عالم الحياة الزوجية - منتدى

~ أمل بألم ~ · 08-11-2009, 08:51

السلام عليكم اعضاء المنتدى

من وين ابدأ كلامي من وكيف اسرد قصتي
حياتي كلها هموم واحزان

بدايتي باختصار

تزوجت من واحد اخلاق وطيب بس عيون الناس ماترحم وانفصلت عنه جسديا
بس قلبي متعلق فيه مررة
مر على طلاقي 3 سنوات

تزوجت الحين من 3 شهور ونصف من واحد الكل مدحه (مطلق )
بس فيه ناس يقربون له قالوا لنا اسألوا
انا ماوافقت عليه الا بالضغط من اهلي بطريقة غير مباشرة
وافقت عليه على انه اهو اللي مايبي طليقته

في شهر العسل واهو يتكلم لي عن الطلاق وانه يفكر يرجع لطليقته
من اخذته واحنا في مشاكل ..
ندخل في مشكلة ونطلع من مشكلة
وكل مرة اروح عند اهلي اطلب منه او اهو من نفسه يخليني انام عند اهلي
كله عشان تخف حدة النقاشات بيني وبينه

عقب العيد وانا عند اهلي ..
من فترة قصيرة دقت علينا اللي تقرب لهم واهي بنفس الوقت ام جيرانا
تقول ان طبعه شين
ويعدها لقينا رقم ام طليقته
تقول لوكم داقين علينا قبل الزواج كان اقول لكم لا تاخذونه بس دام طاح الفاس بالراس خلها تصبر
..
انا لي شهر ونصف عنداهلي واهو جا ياخذني بس انا رفضت الين يكلم اخوي
واهو رجع البيت ولا كلم اخوي
ومن عقبها بس كلمني يسألني اني مااشتقت لبيتي
نسيت اقول لكم انه متقلب يجي يقول لي كلام وبنفس الوقت يغيره

انا يا اعضاء تعبت من حياتي
في راسي استفهامات كبيرة ؟؟؟؟؟؟؟؟
ليش في شهر العسل يهددني بالطلاق وان طليقته تترجاه يرجعها ؟
ليش يكذب علي من اول مكالمة بعد الملكة ؟
ليش يكذب علي ان طليقته تتمناه وانه بيرجع لها مع ان الحقيقة العكس ؟؟
ليش ام جيرانا ماعلمتنا الحقيقة عنه ؟
ليش اهلي ضغطوا علي ؟

ليش وليش وليش ؟؟؟؟؟؟؟؟؟؟؟

والله العظيم اكتب لكم قصتي وانا اصيح مقدر استوعب اللي انا فيه
خسرت اشياء كثيرة بحياتي
والله العظيم اني في كربة

انا خلاص حياتي انتهت ومشاعري اختفت بعد طلاقي الاول ..
انا كتبت لكم قصتي ماابي منكم الا الدعاء
بس ادعوا لي ان الله يصبرني ويثبت على قلبي

خبير الحركات · 08-11-2009, 09:26

لاحول ولاقوة الابالله

الله يصبرك ويفرج همك ويعينك ويساعدك

الله يهدي زوجك ويجعله قد المسئوليه ويرجعه لرشده

م-سيف · 08-11-2009, 09:41

الله يعينك ويصبرك ...

الحياة صعبه ...

صمت الدروب · 08-11-2009, 09:43

الله يفرجها عليك غاليتي والله حاسة فيك بس ما عندي شي اقولة

صمت الدروب · 08-11-2009, 09:45

الله يفرجها عليم عاجلا غير اجل ويحنن قلبه عليك ويسخره لك

سلاف. · 08-11-2009, 09:47

حبيبتي يمكن قالك هالكلام خايف من الطلاق مرهـ ثانيه ؟؟
ايه خايف .. لاتستغربين صدقيني خايف انك تشوفينه بانه مطلق ولابد فيه عيب
يعني فيه شي وهو نسى انك نفس الشي مطلقه
صدقيني الشغله نفسيه وربي شخص يطلق وحده ويتزوزج ثانيه
تتوفق الثانيه والاولى لو عاشت معه مستحيل تتوفق
لاتقولين وش معنى بقولك ارادة الرحمن هذا اسمه قسمه ونصيب
وربي اني فهمت وضعك من كتبتي وانتي ما عطيتي قلبك مجال يحبه
وهو ما قال هالكلام الى يبيك تشوفينه شي مهم
وليش سوى هالشي يبي يبن انه مرغوب
لا تهدمين حياتك وممكن فعلن انه سيئ يعني شديد مع الاولى
بس معك راح يكون شخص ثاني
عطيه فرصه ثانيه فديتك لا تهدمين حياتك عشان كلام انقال
ولا عشان شي باقي بخاطرك لطليقك شوفيه ثلاث سنوات ماسئل ولا فكر
فخلاص اقتنعي بالي كتبه ربي لك ماقولك خلاص هذا نصيبك بس عطيه فرصه
ولا راح تخسرين شي واكلي مانع مؤقت لين تشوفين وضعك معه
وجيبيه بالكلام الحلو والسياسه وربي يا قلبي هذي هي الحياه
ولا كل الرجال هادين ورايقين ودامه يتصل ويقول ما وحشك بيتك معناه
تهمينه فكري بكلامي من زاويه اخرى زاوية انسانه ثانيه جات وقرت الموضوع
راح ان شاء الله تقتنعين الله يوفقك يارب ويسخره لك لمى يحبه ويرضاه تقبلي مروري حبيبتي
اختك ... سلاف

قرموشه · 08-11-2009, 09:48

احس انج ما تعديتي مرحلة الطلاق وحتى زوجك ( لا تشوفين المشكل من منظورك ,, شوفيها من منظور اكبر ) اذا تبين زوجك حليها واذا ماتبينه طلبي الطلاق قبل لا تنجبون اطفال .
اول شي لاحظت شي انك بعدج تذكرين طليقج <<<< لازم تنسين اذا تبين تعيشين حياتج سعيده
وحتى زوجك بعده مانسى طليقته <<< لازم تقعدين معاه وتقوليله زواجك فيني هي عباره عن صفحه يديده نبتديها مع بعض ولازم ننسى اللي فات عشان نقدر نكمل
وهذي المره حاولي تتصلين بطليقت زوجك وامها <<< قوليلهن انك تبين تبدين حياة جديده وماله داعي انه تتصلون على زوجي او فيني وتنتقود زوجي وقوليلهم احنا جيران واللي فات مات و وحاولي تكونين لينه معاهم ومع زوجك .اذا كان بينه وبين طليقته اطفال رتبي اوقات زيارات .
وبعدين على طاري المشاكل <<< ترى الانسان يعتبر مثل المغناطيس اذا تبين مشاكل بتوصلج المشاكل اذا ماتبين مشاكل مابتوصلج مشاكل
وحاولي تتصلين على مستشار اسره على الاقل يعطيج حلول للوضع اللي انتي فيه وربي يصبر حياتج وابتسمي لا تزيدين الهم عليج ^_^

المنفهق · 08-11-2009, 09:54

اقتباس:

المشاركة الأصلية كتبت بواسطة سلاف.

حبيبتي يمكن قالك هالكلام خايف من الطلاق مرهـ ثانيه ؟؟
ايه خايف .. لاتستغربين صدقيني خايف انك تشوفينه بانه مطلق ولابد فيه عيب
يعني فيه شي وهو نسى انك نفس الشي مطلقه
صدقيني الشغله نفسيه وربي شخص يطلق وحده ويتزوزج ثانيه
تتوفق الثانيه والاولى لو عاشت معه مستحيل تتوفق
لاتقولين وش معنى بقولك ارادة الرحمن هذا اسمه قسمه ونصيب
وربي اني فهمت وضعك من كتبتي وانتي ما عطيتي قلبك مجال يحبه
وهو ما قال هالكلام الى يبيك تشوفينه شي مهم
وليش سوى هالشي يبي يبن انه مرغوب
لا تهدمين حياتك وممكن فعلن انه سيئ يعني شديد مع الاولى
بس معك راح يكون شخص ثاني
عطيه فرصه ثانيه فديتك لا تهدمين حياتك عشان كلام انقال
ولا عشان شي باقي بخاطرك لطليقك شوفيه ثلاث سنوات ماسئل ولا فكر
فخلاص اقتنعي بالي كتبه ربي لك ماقولك خلاص هذا نصيبك بس عطيه فرصه
ولا راح تخسرين شي واكلي مانع مؤقت لين تشوفين وضعك معه
وجيبيه بالكلام الحلو والسياسه وربي يا قلبي هذي هي الحياه
ولا كل الرجال هادين ورايقين ودامه يتصل ويقول ما وحشك بيتك معناه
تهمينه فكري بكلامي من زاويه اخرى زاوية انسانه ثانيه جات وقرت الموضوع
راح ان شاء الله تقتنعين الله يوفقك يارب ويسخره لك لمى يحبه ويرضاه تقبلي مروري حبيبتي
اختك ... سلاف

ما قصرت سلاف
وازيدك من النصايح بيت
دخولك لحياتك "الجديدة" بتراكماتك النفسية "القديمة"
لن ينفعك بقدر ما سيضرك
انتي لم تعطي لنفسك مجال ان تعيشي حياتك مرة اخرى
زوجك عندما قال انه سيرجع لطليقته
هل يا ترى قلتي له : لا حبيبي ما اقدر اشوفك مع غيري
ولا قلتي لهـ : بالطقاق
سييييبك من كل شي كان
مأساتك السابقة انسيها وحاولي تاخذينها رصيد خبرة لك
لكي لا تدخلي في مأساة ثانية
صدقيني لو يبي يرجع لطليقته ما تزوجك
كل الحكاية انه يشوف ردة فعلك
فاتمنى تعطي نفسك مجال تحبيه
وتحاولي تعطينه فرصه يحبك
ولو كان عنده سلبيات خذيه بيده للطريق الصواب
وربنا يوفقكم جميع

قحطاااني ماااركه · 08-11-2009, 09:59

بصراحه ما اشوف فيه مشكلة حقيقة ؟؟
انتي متعلقة بطليقك الأول عشان كذا تفتعلين مشكلة من لاشيء
وتشوفين كل صغيرة تصير ينكم شيء كبير ، لا بد من التنازل وعدم المقارنه بين زوجك الحالي وطلقيك وترى الكمال لله سبحانه وإذا ناوي يرجع طليقته ما عليك إلا الصبر
والإحتساب وهو عليه العدل والإنصاف بينكم ..
الله يوفقك ويسهل امورك

♥نــ الـهـدى ـور ♥ · 08-11-2009, 10:07

شوفى يا اختى

الزن على الودان امر من السحر

متسمعيش من اللى يقول ده وحش

ولا اللى بيذم فى زوجك

لانهم اكيد مش همهم مصلحتك

ازاى انا متزوجه وواحده تقولى ده زوجك وحش يبقى قصدها ايه ؟مصلحتى؟طبعا لا

ولو انتى شفتى من زوجك اللى مضايقك بامكانك تكلميه وتواجهيه

ويمكن ده طبعه

المفروض منك تعرفى طبع زوجك يا تغيريه يا تتأقلمى انتى عليه

ارجعى بيتك واتفاهمى معاه

وموضوع انه هددك بالطلاق وانه عاوز يرجع طليقته وهى اساس مش عاوزة

يمكن عاوز يحسسك انه مرغوب فيه

فهميه والامور تتحل بهدوء مش بسيبان البيت

طول ما انتى برة بيتك عمر المشكله ما هتتحل

فاتومي · 08-11-2009, 10:12

هونيها وتهون .....................

الله يعوضج خير

[ ولد مغرور] · 08-11-2009, 10:26

السلام عليكم ..
الله يعينك على بلواك ..

^_^

بس الحين لازم تفكرين في الحل .. مو تفكرين بالمشكلة ..

خلاص اللي راح راح .. واللي صار صار ..

الحين انتي قدام مشكله .. [ واعتبريها مشكلة تصيب العايلات كلها ] ..
ارجعي لزوجك (مثل ماتفضلو الاخوان والاخوات فوق ).. وافتحي صفحة جديدة .. وابدي غيري زوجك
وعدليه ..
صدقيني .. لو بتفكرين بكلام ام طليقته السابقة .. [رآح يظرب مخك من زود التفكير والندم ]..

اعتقد الاخت o0opy .. الله يجزاها خير ذكرت اشياء .. وهي متزوجه مثلك ..
وتفهم لك اكثر مني بآمور الحريم وعقلياتهن .. ..
^_^

ودمتم جميعا بود وتقدير ..

مشموم الفل · 08-11-2009, 10:31

حبيبتي حاولي تشيلي كلام الناس من راسك وحاولي تنسي الماضي وحاولي تنجحي حياتك
هو يقولك انو طليقته بدها ترجعله تعرفي ليش لانو حاسس بضعف ونقص ما يحب يشعر انو انسان مرفوض من قبل وحدة انت مع الايام تفهميه وربي معاك
وام الطليقة ما راح تقول فيه كلام زين مادام طلق بنتها يا اختي لا تخربي بيتك

وفي · 08-11-2009, 10:36

الاخت امل

لن اتكلم عن الماضي اللي انت سبب ماوصلتي له

اسمحيلي
المشكلة تكمن فيك
وهي عدم تقبلك له

تركتي الاصل
وذهبتي للفروع من ليش وماليش

الحل اما ان تتقبلينه
او ستستمرين في دوامة لبش وماليش
ولن يتغير شي

والله يفرج همك ويسعدك

دوواك عندي · 08-11-2009, 13:21

لاحول ولاقوة الابالله
الله يصبرك ويفرج همك ويعينك ويساعدك
الله يهدي زوجك ويجعله قد المسئوليه و يحنن قلبه عليك يارب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

وربي تعبت مدري وش اسوي بحياتي ؟!