عالم الحياة الزوجية - منتدى

احلام وردية · 19-06-2008, 04:50

دام الزمـن عقـد عليـنـا حجـاجـه
كل ما يسـوي لازم نقـوول مسمـووح

ماينفـع المشتـاق كـثـر احتجـاجـه
دام الجفا في شرعكـم صـار مبيـووح

كل مـا هقيـت انّـا قريـب انتواجـه
القاك يـا خلّـي علـى البعد مشفـووح

وكل ما ضويت الشوق تطفـي سراجـه
وتترك شعووري بين حـي ومذبـووح

وشلون ألومـك لـو مشيـت بعواجـه
ماتدري ان كل الخطـا منـك مدمـووح

تعـال قبـل لاتـرووح بهديـك حاجـه
ماعاد لي فيهـا مـع البعـد مصلـووح

ماهـي رسائـل او عطـوور بزجاجـه
بهديـك قلبـي دامـك معـزم تـرووح

ونة قلب · 19-06-2008, 05:03

حذرتكـ مـره ومـرات ومــرار

مفروض تسمعني ولاكـن تماديـت

وقلت لك لا تأمـن الوقـت غـدار

تصبح على حاله وحاله بها أمسيـت

والعشق عالم غير وأسراره اسـرار

بعدك صغيـر... ومابنـاره تكويـت

tqtq · 19-06-2008, 05:21

تـفنن فـي طـروق الـحب شرقني iiوغربني

مـعك يا زين دوخات الهوى ويا حلو iiمشواره

وغـرد فـي سما سمعي أبي تحكي iiوتطربني

سواليفك مطر عمري .. ربيعي ضحكة iiأزهاره

حـبيبي يـا بـعد كـلي وكلك صدق iiتعجبني

بـغـيباتك وصـداتـك وتـلويعك iiوتـكراره

تـجنن كـل مـا اشـوفك احس انك iiتذوبني

وتـضيعني مـن الدنيا .. وتشب بخافقي iiناره

جـمـالك نـاهب قـلبي وتـفكيري iiنـاهيني

دلالـك يـا رقيق العود .. عود تعزف iiاوتاره

تـولـعت بـتصانيفك .. وتـعذيبك iiيـولعني

وعلى أي حال راضي بك شمس العمر وانواره

~{ ديـــــم .. · 19-06-2008, 05:58

هو أنت ناديت
وإلا الصوت خيّل لي ؟؟ ..
يامن ضلوعي إذا ناديت
سمعنك ..!!
اشتقت لك حيل
وودي أسألك قل لي ؟..
اشتقت لي

وإلا طيوف الشوق

ماجنك ..؟؟

ونة قلب · 19-06-2008, 09:28

كـسـّرت بـ داخـلي دنـيا وفعـلا ً مـا قدرت أصـمد ..

أبشـكي من وجـع نزفي .. وهـذي قصـة الترحـال

شوق الامس · 19-06-2008, 12:48

لاتلومونه مفارق احبابه

يبان في عيونه شوقه وعذابه

tqtq · 19-06-2008, 13:06

هيه يالي اغراك الليل واغراك النديم
هيه يالي هزك الشوق والمسرى ضياع

وقفي بين الخطأ والصراط المستقيم
وقفي بين التراحيب وكفوف الوداع

سولفي مثل المشاريه في صوت الحشيم
واسكتي مثل الشفايف لاطاح القناع

واضحكي مثل النواويير في روضة خريم
واغربي مثل المزاجات في غرب الرفاع

وابعدي مثل المتاهات في حلم اليتيم
واقربي بين السوالف وكتفي والذراع

وانظري لي نظرة الشوق للشي القديم
واغرقي بالدمع الازرق مضاليل وساع

واصبري مثل المسافات في صبر الحليم
واسمعي صوت الهوى يوم فليت الشراع

يوم صرتي عود ريحان ورضاي النسيم
واصبري يانجمة الصبح مال الصبح داع

قد طلبت الله وانا بين زمزم والحطيم
شوفتك ياغلا سميه لاصرتي رباع

العيون تجوع تجوع والله العظيم
والعشى في عيونك السود وعيوني جياع

ان عطيتي مايرد الكريم الا الئيم
وان بخلتي قلت تكفيني والدنيا متاع

اقبلي يامثل التباشير في وجه الكريم
وارحلي مثل التعازي على موت الشجاع

شوق الامس · 19-06-2008, 13:17

علمت ملهوف الحشا مرسل ٍلي <><> رسالتن تجعلني أفـرح بفرقـاه
إن كان ماقصد الحبيـب تغلـي <><> مااقبلك يالمرسول لانته ولاايـاه
أمي ليا شافـت خيالـي تهلـي <><> اركب على المتنين واقول يايـاه
ماانسى سنين ٍ درهـا سقوتلـي <><> معروفها مع طول الأيام مانسـاه
الوالـديـن بقلبـهـم لي محـلـي<><> ولا الغضي لا شاف غيري تحلاه

tqtq · 19-06-2008, 13:25

هذاانت والا حمرت الشمس iiواليم
ريح المطر والا نسايم iiحنينك

يومك ضحكت وبش باوجانك الدم
قبل الغياب وكلهم iiحاسدينك

كن النهار اللي رسم للشفق iiفم
ضحكة ثغرك اللي سماها iiجبينك

هذا انت والا من يضم الحشا ضم
هذي يدين البرد والا iiيدينك

ثلجي نحرك أدفى من غفاية iiالهم
عن خاطر صحوات همه iiتدينك

بأعانق احدود الضما iiوالغلاجم
وأبقي معك سيد هواك iiورهينك

شوق الامس · 19-06-2008, 13:29

كل المشاعر والامانـــي والاحــــــــلام

وهبتها لك في حياتي هــــــــــدية

حــب وغــــرام وعــشق وجنون وهـــيام

رغم التباعد والظروف القــــــــوية

تبقـــى على مـــراليالـــــي والايـــــام

قــــصة غـــلا تجـــدد الشــــوق فـيــة

يصحى هواك بداخل القــلب وينام

يزورني طيفك ويطـــــــــــري عليــــة

واللة ليبقى سنين وسنــين قـــدام

راسي مثل رؤؤس الجبال الــــرسيـــة

ماهو مجرد شــعرومجرد اوهام

قلبي معك صـــادق وروحـــي وفـــية ،،،،،،

ونة قلب · 19-06-2008, 14:19

تدري وش الي خاطري فيه ذالحيـن

انـي احـط ايـدي بيـدك واحاكيـك

وتدري وش الي يسعد الروح والعين

ردك علـي اليـا دعيتـك يالبـيـك

وتدري وش الي يقسم القلب نصيـن

لاصرت وحدانـي ولاانسـان يبغيـك

tqtq · 19-06-2008, 21:13

كـلٍ يقـول الزيـن كلـه بخلـي
أكيد ما شافوا مـن الزيـن حاجـه

ما شافوا اللي رمش عينه مظلـي
قلبي تكسر منـه كسـر الزجاجـه

خـلٍ ذبحنـي بالغـلا والتغـلـي
ربيـع قلبـي شوفتـه وابتهاجـه

هو روح روحي هو بعد كل من لي
لا شافني زعلان يضحك حجاجـه

ويفـز لـي فـزة محـبٍ يهلـي
هو طب جرحٍ ما عرفتوا علاجـه

وليشاف غيري صد كله رضاً لـي
حتى نظر عينه عن النـاس عاجـه

ما غير أناظـر بالخلايـق تسلـي
والله علم عن خافقي وش مزاجـه

أوادعـه ودمـوع عينـه تهـلـي
ما باعني قلبـه بموسـم خراجـه

ونة قلب · 20-06-2008, 09:53

هذا هو اللي تبيه .. ؟؟
اني ارحل من حياتك
واشعل عيوني بــ ليه..!!
بس خلاص ..!!
هذا هو اللي قدرته ..؟
وقدرك ربي عليه ..
بذمتك هذا كلام ..؟
اني ارجع من جديد
ارجع افرش كل تعب
عمري وانام ..
زين لحظه..!!
لااسالوني الناس وينك ..؟
وان درو ضحكة عيونك
عن عيوني سافرت
ردت لعينك ..
بذمتك قول ..
وش اقول ..؟
قول قول قول قول
الله يخرب بيت بيتك
توني يادوبي بديت
بعت عمري واشتريتك
خطوه خطوه واشتريت
توني باطراف البدايه
مدري وشلون
انتهيت ..؟
ياخي حس ..!!
والله عيب اللي تبيه ..
اني ارحل من حياتك ..
واشعل عيوني بــ ليه ..
لاجبينك شمس واحساسك مطر .
لاعيونك شوق وشعورك دفا ..
جبت لك بـ ايدي ..
ابتسامات العمر ..
ليه تكسرها على اطراف الشفا ..؟؟
شوف ..!!
بعثرني احتياجي بالنظر ..
شوف ..!!
وجهي امتلا منك بــ افا ..
ماتجي منك ..
ولكن يابشر ..
منت اول من طعني بالجفا
ابرا منك كل جروحي بالسهر
ولاافكر من ورى قلبك شفا
ول ياقلبك ..!!
مايجيب الا القهر ..
ول ياعمرك ..!!
ماعرف طعم الوفا ..
والا انا ..!!
مثل النهر ابقى نهر ..
من تحوسه ترجع تشوفه صفا ..!!
فيني والله احساس لامنه ظهر ..
يشعل ضلوعك اذا قلبك طفا ..

tqtq · 20-06-2008, 14:48

النسا روح المسا

والليل لو فكر يبات

كان ما فيه أغنيات

وكان ماله ذكريات

وكان ما فينا عظيم

ومال أمانينا حليف

وما بنا قلب وليف

ولا لنا قصد شريف

النسا نصف الحياة

الا النسا كل الحياة

آه يا أسرار الخوات

آه يا أحلام البنات

آه يا الطيش الطفولي

آه يالحسن الشفيف آه يالعشق العفيف

آه يالجنس اللطيف

علّمن حتى المرايا والشبابيك اللغات

والرسايل والدواة

صارت أعذب مفردات

كم بكن وانكف مبصر واضحكن وابصر كفيف

ورمشن واهتز سيف

وهمسن وامتد ريف

كم غدن لاخوانهن عزوة صناديدٍ عصاة

بين صفق المرهفات

وبين ضبح العاديات

طاحت أشناب وكراسي وانطلق دمع ونزيف

واعتلا الخف المنيف

والمقابر تستضيف

النسا ضلعٍ عوج لولاه كل العدل مات

مالهن عنا فوات

ومالنا عنهن غناة

تبرق الدنيا على يديهن ويغرينا القنيف

نطمع بتكريم ضيف

وناقف بيوم عصيف

النسا بحر على موجه منايا وأمنيات

والنسا مركب نجاة

نسأل الله الثبات

هن لباس وهن فراش وهن معاش وهن رغيف

إن فتك جوعٍ مخيف

وإن حدا الرجال حيف

النسا حتى شراب الجنه العذب الفرات

تحت ماطى الأمهات

يالهن من مكرمات

كل ما عود بنا الكد أقبل ابن آدم ضعيف

له ورا البيبان طيف

مثل نسناس المصيف

في بلادي يحسبون ان النسا متخلفات

في الضحى مستعمرات

وفي المسا مستوطنات

ما دروا عن هالبيارق شمخ العرض النظيف

فزعة الدين الحنيف

شجرة العز الكثيف

غادة وسجادة وكفين وحجاب وصلاة

من صبايا محصنات

من عروقٍ طيبات

أطهر من ألفين منظر كلها فتنة وزيف

في رجا الصبح الكسيف

واجرة الليل السخيف

كم مكانٍ يعرض أعراض آنسات وسيدات

والهوى له بايعات

والغلاف وله فتات

والحسن تشبير عنق وطولٍ وخصرٍ نحيف

وشي ما ينشاف شيف

لاجل الأول والوصيف

شهب تشابه رسوم الشاشة المتحركات

مال زمتهن طرات

و لا لهن ملح وحلاة

لا ربيع فيه خير ولا به الا بروق صيف

والشتا ما به رفيف

يحيي أوراق الخريف

لي مناحل لي خلايا كلها سكر نبات

لي حصونٍ ناعمات

لي غصون شامخات

لي قوارير ملاها العقل والدم الخفيف

خلفها العمر الكليف

ودونها الحد الرهيف

يا زمن وش جاب حلوى غلفوها بالعباة

جنب حلوى للمشاة وللغبار وللشتات

شف بدل ما هي لواحد صارت لجمعٍ لفيف

كيف أنا اخبرك كيف

شوفها فوق الرصيف

الوووله · 20-06-2008, 18:25

في عز ماكنت اهوجس فيك وافتح لـك
ابواب قلبي خذتني رجلي علـى بابـك
وجيتك وانا مااذكر اني كنت رايح لـك
بـس اذكـر انـي ذا لاطـول غيابـك
ياما ترددت مدري كيـف بشـرح لـك
اجيك ورجع ابيـك تقـول وش جابـك
ياابن الاوادم ترى مليـت المـح لـك
انااعزك..واحبـك ..واعشـق ترابـك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

::::: لعبة الأبيات الشعرية :::::