عالم الحياة الزوجية - منتدى

مسكين حالي · 21-09-2005, 14:19

بعرضلكم قصه من الواقع

واحد يحب وحده حب جنوني لدرجه انه مايتخيل يعيش الدنيا بدونها شافها مره وعجبته وكان لحظتها في فتره مراهقه والمراهق تمر عليه انواع كثيره من الحب والاعجاب اوبعض النزوات
حبها وهيه اعتبرته مثل اخوها وهم اصلا كانوا مسافرين لمده 12 يوم وبعدها كل واحد سار في حاله يعني افترقوا لمده 5 سنوات حيث اصبحت هيه في 21 وهو 20 سنه يا فرق العمر من بينهم 8شهور يعني ظل يحبها طول هذي السنوات وماحب غيرها معقوله واحد يحب في مثل هذا السن ويظل متمسك فيها يعني ماكان حب لعب او شهوه كان حب صادق لتتفاجأ من والديها انه والده جاهم البيت وطلب ايد البنت مع العلم انها تنخطب وكل اللي تقدمولها مايعيبهم شي ولما جا هذا الشاب الكل وقف مندهش لموقفه؟؟
مافيه اي شي ينعاب سوا انه صغير في العمر اي اصغر عنها ومعقوله الوحده تخذل واحد حبها طول خمس سنوات وهيه على ثقه انه النجاحات اللي يحققها بفضلها علشان يرتقي ويتقدملها؟؟
هل يعتبر زواج متكافى في نظركم؟؟
تقبله علشان حبهاباخلاص وطلب ايدها بالحلال وكم الواحد يحس انه محظوظ يوم في انسان يفكر فيه وكون نفسه علشانه او ترفضه لانه العمر واضح بينهم ومع الايام البنت تكبر ويمكن يعيفها او يشبع منها بس اعتقد اللي يحب مره مستحيل يحب ثاني مره واللي اخلص مستحيل يخون؟؟
والاغرب راي اهلها مندهشين وفي نفس الوقت مخلينها على راحتها لانه القرار قرارها ولا مانع اذا هيه تريده؟؟بس الكل محطي في باله انها اكيد اكيد راح ترفضه بسبب العمر فقط؟؟

فشووو رايكم ياريتكم تشاركوني هذي المشكله لانه صاحبتها غاليه وعزيزه علي؟؟

مسكين حالي · 21-09-2005, 15:01

شكلنا مره ثانيه راح نشحت ردود؟؟
زياراتكم اكثر عن ردودكم

المتواضع · 21-09-2005, 15:45

ايش المشكله ترفضه اصغر منها عمر هذا المطلوب 0

احبها من قلب والدليل المده خمس سنوات شي طيب0

بنا مستقبله وحقق نجاحات لااجل الضفر بها 0

كل هذه الامور لايجب ان تقابل بالرفض0

اتكلي على الله واتزوجيه

مسكين حالي · 21-09-2005, 16:43

اخي المتواضع
اشكرك على هذا الكلام والرد المتواضع،صح انه الولد ماينعاب ماشالله عليه بس بتظل مساله العمر حاجزاو واقع شبه غير مقبول في مجتمعنا العربي لو البنت كبيره وعانس يمكن يقولون قطار الزواج فاتهاوتبغى تتزوج بس لما البنت تكون صغيره بيقولون شو اللي حادها وماشالله الخطاب مايوقفون ولا تشينهم شينه شمعنى هذا بالذات؟؟

اشكرك اخوي المتواضع مره ثانيه على حرصك واهتمامك واسعدني ردك المتواضع

اختك
مسكين حالي

ام رجاء · 21-09-2005, 17:26

[QUOTE=مسكين حالي]
الولد ماينعاب ماشالله عليه بس بتظل مساله العمر حاجزاو واقع شبه غير مقبول في مجتمعنا العربي يمكن يقولون

#000066انا معك بهالكلام بس اكيد لكل قاعدة شواذ وفرق العمر هون مش مهم خصوصا انو مابيتعدى السنة
بس اللي حسيتو من كلامك انو مافي اقتناع من طرفك وانك لما بتذكري بتسمي ولد وبراي المشكلة عندك انسي الفرق البسيط و وافقي
والله يخترلك الخير يارب

مسكين حالي · 21-09-2005, 22:03

مدام اتاسي
اشكرج على تجاوبج ويا الموضوع،انا معاج في انه لكل قاعده شواذ بس في نظرج دام انه حبها باخلاص هل بيظل يحبها باخلاص وخاصه انه نقدر نقول لازال مراهق وهيه كمان بس مع الايام مابيظل يعايرها بمساله العمر اللي حوالي 8شهور تقريبا؟؟طيب ليش هو عادي عنده انه هيه تكبره وهيه مسويه من مساله العمر عائق مع اقتناعها التام فيه.يمكن مع الايام تنسى العمر بس الناس ماراح ينسونها وخصوصا انها مش كبيره في العمر يعني ماشالله الف واحد يتمناها واللي تقدموا افضل بكثير من هذا الشاب ويمكن سبحان الله في هذا الشاب مميزات احسن من اللي تقدمولها؟؟
شو رايكم؟البنت شبه منهاره تخذله وترفضه او انهاتوافق وتعيش مع شبح العمر ونظره الناس؟؟
والاستخاره لابد منها بس بعد اقتناع الجميع؟

لاتبخلون برايكم يا جماعه لو مايهمني رايكم ماخليت موضوعها قضيه للنقاش وانا متاكده اني راح الاقي الحل عندكم

blackli9ht · 22-09-2005, 00:21

ترفضه علشان 8 شهور

فكرتها 8 سنوات

اميرالعشاق · 22-09-2005, 00:21

مافي فرق بالعمر

اهم شي تكون شخصيته مقنعة

واذا يحبك هذا اهم شي

مسكين حالي · 22-09-2005, 00:27

blackli9ht

مافهمت شو تقصد يعني حرام ترفضه علشان الفرق الصغير في العمر او انه شو بالضبط

شكرا على ردك

اميرالعشاق
عيل ليش يقولون الواحد ياخذ اصغر عنه احسن او البنت تاخذ اكبر عنها احسن

مع العلم انه عقله يوزن بلد ماشالله

وشكرا اخوي العزيز على ردك المتواضع

blackli9ht · 22-09-2005, 00:52

مسكين لحالي . اخوي العمر مو مشكله اصغر منه ولا اكبر منه .بعدين كل اللي بينهم 8 شهور . المهم يكون الولد من عائله طيبه معروفه شهم وخلوق ويعتمد عليه وفيه حس رجولي يعني يقدر يتحمل مسؤليته ومسؤليه البنت اللي يبي يرتبط فيها . لان هذا زواج مش لعب اطفال .وبالنسبه للعمر عندي اخوي اصغر مني عمره 21 تزوج بنت جارنا اللي يحبها وعمرها 24 يعني اكبر منه بثلاث سنوات ولهم سنه هالحين عايشين زي العسل والعالم كلها تحسدهم ولهم بيتهم بروحهم وخصوصايتهم ومحد يتدخل بينهم نهائي وهو شايل مسؤليه بيته بالكامل . انصحك بالاستخاره اخوي مسكين ودام الولد صادق ومشتري البنت لا تكسرون قلبه

الدبلوماسي · 22-09-2005, 02:47

الفرق 8 اشهر ، ومقيمين الدنيا ولو تقعدوها !!!!!!!!!!
يابنت الحلال رسولنا الكريم تزوج السيده خديجه وهي اكبر منه بـ 15 سنه . مو 8 اشهر .

دام الولد كويس وقادر على فتح بيت والبنت مرتاحه له ، وين المشكله ؟؟؟
يتوكلون على الله والله يسعدهم
مع تحياتي

مسكين حالي · 22-09-2005, 08:28

blackli9ht
ماشاالله عليك يااخوي جبتلناواقع من الحياه

فعلا انا بعد سمعت عن وايد ناس تزوجوا اكبر عنهم وعايشين بسعاده ماتوصف

وارحب بمشاركتك في في اي وقت

اخوي الدبلوماسي
كم سرني ردك الطيب لانه ردودك اعتبرهابمثابه الحل السديد

مثل ماقلت فرق العمر بسيط بس مع الايام مانظمن انه يبقى

الواحد يتوكل على الله في اموره وان شالله يكتبلهم الخير

يعني تصدم الكل وتوافق

؟؟ومايندرى كم بتتريا الولد

لانها هيه مخلصه وهو بعده يدرس ويمكن باقي له سنه ونص او 2 اصبح هو البنت وهيه الولد

أي تعليق؟؟

اغصان الخريف · 23-09-2005, 01:34

أنا برايي العمر ما هو بمشكله... المشكله ان البنت بتوافق لان الولد يحبها , وهذي مو سبب يخليها توافق , لازم تفكر في الولد كزوج مو كحبيب... لازم تختبر مشاعرها اتجاه الولد , واهم شي تتأكد ان يناسبها من كل النواحي,, لان اذا انعدم التوافق بينهم فالحب ممكن مع الايام والظروف يقل وينتهي,,, ياما شفنا ظروف اهدمت حب من طرفين فما بالكم لين يكون الحب من طرف واحد!!!!!

مسكين حالي · 23-09-2005, 10:44

اختي اغصان الخريف
فعلا الواحد لما يفكر في الارتباط يفكر بالجانب العقلي اكثر من العاطفي،هو في رايها ريال قد الكلمه ومساعد ويحب يخدم الناس وطيب ورجل مصلي ويمكن عصبي شوي بس سرعان مايهدأ بس هيه خايفه انه مستقبلا يفرض سيطرته ويطلع رجولته عليها بحكم انه زوجها.ومحد يقدر يقووللها لا توافقين بس الكل راح يكون معارض من الداخل لانها اول مره تصير في عائلتهم انه بنت تاخذ اصغر عنها ياما كانت هذي البنت متردده في قراراتها وهذي المره بتسبب مشاكل بس الكل راح يسكت او يمكن يكون في تدخل من الكل ولو وافقت واصرت عليه راح يقولولها ليش هذا بالذات؟؟؟
البنت محتاره وانا محتاره وياها والله مب عارفه بشو انصحها،الاستخاره لابد منها بس لين الحين ماجابولها معلومات عن الولد.
ومعلومه بغيت اقولها
من فاتحتها والدتها بالموضوع وهيه كل يوم تشوف في منامها اي شي متعلق بهذا الشاب اول مره شافت انه حد يقول انه فلانه مخطوبه حق فلان وفلان خاطبنها وثاني مره شافت شي بعد متعلق بالموضوع وثالث مره شافت انه رايحه تسلم على اهله خصوصا اخته بس اخته ماكانت موجوده
نصحكم اخواني واخواتي

قــ القلوب ــوت · 24-09-2005, 10:53

أخي الكريم

العمر مو سبب للرفض ياما بنات أخذوا شباب أكبر منهم بسنين ولا شعروا بالتوافق ولا السعادة والفرق مو مرة كبير بصراحه أنا رأيي تستخير ربها وتوافق إذا ما يعيبه شئ والله يوفقهم
ولنا في رسول الله قدوة

ودمت بخير
أختك : قــ القلوب ـــوت

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أتجدونها مشكله ام ضربه حظ ام اختبارمن الله؟؟