عالم الحياة الزوجية - منتدى

** عازف ** · 07-09-2005, 15:54

سلام ياجماعه

جدي الله يرحمه يوم كنا صغار كان فيه نشيده ينشدها لنا قبل الدراسه ...

كان يقول

السبت سبوووووووت
والأح
عنكبوووووووووت
والأثنين أمبا أمبا
والثلاثاء ...نسيت الباقي

المهم طال عمركم

يوم السبت عوده الطلاب لمقاعد الدراسه والترم الجديييييييد

وأخوكم عازف بيعووود للمدرسه لكن هالمره بيوقف قدام الطلاب ومو وراء الكرسي

المهم طال عمركم وطال عمركن....

أنا من النوع اللي يحب يجذب أنتباه الطلاب ويحببهم فيه ولا أكون فقط معلم لهم بل أخ أكبر قبل أن أكون معلم خصوصا أنهم طلاب مرحله متوسطه...لأنه الدراسات النفسيه ونظريات التعلم أثبتت أنه لما يتقبل الطالب معلمه ويحبه يسهل عليه فهم أي موضوع من قبل هذا المعلم ....

وهذه المرحله يحتاج فيها الطالب لشخص يتفهم نفسيته ويساعده على عدم الإنحراف أيضا ....

المهم مالكم بالطويله

ابيكم تساعدوني في أفضل أنواع الهدايا اليوميه اللي ممكن آخذها معي للمدرسه...سواء يوميه أو أسبوعيه....

كتكات وفشافيش وعصيرات هذي قاضين منها وشاري لهم فشفاش ياباني اللي الكيسه ب18ريال

>>>أشتريها لهم وآكلها قدامهم بالفصل ههههههههههه

أبي أفكار جديده ...

لأني غالبا أبمسك مرحلة اولى متوسط وهذولي مساكين توهم جايين من الابتدائي وخايفين أول أسبوع وودي نسوي أكشن حلو معهم ونكسب فيهم أجر

حاولو تتذكرون وش أفضل الهدايا اللي تمنيتوها لما كنتم طلاب أو طالبات...

أخوكم عازف...

أفكر أشتري لهم طواقي...

عشان يشخصوووووون

HaVeN · 07-09-2005, 16:01

عازف ماشاء الله عليك لم أتوقعك مربي أجيال !<-----لا أعلم لماذا

فكرة جميلة منك وحرص تشكر عليه

لي عودة عندما أجد بعض الأفكار

******حلم****** · 07-09-2005, 16:08

عازف انا جربت فترة مع المتوسط لو ماشديت عليهم اول شي ,,,,, بياخذون عليك وبيطيحون الميانه وانت بتتورط بعدين ماراح تقدر تمسكهم زين .......
لا ترخيها بالمرة ........لانهم فترة مراهقه حاسين انهم كبروا ومدرى ايش ,,,,,
ومدرى انت تقصد هدايا بس ولا تبى افكار للتطبيق بعد الدرس ,,,,,,,,؟؟

** عازف ** · 07-09-2005, 16:22

اقتباس:

المشاركة الأصلية كتبت بواسطة start

عازف ماشاء الله عليك لم أتوقعك مربي أجيال !<-----لا أعلم لماذا

فكرة جميلة منك وحرص تشكر عليه

لي عودة عندما أجد بعض الأفكار

هههههه
ليه مو راكبه علي ...وإلا شكلي مدير كبير...؟

وأنتظر أفكارك...

اقتباس:

عازف انا جربت فترة مع المتوسط لو ماشديت عليهم اول شي ,,,,, بياخذون عليك وبيطيحون الميانه وانت بتتورط بعدين ماراح تقدر تمسكهم زين .......

هلا حلم

من هالناحيه لاتشيلين هم ....

مثل ما أنا أرخي لهم الحبل شوي...أشده مررره ثانيه متى مابغيت ....
ودائما في البدايه وخصوصا أول الأيام يفرض المعلم شخصيته ويتعود الطلاب على طريقته ومن ثم يرخي متى ما أراد ويشد متى ما أراد
خبرتي ودراستي وشخصيتي كووويسه جدا ولله الحمد في التعامل معهم ...ووقت الجد جد ....

مشكووورة حلم على المرور والرد

بنت الرجال · 08-09-2005, 02:50

يؤيؤيؤيؤ عازف مطرس عيت تدخل بمخي000مدري وش بيطلعون طلابك مراجيجن مثلك خخخخخخخخخ

الموهم

شوف انا عندي خطط ممكن تاخذوه وممكن لا براحتك

وش رايك تسوي لهم مسابقه من يربح الخرووف خخخخخخخخ تراني جاده

اذكر اخوي لما دخل المتوسطه سووه لهم ومره تحمس مع المدرسه والمدرسين

يعني تحببهم من البدايه بالمدرسه وهم بهالمرحله يبي الواحد يهتم فيهم اكثر من اي مرحله وصعب شوي التعامل معهم لاتقدر تعاملهم كصغار بالابتدائي ولا كبار بالثانوي

وسوو لهم هالمسابقه وفاز زميله بالخروف

تران ماعندي سالفه بالنسبه للعيال وساعه ادق على ولد خالتي بغش منه بعض الافكار بس موب يرد لارد بجيب لك وش يفرحهم ووش هم يبون

تحيتي واحترامي لك

دمت بالف خير خيو

ربي يوفقك ويسعدك في دنياك واخرتك

النوخذة عبدالله · 08-09-2005, 09:39

عيال اليوم قلهم شغلوا البلوتوث ابرسل لكم وبينبسطون منك وقلهم اللي ممكتاز كل يوم ابرسله رسالة وسائط وشف العلم زين خخخخخخخخخخخ

Aseal · 08-09-2005, 11:27

الهدية تختلف على حسب انت مدرس شنو ؟؟؟

يعني لو مدرس علوم اللي يجاوب صح جيبلة تويس هههههههه

او مدرس عربي ........ قول فيهم قصيدة ....... موشرط قصيدة كاملة بيت بيتين يكفي ,,, عاد انت شاعر

أو مدرس رياضيات الللي يجاوب عطه فلوس .... عاد كم مدري ؟؟ بس اكيد انت ومدة ايدك

******************** وطار الراتب **********************

اقتباس:

حاولو تتذكرون وش أفضل الهدايا اللي تمنيتوها لما كنتم طلاب أو طالبات...

اذكركان ودي ذهب ( تراكي او اسواره ) <<بس هاذي مايعطونها إلا حق الاولى ع مستوى المدرسة

طبعا ماينفع ذهب للصبيان ....إلا اذا كان قصدك لامه

بس ينفع تعطيهم قلم بس يكون فخم إذا موفخم لا تعطي لانهم عيال متوسط وياكثر طنايزهم

اقتباس:

أبي أفكار جديده ...

اذكر لما كنت باولى متوسط كان فيه لوحة معلقة جمب السبورة فيها اسامي العشرة طالبات المتميزين

عاد انت قولهم من البداية كل شهر راح يكون عندنا متميزين وراح اعلق اساميهم ع هاللوحة واللي مايحالفه الحظ الشهر

هذا راح يحالفه الشهر الجاي <<< عشان يشدون حيلهم

<<<< مدري اذا الفكرة قديمة بس احلى شيء عجبني بالمدرسة كانت هالفكرة

اقتباس:

ابيكم تساعدوني في أفضل أنواع الهدايا اليوميه اللي ممكن آخذها معي للمدرسه...سواء يوميه أو أسبوعيه....

يومية ؟؟ مافي غير الكاوكاويات (شوكولاتة ) محد يشبع منها

وطبــــــعا لما تمدحهم وتشجعهم يرفع معنوياتهم اكثـــــــر من الهدايا

ومافي احلى من شهادة تقدير بس مواللي من مديرة المدرسة لا لا اللي من المدرس نفسه لان تخليهم ماينسونك

الله يوفقك ويوفقهم إنشاء الله

******حلم****** · 08-09-2005, 16:10

ومدرى انت تقصد هدايا بس ولا تبى افكار للتطبيق بعد الدرس ,,,,,,,,؟؟

ما جاوبتنى استاذ ,,,,,,,؟؟؟؟؟

مساء العنيد · 08-09-2005, 23:39

تربوبا مطلبك صحيح ومنطقي ولكن في اول ابتدائي فما دون ..
اما في المرحلة المتوسطة فيبدو هذا كلام مستغرب لان الاعداد كثيرة والطلاب تجاوزوا 12 سنة فالافضل ان تحببهم في شخصيتك من خلال تعاملك معهم وعدم الاساءة اليهم لا بالالفاظ او بالضرب وليس بالطريقة التي تفكر فيها لانها ملفته للنظر وقد تفسر بأكثر من معنى رغم انها عامة وليس خاصة لبعض الطلاب لذا لا داعي لهذه الطريقة .

اشكرك

اسامه

** عازف ** · 09-09-2005, 07:25

بنت الرجال

من يربح الخروووف؟بتخليني على الحديده أنتي ههههه

مشكووووره وأستفدت من آرائك...

أسيل

روووووووووووعه
تسلمييين

حلووومه
هدايا ...وأيضا أفكار نطبقها بعد الدرس

مساء العند
تربويا وتطبيقيا طلبي صحيح
وأتذكر واحد من الشباب كان عنده مشكله من هذا النووع وأن الطلاب مايفهمون عليه ...فمر علييه الموجه...وقال عاملهم كأطفال.

أيضا واحد من الموجهيين كان يقول لنا عن واحد من المدرسين في المتوسطه يقوول كان مميز جدا بسبب أنه دائما يكون معبي شنطته بحلويااات وإذا دخل يده في الشنطه تحمس الطلاب وشاركوا ليحصلوا على نصييب

طبعا أنا ماراح أجيب للأربعين
وماراح أجيب كل يوم
لكن وقت الحاجه ...

فمـان الجرح · 09-09-2005, 11:20

المتوسط مرحلة ما ينفع معهم هدايا ..

انصح بجعلهم قروبات اثناء شرح درس معين وطرح اسئله عليهم وترشيح القروب الفائز ...

وبعدين هالمرحلة تحتاج منك سيطرة كاملة لانهم يخرجون على كل القوانين والسبب مراهقتهم ..

******حلم****** · 09-09-2005, 16:22

عازف طريقه التشجيع تفرح حتى بالثانوي كنا نسوى معهم كذا وبالعكس هى طريقه مطلوبه لتحفيز الطلبه وكل مرحله يناسبها شي ,,,,,,
فيه عده افكار كنا نسويها بعد الدرس ,,,,,,ومنها طريقه X&Oتقسم الفصل فريقين واحد Xوالثانى O وتسال كل فريق سؤال عن الدرس واللى يجاوب يحط Xفى المكان اللى يبيه ,ونفس الشي الفريق الثانى اللى يجاوب على سؤاله يحط Oباللوحه واللى يكمل الخط هو الفريق الفايز ,,,,,,
طبعا اللوحه تسويها انت من قبل ولما تخلص الدرس تلعبهم صدقنى بيتحمسون ,,,,,,,مجربه شخصيا

******حلم****** · 09-09-2005, 16:38

فيه فكرة ثانيه اشتري شريط بلاي ستيشن وحطه بعلبه واسال اساله واللى يجاوب قله معلومه عن الهديه اللى يجاوب ويعرب الهديه تكون له ,,,,,,,
ومن ناحيه الهدايا الله يخلى ابو ريالين اشترلهم ميداليات او اكسسوار للجوال ,,,,,,
والافكار والله كثيرة بس نسيتها من القعده بالبيت

بس لو اعجبتك الافكار وتذكرت شي بمرك بصفحتك ,,,,,OK

بنت الرجال · 10-09-2005, 02:21

اقتباس:

بنت الرجال

من يربح الخروووف؟بتخليني على الحديده أنتي ههههه

مشكووووره وأستفدت من آرائك...

موب كل يوم خروف قل اميز واحد عندي اخر النصف بعطيه خروف

تحيتي

مرجوووجة · 12-09-2005, 15:03

الله فشارات يصلح اصير طالب عندك بس بجي اخذ الفشارات واروح ههههههههههههههههههه
بس اعجبن كلام نوف اذكر يوم انا بالمتوسط انبسط اذا حطتنا الاستاذة مجموعات وتكتب بالسنبورة

فريق أ وفريق ب وفريق ج
نتحمس كلنا بس مدري تنفع مع الطلاب ولا لاء
نفسيات الاولاد غير البنات اكيد

هـــــــيا بمان الله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

السبت سبووووووووووت