عالم الحياة الزوجية - منتدى

** عازف ** · 06-10-2005, 21:16

هلا بالشيفاااات

وشلونكم وش أخباركم عساكم منيحات يالشيفات...

أنا قايل لكم إني أنا أعرف أطبخ والبركه مهيب طبعا بدخلة المطبخ ....لاااا.....

البركه والله بروحات البر والكشتات اللي خلتنا نعرف نطبخ غصبن عن خشومنا عشان مانموت من الجوع

المهم أنا قلت في نفسي ياولد لازم تطور مواهبك ...إلى متى وأنت حدك ..رز ولحم ودجاج ..ومرقه .ومكرونه ومدري وشو..

ملينا ياولد من الشكشوكه والفول والبيض عيون

لازم تقتحم عالم الحلى والحلويات...عشان بعدين تشخص على أم العيال وماتقعد تساومني بالأكل

وبعد المساعده من أختي الله يخليها لي أبشركم أني عرفت حلى سهل وزين وطعمممممممم وهو أول حلى أعرف أسويه ولازم أنقل لكم خبرتي في عالم المطبخ

حلى الكورن فلكس...واللي تعرفه تسويه مرره ثانيه ولاتخرب علينا مطبخنا...

هذا ياطويلين العمر والسلامه تجيبون 6حبات جالكسي...واللي يبي يجيب مارس بكيفه ...كل واحد وخرمته ...بعدين تحطونها في حمام مائي...؟

أدري أن الشباب اللي زيي بيقعدون يتفلسفون ويقولون وشو الحمام المائي

>>>أنا جلست نص ساعه لين أقنعتني أختي بالحمام المائي...

الحمام المائي هذا تجيب قدرين ...واحد كبير وواحد صغير ...وتعبي القدر الكبير موووية وتحطه على النار...وبعدين تجيب القدر الصغير ذاك اللي مدري وش يسمونه وتحط فيه زبدة شووي وتحط فيييه الجالكسي...وتخليه يذوووب على روقااااان

بس ياويلك من أختك لو شافتك وأنت تاكل الجالكسي

بعدين إذا ذابت كل قطع الجالكسي مع الزبده بيصير عندك شوكلاته سائلة ماودك إلا تشربها ....بس لاتشربونها

تجيبون الجالكسي وتكبونه فووق الكورن فلكس....وفيه طريقتين ...يا أما أنكم تخلونها في الثلاجه لين تتجمد الشوكلاطه ..وبعدين تقطعونها حسب الرغبه...
أو أنكم من البداية تصبونها فوق الكورن فلكس وتكورونها بيديكم ((تصير كأنها كور))وبعدين تحطونها في الثلاجه لين تتجمد....

مدري إذا شرحي سهل والا صعب...لأني أتخيل وش كنت أسوي وأشرح

المهم

بالهناء والعافيه ...وإذا الموضوع قديم ياويلكم لو تحذفونه.

وإذا ما أعجبكم قولوا...شبعانين ياعازف ...>>>>عشان ماتجرحون أحاسيسي ومشاعيري العاطفيه

يالله سلام...ورانا مباراة الهلال..

الفصول الاربعة · 06-10-2005, 23:04

شبعانين عازف خخخخخخخخخخخخخخخخخخخ
امزح
خمسة و خميسة ععزوفة الصغير

HaVeN · 06-10-2005, 23:14

تسلم يدك شيف رمزي..آه قصدي شيف عازف!!

******حلم****** · 06-10-2005, 23:24

اقتباس:

هلا بالشيفاااات

مدري ليه حاسنى قلبى انها تهزيئه

بس يلا هلا فيك ......

اقتباس:

وبعد المساعده من أختي الله يخليها لي أبشركم أني عرفت حلى سهل وزين وطعمممممممم وهو أول حلى أعرف أسويه ولازم أنقل لكم خبرتي في عالم المطبخ

الله يهديها بس .....

ورطتنا .......اووووة قصدى هذا من حسن حظنا

اقتباس:

هذا ياطويلين العمر والسلامه تجيبون 6حبات جالكسي...واللي يبي يجيب مارس بكيفه ...كل واحد وخرمته ...بعدين تحطونها في حمام مائي...؟

أدري أن الشباب اللي زيي بيقعدون يتفلسفون ويقولون وشو الحمام المائي >>>أنا جلست نص ساعه لين أقنعتني أختي بالحمام المائي

...

اقتباس:

وإذا ما أعجبكم قولوا...شبعانين ياعازف >عشان ماتجرحون أحاسيسي ومشاعيري العاطفيه

شبعانين يا عازف

منور القسم ......يا شيف

نـدى · 07-10-2005, 00:02

هلا بالشيفاااات >>>>>مدري ليه حاسنى قلبى انها تهزيئه---------> حلم حبيبتي قلبك دليلك حتى انا ماهضمت هالجملة

واللي اكد كلامي....الابتسامة الصفرا اللي رازها.....

انتبهتي لها..

عموما.... شبعــــــــــــــانيــــــــن ياعازف

خيرها في غيرها

هههههههههههههههه

تحياتي للجميع*** نـــــــــــدى... اميرة الذووووووق***

قــ القلوب ــوت · 07-10-2005, 00:27

هلا بالشيف عازف

هههههههههههههههههههههههههههههههههههههههه

هذا أخر ما توصل له الشباب يبون يتعلمون الحلا
واحنا نبي نتعلم السواقه ههههههههههههههههههههههههه

بس حلووووووووة منك عزوف بيه يؤيؤيؤيؤ أقصد شيف
وعقبال الباقين
وعن الشبع خلني أجربه وبعدين أحكم إذا شبعانه وإلا جيعانه
ههههههههههههههههههههههههههههههههههه

دمت بخير
أختك : قــــ القلوب ــــــــوت

******حلم****** · 07-10-2005, 01:13

اقتباس:

حلم حبيبتي قلبك دليلك حتى انا ماهضمت هالجملة واللي اكد كلامي....الابتسامة الصفرا اللي رازها..... انتبهتي لها..

ولوووووووووو........
اعجبك يا ندى ...............اصلا انا اقرا اللى بين السطور ......والله اعلم ان اللى ببالى وبالك هو اللى بباله

بس خلينا نفترض حسن النيه

نـدى · 07-10-2005, 01:31

بس خلينا نفترض حسن النيه .....
اوكي حلم...

.... تسلم ايدينك عازف...وحيااااااااك في ركن المطبخ....( انا نيابة عن حلم).........
..كل مرة تعال ومعك طبخة ..وبكيفك تكون حلى تكون فطاير...... المهم ماتحرمنا من طلتك البهية ..... شيف عازف.....وهذي المرة شبعانين المرة الجاية... نكون جوعانين ههههههههه ....هذي المرة بمساعدة اختك المرة الجاية (ان شاء الله ) بمساعدة المدام......... المهم انك تشرفنا...

قـــ القلوب ـــوت......
هذا أخر ما توصل له الشباب يبون يتعلمون الحلا
واحنا نبي نتعلم السواقه ههههههههههههههههههههههههه------> هههههههه هههههههه

***نــــــــدووووووش***

صـمـت الـوجـود · 07-10-2005, 02:53

أما الشيفات الله يسامحك** ياعازف**
أجل حنا شيفات!!
عورني قلبي يوم قريتها...بغت تجيني صدمه<<<بسم الله عليي
ندى وحلم ترجموها لي إذا موهي اللي بباله أجل وش بيصير؟؟

يالله ماعليه نفترض حسن الظن
يكفي أنه متعب عمره وجايب حلى مجربه وعامله بيدينه...يامال العافيه...
بس عسى أهلك ذاقوه؟؟

شحروره · 07-10-2005, 03:35

شكرا اخوي ما اشتهي

بس زين يطلع من الرجاجيل شي

** عازف ** · 07-10-2005, 13:40

صدق أنكم شيفات يال شيفاااات
واللي على راسه بطحه يحسس عليها

ألحين إذا قلت لك ياشييفه يعني أنك شييييييفة طبخ...ياشيييييييييييييييييييييييفه

الفصووول الأربعه....
مشكوووورة ياالفصووول الكبييييره

ستارت
قالت شيف رمزي قالت..
أصلا أنا اللي كنت أغششه يوم كنا ندرس طبخ في كراتشي اللي جمب فرنسا

>>>>اللهم إني صائم

الشيفه حلممم
ولوووو من يقول أنها تهزيئة

الله انتي خصوصا المفروض ماتقولين شي وتدافعين عني لأنك أنتي كبيرة الشيف هنا

يسلمووو

** عازف ** · 07-10-2005, 13:54

أميرة المنتدى...
ندى
شبعانه

طيب مهيب مشكله أبسوي الحين طبق ثاني من حلى الكورن الفلكس وبأرسله لكم على الفطووور وأنتي جوعااانه عشان مايصير لك حجه

قووووووت القلوووب

وش نسوي
أنتم صرتوا ماتعرفون تطبخون ..

لازم نتعلم نطبخ لأننا ملينا من أكل المطاعم..

صمت الوجوود
...
خلي عندك حسن نيييية

يعافيك ربي ياصمت

شحرووووره
ماتشتهييين
خلاص إذا أشتهيتي علميني..عشان أرسل لك

تحياتي للجميع

الدبلوماسي · 07-10-2005, 14:43

هلا بالشيفاااات ،،،،،، ليه ما سويت حرف ( ن ) بدل ( ف ) ههههههههههه عشان تكون واضحه اكثر
عويزف حبيبي
انت وش دخلك في ها المستنقع اللي اسمه ( طبخ ،، ونفخ ،، وحمام مادري وشو ) ؟؟؟
خلك في البر والقنص وشبة النار ، واترك الطبخ والنفخ لاهله
ما نكب الرجال ونكد عليهم الا ها الاوادم اللي مالقو شغله ، ودخلو على الحريم في الخط وسوو انفسهم ( شيف رمزي ، شيف عازف )
والله ان طبخ امهاتنا ونسواننا ، اروع من كل شيفات العالم هههههههه

وكل عام وانتم بخير
ونسيت اهنيك حبيبي عازف على الازرق ، منور فيه حبيبي ، وبالتوفيق الدائم يالغالي .
والف مبروك فوزكم على الاهلى ههههههههههههههههه

** عازف ** · 07-10-2005, 14:54

ياناس ياعسل..الدبلوماسي وصل....

يابن الحلال أنت ماتدري وش السالفه ...أنا داخل بس كذا أبسوي فيها تراني أعرف أطبخ ....لأن البنات إذا طبخت الوحده شي تقعد تحس أنها مخترعه قنبلة نوويه

وهي راس مالها كم بيضه على كم كاس دقيقه تخلطها مع بعض وتصير كيكه

اقتباس:

هلا بالشيفاااات ،،،،،، ليه ما سويت حرف ( ن ) بدل ( ف ) ههههههههههه

ياويلك منهم ...ترى نفوسهم خايسه قبل الفطووور

اقتباس:

والله ان طبخ امهاتنا ونسواننا ، اروع من كل شيفات العالم هههههههه

والله أنك في هذي صدقت....للأمانه والحق ينقال...طبخكم غير يالشيفات

وبعدين لاتسوي فيها أنك عاقل وماتدخل المطبخ ...وإلا نسينا سوالف الكنافه

>>>على الأقل أنا ما أحوس إلا نص المطبخ ...وغيرنا يحوووسه كله

والله يبارك فيك على الأزرق...وعلى فوز الأزرق

قــ القلوب ــوت · 07-10-2005, 15:07

صدق أنكم شيفات يال شيفاااات
واللي على راسه بطحه يحسس عليها
ألحين إذا قلت لك ياشييفه يعني أنك شييييييفة طبخ...ياشيييييييييييييييييييييييفه

كأني اشم ريحة تهزيئة وإلا أنا غلطانة يا بنات

هلا بالشيفاااات ،،،،،، ليه ما سويت حرف ( ن ) بدل ( ف ) ههههههههههه عشان تكون واضحه اكثر
عويزف حبيبي

أفااااااااااااااااا يالدبلوماسي شينات مرة وحدة على كل الكرف اللي برمضان بالذات وشينات
الله يسامحك " اللهم إني صائمة "

على العموم إذا طبخ الأمهات زين فترى ما علمنا الطبخ إلا هم والله يخليهم لنا وعلى قول المثل ( الحب يطلع على بذرة )

دمتم بخير
قـــ القلوب ــــوت

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الشيييف عازف يحييكم....