عالم الحياة الزوجية - منتدى

عقدالذهب · 13-09-2005, 16:48

وضعها مع الولد مافيه اي خيانه ابد لانها في الاساس ماوعدته بشي

اما بنسبه انها تزوج غيره ولا تخبره اتوقع انها هي اللي تبي تتعب بعدين لان من الواضح ان انها طيبه وحساسه

نصيحتي ترد عليه بالايميل وتخبره عن خطوبتها و تنهي اللي بينهم وبكذا تريح راسها ويكون تصرفه واضح معه .. يعني مثل اللي انهت السالفه معه

اما بنسبه لسالفة العمر ماتوقع انها مشكله من الاساس .. اهم شي توفيق الله ثم تفاهمهم .. والرجال اذا كان صالح ويخاف الله هذا المطلوب

كنت اتمنا ان الولد هذا راح وطلب يدها من اهلها وشاف ردهم عشان يريح ضميره ويحس انه سوى اللي عليه وهي بعد ترتاح

الله يوفقها ويسعدها ويوفق صديقها لزوجه اللي تسعده

مشكور اخوي على اهتمامك بصديقتك وكتابة مشكلتها .. والله يجزاك خير ...على حبك للخير

يوم آخر · 13-09-2005, 22:59

أختي ..
بصراحة وبدون زعل ..أنا الموضوع من بدايته للأسف لم يروق لي
لماذا كل هذا اللف والدوران ..
رأها.. أعجب بها ..يعرف أهلها ..بين العائلتان معرفه.. يعرف كل شي عنها..يعرف مكان منزلها
إذن لماذا كل هذة الحكاية الطويلة والعريضة ..
لماذا كلام الماسنجر ورسائل الايميلات ..لماذا هذا التخفي ..لمااااااااااااااااذا كل هذا الانتظار ؟؟
لاداعي لكل ماحدث ..لاداعي لتطويل المسافات ..لاداعي لكل هذة المقدمات ..
أنا ضد هذا النوع من التعارف بإسم التعارف بنية الزواج
لا طريقة للزواج أفضل من الدخول من الابواب
وفرق 8 أشهر ليس بالفرق الكبير ..فلماذا تقفل الباب في وجه هذا الشاب بحجة أن أهلها لن يوافقوا
وما أدراها هي بأنهم لن يوافقوا ؟؟
المفروض أن تتركه يتقدم وبعدها لكل حادث حديث ..بعدها تنتظر رد فعل أهلها ومن ثم تحاول أن تقنعهم
الان هو سافر ولا أعلم كم ستطول المدة ..
وتقدم لها عريس وبدأت في الاستخاره ومع هذا مازالت تفكر فيه
الحل بالنسبة لي ..لاداعي للرسائل أو الايميلات ..خلاااااااااااااااااااااااااص كفاية كلام
الكلام سيطول أكثر وأكثر وليس هو بمجدي ولاحتى مفيد
وصدقيني ..لو كان هذا الشاب يريدها لما سافر قبل أن يضع النقاط فوق الحروف
لما سافر وترك كل شي على حاله ..لما سافر قبل أن يخطبها على الاقل
لما سافر إلا عندما يكون جرب كل الطرق والسبل
فلا داعي أن تفكر فيه أو حتى تتحسر عليه ..فكل ماكان بينهم كلاااااااااااااااام فهل ستتحسر على الكلام ؟؟
هي الان تستخير ..فلتكمل إستخارتها ..ولتعرف أن الكلام ليس دليل على الحب
فهذا المتقدم يحبها أكثر لأنه أعزها وأكرمها ولم يذهب ليتحدث معها في الخفاء
فالمرأة منا لن يفيدها إلا الفعل ..وهذا المتقدم رجل بأفعاله ..رجل بتفكيره
رجل تتأكد أنها بإذن الله إذا إحتاجت له غدا ستجده كعادته رجل أفعال
يصلح أن يكون زوج وأب ومربي أبناء ..وصديق وفي.. ورفيق درب ..وشريك حياة

أختك..شمعة الجلااااس

مسكين حالي · 18-09-2005, 15:19

عقد الذهب
اشكرج اختي الحبيبه على اهتمامج في الرد على موضوعي
بالنسبه لكتابه الايميل هي في الواقع طرشتله ايميل وضحت فيه انه تقدملها واحد وممكن انها توافق بس هيه في الواقع رفضت وهذا الكلام من يومين وطبعا هو مايدري واللي خاطبنها وايد اتحسر عليها واهله يخبرون امها بأنه يترقب اليوم اللي يشوفها فيه على انه مايعرفها مسبقا بس من كثر مايسمع عن عائلتها المحترمه وسيرتها الحسنه اما الكل
هيه خبرته بالسالفه وطبعا قالتله انها بتكون اخر رساله الولد اتضايق جدا وصدقيني يااختي العزيزه انه ماتهاون ابدن في خطوبتها بالعكس طرش ابوه علشان يكلم ابوها وقاله انه الولد يدرس برع ووهو اصغر عنها ورد والدها في واحد متقدملها ونحنا لازلنا نسال عنه اذا مالله كتب نصيب فالولد ولدنا ومافي داعي نسال عنه لانه ابوه مثل اخوي.
وهذا الكلام صار بدون علم البنت بس بالصدفه اختها الصغيره كانت ماره وسمعت ابوها يكلم امها بالموضوع وقالت حق اختها اللي صديقتي ولما عرفت اسمه عرفته على طول بس مابينت ابدن جدام اي حد

شمعه الجلاس
كلامج وردج كان مؤثر جدا وشرفني ردج على موضوعي
بس انا قلتلج من البدايه هو كان بيتقدم لها في فتره تواجده في البلاد بس ظروف البنت كانت شوي صعبه لانهم سافروا وامها كانت مريضه شوي بس كان يطرشلها ايميلات وهي عمدا ماترد لانها مثل ماقلتي هيه شو دراها برد اهلها هيه اخبر في اهلها مستحيل يزوجونها اصغر عنها لما يتقدملها واحد اكبر عنها بسنتين يقولولها صغير من ناحيه الغشمره بس لو كان زين مافي مانع للموافقه وهو لما عرف بالسالفه من خلال ايميلها طرش ابوه وهو بعيد وحتى ماكان بيسافر الا لما قاله ابوه راح اروح
يعني صدقيني اختي العزيزه ماتهاون ابدن في خطبتها على صغره علشان يحسس نفسه انه ريح ضميره وفي نفس الوقت مايلوم اهله انهم ماراحوا يخطبونها مع العلم انه في معرفه من العائلتين بس من بعيد

سؤالي الحين هيه رفضت اللي متقدملها وماتعرف ليش مع انها تريده وصدقوني مارفضته علشان اللي يحبها سبحان الله نصيب بس اللي ابا اعرفه الرفض كان من يومين ليش اهلها مافاتحوها الموضوع س امس امها سالتها قالتلها ابوج مدح واحد اسمه فلان رايح معاكم العمره قالت البنت هيه ماشالله اخلاق وطيبه بس بموضوع الخطبه ابدن مافتحته وقالتها الام انه يدرس برع وطبعا البنت تدري بس تسوي عمرها غشيمه

مسكين حالي · 18-09-2005, 22:48

شكلي كل يوم بمر على الموضوع اشحت منكم الردود

atlas · 19-09-2005, 01:21

ياأختي عليك بالأستخارة

وأتمنى لك التوفيق

مسكين حالي · 19-09-2005, 11:37

سرني ردك وان شالله الاقي مثل هذي الردود الشافيه

muneera · 20-09-2005, 00:44

ولو ان لي تحفظ على اسلوب التواصل بينهم من ماسنجر او غيره الا اني اعتقد ان تتوكل على الله وتتزوجه وفارق السن هذا ليس بمعضله، وانا استشف من اسلوبك ان البنت داخليا تريده وبامكانها ان تخبر اخته انه يوجد شخص متقدم لك، وتلمحي لها انك تنتظرين اخاها ان يتقدم فاذا لمستي استجابه سريعه، فهذا يثبت تمسكه بك والا فتغض النظر عنه ولا تعود لذلك ابدا .

مسكين حالي · 20-09-2005, 21:03

فاتحتها الام بموضوع الشاب اللي يحبها وانه تقدملها بس هو بعده 20 سنه وهيه دخلت ال21 مثلت ماقلتلكم انه هيه اكبر عنه ب8 شهور
قالتلها اخوانج وخواتج كلهم معترضين بس لو انتي بغيتيه محد يقدر يقولج لا كلهم بيفرحولج بس هيه الحين بين عقلها وقلبها تاخذه وهو مازال يدرس يمكن هذي اخر سنه ورتبه رقيب اول وكيف عن المعيشه صح بيسكنها في احسن حال ويا اهله بس بعدهم صغار على موضوع العرس بالنسه له هو ماشالله عقل واحد عنده 30 سنه بس هيه خيفانه مع الايام يقل حبه ولو اني مااعتقد ؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الله لا يهينكم...لاتبخلون علي بالحل السديد