الخيانة مرارة وجرح لايلتئم ابدا
الله يرده لصوابه ويجمع بينكم بالخير

مشكور اخوي للمرورك

قـصــيــــمــــــي · 05-11-2009, 13:42

الله يكون بعوونك اختي

وكلام اختك عين المنطق لاتعطينها مجال تخرب بيتك ومصيره راح يندم ويرجع لك احسن من الاول

تسو تسو · 05-11-2009, 13:46

ما اقول الا الله يهديه متابع بقوه حتى النهايه

إبتسامة الطفوله · 05-11-2009, 13:49

ربي يعينك يالغلا

ابيك تعرفي ان اكثر البنات مرو بضروفك وعدت على خير وانا اولهم

وان شاءالله افيدك نهاية قصتك

drar · 05-11-2009, 13:59

اهلين فيكي اختي بتمنى انو تكون النهاية سعيدة
بس ياريت تحكيها كلها مرة وحدة مو متل قصص المنتديات الي يعملوها مسلسل وبالاخير ملل وممكن ما يخلصوها انا حبيت اعرف شو عملتي وباين انو اختك قوية وشاطرة بس ياريت تحكيلنا بسرعة شو صار وما تطولي علينا
والله يوفقك ويسخر زوجك الك

أرجوانة الشوق · 05-11-2009, 14:00

رد علي وقال هلا قلت السلام عليكم قال وعليكم السلام اخبارك قلت تمام قلت ممكن تجي تاخذني قال انا مشغول ومن هالكلام وين السواق قلت البنت يبون يتاخرون مره وانا ابي اطلع لاني تعبانه وابي انام قال طيب تصبرين ساعتين قلت لا ماصبر انا تعبانه ومرهقه ولاتنسى بعد بكره عندي ماده صعبه قال خلاص راح اجي خلك جاهزه المهم انتظرت نص ساعه الا ويدق على جوالي انا عند الباب اطلعي قلت طيب اول ماركبت بالسياره شميت ريحة عطرها قلت السلام عليكم قال هلا وغلا ها كيف الاختبار قلت تمام كان حلو قال عاد انتي مشاء الله عليك ذكيه وانشاء الله بتنجحين قلت ان شاء الله التفت عليه قلت في احد راكب معك قال لا ليه قلت في ريحة عطر نسائي بسيارتك قال ايه خويي اخذ سيارتي يوصل اهله قلت اها طيب انا جوعانه ودي افطر معاك قال لا ماقدر اتاخر عن دوامي خلاص بشتريلك فطور وافطري بالبيت قلت لا بفطر معاك المهم قال خلاص اوعدك نتعشى اليله سوا قلت اوكي ونزلعشان يجيب فطور مدري وش خلني افتح درج سيارته لقيت هديه منها وبطاقه مكتوب عليها كل عام وانت الحب وكل عام حبي وحبك يزيد اكثر الله لايحرمني منك احلى اربع سنوات بعمري قضيتها معك انا انصدمت وحسيت انه جاء وسكرت الدرج وانا عيوني غرقانه دموع معنا ان هذي كان يعرفها قبل لايتزوجها مو قادر تنساها حتى يوم تزوجت ركب السياره وهو يناظر فيني ويعطيني الفطور قلت يعطيك العافيه بس خلاص ماني مشتهيه الفطور قال ليه تلعبين علي انتي قلت لامالعب عليك قال انتي شفيك قلت مافيني شي احسه شك اني فتحت الدرج قلت وصلني للبيت وانا ابكي نزلني وهو يلحقني دخلت الشقه وانا منهاره وابكي قال شفيك قلت له لابس اليوم ماحليت زين قال مو من شوي تقولين حليت تمام قلت بس ابي اطمنك الاختبار كان صعب قال لاانا متفائل انك بتنجحين وانا اناظره واقول بخاطري اااااااااه منك بس حرام عليك ليه تكذب علي كل هالخوف علي ولاعشان خايف اني اكشفك
ماعدت اصدق خوفك وكلامك وهداني وطلع ومن طلع وانا ماقدرت انام
صرت اردد رسالتها وانا ابكي بمراره حتى الفرحه يالدنيا مستكثرتها علي احبه احبه حرام عليه يجرحني بتقصيره وبأهمله انا حتى هديه من بداية زواجنا ماجابها لي وهي تامر وتدلل ليه كذا ؟؟؟ ماحسيت الا اني اغفي لاني مواصله ومرهقه ويوم صحيت حسيت كن جبل فوق راسي حتى مو قادره اتنفس شوي الا جاء جنبي قال سويت لك عصير عشان تروقين اشرب العصير حتى مدري شو طعمه وعيوني عليه قال ليه تنظريني كذا
قلت يمكن معجبه ضحك ... وانا جواتي اقول تضحك وانا بكاس مرك اتجرعه يوم انك تحبها ليه ماتزوجتها وش السر الي ينتظرني من ماضيك....
المهم واتصل على اختي وقلت لها كل السالفه
قالت انتي وش راح تسوين قلت بطنش ولاراح اخبره بشي قالت بترك المهمه عليك قلت لاماقدر قالت لابتقدين المهم وانتهت اختبارتي على خير وحنا جالسين سوا وصلتله مسج ناظرها وارتبك ومسحها وكل شوي يرن جواله وهو يعطي بيزي قلت رد يمكن يبونك بموضوع ضروري
قال ناس فاضين اقفل جوالي افضل وقفله والتفت علي ها طمنيني عن النتيجه ماطلعت قلت لا قلت اي صح خاطري نسافر انا وياك طول السنه ماطلعت ودي نروح لرياض منها نسلم على اهلي واهلك ومنها نغير جوا قال لاصعبه عندي ارتباطات قال خليها نهاية العطله قلت لاماقدر ودي اغير جو ارتبطتك ماراح تخلص من عرفتك وانت مشغول ودي نغير جو قلت بعدين لاتنسى بشهور الاولى وبالفتره هذي احتاج تكون نفسيتي حلوه شوي ولايفتح عيونه كلها انتي حامل سويت ان الموضوع مو مهم عندي قلت ايه مالحظت هالشي قال لا قلت اي صح انت مشغول كيف تنتبه اذا كنت تعبانه او لا قال لاتقولين كذا اوعدك بفضي عمرك ويمسكني مع يدي ويشدني له يابعد عمري اخيرا بصير في شي بيربطني بك انا كن احد عطني كف قلتله انا عمرك قال عمري وزوجتي وام عيالي بعد قال شوفي اليوم لاتسوين اي شي ابيك ترتاحين ويسحبني لسرير كنت احس بفرحته بس ياترى هالفرحه عشان البيبي مني ولا يبي طفل وبس انا عيوني بس عليه ياترى وش ينتظرني منك جلست بالسرير وانا احرك اطراف رجولي واناظره قلت طيب وش صار على السفره قال ابشري من بكره باخذ اجازه ونطلع لريا ض انا كني طرت من الفرحه فرحانه عشان بكون مع اهلي طبعا قررنا نسافر وجهزت كل شي احس ان جاني شعور غريب جدا فرحانه وفرحيتي ماتنوصف طول الطريق واشوف رقمها وهي تتصل ورساله ورا رساله
بس مو مهتمه او بالاحرى مابي اهتم براحته بخليه يمشي براحته وهو وجه انقلب لونه اسود وقفنا عند محطه ونزل وكنت اشوفه يكلم بالجوال ويهاوش بس ماكنت ادري شنو يقول بس الي حسيته يصارخ ركب السياره وكان معصب انا ماعلقت ساكته قال ناس قليلين ادب يزعجون الواحد انا ماعلقت برضوا ناضرني قال تصدقين المعروف بهالزمن ماينفع بالناس خويي ازعجني كل شوي يتصل وانا اصرفه قلت ليه وش يبي وانا كنت اشرب الشاي قال يبي السياره عشاني واعدته وزعل يقول ليه تسافر ولا تعطيني خبر عشان استاجر سياره قلت :اها بس ماتوقع ان الموضوع يستاهل الزعل وهالازعاج كان علمته وخلاص ناظرلي قال ماعلينا اخبر البيبي متى موعدك مع الدكتوره قلت بعد اسبوع قال لازم نرد اجل بدري عشان نطن على صحتك قلت لا بطمن على صحتي بالرياض لاتخاف نزل يشتري شويت اغراض مدري وش خلاني افتح جواله والقى رساله منها فيها اهون عليك تتركني نسيت كل شي ليه هاملني هذا وانا الغاليه وحبيبتك الي تحبها انا سكرت الرساله كان في كلام كثير حسيت تفكيرها رسالة طفله ويوم ركب قلت ودي اصارحك بشي تعبت انا منه قال شو قلت وش معنى يوم دريت اني حامل اهتميت بي ومن قبل ماكنت تفكر بي ابدا قال لابس والله حسيت اني مقصر معاك ودي هالطفل يكون خير علينا سكت ولاعلقت واحسه يبي يتقرب لي اكثر
نزلني عند اهلي وكانت فرحتي لا توصف من السعاده الاسبوع الي كنت عند اهلي كنت ابيها فترة نقاها اول يوم صعدت لغرفتي عشان ابي انام لقيت رساله منه كلام حب وانه اشتاق لي وبكره يبي يكلمني لان اليوم تعبان من الطريق انا رديت عليه برساله نوم العوافي بس يوم صار من بكره اتصلت عليه مايرد اتصل اتصل مارد بعد كم ساعه يتصل علي كان متوقع بصيح عليه واقوله ليه مارديت مثل كالعاده قلت له خفت عليك ياقلبي اتصلت ولارديت علي قال اي كنت ناسي الجوال بالسياره قلت زين بس حبيت اطمن عليك قال اليوم ودي نطلع نتمشى ومنها تسلمين على اهلي قلت لا ماقدر بكره بسلم على اهلك اليوم مشغووووووله مره قال وش الي يشغلك عني حسيته بدا يغار قلت مع اهلي واحشني وبدت حركات الصبيانيه ماحد يوحشك غيري انا بس قلت اذا بس توحشني اجل من يفتقدني انا جاء سكت قال ليه ماتدرين اني الحين فاقدك سكت وعيني نزلت دمعه كان من الاول مو الحين قلت له بس تدري عمرك ماحسستني بهالشي كنت دايم احس مثل زوايه مهمله بشقتك قال لا والله بس انا ودي اتكلم معك بموضوع عشان كذا ودي اقابلك لاني بجد من فتره ودي اخبرك المهم قل على خير وسكرت وانا كنت حاسه بيقولي عن قصته رحت سلمت على اهله واديت الواجب رحنا لغرفته ويوم دخلت جلست اناظره ساعه ويناظرني ساعه قلت وش الموضوع الي تبيني فيه
قال احبك قلت بكل ثقه ادري انك تحبني وتحب الي بطني بعد ضحك قال طيب ليه تغيرتي علي قلت ماتغيرت قالت بس انا اشوف ان كذا صح عشان ماتنخنق مني قال بس انااحتاجك والله زوجي تغير فجاه صار شخص ثاني زوجي صار حنون بعد ماكان قاسي صار يخاف علي وحسيت فعلا انه تركها على ان فترة الحمل كانت صعبه علي وضغوطات من كل ناحيه دراسه ونفسيتي كانت صعبه انا تغيرت فعلا جذري صرت اتعامل بقاعدة الفراشه بس انا كنت حاسه انها بترد له وبترد اكثر من اول عشان كذا غيرت نظامي صايره اتعامل بالحلول الوسط يعني لو طلع مازعجه الا لضروره لو بغيت شي اختار وقت مناسب وكنت غالبا ادزها بمسج له ومع كلام حب طول ماهو برا البيت انا اشغل عمري بولدي عشان مااتصل عليه يوم يرد استقبله واجلس معه يوم يناديني لاني اراعي نقطه يمكن يحب يجلس بروح لو دخلت المطبخ اشغله عشان مايجلس بروحه يهوجس فييها طبعا ولدي عمره سنتين انا وولدي نلعب بالمطبخ نسوي كيك مثلا واسمع زوجي حنا وش نسوي وكان يحس بالفضول ويجي يشوف بدايه كن بس يشوفنا ويراقبنا ويضحك بس بعد كذا صار يشتغل معاي حسيت ان وده فعلا يعيش حياة جديده وانا كنت احاول اشغله عنها عشان ينسى ماانسى ليله كنت اصلي القيام وكنت ادعي وانا ابكي ان ربي يخليه لي ويبعد عنا بنات الحرام والله ماشلت سجادتي الا حصلت وراي ودموعه على خده
لفيت عليه قلت ليه تبكي قال امييين انا قلت امين على شنو قال سمعت دعائك قلت ايه لاني احبك ادعيلك كل وقت مو انت زوجي وابو ولدي ماحسيت الا يضمني والله اني خنقتني العبره حطيت يدي على خده قلت وعشاني احبك اقولك لاتخسرنا انا وولدك ارجوك من عقبها تغير حاله ماعد صار يرد على الارقام الغريبه وصار يجلس كثير بالبيت ولو صار بالبيت كنت اخلي وضعنا مو رسمي كنا نلعب مع ولدنا ونضحك ونطلع سوا ماخليله فرصه ان يكلمها والحمد الله بعدها بكم شهر سافرنا لمنطقه ثانيه وغير رقم تلفونه من نفسه وحتى ماحبيت اسئله الحمد الله ليومكم هذا حياتي معاه حلوه لاني طبقت قاعده لاتتعاملين مع زوجك لابالاهتمام الزايد لدرجة الاختناق ولابالاهمال بالوسطيه وصرت اشغله بكل وقت عشان مايتفرغ ويرجع لها وحتى لما نجلس مع بعض ماخلي جلستنا ضحك وناسه ورومنسيات اخليها مره كذا ومره نجلس نتناقش لو في شي مضايقه مني او انا شفت عليه شي صارر واضح بعد ماصار غامض بالوقت الي صار فيه واضح انا صرت غامضه اخليه هويكتشفني حتى السوالف مو كل شي اقوله الحوار الي اشوفه يستاهل النقاش اتكلم فيه شي ماله داعي اكتمه ويابنت انتبهوا من انك تعودين زوجك على طبع عشان كذا صرت كل مره لي طبع وعاده عشان مايملني

والله يابنات لقيت السعاد الزوجيه بالوسطيه
اتمنى بعد يابنات انكم ماتطمسون شخصيتكم وتتوقعن ان هي السعاده الانسان بدون شخصيه صدقوني يستاهن فيه لابد نعيش حياتنا بطوله وبعرضها ولانخلي كل مشكله هم علينا لان مافي مشكله الا ولها حل والغباء يابنات احيانا يكون ذكى اخيرا اتمنى
تستفيدون منها مثل ماستفدت انا من تجربتي ودعواتكم لي ان ربي يفرج همي

sa3ada · 05-11-2009, 14:09

ليست عيني هي التي تدمع بل قلبي يبكي دما من الخيانة اختي اكتشفت البارحة 24.12 بخياننة زوجي لي انا في حالة لا يعلمها ال الله ساواجهه اليوم الله يكون في عونك

sa3ada · 05-11-2009, 14:09

24.11

أرجوانة الشوق · 05-11-2009, 14:12

اقتباس:

المشاركة الأصلية كتبت بواسطة إبتسامة الطفوله

ربي يعينك يالغلا

ابيك تعرفي ان اكثر البنات مرو بضروفك وعدت على خير وانا اولهم

وان شاءالله افيدك نهاية قصتك

أنتظر افادتك اختي على نار عشان الكل يستفيد نورتيني

أرجوانة الشوق · 05-11-2009, 14:19

اقتباس:

المشاركة الأصلية كتبت بواسطة sa3ada

ليست عيني هي التي تدمع بل قلبي يبكي دما من الخيانة اختي اكتشفت البارحة 24.12 بخياننة زوجي لي انا في حالة لا يعلمها ال الله ساواجهه اليوم الله يكون في عونك

مانصحك انك تكلمينه اصبري واحتسبي اخاف يخليك ويطلقك اخر شي خلي المصارحه الغباء ساعات ياختي ذكاااااااء واقولها بصوت عالي حاولي تمسكين نفسك ياغليتي وحاولي تشغلينه ولاتتحسينه انك تدرين اخاف يجي يوم يططقها بوجهك ولايهتم خليك عمياء ولاتسمعين ساعات انا يوم سويت كذا ارتحت كثير

ام الجودوالعود · 05-11-2009, 14:19

أنا بأنتظار تكمله القصه
وكل ألي أقدرأقوله لك تأكدي أنك بهذه التجربه كثر ماخسرتي ربحتي
خسرتي ثقتك بزوجك!!وربحتي ثقتك بفسك ومعرفة قيمتك
وأنا أهنيك على أن لك أخت مثل أختك ,,حطتك على أول درجه من سلم النجاح
والصديق من صدُقك لامن صدًُقك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

نزيف خيانه....قصتي للاستفاده