عالم الحياة الزوجية - منتدى

أتعبهم غلاي · 06-11-2009, 05:02

السلام عليكم ورحمة الله وبركاته

اخواني احنا مرينا بضروف صعبه وفيها الي انظلم وفيها الي ظلم

سرنا اخوان قريبين من بعض كل واحد اي شي يسير معاه يشتكي لخوانه الي هنا

ربي ان شاء الله يوفقكم ويسعدكم وين ماتروحوون

انا عندي موضوع وربي مجنني وقاهرني وحارقني بكل الجهات

انه يتقدم لي كذا شخص ماينرفض وربي ماينرفض لاكن ارجع وارفض

ماعندي اي سبب الناس سارت توجه لي كلام ونظرات ليه ماتتزوجين ليه ماتعيشين حيااتك وانا وربي امنيتي بالاستقرار والرجل الصالح

لاكن انا عندي سببين الاول عدم الثقه بالرجال وكل ماقربت ارجع ثقتي فيهم اسمع قصه شبيهه من قصتي اخااف وابطل افكر حتى فيهم

والسبب الثاني ولدي مو عارفه كيف اتزوج وانا عندي ولد عمره سنتين وكذا شهر

ما اكذب عليكم وربي اشترطه ويوافقووون لاكن ارجع ارفض

ما ادري وش الي ساير فيني

مو قادره اتزوج وانا اشووفه قدامي يلعب ويركض ويحووس ويجننا مره مو قادره

اشووفه يناديني ويلعب معاي ويضمني واول مايشووفني يركض ويبووسني ويقوول حميمي يعني حبيبي

وربي مررهـ تعبت

مو عارفه كيف اتصرف

مع العلم اننا عايشين عند اهلي وهم الي ربووه وينادي امي ماما وابوي بابا

ومره مايستغني عنهم حتى لما اشترطه يزعلوون ويقولون لا ماتحرمينا منه حرام عليك

خلينا نتقاسم ايامه مره عندك ومره عندنا انا اكيد ماراح ارفض

لاكن قلبي مو قاادر اتزوج وهو قداامي

تكفوون اخوواني ابي رايكم انا حساسه ع قوولتهم او معاي حق

عطره فى كفوفى · 06-11-2009, 05:12

هلا يا غلاي لك عيوننا

أولا الله يحفظ لك كتكوتك و يقر عيونك فيه و يرزقك بره اللهم

آمين

حبيبتي الكتكوت بإذن الله يبي يكبر و يصير ذيب

الولد سبحان الله يكبر قبل البنت لا صار عمره 12 سنة عديه

رجَال و ما ينخاف عليه إن شاء الله

طالما يا قلبي فيه الوالدين الله يحفظ لك إياهم لا تشيلين هم

و ما أعز من الولد إلا ولد الولد و إن شاء الله يالغلا ما انت

محرومة منه

حبيبتي لا تضيعين الفرص من يدك طالعي مستقبلك ما يكفي

العذاب اللي شفتيه و العنا اللي قاسيتيه

توكلي على ربك و استودعيه طفلك و أعطي نفسك فرصة جديدة

تتنفسين فيها الأمل و الخير و السعادة

الله يوفقك عاجلا غير آجل و تبشرينا

تعبت1 · 06-11-2009, 05:24

انا نفسك بضبط بس انه بنوته وعمره3سنين ونص بس انا مشكلتي غير اخاف ابوهاياخذها مني اذا عرف اني تزوجت واقول اتزوج واستانس وبنتي تتعذب عند مرت ابو ها صراحه قرار صعب انا مظلقه لي 3سنين موقادره اتخذ قرار مع انه افضل اتزوج وهي صغيره ماتفهم اذاكبرت احس تتعقد الامور الزبده اذا تضمني ان زوجك ماراح ياخذ ولدك تزوجي واستانسي ام بنسبه لعدم الثقه شوفي الي حولك تلاقي وحده تعيسه و10مرتاحين صح

الجود المشاري · 06-11-2009, 05:46

هلابك يااتعبهم غلاي كيفك أن شاء الله تمام ؟؟

شوفي ياقلبي خليك قويه وخليك شجاعه ومقدامه وخلي عنك التردد والخوف عمر التردد مامشى الأمور وعالج المشاكل .
أنتي الحمدلله جاك شخص كفؤ وقبل بك وبولدك خلاص هنا لا تضيعن عمرك على خوف وخوف الولد اللحين صغير ماتبين تجيبين له أخوان وخوات ؟؟ يفرح فيهم ويلعب معهم ؟؟ أنتي اللحين مو حاسه انه بحاجه لأخوان وأب يمكن الله مرسله له قبلك أنتي يعوض الأب اللي أفتقده . لا تصيرين متشائمة بهالشكل ولا تقولين ماعد اثق لا ياقلبي ثقي بربك مو بأحد ثاني وأصابعك مو زي بعض يمكن الله ساق لك الخير لحد بابك برجل صالح يخاف الله فيك وفي ولدك ويعوضك ربي به عن اللي شفتيه مع طليقك تدرين عن هالشي أنتي ؟؟
لا تفكرين بسلبية لأنك بهالشكل بتجرين لك وبتجذبين لك السلبية في حياتك ولا تفكرين بخوف ولا بسوء ظن خلي ظنك بربي كبيررررر وربي مايضيع من أحسن الظن به .
الخوف هذا كل ماتقدم بك العمر راح يكبر أكثر وأكثر فكري ان بكره ولدك بيكبر ولا راح يتقبل وجود رجل ثاني في حياتك غيره يعني كل ماتزوجتي وهو صغير بيتعود على وجود الزوج وعلى الزوج أكثر وأكثر وبيصير كأنه ولده لكن كل مامشى العمر وكبر الولد كل ماواجهتك صعوبة أكثر في هالشي.. هذا شي الشي الثاني هو بنفسه بكره بيكر وبيتزوج وبيشوف حياته ووين أنتي بيكون موقعك ومكانك ؟؟ لاشيء مكانك سر صح ؟؟
خلي العواطف على جنب وجى هالحين وقت العقل شغلي التفكير العقلاني وخلي الحساسية والسلبية والخوف على جنب
فكري في نفسك
انتي صغيره توك تحتاجين زوج بجانبك تحتاجين أخوان وأخوات لولدك وبكره أمك ولا ابوك ولا بيت أهلك بيدوم لك فكري في عمرك قبل كل شي أذا كان صالح ورجل بكل معنى الكلمة أعرفي ان الله ارسله كعوض لك وأنتي قاعدة ترفضين هالشي بسبب وسواس شيطان خليك قوية خليك مقدامه وشجاعه وواثقة ثقة عمياء في ربك والعوض الكريم من أحسن الخالقين
وبعدين خلاص الخوف كان في التجربه الأولى أكثر شي .

فكري في ولدك
ولدك صغير وكل ماتعود على فكرة وجود أب في حياته أو زوج أم في حياته وهو صغير كل ماكان أسهل لك في تعاملك معه وأسهل لك في تعامله معك ومع زوج أمه . وياقلبي بيلعب هنا ولا هناك وبينطنط هنا ولا هناك فلا تشيلين هم .
فكري فيه أن يكون له أخوه أخوات يفرح بهم يشاركهم يربى بينهم ومعهم لأنه صغير وكل ماكانت أعمارهم متقاربه كل ماكانت الحياة بمحبه بينهم أكثر سهولة

فكري في والديك
يتمنون يشوفونك سعيدة ومرتاحه وأن الله عوض عليك ويتطمنون عليك بعد ولا عاديشيلون هم التفكير فيك وفي مستقبلك .

حطي هالاشياء في بالك وغيري تفكيرك وخليك متفائلة خير وربي عنده خير كثير وربك كريم مايشيل من جهه إلا يعوض لك بها من الجهه الثانية

وبعدين جربي ليه خايفة هل في شي ممكن تخافين عليه ؟؟

الله يعوض عليك بالعوض الصالح التقي اللي يسعدك ويهنيك ويفرحك ويفرح قلبك وقلب ولدك ياكريم أنتي وبنات المسلمين آآآجمعين

جرحك ثمن غلطتي · 06-11-2009, 06:12

الله يكون بعونك اختي

هلا باالجرح · 06-11-2009, 06:14

ياحبيبتي توكلي على الله مدام ان ابوج وامج عايشيين وهم اللي مربينة ..

الله يوفقج ياالغلا ويسعدج ..

حـــــــــلا · 06-11-2009, 06:18

ياحياتي يا غلاي .. ليه الخوف الحمد لله اهلك ماقصروا مع ولدك ويخافون عليه يمكن اكثر منك .. وياعمري لا تضيعي ع نفسك الفرص ... ولدك ان شاء الله ماراح يضيع ..انا اقدر شعورك كاام .. بس انتي تظلمي نفسك بالطريقه هذي ...وبعدين نصيحه ابتعدي عن التشاؤم ..وتفائلي خير ..
والرجال مو واحد .. في الزين وفي الشين ...
الله يعوضك يارب ويرزقك بالزوج الي يسعدك وينسيك همومك ...

ماعرف قدري تركته · 06-11-2009, 07:57

ياعمري على حميمي ربي يسعده

اختي لاتتعقدي لو جاك واحد مناااسب تزوجي وولدك صغير افضل

عمومآ ماراح تاخذي الانصيبك

موفقه يارب.

أتعبهم غلاي · 06-11-2009, 08:40

اقتباس:

المشاركة الأصلية كتبت بواسطة عطره فى كفوفى

هلا يا غلاي لك عيوننا

أولا الله يحفظ لك كتكوتك و يقر عيونك فيه و يرزقك بره اللهم

آمين

حبيبتي الكتكوت بإذن الله يبي يكبر و يصير ذيب

الولد سبحان الله يكبر قبل البنت لا صار عمره 12 سنة عديه

رجَال و ما ينخاف عليه إن شاء الله

طالما يا قلبي فيه الوالدين الله يحفظ لك إياهم لا تشيلين هم

و ما أعز من الولد إلا ولد الولد و إن شاء الله يالغلا ما انت

محرومة منه

حبيبتي لا تضيعين الفرص من يدك طالعي مستقبلك ما يكفي

العذاب اللي شفتيه و العنا اللي قاسيتيه

توكلي على ربك و استودعيه طفلك و أعطي نفسك فرصة جديدة

تتنفسين فيها الأمل و الخير و السعادة

الله يوفقك عاجلا غير آجل و تبشرينا

هلا بك حبيبة قلبي عطره

اشكرك من كل قلبي ع ردك الي يريح

وربي يعووضك ويوفقك بصراحه انتي طيبه وتستاهلين كل خير

وان شاء الله تتغير وجهة نظري للرجال لاكن لوو تخف شكااوي البنات شووي

تخيلي كل ما اتواصل مع وحده كل الشكاوي على الرجال وكرهووني زود

ربي يعين ان شاء الله ويكتب الي فيه الخير

المررتفع · 06-11-2009, 09:23

باختصار شديييييييد

اختي تزوجي واحمدي ربك فيه بنات محرومين من اولادهم ومتعذبين وانتي الحمدلله ولدك تحت تصرفك تبينه عندك يجي عندك تبينه يكون عند اهلك برضه بيكون عندهم يعني لا تحرمين نفسك السعادة من شان وساوس

الولد وش يبي يصير له يعني لو تزوجتي ؟؟

انتي بتكوني وهو بيكون معاك

انا اقول استانسي وعيشي حياتك ترا الحياة فرص

بس انتبهي للي يتقدمون انتبهي لهم واسالي اكثر لين تتوثقين من صلاحهم للزواج

والله يوفقك دنيا واخرى

احاسيس سرمديه · 06-11-2009, 10:41

حبيبتي رأيي من غير طواله ان جاك راعي الدين والخلق وطييييب ولا موافق يعيش ولدك معكم وشوله ترفضين توكلي على الله واستخيري اهلك الله يخليهم لك ويخليك لهم بس كلن راح يشوف حياته وبعدين انتي ابخص بنفسك اذا انتي قادره تعيشين وتسعدين نفسك من دون حاجتك للزوج مو مهم واذا لاوالله محتاجه زوج وسند تزوجي وقبل كذا وكذا استخيري واجتهدي في الاستخاره ...... دعواتي لكي التوفيق

سل سبيل · 06-11-2009, 14:25

اذا كان المتقدم بعد السؤال عنه كفؤ شوري عليك تزوجي وبسرعة لاتؤخرين الموضوع ترى كل تأخير وفيه خيره الا الزواج
ولدك والحمدلله وضعه محلول ا ما بالنسبة للرجال وما تسمعينه عن مشا كلهم خلينا نأخذ ها لمثل البسيط مجازا الاحصائيات تقول انه يموت في حوادث السيارات اسبوعيا عشرين حالة هذا غير المعاقين والمصابين اصابات مختلفة يعني ماعاد نركب السيارات
وترى رد الخطاب الاكفاء مع الوقت مايشجع الاخرين بعدهم للتقدم
الرجال معادن كمعادن الذهب والفضةوالنحاس والحديد
الله يستر عليكي وعلى عوراتي وعورات جميع المسلمين

sh00alh · 06-11-2009, 15:00

هلا بك ياعمري
أول ماقريت موضوعك كنت مجهزه لك رد بس بعد ماقريت ردود الأعضاء
أعتقد وفوا وكفوا
لاتخلين قطار الحياة يفوتك ويروح العمر عليك وأنت ترفضين واحد ورا الثاني
توكلي على الله وعيشي حياتك
بكرا ولدك بيكبر وبيشوف حياته
وإذا اللي يتقدمولك يوافقون إنه يعيش معك ولدك الحمد لله
تفائلوا بالخير تجدوه أنت عيشتي تجربه صعبه وفشلتي مو معناه أخر الحياة
أنا تزوجت مرتين وتطلقت وكنت أرسم الأمل في الحياة الجايه
الله يعوضن والجميع بالزوج الصالح

الالماسه الحساسه · 06-11-2009, 15:15

الاخوان والاخوات مقصرواااااااااااااااااااااااااااا 000

اذا كان رجل ذا دين وخلق تزوجيه والحمدلله انه والدينك فيه ويحيهم ولدك ومتعلق فيهم 00

مـ ـ ـاسه · 06-11-2009, 16:56

مساء الخير اختي شموووخ ..
الله يهديك بس ويصلحك ..
انا اقدر خوفك على ابنك وقلب الأم مستعد يضحي طول العمر عشان الطفل ..
وانتي ياشموخه احسن من غيرك بكثييير .. طليقك مو سائل عن ابنه بالمره ولا مره فكر ياخذ منك الطفل .. وانتي دامك صغيره وولدك بعد لسه صغير اغتمي هالفرصه
اذا تقدم لك شخص كفؤ وخصوصا مارفض طفلك الحمد لله .
احسن من يجي يوم تقل فرصك بالزواج ويمكن مايجيك الا شخص معدد أو يرفض ولدك ..
وهذه سنة الحياة لازم تمشي .. مافيه حال يدوم على ماهو
ومصيرك تتزوجين وتجيبين اخوان واخوات لولدك ويكون لك بيتك ومملكتك
حاولي تفكرين شوي بالعقل وعواطفك اضغطي عليها شوي ..
والحمد لله ولدك مع اهلك مع امك وابوك بيحطونه بعيونهم ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

منطلقات ومنطلقين تكفوون ادخلوو