عالم الحياة الزوجية - منتدى

محتاجتك يارب · 07-11-2009, 03:29

السلام عليكم ورحمة الله وبركاته ..

لي الشرف إني سجلت بمنتداكم لأنه شدني مدى تعاونكم مع بعض وأرأئكم الحكيمه فقلت ألجألكم بعد الله

وطالبتكم تعتبروني بنتكم وتحاولون تشورون علي وتنصحوني .. لأني بضيق مايعلم بها إلا رب العالمين ..

أنا قبل 4 سنوات كنت مخطوبه ومملكه على ولد عمي .. وبما أنه ولد عمي فكان الوضع بينا عادي جدا ..

كنا نطلع مطاعم ,, نتمشى ,, ونروح أسواق مع بعض ,, أنا أيامها كنت 18 سنه وهو 23 ,, كنا صغار أيامها ,, فبعد كم شهر تمادى معاي وأنا ماأدري كيف تجاوبت معاه بس ماصار شي ,انا بشرح لكم الوضعيه وأتمنى تفهموني ,,,

طبعا ( العضو حقه مادخل كله ,, دخل نصه وأنا كنت أهاوشه وكان يقول لي أنتي خوافه أنا في مقام زوجك أنا حلالك ,, إحنا خلاص مملكين ,, بس ياناس والله العظيم مانزل مني شي نهائيا والله ماشفت ولاهو شاف دم ,, عشان كذا هو كان مطمن ,, وهالشي تكرر يمكن 4 مرات بعدها أخذت منه موقف وقلت له نروح عياده وفعلا كشفت وطلع الغشاء موجود ,, وهذا على ذمة الدكتوره ,, وبعد ماتطمنت رفضت إني أرجع أكررها وفعلا ماكررناها نهائيا ,, بعدها بسنه تهاوش أبوي وأبوه وحنا إنفصلنا حتى هو جاء وودعني وقالي: لاتخافي إنتي ماخسرتي شي ,, أنا خسرتك وخسرت قربك !!

(الحمدالله على كل حال تفارقنا وأنا شديت حيلي وكملت الجامعه والأن تخرجت ) وقبل كم شهر إنخطبت وملكت وزواجي بـــــــــــــــــــعــــــــــــــــــــد شهر !!!

وخطيبي الأن طيب ومو مقصر بشي وفاهم وضعي وعارف إني كنت مخطوبه وعندي صك بالطلاق لكن مكتوب في الصك إني بكر !!!

وين المشكلة ؟؟؟؟؟

أنا قبل أسبوع رحت عيادة خاصه كان عندي إلتهابات بسيطه وأبي أعلاجها قبل الزواج لكن يوم كشفت علي الدكتوره سألتني إنتي متزوجه ,, فقلت لا ,, قالت : ماأشوف الغشاْ ,, أنا إنصدمت ساعتها وجاتني حاله هستيريه في العياده ,, وقلت لها الحقيقه إني كشفت قبل وقالوا لي سليمه كيف إلحين تقولي لا ,,

قالت : يمكن غلطوا ,,, هي من كثر ماتعاطفت معاي قالت لي لازم تدبري نفسك إجرحي نفسك أو صارحي زوجك قبل الزواج ,,

بصراحه أنا إنجنيت ,, جيت عند أختي الكبيرة هي متزوجه وصارحتها وحاولت تهديني بس أنا ماقدرت إرتاح .. والله ثم والله ثم والله لو شفت دم أو شي زمان كان عرفت أني فقدته ,, بس ماشفت شي وهذا إللي طمني وتطمنت أكثر لما كشفت قبل 4 سنين ,, بس إلحين ضيعني كلام الدكتوره الثانيه وصرت خايفه أروح عياده خلاص نفسيتي ماتسمح ..

إللي معذبني خطيبي الجديد حبيته وعشقته ومستحيل أبعد عنه والله إني صادقه معاه وودي أفتح معاه بيتي وودي يكون هو أب لعيالي لأنه يستاهل قلبي جاني في فتره كنت ضايعه فيها والحمدالله إرتحت معاه ,,

أنا تعبانه ياليتني ماكشفت مره ثانيه بس جات معاي بالصدفه مرأأأأأأأأأأأأأأت أقول الدكتوره 2 غلطانه ,, ومرات أقول الدكتوره 1 هي غلطت ,, طيب مين يتحمل غلط التشخيص أنا ؟؟؟

ياليتني أموووت وأرتاح ولاأعيش وأنا حاسه إني خادعه خطيبي ... ياناس أعشقه ماودي أخسره ,, لإني فكرت أصارحه وتراجعت لإنه سألني قبل صار شي خاص فجاوبت بالنفي بحكم إني واثقه من نفسي ,, أما إلحين حتى لو صارحته ماراح يصدقني أبدا ... طيب أنتم كرجال وش رايكم؟؟؟

وصل فيني الموضوع إني فكرت أجرح نفسي بمشرط بليله الدخله ومرات أتراجع أقول يابنت الموضوع هين ...

أنا تعبت والله كل ليله ألجاْ لربي وأسأله يستر علي ولايفضحني عند أحد ,, حتى خطيبي يوم أسمع صوته أقعد أبكي ودي أحط راسي على صدره وأشكي له همي وإللي تاعبني ,, بس ماأقدر ,, وش رايكم وش تشورون علي ,,

فرجوها علي عسى ربي يفرج كربكم .. والله أكتب وأنا دمعي على خدي من القهر وش السواه وش الحل ؟؟

(( ربي إني مسني الضر وأنت أرحم الراحمين ))

(( اللهم أني عبدك إبن عبدك إبن أمتك ناصيتي بيدك ماضي في حكمك . عدل في قضائك . أسألك اللهم بكل أسم هو لك سميت به نفسك أو أنزلته في كتابك أو علمته أحد من خلقك أو إستأثرت به في حكم الغيب عندك ,و أن تجعل القرآن ربيع قلبي ونور صدري وجلاء حزني وذهاب همي ))

(( يارب إنك عالم بضيقي فهونها علي يارب العرش العظيم ))

حسبي الله ونعم الوكيل ...

حنانووو · 07-11-2009, 03:44

الله يعينك و يفرج همك حبيبتي
طب روحي لطبيبة ثانية يمكن هذي غلطانه

ضــي شاعـرهــا · 07-11-2009, 03:50

فيه نوع من انواع الغشاء لايشترط نزول الدم >>ما اقصد اخوفك بس فيه بناات ماااينزل معااهم دم وبعدين الرجل يعرف اذا كانت البنت بنت او لا ؟؟

روحي واكشفي مره ثاالثه وراابعه بعد عشاان تتطمنين لاتجرحين نفسك ولا شئ

بالتوفيق

تحيااتي

عسل دافي · 07-11-2009, 03:57

ربنا يفرج كربتج والله ما اقدر اقولج شي غير تتأكدي مره ثانيه عند دكتوره ثانيه لحتى تتأكدي
وفي نوع من انواع الغشاء اسمه الغشاء المطاطي ماينزل دم وما ينفتح الا على يد الطبيبه تعمل جراحه او عالولاده
واكثري من الدعاء
ونتي قلتي انه دخل نص يعني حبيبتي اكيد الغشاء انفتح اذا كان الغشاء عادي ممكن يكون فيه نقط بسيطه دم وما انتبهتي؟ لانه يبعد تقريبا 2 سم او حتى اقل مابي ازيد عذابك بس لابد تفحصي واذا صار وفقدتي غشاء البكاره انتي كنتي متزوجه واذا اهلج سوولج سالفه الغلط عليهم انهم كانوا يسمحون لكم تطلعون بروحكم قبل مايصير العرس صح هو زوجك بس تعرفين العادات والتقاليد
وساعتها صارحي زوجك الثاني
ربينا يريح قلبك ويفرج كربتك

طائر الفينق · 07-11-2009, 04:01

حكاية البكاره هذه مشكله وسببت ارق للنساء
مع انها وجدت لحكمه الهيه

انصحك بان تعرضي نفسك على طبيبه اخرى للكشف وبعدها لكل حدث حديث

غرام99 · 07-11-2009, 04:04

اقتباس:

المشاركة الأصلية كتبت بواسطة محتاجتك يارب

السلام عليكم ورحمة الله وبركاته ..

(( اللهم أني أمتك إبن عبدك إبن أمتك ناصيتي بيدك ماضي في حكمك . عدل في قضائك . أسألك بكل أسم هو لك سميت به نفسك أو أنزلته في كتابك أو علمته أحد من خلقك أو إستأثرت به علم الغيب عندك ,أن تجعل القرآن العظيم ربيع قلبي ونور صدري وجلاء حزني وذهاب همي ))

.

هذا الدعاء كافي لحل مشكلتك

мϊŝŞ ŗĴąĦ · 07-11-2009, 04:06

شووووفي يااااقلبي ..انتي روووحي عند دكتووووره ممتاااااازه واكشفي ماااره ثااانيه ..وخلي املك بالله كبييييييير ..والله مااااينسى عبده ..واكثري من الاستغفاااااااااااااااااار ..وخلي ثقتك بالله كبييره

ولاتعترفييين لخطيييك ولاشي توكلي ع الله والله بيستر عليييك ان شالله

ودعواااتي لك يالغلاا..

غرام99 · 07-11-2009, 04:06

اقتباس:

المشاركة الأصلية كتبت بواسطة عسل دافي

ربنا يفرج كربتج والله ما اقدر اقولج شي غير تتأكدي مره ثانيه عند دكتوره ثانيه لحتى تتأكدي

وفي نوع من انواع الغشاء اسمه الغشاء المطاطي ماينزل دم وما ينفتح الا على يد الطبيبه تعمل جراحه او عالولاده
واكثري من الدعاء
ونتي قلتي انه دخل نص يعني حبيبتي اكيد الغشاء انفتح اذا كان الغشاء عادي ممكن يكون فيه نقط بسيطه دم وما انتبهتي؟ لانه يبعد تقريبا 2 سم او حتى اقل مابي ازيد عذابك بس لابد تفحصي واذا صار وفقدتي غشاء البكاره انتي كنتي متزوجه واذا اهلج سوولج سالفه الغلط عليهم انهم كانوا يسمحون لكم تطلعون بروحكم قبل مايصير العرس صح هو زوجك بس تعرفين العادات والتقاليد
وساعتها صارحي زوجك الثاني

ربينا يريح قلبك ويفرج كربتك

كلام سليم

انت هواي · 07-11-2009, 04:07

الله يفرج همك ويوفقك ويفك ضيقتك يارب

بس انا افضل انك تكونين صريحه وتخبرينه باللي صار لك

ليه

لان الصراحه حلوه بين الازواج وخصوصا من الزوجه ومو حلوه بحقك تبدين حياتك بكذبه هذا اولا

ثانيا انتي تقولين تكررت الحاله هذي 4 مرات بعدها يعني انتي مو ضيقه حيل زي البكر وهالشي صدقيني بيحسه زوجك وبيعرفه ولاتقولين وش يعرفه لان الرجال عندهم خبره هذا غير انك ماراح ينزل معك دم يعني بتكون واضحه وضوح الشمس

واذا قالك ليه كذبتي علي قولي له انك ارتبكتي من السوال واستحيتي تقولين له وانتي ياقلبي ماسويتي شي غلط حطي هالشي بين عيونك هذاك كان زوجك

والله يكتب لك اللي فيه الخير

الاردن-اولا · 07-11-2009, 04:10

والله مشكله
الله يعينك ويستر عليك
اهم شي انه ماكان بالحرام
وربي بسترك انشالله يا طيبه
ربي معك

بلا لقافه · 07-11-2009, 04:16

كنتي ملكه ليه خايفه

لو يبي يسأله يسأل خطيبك السابق

ضــي شاعـرهــا · 07-11-2009, 04:19

اقتباس:

المشاركة الأصلية كتبت بواسطة بلا لقافه

كنتي ملكه ليه خايفه

لو يبي يسأله يسأل خطيبك السابق

لانه سألها صار بينكم شئ قالت له لااا

محتاجتك يارب · 07-11-2009, 04:22

أشكر كل من رد علي ,,,

بس كيف يكون راح والله ماشفت شي !!!

حتى كات شي سطحي وماطولنا ,,, وقبل 4سنوات ,, وأعتذر عالكلمه بس كان يفضي المني برا ,, طيب الدكتوره الأولى قالت لي سليم مليون بالميه .. والثانيه لا !!

طيب لو كشفت وش الفايده أللي بطلع بها ؟؟

ماعاد بيدي شي..

يارب رحمتك ,,

بلا لقافه · 07-11-2009, 04:22

ادي تقوله من الحين وتقوله بالاول كنت مستحيه بس الحين لازم اصارحك ما بي نبدأ بكذبه

والله على ما اقول شهيد

ضــي شاعـرهــا · 07-11-2009, 04:30

اقتباس:

المشاركة الأصلية كتبت بواسطة محتاجتك يارب

أشكر كل من رد علي ,,,

بس كيف يكون راح والله ماشفت شي !!!

حتى كات شي سطحي وماطولنا ,,, وقبل 4سنوات ,, وأعتذر عالكلمه بس كان يفضي المني برا ,, طيب الدكتوره الأولى قالت لي سليم مليون بالميه .. والثانيه لا !!

طيب لو كشفت وش الفايده أللي بطلع بها ؟؟

ماعاد بيدي شي..

يارب رحمتك ,,

قلت لك مو شـــــرط ينزل منك دم وتشوفينه ينفتح الغشااء بمجرد دخول أي شئ فيه

ما ادري وش الفايده بس يمكن تطمنك الثاالثه وترتااحين

اما اذا أكدت لك انك فاقدته سااعتها قرري تخبرينه او لا ؟؟

بالتوفيق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

خطيبي السابق .. والبكارة .. وحبي لخطيبي الجديد ؟؟؟؟