عالم الحياة الزوجية - منتدى

فشفاشه · 09-11-2009, 02:31

السلام عليكم ورحمة الله وبركاته
بليييييييييييييييز ابي مساعدتكم
انا مشكلتي ممكن أي احد يقراها يشوفها بسيطة وماتستاهل بس بالنسبة لي متعبتني مره
...لدرجة اني اعجز انام

قبل 3 اشهر تقريبا انخطبت والي خطبني ولد عمي وأنا كنت متوقعه هالخطوه منه لأني عارفه انه يحبني من زمان ويتمناني !!
بس انا مااحبه ولا عمري فكرت اتزوجه وكنت رافضه فكرة زواجي منه بقوووووه لاني كنت عارفه انه رح يخطبني..
هو انسان خلوق وطيب وعلى نياته ومتخرج من الجامعة ومثل ماقلت يحبني وهالاسباب في نظر أهلي كافيه لموافقتي ولأي احد يسمعها .....

بس المشكله
اني مااحمل له في قلبي أي مشاعر لا احبه ولا اكرهه وقلت لاهلي هالكلام بس مااقتنعوا
صليت استخاره 4 مرات وفي كل مره كان في احساس قوي بداخلي يقول لي وافقي
ارتحت لهالاحساس واطمنئت له..........ووافقت
((..بالرغم من خوفي من موضوع المشاعر....!!

و ملكت ولا حسيت بأي شي اتجاهه ولا حسيت اني مخطوبه ابدا
قلت يمكن مع الايام يمشي الحال....
بعد 3 ايام من ملكتي ارسل لي خطيبي مسج غرامي زي أي اثنين مخطوبين
واليوم الي بعده كلمني ...كان مرتبك الى اخر درجه ونسى كل الكلام وضعيه
في المقابل كنت باااااااارده بقووه
حسيته ضعيف ومو واثق بنفسه
بطلت المكالمات وصرنا مسجات بس حتى مسجاته كانت تبين ارتباكه وتحسسني بضعفه.....
اعطيته ايميلي وصرنا على الماسنجر
بالاول مشى الحال بس بعدين بدت تطلع العيوب

انا تربيت بمدينه وخطيبي بقريه يعني قروي...........حطمتني هالنقطه
شكله ابدا مو وسيم يعني مو جذااااااب ابدا.........كمان هنا تحطمت
اسمه كارثه..هو اسمه على اسم جدي اسم نااادر وغريب.....
وهالنقطه كمان حطمتني لأن أي وحده تسألني اش اسم خطيبك مااعرف اش اقولها اذا قلت الاسم الكل يستغرب ويضحك................اتحطم بقووووه>>>صرت احسه شي محرج بالنسبه لي
لأنه سريته تخلي الكل يضحك
بعد ماكنت انسانه واثقه وماعندي شي يحرجني

لدرجة صرت ماالبس دبله واخبي عن البنات اني مخطوبه عشان اتجنب سخريتهم على اسمه
بس حتى لو تخلصت من سخرية صديقاتي ماتخلصت من الي يسمونه اهلي مزح
لأن اهلي يتريقون على طريقة لبسه وكلامه بحكم انه قروي لدرجة انهم خلوني اكرهه واقرف منه!!
يعني ضغط صديقاتي واهلي في المقابل هو مايساعدني احبه
احسه ضعيف ومتردد

يعني اذا قال ابي اشوفك وقلت له "لا" يقول خلاص
انا اسوي فيه اشياء مره قويه ابيه يعترض يقول لا...............مافيه امل
ابي احس ان له كلمه و رأي
سمعت انه المفروض مااحاول اغيره واتقبله مثل ماهو...بس مو قادره

بس مو هو الانسان الي حلمت فيه مع انه ماكان فيه شخص محدد ببالي مجرد مواصفات
كنت اعدل نفسي وشكلي واطباعي عشان احصل على الانسان الي احلم فيه
بس انصدمت بالواقع....!!

صرت اكرهه واكره صوته وطاريه حتى رسايله مااقدر اقراها
ولا اكلمه ولا اشوفه
والمشكله انه يفسر حركاتي كلها على انها خجل......؟؟
مع اني جريئه معاه بقووووووه
يعني اتكلم عادي واقول أي شي ابيه...اصلا طول المكالمه انا الي اتكلم وهو ساكت
لأني لو سكت مايلقى شي يقوله ومع كذا يفسر حركاتي خجل.....!!!
مو متخيله اننا رح نتزوج ونعيش في بيت وااااحد
تعبت وابي حل
اكمل معه؟؟؟
ولا اتركه؟؟
اتحمله مثل ماهو؟؟
ولا اغيره؟؟
واذا اكمل معه....كيف اقدر احبه؟؟

طائر الفينق · 09-11-2009, 02:41

اقتباس:

انا تربيت بمدينه وخطيبي بقريه يعني قروي...........حطمتني هالنقطه
شكله ابدا مو وسيم يعني مو جذااااااب ابدا.........كمان هنا تحطمت
اسمه كارثه..هو اسمه على اسم جدي اسم نااادر وغريب.....
وهالنقطه كمان حطمتني لأن أي وحده تسألني اش اسم خطيبك مااعرف اش اقولها اذا قلت الاسم الكل يستغرب ويضحك................اتحطم بقووووه>>>صرت احسه شي محرج بالنسبه لي
لأنه سريته تخلي الكل يضحك
بعد ماكنت انسانه واثقه وماعندي شي يحرجني

مع احترامي انتي امراه سطحيه جدا

بيدك انتي الحل

غيري طباعك قبل ان تطلبي منه اي شي

فانا لاارى فيه اي عيب فانتي من تكسري مجاديفه

انتي تبحيثن في قراره نفسك عن رجل يجيد الكلام يجيد الغزل

احمدي الله ابن عمك من شحمك ولحمك سيحفظك ويصونك
واحمدي الله انه ابن قريه لايعرف الغزل ولااللف ولاالدوران

اعذرينا على الصراحه
مودتي

هلا باالجرح · 09-11-2009, 02:47

تبين تسوين مشكلة من لا مشكلة !!

فشفاشه · 09-11-2009, 02:56

اقتباس:

نتي امراه سطحيه جدا

والله مو سطحيه ...وانا كنت متأكده انكم رح تقولون كذا

بس مشاعري شي مو بيدي....نفسي اني احبه نفسي اعيش اجواء الخطوبه

بس مو قادره احبه ابدا.....ممكن يكون قدامك شخص رائع بس انت ماتتقبله
وانا هذا الي قاعد يصير معي
وانا اصلا من قبل مااوافق عليه ماكنت متقبلته وقلت يمكن بعد الخطوبه يتغير الحال
بس ماتغير شي وانا خايفه ان هالوضع يستمر حتى بعد الزواج

الاردن-اولا · 09-11-2009, 03:11

انا اقول ان مافيه تفاهم من هلا كل واحد بطريق
اما قصه غيريه وميريه
كلنا عارفين الطبع غلب التطبع
ومن شب على شيء شاب عليه
من كلامك مو طايقته ...وكيف بكون زواج بدون ان يكون بين الزوجين تفاهم
او حتى مشاعر تخلي كل طرف يتنازل ويسامح
اخطاء الثاني
الانفصال اشوفه مناسب
والله يجيب الي فيه الخير

الفراشة الزرقاء · 09-11-2009, 03:14

كل شي بالغصب الا الزواج اذا ماتبينه اتركيه
شي سهل لانكم الا الحين ماتزوجتوا

لكن لو انا مكانك احاول اغير نظرتي فيه واعرف ان ربي كل يعطيه على قدره
واتزوجه يعني ولله الحمد مافيه شي قوي يخليك تكرهينه
وابغى اقولك معلومه ترا الحب يخلي الشخص ضعيف قدام اللي يحبه

وراح اقولك قصه تثبت لك صحة كلامي
(فيه شخص يحب وحده من قريباته المهم تزوجها وتوقعوا انهم يعيشون بسعاده
لكن المشكله انه مادخل فيها وجلست تقريبا ست شهور عذراء طفح الكيل فيها وراسلت دكتور معروف اسمه عبدالله الجعيثن تقول في رسالتها اني مليت وابي اطلب الطلاق وابقول للناس اني عذراء عشان تكون فرصتي بالزواج مره اخرى احسن المهم الدكتور عرف من رسالتها انو قريبها ويحبها
وقالها انو الشخص سليم لكن المشكله تكمن في الحب يكون ضعيف قدامك عشانه يحبك وعلمها كيف ماتكون انانيه الى اخره.............)

الخلاصه انو يمكن يحس بالضعف تجاهك بسبب الحب وترا معروف عن رجال القرى انهم كفو ولايهونون الباقين

الحمد لله انك استخرتي وارتحتي فربي اعلم بالغيب منك وتوكلي عليه وان شاء الله خير

ام يزيد7 · 09-11-2009, 03:18

ياأختي دامك استخرتي وارتحتي وتمت الملكه
معناه ان شاء الله فيه الخير ومايمنع انك تستخيري
مره ثانيه ولايهمك المظهر والاسم واشياء اخرى
الرجل باأخلاقه وانتي حسيت بهذه الاشياء لانك
رسمت في مخيلتك فارس احلام ولا في الخيال
ثم انصدمتي بالواقع والظاهر ان زوجك شخص
علي نياته احمدي الله علي كل حال
ولاتقولي اسمه وشكله واشياء ثانيه لانك لسا بنت تتمني
يكون شريك حياتك بموصفات مثاليه ولاكن اذ تزوجتي
وفهمتي الحياه راح تعرفي ان الزوج باخلاقه مو بشكله
ويش الفايده اذا كان اسمه جميل وشكله اجمل واخلاقه
سيئه ترا مافيه شي كامل واذا عن صديقاتك وانهم يضحكون
ردي عليهم بالرد واحد اهم شي الاخلاق مو الاسم ولا غيره
ماضنتي راح يستهزؤ مره ثانيه اذا شافوا عندك قناعه وثقه
واذا عن الملابس وانه مايعرف يتكشخ اذا تزوجتو راح تغير
من لبسه واشوف ان مشكلتك الاساسيه من الداخل مافيه قناعه
داخليه لاكن خذيه نصيحه من اخت محبه ((الرجل باأخلاقه مو بشكله ))
استخيري وتوكلي

CHANEL No.5 · 09-11-2009, 03:21

اتركيه و ربي بيعوضه زوجه افضل منك

اقلها يلاقي له وحده واثقه من نفسها و لا عليها من كلام الناس

سالت جدتي مره

قلت لها فيه ٢ تقدمو لي واحد يحبني و الثاني احبه من اتزوج ؟

قالت تزوجي الي يحبك لانه بيسوي كل شي عشان يسعدك

و انتي على سالفة اسم و قروي و الناس و مادري وشو

صحيح انك ماتستاهلين هالمشاعر الي يكنها لك

و بكره تتزوجين رجال يعطيك على راسك و تعرفين قيمة هالي يحبك من كل قلبه

فشفاشه · 09-11-2009, 03:22

الطلاق صعب وقووووووووويه
واهلي مارح يرضون ابدا
انا وافقت عشان الاستخاره واكيد الخيره في مااختاره الله
بس المشكله اني مو قادره احبه ابدا

مو عارفه اش اسوي عشان احبه.....والله في بعض اللحظات احس اني اكرهه الى اخر درجه
احيانا يكون عندنا وبعد مايروح مااقدر ادخل المجلس عشان مااشم ريحة عطره...!!
ادري انه انسان كويس ومافيه عيب بس كمان مشاعري شي مو بيدي....

انا الي ابي اعرفه كيف اقدر اتقبله؟؟؟؟؟؟؟؟؟؟

هالة ضوء · 09-11-2009, 03:29

ياشيخة احمدي ربك انتي بنعمه بس مو شايفتها

ايش تبغي غير قلب طاهر نظيف مالف ولادار

عاجبينك شباب النت اللي كل يوم معا وحده الشطارة مو بكثرة الهرج والجل والجينز الضيق والكوووووووول

عالفكرة تردد خطيبك هذا من الحب وترى رجال القرى لاحبوا حبوا من اعماق قلوبهم ولاتعتقدينه مايعرف للحركات هوا مسوي

حشيمة لاهلك للاسف الظاهر انك ماعندك قدرة على قراءة الشخص اللي مقابلك

اذا منتي مقدرة النعمه اتركيه وخليه ياخذ وحده غيرك تقدره وتشيله عن الارض شيل
الله يهديك بس

فشفاشه · 09-11-2009, 03:37

اوكي طيب ادري الحين انه كويس
واني تافهه واطالع لاشياء مالها داعي.................طيب
وكنت متأكده انكم رح تقولون لي كذا..!!
لكن والله مااكذب عليكم احيانا انهار من البكاء
يوم خطوبتي الكل مبسوط الا انا
بس قولوا لي اش اسوي عشااان احبه؟؟؟؟

لولي الصغيرة · 09-11-2009, 03:39

الله يعينك

الفراشة الزرقاء · 09-11-2009, 03:39

اقتباس:

المشاركة الأصلية كتبت بواسطة فشفاشه

الطلاق صعب وقووووووووويه
واهلي مارح يرضون ابدا
انا وافقت عشان الاستخاره واكيد الخيره في مااختاره الله
بس المشكله اني مو قادره احبه ابدا

مو عارفه اش اسوي عشان احبه.....والله في بعض اللحظات احس اني اكرهه الى اخر درجه
احيانا يكون عندنا وبعد مايروح مااقدر ادخل المجلس عشان مااشم ريحة عطره...!!
ادري انه انسان كويس ومافيه عيب بس كمان مشاعري شي مو بيدي....

انا الي ابي اعرفه كيف اقدر اتقبله؟؟؟؟؟؟؟؟؟؟

الحمد لله يعني قدرنا نقنعك انه مو ضعيف شخصيه طيب راح اقولك كيف تتقبلينه
روحي للسوق واشتري له ملابس وعطور على ذوقك واهديها اياه
وبالنسبه لأسمه ترا مو هو اللي مسمي نفسه ابوه
وحاولي تتكلمين معه بصراحه بس بدون تجريح
وانت عقلك ان شاء الله كبير وتقدرين تحتوينه
الله يوفقك
راح اضل متابعه موضوعك

الفراشة الزرقاء · 09-11-2009, 03:44

اقتباس:

المشاركة الأصلية كتبت بواسطة فشفاشه

اوكي طيب ادري الحين انه كويس
واني تافهه واطالع لاشياء مالها داعي.................طيب
وكنت متأكده انكم رح تقولون لي كذا..!!
لكن والله مااكذب عليكم احيانا انهار من البكاء
يوم خطوبتي الكل مبسوط الا انا
بس قولوا لي اش اسوي عشااان احبه؟؟؟؟

انت يااختي مو تافهه ولاشي... هو احساس تحسين فيه وكتبتيه
ولو ماتبغين النصيحه و مشاركتنا لمشاعرك كان ماكتبتي لنا

وسعي صدرك وطولي بالك
وحاولي تغيرين نظرتك فيه وان شاء الله خير

كليـ وفاء · 09-11-2009, 03:45

اسلوبك غلط ايش من قريه واسمه اقول اتركيه عسى ربي يعوضه بخير منك وبعدين ماتدرين كيف يطلع العريس الي على الموضه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تكفووون محتاجه مساعده