عالم الحياة الزوجية - منتدى

حياويهـ · 07-11-2009, 21:51

دوااك عندي
طييب أستنى عودتك وأهلا فيك ..

أبعاد من الأفق
طيب أفرضي أنها قالت له وهي مبتسمه وكلها رقه : طيب حبيبي أنت وش دخلك ؟ > أو ماينفع

واللي ماعنده طولة بال وتفاهم ولا يحب اللف والدوران وش يسوي

لا ولو ماأزعجني ولا شيء .. وسعيده بتواجدك ..

~اطيب قلب~ · 07-11-2009, 21:52

انا اختصررررررررررر الطريق واحد مو مثل افكاااااااري حتى لوجد اختلاف بس
اقلها متقاربه وبيئته مختلفه يعني تشدد وغيره والاطبااااع تختلف ما اوافق
عليه

tito_hanatc · 07-11-2009, 22:00

* وش موقفك لما سمعت هـ الكلام منها ؟

بالتأكيد سوف اخذ موقف منها
واضع حد كبير خالص فى التعاملات والمواقف .

*هل راح تتهور وتصارخ عليها وأن هالشيء مو من حقها ؟
طبعا لا
لازم اخذ الموضوع بحكمة زى ماقولت اخذ موقف
طبعا لازم اسايس امورى معها

*هل هـ الكلمة فيه كسر للرجوله ؟
نعوما ما ايوة

* قول لي وش أحساسك بالضبط ذاك الوقت ؟
تقل منها او عدم تقدير من ناحيتها

.

سلايل كحيلان · 07-11-2009, 22:25

لبسها (داخل البيت بكيفها ) والاغاني بكيفها اذا بنصحها كان بها اما اجبرها لا اما النت وانا موجود مستحيل ! لاطلعت تقعد عليه بكيفها اذا هي اهل للثقه طبعا وبدون تقصير في واجباتها

بالنسبه لطريقة رد البنت ( مالك دخل ) اتوقع انها قويه شوي ! وفيها كسر للرجوله

فديت جده · 07-11-2009, 22:40

ههههههههههه يسعدك ربي طريقتك في الموضوع تضحك ياعسسل

بصراحه ماله دخل فيه وش البس وش اسمع حلوه ذي اجل ماالبس كت ولا بنطلون وش يبغاني البس قميص جدتي

هع بجد والله بس مااضن في شاب في الزمن هاذي يقول هالكلام

اما الانترنت ممكن يخاف عليها منه

لكن الاغاني هي صحيح حرام ومفروض كلنا نبتعد عنها

لكن مو من حقه يقول اتركي الاغاني وهو يسمعاها

لازم هو كمان مايسمعاها علشان تتقبل امره

وفي الاخير

الاسلووووووووووووب الراقي له دور جداا في تقبل رائي الاخر

بعني لو جا وقالي بكل ذووووق وادب وطلب مني ابتعد عن الاغاني ونصحني

وطلب اني ابتعد عن الانترنت وان هاذا الشي يزعجه

من عيوني ابتعد

لاكن البس بقووووووله اسمحلي

لان لبسي الحمدلله من قبل لا اعرفه محتشم لكن الكت والبنطلون مااشوف فيها شي

مووووووووووضوعك مرررررررره حلووووووووووووو ياقمر

nawaf514_8 · 08-11-2009, 00:29

[quote=حياويهـ;6010955][center].[/center

.. السلام عليكم ورحمة الله وبركاته ..

عمر العنف والصراخ جاب نتيجه الحياة الزوجه تختلف والزوجه لها تعاملها الخاص يعني
الرجل له حقوق وعليه حقوق لها
والزوجه نفس الشئ زي ما عليه لها

المهم التفاهم الاشياء الخاصه والشخصية اتمنى من الرجل لا يتدخل فيهاا

اما بالنسبه للملابس الرجل له مظهره قدام زوجته من شان تشوفه انيق وحلو في عينهاا
وهي كمان تلبس اي شي حلو يعجب الرجل من شان يشوفهاا حلوه بنظره ولا يشوف غيرهاا بالدنيا

والحب ثم الحب والثقه والصدق والصراااااااحه بينهم هي الاساس الحياه السعيدة

مشكورين على هذا الموضوع

مافيني امل · 08-11-2009, 03:05

لاااااااااااااااااااا مستحيل وصلنا الى 2010 ولسه نفس العقل ونفس التخلف
استغفر الله ترى الزواج مشاركه وتفاهم واحترام وتقدير وكلن له خصوصياته حلوه هذه لاتلبسي لاتسوي طول عمري عايشه كدا وتجي انتا بتمشيني على كيفك
اهم شي التفاهم اذا من البدايه دا والبنت ماتقدر تكون كدا خلاص كلن يروح في طريقه وانتهى الموضوع
بصراحه مره مو حلو ان الرجال يتدخل ي اللبس والشكل والشعر والنت والاغاني وماعرف ايش مااخذ طفله مثلا ولا وشو من حقها تمارس وتلس اللي تبيه طول ماهوا شي عادي

moony14 · 08-11-2009, 03:43

الي خلاها ترد عليه كدا.. اسلوبو .. كان اسلوب امر ونهي..وهي لسه في بيت اهلها .. هو صح زوجها على العين والراس بس فيه برضو اسلوب.. لما هي تكون متعودة تلبس في بيتها الكت والميدي وتجي انت تقولها لا.. ايش تتوقع ردة فعلها..

اما لو يجيها بأسلوب النصحية .. او يجيها بأسلوب الإقناع انو يقنعها بان سماع الاغاني حرام.. وترضي انو ربنا يغضب عليكي عشان الاغاني الي بتسمعيها..بأسلوب : عشان خاطري.. وعشان انا احب اشوفك بدا اللبس وعشان انا احبك واخاف عليكي ,, حتقولك عشان خاطرك انا بسوي كدا يا حبيبي ومن عيوني ومن الكلام الحلو،، وحتقولو من قناعة ورضا.. اما تقولها ممنوع وما يمشي عليا.. اكيد بتعاندك وتقولك بكيفي..

كل شي يمشي بالتفاهم والحوار والأسلوب..

وشكرا..

الملك سعود · 08-11-2009, 09:25

عاد تصدقين من اووول مره قلت بقوووولك خليك في بيت اهلك احسن ويالله مع السلامه

بس قلت ياااملك لا عندي حل احسن
قلت ايش قاااال

هااااذي تاااخذها زي العسل ولما تجيك البيت تربيها بطريقتك تعلمها الاسلوووب السااادي والمااازووووخي و و و و

عشااان تعرف ان الله حق

اتمنى القى وحده ترد علي بالرد هاذا

ياسلاااااااااااااااااااااام امنيه اتمنى تتحقق ،،،

سارونه البارونه · 08-11-2009, 10:27

متااااااااابعه ،،،

[ ولد مغرور] · 08-11-2009, 11:15

اقتباس:

المشاركة الأصلية كتبت بواسطة حياويهـ

.

.. السلام عليكم ورحمة الله وبركاته ..

وأهلا فيكم

هلا وعليكم السلام والرحمه ..

عندي موضوع وأسئله صغنونه أوي وقلت دامني فاضيه خليني أقولها لكم ونسولف

..

تفضلي .. بس مادري وشفيكم يالبنات هاليومين .. مناشبين الشباب .. بمواضيع .. قويه
وحاااشرينا فيها
^_^

مثل ماتعرفون مقبلين للزواج وكذا

الحمدلله .. يارب يوفقنا .. وييسر امورنا كلها .. ويرزق مخطوباتنا الصلاح
آمين يآرب ..

وحطيت هـ الموضوع للشباب عشان أستفسر منهم
ايه يلا عاد اخلصي .. ^_^

فـ حط نفسك بهالموقف العظيييم

تقدمت لبنت ووافقت وتملكتو

الحمدلله ..

وحدث بينكم مكالمات في فترة الملكه

تمام واحسن شي .. يصير كذا .. ^_^

بس أنت شفت أن لبسها وفيها أساليب مو عاجبتك

ايوا .. طيب ..

قلت ياولد خلني أتدخل وأكيد تحبني وماراح تردني

وأقول لها لبسك هذا تغيرينه

مايمشي علي الكت والبناطيل والميدي

وشوفي الأغاني ممنوعه ماتسمعينها ولا شيء

والنت مافيه دخله ولعب ووناسه

لك البيت وأنا وبس

وأنت متحمس تتشرط عليها

اولا .. مالي دخل بالبنت/ دام توني مالي اشهر معدوده مالك عليها .. كذا بهججها مني ..
وبكرهآ فيني ..
يعني للحين هي باقي في بيت هلها .. وهي عايشة ربع قرن مع اهلها .. وبنات اقاربها
وقروب البنات اللي طالعين بالجديد والغريب ..
يعني لازم يكون عندي شوية ثقافه عن جيلها ..او شوية فن تعامل وحواري لبق ..معهآ ..
عشآن ما اخسرها ..
واشمت العذولين والحواسد فينا بدري بدري ..
^_^

قالت : طيب أنت وش دخلك

> أح قويه

ايوا هاذآ اللي خايف منه .. صار الحين ..
^_^

أموري أنا لي دخل فيها وأنت أمورك لك > مع أن هذا الكلام الصح

طبعالا مو الصح الكلام هذا ..
الصح انها تقول .. ابشر باللي تبي .. بس .. !!
انا كم عندي....... وتبدى تغير لبسها اللي عليه ملاحظات ..
او خرابيط العاب نت .. او خرابيط ثاية .. !!
^_^

بس لك دخل بـ أمورنا الزوجيه فقط لا غير

واكبر غلط هالنظرية هاذي .. الزواج مشاركة وعشرة .. واشيآء حلوة ووووو.... الخ ..
^_^

أما لبسي والنت والأغاني وغيره هذا من شأني متى مابغيت تركتهم

برآحتها .. وش اسوي انا بديت معها بالعناد .. والتسرع بالقرآرآت الفرضية عليها ..
قبل لا افهم مزاجها او تفكيرهآ .. او حتى ستآيلهآ .. ^_^

يحق لك النصيحه وليس الأجبار ..

اقول لا يكثر هرجك ..هذا اذا صآرت مو زوجتي ..
^_^

...

أنت هنا عزيزي الرجل

* وش موقفك لما سمعت هـ الكلام منها ؟

والله موقفي عادي جدا .. اتوقع كلام اكثر من كذا .
/ اذا ما احسنت التعامل مع مخطوبتي .. من اول لقآء ..

*هل راح تتهور وتصارخ عليها وأن هالشيء مو من حقها ؟
لا لا كلش الا المصارخ .. ورفع الصوت ..
بالعكس .. يعني احترم وجهات نظرها .. وان كانت سلبية .. [ اقصد بحدود البيت .. مو خرابيط مكالمات وغزل وبلاوي زرقاء]..
يعني اخذ كلامها على ود وتفاهم .. واسلوب بليغ بالتعامل الراقي ..
وليس الهمجي ..

^_^ >>ولا يكثر ..

*هل هـ الكلمة فيه كسر للرجوله ؟

اكيد عند بعض الحنس .. وبعض الشباب .. عندو هالكلام هذا .. يخسيه ويصير مو كفو .
ويطلق .. ويندم بعدين ..

^_^

* قول لي وش أحساسك بالضبط ذاك الوقت ؟

اذا قالت لي هالكلام ..
بخليها تقرقر لين تخلص .. وتقول اللي في جعبتها .. هههههههه

اقصد اللي في خاطرها .. ثم اعطيها ضمه .. .. الخ ..

*_^

.

واللي عنده زيادة أبد يجي هنا ويتكلم بس بعيداً عن الألفاظ الخارجه عن الأدب

ابد ماعندي زياده .. الا اني اقول ..
فتره الملكة او الخطبة .. [فتره تعارف] .. لا تخلو من التناقضات والتنازلات ..
الشاب الحليم .. هو اللي بيكسب قلب خطيبته بآقصر وقت .. وراح يشكلها باي طريقة يبغى ..
وبس ..

واكل العنب حبه حبه ..
^_^

يـ الله أنطلقو بأرائكم ..

مابغينا نخلص .. ههههههههههههههههههه ^_^

بالتوفيق

حياويهـ

مشكوووورة يا آخت حيآويهـ .. على الطرح المفيد والممتع ..
ولك كل الود والتقدير..

دمتِ بسو ~

أمير الخبر · 08-11-2009, 11:54

المعروف بأن الرجل هو ولي الأمر
وهو الي ينهي ويأمر
وهذا الأساس والمعروف
( ومعنى الحديث الشريف )
قول النبي صلى الله عليه وسلم
( لو أمر بالسجود لغير الله لأمرت بالزوجه أن تسجد لزوجها ) أو كما قال النبي عليه أفضل الصلاة والسلام

وهذا من عظم مكانة الزوج

ولكن يكون الأمر والنهي بأسلوب لا يجرح الزوجه أو يضرها
والواجب على المرأه السمع والطاعه
وإذا عصت زوجها فقد وقعت بالأثم

هذا الأساس والمفروض على كل زوجه

============================

أنا كوني رجل
أبي زينة زوجتي لي وبس
وش فايدة زينة الزوجه يوم تكون للغير
من ناحية اللبس
أبيها تلبس الي تبيه إذا هي ببيتي
لو تمشي بالبيت بدون أي قطعه
الي تبيه تسويه

بس بالخارج
إذا تبي تلبس الجنز أو غيره
ما راح أعقدها ولا اضيق صدرها
عادي
بس شرط
ما ينشاف شي منها للغير
وش فايدة الزوج إذا ما يغار
وش فايدة الزينه إذا تمر على عين غيري
تقدر تلبس الجنز إذا بتطلع لبيتنا أو بيت أبوها
بس اهم شي الغطاء الي عليها العبايه >> تكون طقطق أي شي أهم شي تغطي نفسها >> خخخخخخخخخخخخخخ أووووخص يالي تغار >> أكيد

من ناحية الأغاني
تبي تسمع تسمع
بس راح أتركها تسمع لوحدها
تبي تشوف تلفزيون راح أتركها تشوف الشي الي مو عاجبني لوحدها
إذا هي تحب زوجها ومطيعه وتبي رضاه راح تترك الشي الي يضيق صدره
واذا ما تبي شي راجع لها أنا علي أنصح وأحافظ ولا أبي أولادي وبناتي يتربون على القنوات الخالعه ولا على الاغاني
أبيهم يتربون على بر الوالدين أبيهم يتربون على الامور الي تسعدهم بحياتهم المستقبليه
أبيهم يتربون على التعلم والثقافه المفيده ولو يكلفني الكثير
مو بكره بسبب الاغاني والتلفزيون ينسون أصول دينهم وتكثر الشياطين في بيتي وبالاخير تسيء حالتهم النفسيه وتجيهم الضيقه والتعب >> وضيقتي وتعبي ومرضي ولا ضيقتهم أو اشوفهم في محن من محن الدنيا >> أوووخص يالاب الحنون >> ابيع نفسي لعيونهم

من ناحية الأنترنت
أنتم عارفين
وما يخفى عليكم وش الحاصل
والواقع بالانترنت
قبل مده
أسأل وحده من الأخوات بالانترنت
أقول لها
تؤيدين دخول النت لبيت المتزوجين؟
أو للابناء؟
قالت والله ما ارضى ولا أنصح
تقول
ما ضيعنا إلا هو
ما تركنا نبيع الغالي إلا هو
ما تركنا نتجرأ على الدخول بالحرام إلا هو
قلت ليه كله محرمات
قالت لا يا أمير
بس الشر أكثر من الخير
يوم دخلت للنت كان بهدف البحث
واليوم ماسنجرات وتعارف وكامات ومواقع يوتيوب وبالاخير نفضي شهوتنا على هالامور
وتقول لي
قصة بنت
عنوان قصتها
دخلت داعيه
وخرجت داعره
إلا من رحم ربي
وهم قله

وبالاخير
أذكر
بأن الزوج هو الي ينهى ويآمر
والزوجه هي الي تطيع وتقول تآمر يا زوجي وسمعاً وطاعه
ولكن
أنصح كل شاب
بأنه يكون حكيم بتصرفاته
تبي تغير البنت للافضل
كن معها زوج وحبيب وصديق
تبيها تترك الاغاني والتلفزيون
لا تآخذها بس باسلوب الامر والعنف والعناد
خذها بالأسلوب اللين والرقيق
تأكد لو كسبت قلبها
راح يقبل قلبها منك كل شي تبيه

وحتى البنت لابد تصبر
وتعرف الصح وتتبعه
وتعرف الخطأ وتتركه
ولا تعاند
صعبه نخسر الزوج بسبب قطعه بالريالات أو بالمئات
صعبه نخرب بيوتنا بسبب تلفاز المقدمين فيه ما صكو لنا خبر
صعبه نضيع حياتنا ونضيق صدورنا بسبب أغاني تافهه ما ترشد إلا إلى الزنا والتنازل عن العفه

الله يوفقك ويسعد الجميع
وعلى فكره أنا ابي زوجه فله وناسه وصدرها وسيع ولبسها دلع وكل هالامور لي وبس >> والله لاخليها تنسى أسمها >> اوووخص يا خطير >> حركتات

bodybuilder99 · 08-11-2009, 14:02

انا أقول للزوج اذا كان مايحب هذا كله من زوجته,,,,,,, فين كان عقله وقت اختيارها؟؟؟ ما سئل عنها وعرف ايش تحب وايش تكره؟ ماعرف مدى التزامها بدينها وحشمتها؟اذا ما سئل يستاهل يتحمل الي يجيه ويحاول يصلحها بشويش وبالهداوة بأسلوب القصة والقدوة والنصيحة غير المباشرة ولا يستعجل عليها

حياويهـ · 08-11-2009, 21:02

أطيب قلب صراحه مافهمت وش قصدك .. يعني من البدايه أنت ماتفضل اللي غير بيئتك وأطباعك ؟ ..
tito_hanatc شاكره مرورك وأجوبتك ..
سلايل كحيلان أولاً أكيد هي حرة في بيتها ..
ثانياً النت أذا أنت ماتجلس عليه وهي متواجده فهي كذلك ماتجلس عليه وأنت متواجد .. أما أذا الزوج يجلس وهي زيها زي الجدار وأذا سوت سواته وقال لا ومدري أيش فهذي فيها تناقض

طيب كيف فيها كسر للرجوله والكلمة صحيحه أنه هو ماله دخل أساساً ؟

أنا أتوقع من تربيتنا السعودية أنها أعطت الكرت بـ أن الرجل يتحكم في المرأءه في كل شيء للأسف .. لك الحق في منعها من الخروج الا بـ أذنك
لك الحق التدخل في التربيه
لك الحق بـ أنك تحصل على حقوقك الزوجيه
ولكن ليس لك الحق في التدخل بـ أمورها الشخصييه ، والا ماسميت شخصييه !!!!
בزينـﮧ رغم ضـבـڪآتي هههههههههه يالبى قلبك ياشيخه .. بس مدري متى يفهمون القصد من التدخل في الأمور ، لأن أشوف للحين القصد من هالكلمه مشربك في مخهم ومحتاسين

خخخخ
nawaf514_8 ياعيني عليك هذا الكلام والا فلا .. ياحظ زوجتك فيك

..
مافيني امل أيييه للحين موجود هذي أجيال وسنين أهلنا يربون وينشؤون فيهم هالنوع بدواخلهم وتبين تروح بسرعه

ليتهم غرزو فيهم شيء صحيح غير التسلط والتدخل

..

شاااكرة تواجدكم وسعيده فيه ..

حياويهـ · 08-11-2009, 21:16

moony14 أذا أسلوبها أمر ونهي ، فما رأيك بـ أسلوب الزوج اللي ماله حق أساساً في التدخل بـ أمورها ؟؟
صح عليك أنا قلت النصييييحه وليس الأجبار ..
الملك سعود خخخخخ أنت على بالك أن البنت بهـ الزمن تتمنى الزواج وبتقول لك لا الله يخليك لا تتركني أبيك

اللي كذا هم بنات أووووووول ، ألحين بنات هالزمن لو تقول لها زواج عاشت بنكد وماتبي
أنا أقولك بتقول لك روح دربك أخضر

لأن البنت أولاً: تكره الرجل اللي كذا ، فـ أنت طلعت على حقيقتك وأنت بالملكه بتقول الحمدلله اللي أنكشف وأسلوبه كذا وش اللي الله باليني أعيش معه
فـ أكيييييد بتضرب لك التحيه بتقولك مع السلامه وبتحمس أكثر منك خخخخخخ ..
أن شاء الله تتحقق أمنيتك .. بس حط في بالك أن المرأءه أذا قهرتها أو أستفزيتها ماراح تسكت لك فلا تحط ببالك أنها مجرد دميه راح تملكها
لأن لها كيان واحاسيس ومشاعر ، وبتقلب حياتك نكد

وأنت أدرى بنفسك ..
سارونه البارونه يالبى اللي يتابعون تابعي ياقلبي وشاركي وناقشي الأعضاء

..
[ ولد مغرور] بعض كلامك حلو .. بس أنتبه تكون تتظاهر لزوجتك بـ أنك الرجل اللي بيريحها ويخليها تسوي اللي تبي ثم تصدمها بحياتك الواقعي
لأن راح تصير أشياء أنت شخصياً راح تندم عليها وتقول ليتني قلت لها من البدايه

فـ أحسن شيء تطلع على حقيقتك ماتتصنع المثاليه وأنت من جنبهاا ..

شااااكره تواجدك وماننحرم من هـ المداخلات والنقاشات ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تعالوا يارجالنا المتملكين أبيكم تتخيلون وتجاوبون من دون عصبيه أوتسي