عالم الحياة الزوجية - منتدى

مرجوووجة · 07-10-2005, 23:04

^
^
^
^
^
^
^
^
^
^
شوفوا اليوم طقن التوجد وحسيت اني ودي اكتب شئ بهالقسم <<< التوجد بالقصيمي= الوجدان العاطفي
وقلت جربي يامرجوووجة وش يضر يمكن اصير مبدعة <<< ايه كثري منه قالت مبدعة قالت

الموهم اني مسكت لي قلم رصاص ورحت بريتوه وجبت ورقة وقعدت ابكتب
واحاول اشبك خط مع الخيال بس
طوط طوط طوط كلش يطلع مشغووووووول

ويوم صرت امسك الخط يرد علي همن لادرى انه انا صكه بوجهي ...
شكلي ماجزت له

ونشبت بحلقوه الا والا وغصب بخش جو خياااالي مثل غيري

بي توجد ياكافي بركان ابطلع اللي بقلبي
يوم مسكت الخط رد علي الخيال وقال ظفي وجهتس تراتس ابلشتينا
خلي الخيال لاهلوه انتزلعي وصكه بوجهي

عاد أنا استحيت على وجهي الله يسلمكم ولقطت خشتي اللي تنثرت من الفشيلة

اومير اقعد اخربط من عندي بدون خيال
وكتبت هالخربوطة
وانا انظر لنملة ترقى على رجلي همن اهزه وتطيح
همن ترقى واهزه وتطيح وعلى هالحال <<< المسيكينة طاحت بي وغثيته هع هع هع

وقلت :
يانملتن فوق رجلي رقيتي / لاتتعبين النفس بالرقية والتحويلة
اقعدي برضتس وخليتس مثل مانتي / محدن على كيفه يحقق حلومه << والله ياهي ماله دخل (ايه يجيبي الله مطر )
يانملة خلين اشكيلتس الحال لاهنتي ... حتى الخيال مهوب راضي بي شسويله
وراتس تناظرين وبأخلاقتس شنتي ... كأن هرجي مهوب عاجبتس تسمعينه

<<<< ياعيني ياجماعة الخير والله اني منب سهلة غطيت على شنترة بن عداد وطقته

شوفوا عاد لاتقعدون تطنزون هذا اللي طلع معي وش أسوي بعد
بالحسر والغرابيل طلعت هالحتاحيت <<< ياشين اللي بتسوي نفسه رومانسية غصب

بس بوه مشكلة واجهتن بعد ماكتبت اللي هي
وش أحسن مجلة ولا جريدة انشره به ؟؟ <<< طموحه عالي هي وخشته مجمعتن هرج وتقول طلعت ابيات

وشو وشو وشو من اللي يقول طموحه عالي هاااااااااااه
يجي يتمثل او مدري ينمثل او هي امتثال قدامي

ايه بلاكم ماتدرون بكرى اذا اشتهرت
تجون تلاحقونن وتجررون عباتي مثل البزارين لانشبوا بأمهاتهم
نبي توقيع تكفيييين
ونبي شعرة من شوشتس
ونبي منديلتس يوم انتي مزكمة <<< الله يحوم تسبدتس من بنية
ونبي كنادرتس يوم انتي توتس داخلتن المطرسة
ونبي العظامة اللي عرمشتيهن بعشاتس حق عيد الفطر اللي راح
ونبي ونبي ونبي .... <<< لا لا هونا اجل الدعوا به شهرة

ايه امدحون عشان لااشتهرت وسألون من اللي شجعتس وكان سبب شهرتس ؟
اعطيهم لستة بأساميكم هع هع هع

طرااااااااااااااااخ <<< رجفته ستارت تقول وش انا قايلة لاتنفشين ريشتس عالفاضي

هيه انتي ستارت لاتدفين تراي ابصير شاعرة أنافس الخنساء (صدقت روحه هالمملوحة)
تحسبينن للحين على خبرتس ايام التبليط بذاك المنتدى حق حياة المعرسين واللي مااعرسوا
اللي ماله داعي <<< بدى التنكر تبيله بقس يبيطبط ضروسه ناكرة المعروف ذي

شكلي عقب هالموضوع بجني على نفسي وبيكرفسن فتافيتوا الشرقية وبيقول
اللي هذا أوله ينعاف تاليه ياحسافة الفستان الاصفر عليتس

....

هيا بمان الله ...

HaVeN · 07-10-2005, 23:11

مرجووجة والله لا طرااخ ولا غيره...عجبني كلامك كالعادة...والحمدلله كنت أول الحضور

ماني متفلسفة في الشعر...صراحة أخاف من البارون !!! بس كلامك تلقائي ويدخل القلب

ماعليك في أي أحد ينتقدك...اسمعي كلامهم وخوذي الزين منه والباقي ارميه البحر <----يا ويلي

ابو وضاح · 07-10-2005, 23:16

مرجوجه اولا شهر مبارك
هههههههههههههه وبعدين والله العظيم يوم شفت العنوان قلت البنت بتعرس ياحضها لكن 00000 ههههههههههههه
مثل المره الاوله سويتيها وطلعت رجوع صديقتك من الرياض ههههههههههههه

حسبي الله على شيطانك وليه ماتصيري تكتبين بس عاد شيلي حرف السين الي مايروح عنك ابدا ههههههههههههههههههه

هيا بمان الله

يوم آخر · 07-10-2005, 23:25

اقتباس:

يانملتن فوق رجلي رقيتي / لاتتعبين النفس بالرقية والتحويلة
اقعدي برضتس وخليتس مثل مانتي / محدن على كيفه يحقق حلومه
يانملة خلين اشكيلتس الحال لاهنتي ... حتى الخيال مهوب راضي بي شسويله
وراتس تناظرين وبأخلاقتس شنتي ... كأن هرجي مهوب عاجبتس تسمعينه

ياسلاااااااااااااااااااااااااااااااااااااااااام ياسلام خلاص ماعاد أقدر أكمل <<< تكملين أيش
مرجووجة النملة هذة تستحق جائزة نوبل لأنها خلت قريحتك تشتغل ههههههههههههه
مرجوجة أنا بخرج قبل يجي البارون وماأقولك إلا الله يساعدك ويساعده هههههههههههههه

مساء العنيد · 07-10-2005, 23:29

عندي مجلة بعنوان (( هشك فشك ))
انصحك بالكتابة الي عنوان المجلة حتى تنشر ما كتبتيه لانه غريب عجيب ولم اقرأ في حياتي واعتقد اننى لن اقرا في المستقبل مثلها ..

عنوان المجلة www.hishik.com هههههههههههههههههههههه

اسامه

شحروره · 07-10-2005, 23:47

ياحليتس اختي مريجيجه اهنيتس بدايه موفقه وإلى الامام

صـمـت الـوجـود · 08-10-2005, 02:22

يؤيؤيؤيؤ صرتي شاعره يامرجوووجه والله أثرتس منتب هينه
بس عاد بنمله ؟؟
وش دعوى ماأحد مالي عينتس..!!
أما سالفة قلم الرصاص لاأبشرتس هذاي بدايتن طيبه أن شاءالله <<ماأحب أكتب إلابقلم رصاص مبري لا وبعد موأي قلم ذاك اللي مخطط أصفر وأسود عرفتيه حق المحاضرات
وإذا أشتهرتي بصير سكرتيرتس عشان أنضم لتس المواعيد مع المعجبين<<وش رأيتس أنفع؟؟

أختك وجـــــــود

الدبلوماسي · 08-10-2005, 02:43

ياربي لك الحمد والشكر على قضاءه وقدره
شوفو وش صارت ها البنت :-
1- رومانسيه
2- شاعره
3- تبي تنشر في الصحف والمجلات وال cnn
4- مشهوره ونقعد ندور شوشتها .

بجد اجسام ....... واحلام العصافير ههههههههههههههههههههههه
وينك ياعازف تجي وتشوف بنت ديرتك ، وش جرى لها
الظاهر ان الصوم أثر على المخ عندها .
الحقها ودور لها علاج
والا اقول ، ودوها عند الشيخ اللي بدل ما ينزل الجني ، جلس يلعن في امه ويسبه هههههههههههههههه

مرجووجه ، الله يسعدك ياقمر ، والله انك ملح المنتدى وزهرته
وكل عام وانتي بخير

بنت الرجال · 08-10-2005, 03:02

ههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه

اموت نا على الشعر

اروجوتس توقيع....... ممكن اخذ معتس صوره بوري صديقاتي اني اعرف الخنساء قصدي مرجوجه

ياحبييلتس يامرجوجه انتي ونملتس اجل خلتس رومنسيه خخخخخخخخخخخخخخخخخخخ

يالله ننتظر المزيد من الابداع نبي قصيده المره الثانيه بقعس= النمله الكبيره خخخخخخخخخخخ

احلى تحيه لتس يالحلوه

دمتي بخير

*وليف الروح* · 08-10-2005, 03:21

^

^

الله يرجتس يامرجووجه

ايه هذى اللي بتشجعن <<< طلعت القصيميه

على الصرقعه وربي

خليتس تسذا لاتغيرين

الفصول الاربعة · 08-10-2005, 03:25

مرجوجة ممكن توقعين لي
مرسي حبيبتي عالتواضع
شوفي لا يهمك منهم هادول عوازيل
والله ما في احسن من النمل هالمخلوق وحده يستاهل ينكتب فيه شعر

عروس البر · 08-10-2005, 09:33

مررجوجه
الي الامام ياصغيرونه
تعرفي انا ظنيت انك انخطبتي
المهم نصيحه حبيبتي اذا بدك تصيري رومانسية اكتبى لقلبك اوالي صديقتك
او اكتبي شعر فيني والي يطلع منك راضيه لاتكتبي لنمله!!!!!!!!!!!!

وحطي صورة قلب وورد ودب

اوكية انتظر

حبيب القلوب · 08-10-2005, 10:53

ههههههههههههه تسلم اختي شاعرة المنتدى

خوش ابيات

ياليت نشوف بعد ونشوف لج دواوين ههههههههه

الف شكر لج

سلطانكو · 08-10-2005, 13:13

مرجوجه .......

Aseal · 08-10-2005, 15:29

والله داخله ببارك عبالي تزوجتي

الخاطره حلوه للي يتمعن فيها ,, مدري انا اللي صايره حساسة هاليومين

والله عن جد حلو بس حاطته بسلوب فكاهي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

خبر بمليون ريال ..أبشركم نويت أصير رومانسية طربق طع