عالم الحياة الزوجية - منتدى

alo0oa · 08-11-2009, 04:48

السلام عليكم

بداية يسعدني جدا الانضمام اليكم وبما اني من المقبلات على الزواج فاكيد راح الاقي الفايدة معكم سواء بالاستفادة من قصصكم وتجاربكم او قراءة ارائكمـ ومشاركتكم بما لدي

بداية انا ملكت من جديد من حوالي شهر تقريبا

وطبعا الشي الاعتيادي انو بعد الملكة على طول تبدا المكالمة بين الخطيب وخطيبته

مشكلتي اني لليوم مو قادرة افهم خطيبي ومو قادرة اخليه يفهمني

احس نوعه من الرجال الجامدين الغير رومانسين والمتسلطين ذو الشخصية القوية جدا

يعني مااحس باهتمامه ومااحس بمحبته ولابخوفو عليا

كنت اقول ببداية الامر انو اكيد هذه البداية ولانها البداية لازم تكون مشاعره متجمده ناحيتي لانو مايعرفني لسى

لكن صارلنا شهر وانا شايفة الحال واحد .. يعني احس كانو مقبل على الزواج من باب ارضاء اهله وارضاء من حوله ولانه هذه سنة الحياة ولانه صار بال30 ليس الا

مايحسسني ابدا اني زوجته واني راح اكون شريكة حياته دايما يحبطني بكلمه انتي لسى صغيرة ،، كبري عقلك ومايصير كدا

احاول اتعمق فيه اكثر عشان يتعود عليا ويحس اني شي اساسي بحياته لكن مني قادرة

لدرجة خطرت ببالي افكار كثير قولت يمكن في انسانة تانية بحياته كان نفسو يرتبط فيها وماصار نصيب ولليوم مو قادر ينساها او يمكن مجبور عليا (مع انو مافي شي يجبرو عليا لانو مو قريبي) او يمكن هو كدا طبعه جامد وصارم وصعب التعامل معاه

كل مرة كل مااقول اني فهمته ارجع الاقي نفسي مو فاهمته ابدا وكانو انسان جديد قدامي ماعرفته من قبل

مع انو كل صحباتي وقريباتي الي انخطبو معايا وبنفس الفترة تقريبا مافي فرق بينا غير بالايام علاقتهم مع ازواجهم افضل بكثير من علاقتي مع زوجي

ايش الحل كيف اخليه يعتاد على وجودي ويخليني بحياته شي اساسي لايمكن الاستغناء عنه

كيف اقرب منه اكتر وافهمه واعطيه المجال انو يفهمني ويفهم طبيعتي

يعني لو اي بنت بدالي ايش تنصحوني وش الحل معاه ولو كنتو بدالي ايش بتسون ؟؟

والشباب ايش اكتر شي يجعلك تخلي خطيبتك او زوجتك تاج على راسك وكحل بعيونك ؟؟

مع العلم اني جربت كل الطرق معاه لكني حاسة انو كلها بائت بالفشل

ابغى المساعدة منكم ومناقشة ارائكم ارجووكم

ابعاد من الافق · 08-11-2009, 06:28

رأيي انك تثقفي نفسك قسم المقبلين على الزواج توجدبه الكثير من المواضيع اللتي تجيب

على تساؤلاتك وزياده

دمتي بود

اختك

مناااااااااار8 · 08-11-2009, 06:33

الله يوفقك

bodybuilder99 · 08-11-2009, 14:24

شوفي يا أختي الناس مختلفين في احتياجاتهم وتطلعاتهم العاطفية،، ولكن مهما كانت نوعية زوجك راح تكون علاقتكم أفضل بكثير بعد الزواج انشالله.انا اكلمك عن تجربة، بعض الرجال يكون جاف في الاول لانو مايعرف هذه الانسانة ولا يقدر يتقبلها ببساطة في حياته ولكن بعد الزواج يتغير كثييييييييير وتصير زوجته محور حياته واهتمامه.لا يغرك ان بعض زميلاتك ازواجهم اكثر رومانسية من زوجك فالقلوب بين اصبعين من اصابع الله عز وجل يقلبها كيف يشاء ولا تستغربي انه ممكن بعد زواجك تلاقي زوجك يحبك في مقابل انو وحدة من صاحباتك الي كانت طايرة فرح في فترة الملكة تعيش بعد الزواج فترة غير جيدة.أخيرا أكلمك عن قناعتي في انجاح اي زواج: قناعتي هي انه كلما كان الزوجين أقدر على تقبل شخصيات بعضهم (وليس محاولة تغيير شخصية الطرف الاخر) كلما كان الزواج انجح.وصدقيني بعد الزواج راح تجي مرحلة المودة والرحمة وهي أهم من فترة تأجج الحب الي انتي تحلمي فيها الان (مع اني مانكر ضرورة هذه المرحلة الي كلنا نتمناها حتى الرجال مو بس البنات) ولاكن صبر جميل والله المستعان برودة زوجك في هذه المرحلة وعسى ربي يعوضك خير في الايام القريبة المقبلة.

ياليتني طفله99 · 08-11-2009, 15:47

يمكن هو من النوع اللي مسوي نفسه ثقل واتوقع ان شاء الله انه بعد الزواج راح يتغير وررربي يوفقك

~اطيب قلب~ · 08-11-2009, 15:53

لانزعلين والله كل الرجاااااااااااااال كذا

لينا26 · 08-11-2009, 16:11

أنا نفس وضعك ياقلبي صحباتي كلهم قالوا لي انه فترة الملكة احلى فترة في حياة البنت بس أنا شفت العكس ولما سالت قالوا لي أكيد يتغير بعد الزواج مالنا الا الصبر و الدعاء

بنوته رومانسيه · 08-11-2009, 16:24

لاوالله اذا من اولها كذا وش تنتظرين منه بعد الزواج

بنتك يالسعودية · 08-11-2009, 16:47

شوفي اختي اذا انكم متفاهمين وتحسينه مناسب لك لاتفكرين في جفافه لان الشئ هذا بيتغير بعد الزواج
النوعية هذي بسهولة تكسبينه لكن شوي صبر وتبريد اعصاب
والرجال يختلفون من شخص لآخر ,وآضح ان زوجك يحب الثقل
اهم شئ لاتفكرين بالطلاق ولاتقارنين بينك وبين خطاب صديقاتك لانك بتتعبين
وبالتوفيق

عبـــير · 08-11-2009, 16:58

شوفي
هل هو انسان عاقل متزن ولا سفيه
محافظ على صلاته ولا مفرط فيها
كريم ولا بخيل لان البخل يضم في جنباته افعال ذميمة كالئم أقلها ..

اذا تعدى صفة السفه والبخل وترك الصلاة

فلا تنظري لجفافه او اي شيء اخر
الحب والسكن والود والرومانسية هذا حتيجي مع الوقت

وانتظري حتى يذوق كلاكما عسيلة الاخر
وحتشوفو الفرق

والدعاء يتخالج في السماء مع القدر
ادعي لكي وله بالسكن والود والسخره
بالتوفيق ان شاء الله

العيون السمر · 08-11-2009, 17:51

والله حبيبتي الله يوفقك ويعينك.... بس في رجال من هذا النوع يكون عملي مو رمانسي وهذا النوع متعب في التعامل بس سايسيه وانشاالله بتلقين نقطه اتصالبينك وبينه...

تحياتي....

لذة غرام)) · 08-11-2009, 19:28

شوفي يااختي ماهي المشكله معقده ولا شيء مالك الا تدعين ربك ان الله يسخره لك ولا يشو ف في الدنيا غيرك ..وان شاء الله يارب بتغير

alo0oa · 08-11-2009, 22:11

اقتباس:

المشاركة الأصلية كتبت بواسطة ابعاد من الافق

رأيي انك تثقفي نفسك قسم المقبلين على الزواج توجدبه الكثير من المواضيع اللتي تجيب

على تساؤلاتك وزياده

دمتي بود

اختك

ماانا ماانضممت لكم الا عشان احاول اتطور نفسي بزيادة

عشان اقدر افهمه وادخله من جيمع الطرق

شكرا لعطر وروعه حضورك

alo0oa · 08-11-2009, 22:12

اقتباس:

المشاركة الأصلية كتبت بواسطة مناااااااااار8

الله يوفقك

تسلمين على حضورك

وربنا يوفقك ويوفق الجميع يارب

alo0oa · 08-11-2009, 22:16

اقتباس:

المشاركة الأصلية كتبت بواسطة bodybuilder99

شوفي يا أختي الناس مختلفين في احتياجاتهم وتطلعاتهم العاطفية،، ولكن مهما كانت نوعية زوجك راح تكون علاقتكم أفضل بكثير بعد الزواج انشالله.انا اكلمك عن تجربة، بعض الرجال يكون جاف في الاول لانو مايعرف هذه الانسانة ولا يقدر يتقبلها ببساطة في حياته ولكن بعد الزواج يتغير كثييييييييير وتصير زوجته محور حياته واهتمامه.لا يغرك ان بعض زميلاتك ازواجهم اكثر رومانسية من زوجك فالقلوب بين اصبعين من اصابع الله عز وجل يقلبها كيف يشاء ولا تستغربي انه ممكن بعد زواجك تلاقي زوجك يحبك في مقابل انو وحدة من صاحباتك الي كانت طايرة فرح في فترة الملكة تعيش بعد الزواج فترة غير جيدة.أخيرا أكلمك عن قناعتي في انجاح اي زواج: قناعتي هي انه كلما كان الزوجين أقدر على تقبل شخصيات بعضهم (وليس محاولة تغيير شخصية الطرف الاخر) كلما كان الزواج انجح.وصدقيني بعد الزواج راح تجي مرحلة المودة والرحمة وهي أهم من فترة تأجج الحب الي انتي تحلمي فيها الان (مع اني مانكر ضرورة هذه المرحلة الي كلنا نتمناها حتى الرجال مو بس البنات) ولاكن صبر جميل والله المستعان برودة زوجك في هذه المرحلة وعسى ربي يعوضك خير في الايام القريبة المقبلة.

والله كلامك كله درر وعلى العين والراس

وكثير جات ببالي انو فعلا ممكن ينعدل بعد الزواج

لكن بنفس الوقت انا خايفة ماابغى اجازف يعني فرضا ماانعدل!

فرضا صار اسوء من اول لانو صرت معاه وببيته وقتها

يعني اذا ايام الخطوبة واحنا بعاد وهو كدا !! فكيف بكرا بس اصير عنده

انا هادا محور تخوفي اكتر شي

على العموم ربنا يكتب الخير ونشوف ايش يصير معايا بالايام الجاية

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مشكلة شبه معقدة !!